السلام عليكم..
......
إجانه الليل
شايل كل مفاتيحه
ياهو القفله مايرهم عليه مفتاح
ياهو البابه صار سنين مامرتاح
المايلگه عرف مفتاح لجروحه
ايدور ليل ثاني يسهر بروحه.
.......
اجلبنك يليلي ثنعش تجليبة
تنام الناس واني الليل مدريبة
أجلبنك يليلي وعيني تهمل دم
على اللي راح مني وعافني اعله الهم
اذا فاگد اخو چا بيش تتحزم
راح حزام ظهري وياهو اليجيبه
اجلبنك يلي ثنعش تجليبه
اجلبنك يليلي وحزني صار جبال
ولا واحد نشدني اعله الوضع والحال
حافي بنص جزيرة والوكت خيال
اخذ حيفه وصگعني وصگعته منيبة
اجلبنك يليلي اثنعش تجليبة
اجلبنك يليلي وراي يردف راي
مثل الصفه بهيمه وخذوا منه الماي
صديجي ولا فگدني ولا اخو وياي
ضاگت حيل بيه ولا تصح طيبة
اجلبنك يليلي اثنعش تجليبة
.....
يادهر مابعد بسك من الجار
وحبلك عيز امتوني من الجار
گبل الجار مايشكي من الجار
وهسه الاخو مايرحم خويه
..... .
ياصاح مر الصبر فوگ الجرح مر دوده
وبيبان اهل الجفى يا حيف مردوده
انكر علي عشرتي لا باس مردوده
بالچي اردها الك ياصاح بالطيبي
وحروفي اعطرها الك يفلان بالطيبي
لو مره يتمنى عاد لجروحي بالطيبي
تاگول تالي الطيب لاهل الطيب مردوده
.......
ياصاح عنبر تهب دار الاحبه وهل
ومست وحيده لاضيف اليمرهه وهل
يادار جيت انشدج معقوله نرجع وهل
أحباب نلتم سوه وننسه الحصل والدار
ويعود جاري المشه وعاف الاهل والدار
والله كل مايمر طاري الاحبه ودار
ناعور حدر الجفن اذرف دموع وهل
......
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
....
اودعناكم...
