#لعبة_القدر 💚(روايات ليبية) بقلم الكاتبةBent_benghazi#

الحلقة48

الحلقة الثامنة والأربعون

وقعدنا ناكلوا ونضحكو بعدها سمعنا الجرس يرن بالقوة والباب يخبط صبا قيس يجري وصبيت وراه وفتح الباب ونلقوه امجد وكان واضح ان راقيله ومعصب ويمسك قيس من قميصه ويضربه بوني ونا قلبي طاح وحسيت حياتي خلاص انتهت لان امجد وقت يعصب معش يشوف قدامه

قيس:: رفع راسه وكان خشمه دم قعذ يمسح فيه
امجد:: ماسكه من قميصه ويهز فيه راجل انت تحساب روحك راجل
نا:: مشيت نجري نسكر ف الباب خفت الجيران يسمعو الهرجة
قيس:: امجد اهدا وفهمني شن صاير
امجد:: نفهمك شن صاااير دروحك مش عارف شن صاير جوزناك البنت عشان بكل بساطة تمشي وتسيبها وامتا ماتبي ترد
قيس::  يحكي بهدوء لان عارف روحه غلطان ومايبيش يكبر المشكلة صارت مشكلة بسيطة بيني وبينها ونحلت
نا:: انتفرج ونبكي وخايفه ومش قادرة نقرب لان عارفه امجد كان عصب احتمال يقتلني حتي نا
امجد::  ( دف قيس بالقوه ع الساس لعند خبط وقعد ماسك كتفه ) بسيييطة تسيبها اسبوعين وبدون سبب وتقولي بسيطة تسيبها بين الحياة والموت ولا تاكل ولا تشرب وكانت حتريح فيها وتقولي بسيطة اذا كان الي صار بسيط عندك مالا الكبير شنو انها تموت
قيس:: بعيد السو عليها
امجد:: كان هيا هبلة وسكتت وسامحاتك انا مش حنخلي الشي هضا يسير وراها هل وياخذو حقها
قيس:: صلي علي رسول الله
امجد:: عليه الصلاة والسلام
قيس::  مسكه من يده قمعز نحكيلك باهي
امجد:: دفه لعند قريب طاح ماتحكيلي شي وبحت فياا وفنص وانتي امشي لمي دبشك معش حتقعدي اكثر من هكي ف الحوش هضا
نا:: قعدت نبكي ومصدومة  ونبحت ف قيس ونبيه يحكي حاجة
قيس::  قعد يهزب لا عااااد لعند هنا وبس نسمة ماهيش طالعه من الحوش هضا الا بعد نموت هضا حوشها ومكانها ومهيش طالعه منه
امجد:: لا حتطلع وبعد اتعلم اتحافظ ع الامانه وتصونها تو تردها وبحت فيا ورفع صوته يلااااااااا انتي فيش تستني
نا:: نبكي امجد مانبيش نمشي
قيس:: اهي قالت ماتبيش تمشي وبلا تكبير المواضيع
امجد:: تي انت عارف. لو صارتلها حاجة كنت انا قاتلك توااا عاااارف ولالا
قيس:: نسمة كويسه ومافيها شي ومشكلة بسيطة وحليناها
امجد:: تي من وين جااايب بروووود الدم الي عندك من ويييين فهمني
قيس:: ............
امجد:: ماااااااشي تماااام بككل ياقيس وانتي كان ماحكيت لباتي ع الي صار وتروحي معايا وغصبن عنك مانقعدش انا امجد بنتنا مش زايده علينا ومش لاقيينها ف الشارع وخبط يده ع الطاولة لعند الفازا طاحت وانكسرت
نا:: بس
قيس:: نسمة خلاص اسكتي
امجد:: يكون في معلومك طول ماانتي معاه مش حتشوفي خير  و طلع وطبق الباب بالقوه
قيس:: قعد يمسح ف الدم
نا:: جيت شوره ومسكت كلينكس بنمسحله برم راسه ودفني
نا:: تفاجأت كنك
قيس:: نعرف نمسح بروحي وحرك يده وحس بألم ف كتفه من فوق مسك كتفه وسيبني وخش لدار 

ونا مزلت مش فاهمة شن الي صار العركة الي صارت وكلام امجد وقيس ليش بعدني من عليه ومشيت خشيت عليه ف الدار لقيته محول التيشيرت امتاعه ويبحت ف كتفه ف المرايا وكان احمررر. بككككل جيت نجري شوره وخايفه عليه ومفجوعة  وقربت منه نبي نلسمها وخر ومشا قمعز ع السرير