الحلقة الرابعة عشر
نا::قيس نزل الموس بطل هبال
قيس:: مانيش منزله
نا:: خليه متنزلش
ومشيت وسيبته ونا ماشيه نسمعه عيط ونبرم ونلقاه يده كلها دمم مشيت نجري شووره
نا:: ( نبكي ودغري مسكت يده نبي نوقف النزيف ) تي. شن درت يامجنون
قيس:: مش هذي اليد الي ضرباتك اهو درت فيها علامة عشان لو جت بتنمد عليكي اخرا حتوجعني ومش حنقدر نمدها
نا:: نبكي هبل انت هبل كان صارتلك. حاجة اه كان جا الجرح علي عرق وكنت عديت فيها كان بينفعك هباالك
قيس:: نا هكي هكي ماشي سوا توا ولا بعدين
نا:: اسكت باهي خلاص
وطلعت مناديل وقعدت نضغط ع الجرح. عشان يوقف النزيف لان كان الجرح كبير وعلي كبر اليد وانديرلا ف يده ودموعي يصبن معش بن يوقفن لان للحظة حسيت اني بنخسره ومعش حنشوفه عندي يكون بعيد عليا وكويس اهون من ان معايا وتصيرلا حاجة وقيس كان يبحت فيا ومبتسم ومكانش حاس بالوجع الي ف يده لان تأكد ان انا مزلت نحبه ومستحيل نبدله بحد اخرا بس قاعده انكابر.
نا:: صبي توا يلا امشي للمستشفى تبي خياطة هذي محوتك وقفت النزيف وحترد تنزف ف غضون 10 دقايق
قيس:: لا منبيش نمشي خليها تنزف
نا:: خذيت الموس الي كاين ع الارض وحطيته ع الوريد امتاعي ونبكي تبي تصبي والا انديرها
قيس:: بطلي هبال متقعديش مجنونة
نا:: لا مجنونة وانديرها كيف مادرتها صبي قتلك
قيس:: باهي خلاص اس تو نصبي
نا:: صبيت وصبيته وجينا بنخشو جوا
قيس:: معش تكذبي واديري روحك معش تحبيني
نا:: ومن قالك مزلت نحبك
قيس:: دموعك فضحنك
نا:: يلا بطل كثرة دوة وامشي قدامي
وعدا قيس للمستشفى وشاله ليث وامه انفجعت بس قاللهم ع اساس طاحت علي يده قزازة وفتحتله يده وخيطوها لاه وقعد تمام وروحنا للحوش وخشينا كل واحد لداره ورقدنا ومشن الايام وكملت الامتحانات وطلعت النتيجة وصفيت موادي كلهن تمام وقيس يحاول يرد علاقته بيا بس انا كنت نخلي فيها رسمية مش لاني نسيته او اندير ف طروح بس كنت عادة عيون محمد واني مزلت محسوبه عليه ف منقدرش نخونه وربي اختارلي محمد منقدرش نوقف ضد ارادة ربي و ف يوم كنت ف الجامعة وكان عندي بعد كم يوم امتحان جزئي وكان ف كم حاجة مكنتش فاهمتهن وقيس عرض عليا يشرحلي وانا وافقت لان نفس تخصصي ويعتبر اخر سمستر ويكمل لان خاش قبل عمره وانا وقفت سنة لان منبيش نقرا ف ليبيا
قيس:: ها هذي فهمتيها توا
نا:: اها تمام بس قوة الشد هذي معرفتش من وين جبتها
قيس:: هذي اطلعي كذا وكذا
وقعد يشرحلي ونا كنت منسجمة لان كان يجيب ف المعلومة بطريقة حلوه ونحنا خلاص قريب نكملوا نسمعوا. واحد يصفق بيديه ويقول ماشالله ماشالله واخذه راحتك ونا نقول ليش مترديش علي مكالماتي ونرفع راسي نلقاه محمد
نا:: هيييي حمادي امتا جيت
محمد:: كنك انفجعتي عشان كبستك. مع حبيب القلب يعني
