يروحي الحزن ماتگدر تعافاه
وعلية الدهر يتبختر تعافاه
شجاه البيدي داويته وتعافاه
بعد ماطاب شچ نيابه بيه
......
كظيت العمر بالآهات وضيم. وابد ماكول اسرارهم والضم. الكلام يصيربين الفتح والضم يضيفون الكسر ويصير اليه
.....
دك ناي الحزن بجروح الوداع
ولا هود جرح من كالو أنساك
ولا مرتني ضحكه بطرف الشفاة
ميلوك الضحك للبعده يشتاك
الف هنياله كلمن ولفه وياه
والله يرحم كلمن ضاك الفراك
....
اوكف يا زمن عدنه عتاب وياك
تعال وشوف جرحك بيش ملچوم
خليت المصيبة بگلب كل انسان
ويابيت التطبله تشوفه مهموم
عاشرنه الحزن من چنه بالكاروك
ولحد ما كبرنه ويانه مظموم
البشر بالعيد تفرح تلبس اشكال
واحنه من الدمع فصلنه الهدوم
العيد إنذِبَح والضحِك دمه يسيل
ومجهول الهوية الفرح هاليوم
تعودنه بعد عالقهر والحسرات
وتعلمنه الحزن مو خوش تعلوم
نعيش بنص وحوش وناس تاكل ناس
وضمير اكثر العالم صار معدوم
صار الضحك سلعة وتشتريها الناس
وثمن كل ابتسامة بكاس مسموم
.....
على هونج يدنيه وياي بس عاد
كلت للحزن روح بعيد بس عاد
أنه احجيلك يصاحب وانته بس عد
هموم وضيم حسرات وأذيه
....
اودعناكم....
