السلام عليكم
.......
.(عشك خنفر وسكنه)
_______________
عشكهه وعشكته بالسمع مو بالشوف
.ناس أهل المضايف تعرف المعروف
خنفر مات أبوه وشاب بالعشرين
.شيخ أعلى عمامه وذهب عنده سيوف
وسكنه المات أبوها وخلف الهه الخير
.من كاع وحلال وحسن ما موصوف
والمشخاب كل منهم عليها أعيون
.وناهي أبن عمهه وبس عليها يطوف
بس تسمع بنات الديره والحلوات
.هواهن شيخ خنفر عشكته بلا شوف
وخنفر عل نهر مبني مضيفه الخير
.ولن سكنه بكعد والروج منه الخوف
وهي بالكعد جانت تنشد البلام
و .هذا الشيخ خنفر كالهه معروف
وعلى ربعة مضيفه جابهه الجروان
.واعليه سلمت رد السلام وكوف
نشد راعي البلم أي كله سكنه هاي
.وخالتها بكفاكم لخالتهه شوف
كله يبلام الطيب أخذ مرسال
.أنطيه لعد سكنه الجرح عوزه الروف
وسلمها الرساله برجعته البلام
. لن بيهه بحر من روج ماله جروف
. الكلب هاويج أسكت به وسكنه
.واسمج بيه صبح مهجع وسكنه
حجي الوادم حسن يوسف وسكنه
. شفتهه اليوم ماضل عكل بيه
ردتله الرساله ويشكر البلام
.وخبر سكنه برساله تسولف المكشوف
. يفرنه الشوك وأحنه وياه وخنفر
.وجثيره الوادم الفرت وخنفر
أذا يوسف طغه حسنه وخنفر
. لكيت البيك يوسف والثريه
وكبر شوك العشك وتعدى حت مجنون
.وصفه خنفر فلا تطبكله كل جفون
وسكنه عدها راعي سوته مرسال
.يوصل شوكهه الخنفر وهو الممنون
وتدري الديره ريف وناهي عثرة شوك
. وسالوفه المضيف وناس كلها عيون
سكنه تكله خنفر بالنجوم الكاك
.وهو يكلهه يسكنه الشمس منج لون
تكله انت النفس والهوى دونه الموت
.يكلهه الماي انتي وعطشه اليموتون
ويوم بوكت مغرب ناهي كض مرسال
.بيد الراعي اجه من خنفر المجنون
لكاه شوك وعشك مابين المحبين
.بوكتهه اكرم الراعي وكله اريدك عون
تسحك كاع خنفر بالدواب تفوت
.والك مني هديه وعل جثير تمون
وفعلن سحك كاعه وموت الزرعات
.وخنفر بالطبر سوه الحلال أفنون
وسكنه شافت الدم بيهه شبت نار
.كلها الراعي خنفر سوه بيهن كون
وكتله السكنه ذني وسب أبوج النوب
.سكنه تخبلت والكلب شب جانون
هسه انتهى حبنه وخنفر الجتال
.وكتاب الشوك بالرازونه ضل مركون
اوودت على ناهي تكله عرسي اليوم
.ونكطع مهر هسه والعرب يدرون
وفعلن عرسوا ويطكن الجيلات
.وسمع خنفر عرسهم طاح جن مطعون
هج وسط البراري وراح ذاك الشيخ
.وصفه من عرس سكنه مخبل ومجنون
شعر راسه ولحيته وحافي الجدمين
.ويردد بشعره أشلون هاي أشلون
وبعد العام سكنه صبح عدها وليد
.خنفر سمته بيه العشك مرهون
ونذرت للأمام السنه من تندار
.توديله ذبيحه وراحوا أيوفون
وصدفه اهل خنفر للزياره أخذوه
.وسكنه وخنفر اعلى الباب يتلاكون
صاحت خنفر وخنفر يشوف الزيج
.ثديهه بحلك أبنهه وكال شتكولون
.يحلو الطول يمدلل يراوي
.دلع زيجه ولعد غيري يراوي
.سكنه خلت بروحي يراوي
ينبحن والجنون أصبحت بيه
وردت تبجي والراعي أعترف بالفات
.وكلها ناهي كلي اسحك على الزرعات
وخنفر لاهو يدري وانتي ماتدرين
.وجان الذيب ناهي وانتي صرتي الشاة
كالتله يناهي هذا حدي وياك
.أخذ كلشي التريده والطلاك ايبات
ومنهى تطلكوا والهه البجي سلوان
.وخنفر بده يودع والعمر لحظات
وصيه الهله خنفر والرساله وياه
. لعد سكنه أيتسلم اذا خنفر مات
وفعلن مات خنفر وجو بالمرسال
.واستلمته سكنه وبالبجي لوعات
سكنه تسودنت من جابوا الجثمان
.لهجتهه صفت لا صدك خنفر مات
كل الناس تبجي بس وكيح العين
.ناهي ابن عمها الوحده شمات
وانكللت الوادم وي سكنه تصيح
.من خنفر رساله وكملوا الابيات
ما كدرت الوادم صح تكمل البيت
.وسكنه اللي تكمل البيت بالدمعات
تولم تولم تولم
تولم .خزن جرح دلالي تولم
تولم وعشكنه من بعد فركه تولم
تولم .الجان تريد ويانه تولم
خاف تكول ما مروش بيه
وكالت للخلك خطار خنفر هان
.واله خطره بمضيفي وسوه الليله انبات
وخذ هاي الرساله شيخنا المبخوت
.وباجر من تجي تقره الجلم آهات
وخلي اهل الادب بيهم كمال البيت
.ولهل الشوك نصبح أحنه المرايات
وثاني يوم من طب المضيف الشيخ
.لكه سكنه وي خنفر والثنين أموات
كلهم سكنه ماتت وأخذوا هل مكتوب
.وكالت كملو بيتي وذن ثلث جلمات
ولمنه ولمنه ولمنه
ولمنه . الوكت خنفر الطشرنه ولمنه
ولمنه .وتوه شفه يحبيب ولمنه
ولمنه . لمطلبكم تحضرنه ولمنه
.ويحته أتصير دفنتنه سويه
وكبر واحد جمعهم غير كل الناس
.ولهل الشوك صاروا مثل وحجايات
قصة حب تراث الهور بالمشخاب
.عشك خنفر وسكنه وطش بالولايات