شعر.. شعبي.. درمي. بذيه.. قصاد.. زهبري.. فقشات

قصه.. وشعر شعبي..

السلام عليكم.....

........

الوادم اعله #المصلحه ادور عليك
محد  يدور. عليك.   #بطيحتك
حتى ملك #الموت باچر من يجيك
مو لجل عينك يريد #رويحتك
...... اي باعلي صدك...

.....

ياروحي مو گـٌتـٌلج گـٌبـل

النـٌاس ألج مـٌا دايـٌمه

نــٌامو تــٌره ومـٌـا فـٌكـرو

ليش انـٌتي بس مانايـٌمه...

........

هذا اكو شاب طالب مدرسه بالثالث متوسط
ف جان يروح للمدرسه واكو مدرسه ابتدائيه
بصف مدرسته جانت اكو بنيه تجي وي اخوها
تجيبه للمدرسه وتنتظره بين ما يطلع ف هذا الشاب
شاف البنيه وعجبته كلش بس هو من نوع مو جرئ
ف اكتفه بالنظرات واستمر على هاي الحاله اسابيع
ف يوم طلع من المدرسه وشافها گال اليوم لازم احاجيها
فكر بين ما وصلها رهم شعر ابو ذيه 😂 ع الماشي وصلها وبدأ يقرأ گال :
ختم واحد بگلبي ...وانتي ختمين
غدر ..مو سر افضحه ...وانتي ختمين
يبنيه فدوه انتي بتمن ...وانتي اخت مَن
عليج الله هلج يرضون...... بيه
بعد ما كمل بقت البنيه تضحك وما تدري شتگول
وبقه هو واگف يمها راد يروح
گالتله وحق ربك يرضون بس تعال 😂😂

المهم صارت علاقه دامت سنين بس المفاجئه انو ام البنيه درت بهذي العلاقه وجانت رافضه تماما وبدأ العلاقه تتشتت
الى ان انقطعت الاخبار والتواصل بينهم وبعد ما ساءت حالت الشاب وهو ينتظر الى ان اجا الخبر انو البنيه خلص بعد متحجي وياه لان امها رافضه ومتخليها ابد وراح تزوجها لغير شخص
ف الولد بدأ بالعتاب يگول

يأم البنت ترضين بيها اخذ الراي
سنين اغط بالبير وينجفي الماي

يام البنت اليعوف ولفه اليوده
ع البشر ما محسوب وشلون اعده

گليلي هم تدرين بالحب واليعوف
ولفه ..يضل سنين ياكل بالچفوف

ما حب ولا حبيت بس هي بنتج
وبسبب لومج مات مشكوله ذمتج

........

#علاج اليختنگ بالشوگ....

#نسمة طيف من #ولفة ..

.....

لگيتك "
بالدرب صدفه
ونسيت الرايد امشيله

.......

........

يوجعني كلشي اعليك مدري الوجع وين

چي خنت يالما خون حالف بالحسين

......

........

گالولي ها ما جاك گتلهم منين

اهل الگلت والگال ما خلو ثنين
.......

چا انه شمالني من دون الخلگ

عدي وجه متعوب موش بگد مواليدي

.......
..........
..............

اودعناكم..... غوالي.....