شعر عراقي راق.!..وينكم يهل السوالف ماتجون
روحي يبست ماكو عدكم سالفه
بلكي بيها اتمر ولوچلمة تعال
من هذاك العافني ولاعايفه
خيّم بروحي الحزن وعيوني ليل
والاحلام اطفال ظلت خايفه
تنتظر چف المشه يجيبلها طيف
وغير نار الفرگه ابد ماشايفه
وهيچ لوعندي بخت واگعد واشوف
اوي السوالف جايات شفايفه......
ﺍﻣﻮﺩﻉ ﺍﻟﻠﻪ ﺍﻭﻳﺎﻙ ﻟﻮ ﺭﺍﻳﺪ ﺗﺮﻭﺡ
ﺍﻧﻪ ﻣﺎ ﺍﻣﻨﻌﻚ ﺍﺫﺍ ﻧﺎﻭﻱ ﺍﻟﺒﻌﺪ
ﺍﻟﺮﻭﺡ ﻣﻦ ﺩﻭﻥ ﺍﻟﺠﺴﺪ ﺗﻜﺪﺭ ﺗﻌﻴﺶ
ﻻﻛﻦ ﺍﺏﻻ ﺭﻭﺡ ﺷﻴﺴﻮﻱ ﺍﻟﺠﺴﺪ......
افتح باب گلبك لا يضل مسدود...
روحي تعنتك لا ترد خطار....
من دون البشر گلبي الك ارتاح...
ومن دون الورد بس انته مختارك...
اصيرلك سوالف لو سكوتك طال...
واصيرلك عذر لو شحت الاعذار...
وصيرلك صبر لو جزع صبري وياك.
.......افك شباك حبك وكت الغروب
وشم نسمة هواك أزيح الهموم
وأسولف بيك وي روحي تالي الليل
سالوفة يتيم من امه محروم
واحس بروحي جاهل يبجي من يشتاك
شكد احساس بيه وبيك معدوم
واكضي الليل اتيه طيفك والكاه
اشد جفن بجفن بس مايجيني النوم
............تدري بيه بروحتك ماراح اعيش..!!
اشلون گلبك طاوعك خليتني..!!
موش عميه الوادم تشوف الدموع..!!
وانت هيج بلا ذنب بجيتني..!!
لو صدگ مكسور گلبك مامشيت..!!
بسكته لو بهداي جا حاجيتني..!!
وگتلي رايح لايظل بالك وراي..!!
حتى اعرفك من صدگ مليتني..!!
ليش خليت الدمع فايض عليك..!!
ردتك تشوفه شعجب نسيتني..!!
........صحيح بعيد بس كلبي شعر بيك
حزين وباقي بس يكتب شعر بيك
عجب لي هسه باقي اسود شعر بيك
وانه بفركاك ماضل شعر بيه
.....!اهنا يمن چنا وچنت
الحبة البخدك بمبرة
وخليني اخذها غفل
لجلك تهون المگبرة
مرسوم طولك بالعدل
.. 🌹🌹🌹🌹💔💔💔