ياصاح طير الحزن علدار حام الهم ويگلبي شكثر عگب الراح حامل هم سنين وجروحي على الراحات حاملهم واكابر بين الخلگ ولحد درى بحالي مر الصبر ما ينجرع طعمه فلا حالي ما ردهم صياحي والصوت بحا لي وتنور وسط الحشى عامات حام لهم ،،،،
🎇🎇🎇🎇🎇
جبت عمري احترك ومضوي للغير اثاري شكد غشيم وچنت شمعه شكد اوفيت واعرف ما يوافون وشكد بچيت للما يسوه دمعه منو مثلي كضاها بس خسارات بعدد ايام عمره عض اصبعه شرّبني الزمن كاس بأثر كاس مر مثل الصبر بالكوّه اجرعه نطيت ايدي لصديقي الطاح بالبير ومن ثبّت اجدامه انطاني دفعه
🎇🎇🎇🎇🎇
آخ ياجلمة صبر معناج ذلة بلا حجي ..
🎇🎇🎇🎇
{ما...مر صبح} مامر صبح والليل بهمومه وكح يردح ردح ماله درب نيرانه تحركَ بالكَلب والجرح.. ينزف ع الجرح والفرح ويّاي بحرب صالحته .. ما..يرضه الصلح وأنته بغيابك مبتهج وأعصابك بسلة ثلج وآنه ألتهب حته الصبر.. الصبر صاير مايصح كلماتك ووعدك كذب شيدت بوعودك قصر ما ينعرف لغزك صعب مثل الاهرامات بمصر نظراتك محمله أسرار خطواتك محمله اسرار أفعالك محمله أسرار بضلوعي أحسنك رمح دوّرت آللاف الكتب ما بين إللغزك شرح كَالولي مايك... من نهر ضكَته وطلع... مايك بحر محمل وغاركَ بالملح دليني نهجك يا نهج دليني يالمشيك غنج بطبعك دخت طير وطحت ضايع ومكسور الجنح ما مر صبح والليل بهمومه وكح ....
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
