شعر.. شعبي.. درمي. بذيه.. قصاد.. زهبري.. فقشات

... شعر غزل..

راح أكتب شعر خل تزعل النسوان
ماعوفن غرامج يل الثلاثينيه
حاير بيش اوصفج والله محتار
حبي اعليج قافل مية بل مية
شعرج مو شعر فوك الضهر شلال
وعيونج كحيلة وكلها حنية
طولج غصن بأن يحفضج الرحمن
فدوة يروحن لطولج العشرينية
خصرج قاعدة وبيها العرض والطول
ونيوتن وصفها بجاذبية
ما يقصد أرض بس مستحي وخجلان
خصرج كان قصدة وكانت النية
بعلم الفيزيا تدرس عليج أجيال
وبل اشعار نكتب الج يومية
وهاي الكلتة عنج هسة إثبات
خل اسمع جوابج ردي عليه
..

.......

قالت لي
(عينك شكد وكحة)
#فقلت
منين ما يندار #خصرج
          كمت #اميل
عاقلات #عيوني بس
           #خصرج يعيل

.....

غاب  الكمر  من  شافك  ... ولاهل
ولغيرك  ما نزل  دمعي ... ولاهل
مالي  دار  من  بعدك ... ولاهل
عزيز  يصعب  فراكك  عليه

.....

انت سالوفة عشك بيه انزرع😍😍
             انت مثل الناي صوتك للعليل
انت قصة ليل مو ساعة غرام
             انت نور وشمس للتايه دليل🌞
انت مثل الماي تجري بكل مكان
            انت دمعة شوك للعاشك تسيل
بيك ريحت ورد من الله تفوح
              وبيك طيبة كلب مامره تعيل
.......

اودعناكم...