#لعبة_القدر 💚(روايات ليبية) بقلم الكاتبةBent_benghazi#

الحلقة4

الحلقة الرابعة

وروحنا للحوش وخشينا ونسمع ف صوت مار عليا ونحبه مووت سلحت بوتي وخشيت للصالة ونلقا اجديدة

نا:: تيته حيااتي اي متى اجيتي
اجديدة:: نونا ياروح التيته ليش تأخرتي الي ساعه عم اسأل عنك
نا:: لو كنت بعرف انك رح تجي ماكنت رحت من اساسو اي متي جيتي
اجديدة :: من شي ساعتين
امجد:: اووو اجديدة عندنا ونا نقول الحوش منور
اجديدة:: اجديدة بعينك ولا
امجد:: باهي تيته تمام هكي
اجديدة:: اي منيح مابو شي
اريج:: كيفك تيته
اجديدة:: منيحة نشكر الله
ماما:: خلاص يلا صبو غيروا دبشهم نبي انحط الغدااء وخلو امي اتريح من اول ماجت وشهد وسراج معسلين عليها
نا:: شنو الغدااء ياماما
ماما:: رز بالشعيريه وكباب هندي
نا:: نمشي نغير ونصلي ونجي

وركبت فوق دوشت ع السريع وصليت ولبست ايفارول اسود وجاكة رمادية. ولفيت شعري فوق ونزلت

ماما:: هيا يانونا الغدااء
نا:: هيا هيا جيت
وخشيت لغرفة الاكل ولقيتهم كلهم مقمعزين
نا:: السلام عليكم
بابا:: وعليكم السلام قالو انتي الي سقتي اليوم
نا:: بحتت ف امجد
امجد:: هز راسه
نا:: اهاا انا بس مكانش في زحمة
بابا:: باهي كويس وشن صار معاكم كملتوا الاوراق
نا:: اها شبه كملنا مازال كم ورقة ونقدموا ع التأشيرة
عماد:: نسمة هاكي ومدلي ظرف
نا:: شنو هضا
عماد:: افتحيه وشوفيه
نا:: خذيته وفتحته ولقيت فيه الرخصة عيطت حييييي الرخصة
عماد:: اهااا شن رايك ليا اسبوع نجريلك عليها
نا:: صبيت واضبطت عماد نجك ليا ربي مايحرمني منك
عماد:: ههههه خنقتيني ياهبلة كم عليوه عندي
كلهم :: ههههههه
اجديده:: الله يخليكن لبعض ولادك جواهر ياليلي
ماما:: تربايتك
شهد:: بابا نبي لاب توب
بابا:: حاظر
ماما:: لا شنو حاظر بعد تنجحي كويس من تالته تو تاخذي لاب توب
بابا:: خلاص اسمعي كلام امك
و سكتنا وقعدنا ناكلوا.

ميرا:: ماما بكرا بتجي. ام صهيب عشان تحدد موعد العرس
بابا :: كيف صار مش صهيب مسافر
ميرا:: اهااا الاسبوع الجاي حيسافر والعرس بعد يروح
ماما:: خليها تفضل

عماد:: ياباتي اليوم جاني عمر وقال ان ف غلط ف فواتير المعرض
بابا:: اين معرض
عماد:: معرض السيارات
بابا:: لا مفيش غلط اول امس مراجعهن
عماد:: لا قالي في غلط ف سياره مبيوعة وبدون فاتورة
امجد:: قصدك ع الاودي
عماد:: تهيالي اهاا
امجد:: لا هذي خذاها طارق صاحبي وكتبلي شيك
بابا:: اهااا عندي العلم خلاص تو نمر عليه بعدين
وكملنا غدانا وخش كل واحد ف داره الي يقرا والي راقد ويحكي بالفون والي يفكر

وخشيت لداري وعزقت روحي ع السرير وقعدت نفكر في محمد حسيته انسان صادق في دوته وواثق من نفسه وحكا لبابا قبل مايحكيلي حسيته يحبني جديات بس انا منصلحش بيه انا خايفه نجرحه خايفه يحبني ونسيبه ف نص الطريق خايفه من حاجات واجد خايفه نوافق ونندم وفي نص تفكيري يدق باب الدار
نا:: نعم
ماما:: افتحي يانونا نبي نحكي معاكي ف موضوع
نا:: خشي ياماما مفتوح الباب
ماما:: خشت وسكرت الباب وجت قمعزت معايا ع السرير
نا:: شن في
ماما:: ف موضوع نبي نحكي معاكي فيه ونبيكي تفكري كويس قبل ماتردي
نا:: (عرفت ماما علي شن تحكي لاكن درت روحي مش عارفه) موضوع شنو
ماما:: محمد ولد عمك علي
نا:: كنه
ماما:: من.كم يوم جا لباتك وخطبك منه
نا:: شنو خطب من
ماما:: خطبك انتي
نا:: شن قاله بابا
ماما:: قاله نشاور البنت
نا:: ماما لو سمحتي سكري ع الموضوع انا بعد.كم شهر مسافرة بنقرا وحنقعد اقل حاجة اربع سنين بعدين محمد اكبر مني ب 8 سنين وانا توا مش مستعدة لاي موضوع مازال عمري 18 سنة نبي نعيش حياتي لاحقه ع الهم
ماما:: ميبيش العرس توا بعد تكملي العرس بس المقصد من ان يبي خطوة رسمية عشان متضيعيش من يده وبعدين لو ماتفقتوش تقدروا تسيبوا عاطي روحك فرصة انتي
نا:: ماما لو سمحتي خلاص منبيش نجوز انا
ماما:: انتي فكري وانا حنقول لباتك تبي تفكر
نا:: اوف