قيس:: عيب ياابو حميد الكلام الي تقول فيه هضا
محمد:: تعرف العيب انت وياها قاعدين مقمعزين مع بعضكم قدام الناس
نا:: محمد شنو الكلام الي تقول فيه قيس كان يشرحلي
محمد:: يشرحلك ف الكافتيريا قدام الناس وعلي عينك ياتاجر ليش مايشرحلك ف المكتبة
نا:: مش ليبيا هذي وين المشكلة كان شرحلي هنا
محمد:: عمي غلط بعد دزك هنا لانك طلعتي مش قد الثقة يابنت عمي
قيس:: محمد اوزن كلامك
محمد:: ضربه بوني وادافع عليها اخرا قدامي
قيس:: جا بيضربه
نا:: قيس بطل خلاص
محمد:: وتسمع ف كلامها اخرا
قيس:: تشوفي فيه شن يقول
نا:: عدي انت هذي مسألة شخصية وسوء تفاهم بسيط وتو نحلوه متدخلش
قيس:: رقيتلا وعدا
نا:: محمد شن قاعد تقول انت معقوله تشك فيا
محمد:: وليش مش معقوله وانا كابسك بالجرم المشهود كنت شاك من نحنا ف ليبيا ان ف بينكم شي بس كنت نكذب ف روحي وانقول لانسمة ماديرهش
نا:: تي كنك متبيش تصدق والله قيس كان يشرحلي ومفيش بيني وبينه شي
محمد:: انا الي غلطان اصلا الي حبيتك وحطيت فيكي ثقة بس للاسف طلعتي مش قدها ونرن عليكي مترديش
نا:: تي موبايلي كان سايلنت مفطنتلش
محمد:: عقلك الي مش معاكي مش موبايلك الي صامت وعدا وسيبني
نا:: محمد استني اسمعني بس محمممد
وعدا محمد وسيبني بروحي ونبكي لان محمد مش حاط فيا ثقة وشك فيا وشك ف تربية بابا انا الي كنت نموت ف اليوم الف موته وانا بعيده علي قيس بس لاني منبيش نجرح محمد نبي نكون قد كلمتي معاه وروحت للحوش وانا مش فاهمة ولا مستوعبة الي صار ونرن عليه ميبش يرد عليا ودزيت اكثر من 10 مسجات نبيه يرد ونفهم فيه ان فهم غلط بس هوا لا حياة لمن تنادي واخر شي داره مقفل موبايله عشان معش نرن عليه وقعدت نبكي نين رقدت ونضت لقيت قيس ران عليا معبرتش الموضوع ورديت نرن علي محمد ومازال قافل موبايله ومعش عرفت شن اندير مشيت رنيت علي عمر
نا:: الو
عمر:: عاش من سمع صوتك
نا:: تسلم شن اخبارك
عمر:: الحمدلله والله شن امورك انتي
نا :: الحمدلله تمام
عمر:: كنه صوتك هكي في حاجه
نا:: لا غير توا كيف واعيه بس
عمر:: اهااا باهي تمام جاكي محمد
نا:: كيف محمد هنا
عمر:: اهاا اليوم الصبح جا
نا:: لا مشفتش اصلا مليش واجد مروحه اكيده تو يجي
عمر:: اهااا ممكن صار هذينا اخباركم
نا:: هذينا هنا خلاص منعطلش عليك وسلم علي هلك وعلي رؤى
عمر:: يوصل وسلمي علي خوتك
نا:: ان شاء الله
عمر:: في امان الله
وسكرت وانا معرفتش شي رنيت عشان نعرف لو محمد حكاله حاجة بس طلع مش حكيله شي ياربي شن اندير ورديت انرن بس هوا مازال قافل موبايله ودق الباب مشيت نجري نحسابه محمد بس طلع امجد واريج
نا:: كيف وين مفتاحك
امجد:: نسيه ف الحوش
امتا روحتي انتي
نا:: امبدري مروحه
اريج:: كنه وجك هكي ف حاجة صايره
