السلام عليكم......
........
متغيـــر عليـــــه اشبيك شمسويـن
بساميــــرك تـــدك والغاز بحـروفك
مـــو كتلــي احبك وبقى دوم اوياك
اشعجب هاليوم گلبك گلي ما شوفك...
.....
والكعبه طحت بضيج بس شنهي من ظيج
فص عيني اشوفه يطيح من ابلع الريج
......
منو ألياخذ مكانك جوه بـــالروح
خلص عمري بمحبتك كلــه سكته
أجيت أبشوك شايل كلب مجروح
وشفت بيك ألحنان ألضــاع شفته
..........
مر بيه لو بطيف هم انعم الله؛؛؛
بلفركه والهجران هم يقبل آلله؛؛؛
.......
خضره
يبس غصني برضاب شفاك خضره
ورغم شيبي بعدهه الروح خضره
السمار شوالمه ويعيون خضره
نهجم بيتك جمعت اثنين اذيه
........
سلامتهم بعد ماريد منهم شي
كلهم طيحتي ما طولت بيها
كلهم ما مدنك كمت مثل النار
من تلهب ومحد يعرف شبيها
......
بعدني اشتل ووكتي علي… هدماي
وعجز متني،وبعد ما شيل… هدماي
بنيت وربعي للبنيان … هدماي
بليل وصاحو الفرهود بيه !!!
........
انزف ياجرح الكلب وزيد الحزن احزان ونكطع شرايين الصبر وحط بلكلب نشان💔💔
......
واكفله طول بطول مرني وجزاني
جي كلبي طيب حيل ضليت اعاني
........
.
ربــي هيجي الدنيــا تخنك
هاكثــر متــروسه #ضيــم
وهيــج احــس ابروحي ضايع
كلشــي اعــرف بس غشيم
بيــن اخوتــي وناســي عايش
ليش احس روحي #يتيــم
........
مصيبه الوكت بس وياي فرهه
وعليه شكال يابو شكال فرهه
دهر طكهه وكلبهه وكون فرهه
الدنيه الذلت الناس الابيه
........
اسمع نبض كلبك من يدك حيــل
بس خــــــايف اكلك حيل حبيتك
لان ادري بجوابك يعمي العيون
لذلك ابقى ساكته مــا اطب بيتك
خليني بعيونك من بعيد اشتــاك
اخاف اكرب الك واتكـول مليتك
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
.......
گلبي بغير شخصك ما تعلق
ولا عمري على غيرك ما تعلق
يغالي ليش تنطي اعجاب ما تعلق
ما تعرف تكتب لو متكبر عليه
......
ودعناكم....
