السلام عليكم.. رمضان كريم غوالي
.........
رد يافرح ماريد .... جيتك شماته
ثوب الحزن وياي .... شوفه شحلاته
..........
مجوي الكلب يفلان ... صدكني عطاب
مخنوكه روحي بضيج ... حته الشعر شاب
........
الوكت ليش وياي ... طكاته كلفات هم شامت وهم عوز ... وتكـلي هينات
........
جويته بس ما فاد ... كلبي ورجع حن
متعود على الضيم ... كل وكته يطحن
.........
يالمعتني اعله الروح ... تجرحها وك ليش ..
جرح اليصيب الروح ... يتضمد ابيـش
........
الدهر صار استاذ ... ودروسه درسين
بدرس الحزن اعفاء ... وبالفرح صفرين
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
..........
خلهم اشما يحچون ... شماتي واعداي
حايط قوي وما طيح ... متوسط الماي✋
.......
جان يغلط واعتذرله ⁉️
#ودوم اكله انه عايل
#من جفاني واقره بيهن
#حيل غثتني الرسايل💔
..........
مشتاگلك مشتاگلك يلمدري بيمن مشغول
ويل مدري هوة العلمك على النسيان
جا وينه ذاكة الما يغمض بلياك
صبح وعصر وشو هسة شوكگ نعسان
بگد شوگي الك تتصنع وياي اعذار
واني شردت منك يبعد الشريان واني شردت منك يبعد الشريان
غير الالوو شخبارك شعندي وياك
قابل شخسرك هية كلمات السان
هوة هوة اليحبك لو جمر يقبل بيك
الخاطر تشبكة يگلك أشكد بردان…؟
لو كونن اصيرن مثلك أشگد ارتاح
لا أذلن دمعتي ولا أضلن سهران
بس هية شمرت طيبة واني مليت
أبچي على واحد. يضحك وياهوو الچان
مدري البخت ما يرضة يگعد وياك
مدري اليحب من صدك حصتة الهجران
أذكر قبل تبچيلي حتى اقبل بيك
وهسه اني لبچيلك وشوفك فرحان
يا كبرياء الماسحبتة بلياك
هية الكرامة احساس بس انتة أنسان
معقولة متقدر بشر ميت بيك
بس هوة قاسي يصير گلب الدفان
رغم الالم ارجع وكلك مشتاگ والله ليعوض لمثلي لو رد خسران
رغم الالم ارجع وكلك مشتاگ والله ليعوض لمثلي لو رد خسران...
.......
ودعناكم.......