نا:: لا مفش شي غير كنت راقده بس
امجد:: جعان انا
نا:: تو نمشي اندير عشاء عدو غيروا دبشكم وصلوا انتو بس
وعدو العيال يغيروا وانا خشيت للمطبخ وقعدت انديرلهم ف عشاء نبي نلهي روحي بأي حاجة وعطيتهم يتعشوا وقعدت نضم ف المطبخ وتعشوا ورقدوا وانا ماجانيش نوم صبيت قعدت نضم ف الحوش وانفض فيه ومكانش حايس بس هكي نبي نلهي روحي ورن عليا قيس ومرديتش عليه ومعرفتش ليش مرديتش ممكن لان منبيش كلام محمد يطلع صاح او اني خنته وقعدت طول الليل كل مره نرن عليه وموبايله مازال مقفل ومرن 3 ايام وانا ع الحالة هذي ومحمد مازال مسكر موبايله وحتي للجامعة معش مشيت وجعتني ف روحي اني مظلومه ووجعتني ف بابا اكثر
عمر:: من امبدري نستني فيكي كنك طولتي
رؤى:: عااد يابيبي ماقتليش انك جاي كنت راقده انا
عمر:: نعليااا من الخموجة مرايفتيش عليا
رؤى:: لا رايفت عليك عرررم بكل
عمر:: باهي تعالي قربي ليش موخرة
رؤى:: حبيبي خايفه حد يخش بابا ولاماما ننحرج انا
عمر:: الحمدلله انك معندكش خوت وباتك مش جاي توا وامك تفهم ف الجو غير تعالي وكرها وحطها بين كرعيه
رؤى:: ههههه حبيبي عااد
عمر:: من قالك اقعدي طشه هكي شويه اخرا نحطك في جيبي
رؤى:: لا مش نا طشه انتي كبير بس
عمر:: ههههههه كبير صار باهي بديتي توتي ف دبشك
رؤى:: اهااا نطلعوا انا وماما وسهى كل يوم ويالا نلحقوا
عمر:: جيبي دبش لبسك بس
رؤى:: لا متجيش بابا مايرضش ضروري نطلع بجهاز وصالون وحاجات المطبخ
عمر:: لا صالون معندكش وين تحطيه اثثتها الشقة كلها خلاص مازال دار النوم بس
رؤى:: حبيبي عااااد والله بابا مش حيرضى
عمر:: خلاص معناها جيبي معاكي كم حاجة للمطبخ مع دبش لبسك
رؤى:: لا المطبخ كله شوري انت جيب الثلاجة والغاز بس
عمر:: تي انا الراجل ي هبلة
رؤى:: بيبي عاد انت حددت العرس بجوك خليني اندير حاجة بجوي
عمر:: وووه من لسانكن انتن يالصبايا
رؤى:: كيف مش عاجبك
عمر:: هوا انا نقدر نقول مش عاجبني عاجبني ونص اخرا
رؤى:: ايواااه
عمر:: لاف يديه علي كتوفها وجا عند وذنها تحبيني ي رورو
رؤى:: برمت وقعد وجها ف وجه معقوله تسألني السؤال هضا
عمر:: حتي انا قلتها اكيده اصلا تحبيني
رؤى:: لا منحبكش من قالها
عمر:: هييي ونزل علي رقبتها ورؤى تحسابه يبي يبوسها مشا عضها
رؤى:: ااااه
عمر:: هههههه ها تحبيني ولا لا
رؤى:: الللا
وجت بتصبي يمشي عمر يكرها ويصكر كرعيه
رؤى:: حول بنصبي
عمر:: منيش
رؤى:: را نعيط راه
عمر:: عيطي وتجي امك ولا اختك يلقوكي بين كرعيا وانتي الي تنحرجي اما انا وجي بارد
رؤى:: دارت صوت هادئ هيا بيبي عشان خاطري
عمر:: بشرط
رؤى:: شنو ها
عمر:: تبوسيني 10 بوسات
رؤى:: باه وجت عند خده تبي تبوسه
عمر :: لالا استني
رؤى:: هااا
عمر:: مش هنا
رؤى:: امالا وين.
عمر:: هن وكان حاط يده علي فمه
رؤى:: هه غير احلم
عمر:: وعليش لاهي عيب ولا حرام حلالي
روئ:: لا وخلاص
عمر:: معناها خليكي ف مكانك ويخش علينا باتك حو ماصار بكل
رؤى:: يييييه باهي امري لله
وبدت تبوس فيه. 1 / 2 وبعد وصلت 10
عمر:: ثلاثه
رؤى:: حي علي ام الغش ثلاثة ف عينك
عمر:: هههههه الخوف يعلم
رؤى:: خلاص هيا خليك راجل وعند كلمتك وحول
عمر:: صبا بااهي هيا اصلا انا تأخرت ولازم نروح عندي شغل
رؤى:: اووك ورد بالك من روحك
عمر:: باسها علي خدها نجيلي الي تخاف عليا ي ربي عقبال ماتكوني ف حوشي
رؤى:: اميييين
عمر:: ههههه طبعا مش متحشمة
رؤى:: خليت فيها حشم انت
عمر:: معايا انا مفيش حشم
رؤى:: نعليا ياسي السيد خلاص هيا اطلع باي
بابا:: شن اخبار العيال ي ليلي حكيتي معاهم
ماما:: امس حكيت مع جيجي
بابا:: وشن تحكي
ماما:: كويسين منسجمين وعيت إبراهيم ديما عازمينهم
بابا:: وكملوا امتحانات
ماما:: نسمة وامجد كملوا السمستر الاول وقاعدين يمتحنوا ف النصفي امتاع السمستر الثاني للسنة هذي
بابا:: وجيجي
ماما:: جيجي نظام سنة بس مازال حاجة. شهرين ويكملوا السنة هذي
بابا:: ويبو يروحوا
ماما:: مشعارف
بابا:: نفكر ندز سراج بعد يكمل السنة منه خوته غادي يتونس بيهم
ماما:: خليه نين يكمل ثالثه بعدها لاحق
بابا:: ان شاء الله وعماد معش حكا علي موضوع العرس
ماما:: قالي مفيش نصيب وسيبنا
بابا:: كيف هكي من امتا
ماما:: من حاجة كم يوم وانا مبيتش ندقق واجد لان حسيته متعقد ومتأثر م الموضوع
بابا:: والله عيالنا كبروا ومعش فهمنا عليهم وكل واحد عايش بجوه من كم يوم ران عليا محمد يسأل علي نسمة قال متردش عليا
ماما:: والله انا حاسة ان نسمة متبيهش غير مابتش تزعلنا
بابا:: كان متبيهش تسيبه محد غاصبها. اهم حاجة راحتها
ماما:: هيا معانديه ومتحبش حد يطق فيك ولا يحكي عليك.كلمة
بابا:: ربي يحفظها ان شاء الله
مصعب:: ليلو كنك تبكي
ميرال:: مكني شي
مصعب:: تبكي من ولا حاجة يعني ف حد مزعلك ولا شنو
ميرال:: مصعععب خلاص ماكني شي خليني ف حالي
مصعب:: لا مش حنخليكي وقت الي خذيتك من حوش باتك تعهدت ان منزعلكش ولا نخليكي تبكي تعالي ياروحي ورقدها علي كرعيه وقعد يملسلها علي شعرها احكيلي هيا كنك
ميرال:: زادت. تبكي مضاايقه وحاسة انك معش تحبني كيف الاول من اول ماحملت وخايفه علي نونا من كم يوم معش رنت عليا
مصعب:: معقوله ياهبلة معش نحبك زي الاول تي انا زدت نحبك اخرا لانك حتجيبيلي امير ولا اميرة صغيرة يكون ثمرة حبنا
من قالك الكلام هضا اه
ميرال:: محد انا هكي حسيت
مصعب:: نعرفك بعد تكذبي انا احكي هيا
ميرال:: بنت خالتك امبدري تعزق ف كلام وتقول اصلا الرجالة بمجرد ماتحمل المرا يرموها ومعش يدلعوها زي الاول واولهم مصعب بمجرد ماحملت قعد يطلع واجد ويشتغل واجد مايبيش يروح للحوش وللنكد
مصعب:: ههههههه هبلة انتِ تصدقي كلامها تي انتِ النبض يالهبلة عارفه شكلك تغير الهرمونات مخليك حساسه زيادة بس وحط يده علي بطنها تسمع فيا ي حبيب بابا امك هبلة بكل وبتهبلني وراها
ميرال:: تبكي وتضحك مازال صغير مايسمعش فيك
مصعب:: مازال 6 وشهور ونص ونلعبه ف حضني
ميرال:: ان شاء الله
مصعب:: هيا صبي غيري دبشك نطلعوا ناكلوا برا
ميرال:: حبيبي ظهري يوجع فيا والله معنديش حيل نطلع
مصعب:: معناها صبي انديروا هنا
ميرال:: بدير معايا
مصعب:: لالا
ميرال:: خزي قبل فرحت
مصعب:: صبي ي هبله كم عندي ليلو انا انتِ خليكي تالايا وانا تو انديرلك حته ستيك ماصار بكل
ميرال:: والله
مصعب:: اهاا تو تذوقي وتحكمي هيا صبي ولا تبيني نرفعك
ميرال:: ارفعني
مصعب:: كان بنرفعك معناها بنخشوا للدار ونقعدوا بلا وكال
ميرال:: هههههه لا خلاص صبيت
وصبو خشو للمطبخ وقمعزت ميرال ع المرماره ومصعب قعد يدير ف الاكل ويشفطوا علي بعضهم ويضحكوا ومشا جوهم عسل ف عسل وكل يوم ايتعلقوا ببعضهم اكثر
اريج:: نونا كنك مامشيتبش
نا:: تعبانه شويه بس امجد جا
اريج:: اها سلامتك انا وامجد شويه ووطالعين را تبي تطلعي معانا
نا:: لا معنديش جو نبي نقرا
اريج:: براحتك
وصبيت وقعدت نحاول نقرا بس عقلي مش معايا ومقدرتش نقرا منحبش حد يظلمني ومنبررش موقفي والي وجعتني ان شك ف اخلاصي لاه وخذيت موبايلي ورنيت عليه ورن بس مبش يرد عليا وجتني فكرة مشيت طلعت لدار امجد لقيته ف الحمام خذيت موبايله ودزيتله مسج كتبتله فيه حمادي تقدر تجيني توا نبي مكان بس مش عارف العنوان والبنات مش قاعدات وجاني تم التسليم مسحت المسج وقفلت موبايل امجد وخذيته معايا عشان ميرنش ويخرب الموضوع
امجد :: يانونا مشفنيش الفون امتاعي
نا:: لا مشفتش روحت بيه انت
امجد:: نذكر روحت بيه وحطيته ع السرير توا معش لقيته
نا:: اكيده طافي شحنه
امجد:: المشكلة توا بنطلع انا
نا:: مش طالع انت وجيجي
امجد:: اها
نا:: خلاص معاكم موبايل جيجي وتو اندوره ونحطه ع الشحن
امجد :: ماعنديش الا هك
نا:: مطولين انتو
امجد:: حاجة ساعتين
نا:: اهااا
اريج:: هيا ياامجد
امجد:: هيا هي نونا متفتحيش الباب لحد
نا:: انشالله
وطلعوا العيال وانا قعدت نستني ف محمد يجي وبعدها بنص ساعة رن الجرس وبحتت من العين لقيته محمد فتحت الباب وخشيت وراه عشان ميشوفش من. وخش محمد وسكرت الباب
محمد:: وين امجد
نا:: مش قاعد
محمد:: كيف هوا دزلي مسج وقالي تعال
نا:: مش امجد الي دز المسج انا
محمد:: حولي باهي بنطلع
نا:: منيش محوله وخش عندي كلام بنقوله
محمد:: انا اختصرت عليكي وقتلك خلاص طلعت من حياتك شن تبي اكثر
نا:: انت مش فاهم ولا حاجة وحرام تظلم الناس
محمد:: نسألك سؤال وجاوبي عليه
نا:: اسأل
محمد:: انتِ وقيس تحبو بعضكم
نا::.............
يتبع