បន្ត៚
«រូបភាពកម្រិតHDបែបនេះ បើផ្ញើរទៅអោយអាក្មេងនោះមិនដឹងថាវាចុកឈាមយ៉ាងណាទេ» គិតរួចOunieប្រញាប់ប្រញាលផ្ញើររូបនេះអោយទៅរាងតូចទាំងញញឹមចុងមាត់តិចៗ ម្ដងនេះគេអាចអោយTaehyungក្អួតឈាមបានយ៉ាងងាយ សង្ស័យតែរៀនមិនចូលផងក៏មិនដឹង។
.......
ខណៈដែលអ្នកខាងនេះវិញ កំពុងតែរៀនសុខៗស្រាប់តែមាននរណាមិនដឹងផ្ញើរសារមកអោយគេ មិនចាំយូររាងតូចលូកដៃយកទូរស័ព្ទក្នុងកាតាបស្របពេលដែលចិញ្ចើមក្រាស់ខ្មឹកជ្រួញចូលគ្នាមួយរំពេច Ounieផ្ញើររូបថតមកតាមChat?កន្លងមកតែមុខរាងតូចនាងមកចង់មើលផងហើយថ្ងៃនេះកើតស្អី?ពុលទឹកដោះគោមែនទេ?
មិនអោយខកខានពេលវេលាយូរ Taehyungរហ័សចុចចូលមើលដោយគ្រវីក្បាលតិចៗ នេះនាងចង់យករូបប៉ុណ្ណឹងមកបោកបញ្ឆោតគេអោយឈឺផ្សាហេស?គំនិតនាងដូចជារាក់ពេកហើយ។
«Taeអ្នកណាផ្ញើរអីមក?»Ingអើតករមកសួរ
«Ounie!នេះមើលទៅ»Taeហុចទូរស័ព្ទអោយទៅIngមុននិងចាប់ផ្ដើមមើលសាស្ត្រាចារ្យពន្យល់បន្ត គេគ្មានអីត្រូវខឹងផងគ្រាន់តែរឿងប៉ុណ្ណឹងសោះ
«អេ!ឯងអត់ប្រច័ណ្ឌJungkook hyungទេ? នេះគាត់បណ្ដើរស្រីណា»Ingចុចទូរស័ព្ទកំលោះតូចបិទមុននឹងខ្សឹបសួរគេតិចៗខ្លាចមានអ្នកឮ
«ម្នាក់ស្រីនោះមិនមែនស្រីJungkookទេ គាត់បងស្រីJungkookឈ្មោះJeon Sumin» Taehyung
«ឯងជឿគាត់ដែរ?»Ing
«ក៏ដំបូងមិនសូវជឿទេ តែគេយករូបថតមកបង្ហាញយើងទើបយើងជឿ»Taehyung
«ចុះប្រសិនបើ..Jungkook Hyung បណ្ដើរស្រីមែនទែនតើឯងខឹងគាត់ទេ?»Ing
«អត់!រឿងអីដែលយើងត្រូវខឹងគេ?គេម៉ែឪយើង» Taehyung
«មិនមែនម៉ៃឪតែប្ដី..អឹម»បញ្ចប់ប្រយោគមិនទាន់បានសើចស្រួលបួលផងTaehyung រហ័សយកដៃមកខ្ទប់មាត់Ingកុំអោយនិយាយតទៅទៀត អាមាត់ហ្នឹងពូកែបែកអូរហូរស្ទឹងណាស់ ប៉ប៉ាច់ប៉ប៉ោចគ្មានដឹងពេលវេលាទេ
«ស្ងាត់មាត់ឯងទៅ តិចយើងរុកដល់កន្លើត» Taeច្រឡរដៃរកយកប៊ិកញុកចូលមាត់Ing តែអាល្អិតខ្ជឹបមាត់ឡើងជិតលែងហ៊ាននិយាយអីទៀត Taehyungអោយតែនិយាយហើយគឺគេធ្វើ ចឹងកុំចង់សាកប្រសើរជាង។
ឡានរ៉ូលរយពណ៌ខ្មៅរលោងស្រិលបោលមកឈប់នៅពីមុខខ្លោងទ្វាររបងផ្ទះនៃត្រកូលJeon ដែលជាត្រកូលមានឈ្មោះបោះសម្លេងពេញបណ្ដារប្រទេស។ទ្វារបងត្រូវបានរបើកឡើងជារឿយៗ ឡានស៊េរីទំនើបរហ័សបើកចូលទៅដែលមានឡាន2គ្រឿងទៀតបើកបន្តកន្ទុយគ្នាពីក្រោយមិនដាច់។
នៅអមសងខាងផ្លូវនៃភូមិគ្រឹះមួយនេះ សម្បូរទៅដោយដើមឈើជាច្រើនដុះត្រៀបត្រាបង្កជាភាពម្លប់ត្រជាក់ត្រជុំអមជាមួយផ្កាតូចៗរីកស្រស់បំព្រងញាុំងអោយភូមិគ្រឹះមួយនេះស្រស់ស្អាតនិងទាន់សម័យលើសពីការរំពឹងទុក។
<ងឺត>
សម្លេងឡានបញ្ឈប់នៅមុខខ្លោងទ្វារភូមិគ្រឹះតែម្ដង។អង្គរក្សឆ្វេងស្ដាំស្ទុះស្ទារមកបើកទ្វារអោយចាហ្វាយពួកគេ ភ្លាមនោះអ្នកបម្រើគ្រប់ស្រទាប់វណ្ណៈនាំគ្នាមកឈរចាំស្វាគមន៍អ្នកនាងធំនៃត្រកូលJeon។
«ស្វាគមន៍អ្នកនាងធំ»
«ចា៎!»Suminញញឹមបន្តិចតបទៅពួកអ្នកបម្រើវិញតាមរបៀបមនុស្សមិនចេះលេងរឹករបស់នាង។
«បងឃ្លានទេ?ចាំខ្ញុំអោយអ្នកបម្រើរៀបអោយ» Jungkookនាំបងស្រីបណ្ដូលចិត្តទៅអង្គុយលើសាឡុងដោយមាននាងតូចOunieដើរតាមទ្រុកៗហាក់មិនហត់ទាល់តែសោះ។ចំណែកឯសម្ភារៈរបស់គាត់ពួកអ្នកបម្រើនិងយកទៅទុកអោយហើយ។
«បងមិនឃ្លានទេ!និយាយចឹងថ្ងៃនេះជាខួបរបស់ Ounieត្រូវទេ?»Suminងាកមកសួរនាងតូចដែលអង្គុយទាំងញញឹមនៅជិតនាយកម្លោះ
«ចា៎!ប៉ុន្តែបងមិនបាច់រៀបចំក៏បានដែរ បងJungkookគាត់នាំខ្ញុំដើរលេងហើយ មែនទេ?»Ounie
«ហឹម..»Jungkookគ្រហឹមដើមករខណៈដែលទឹកមុខក្រញ៉ូវ អោយតែនិយាយជាមួយនាងម្ដងៗគេមិនដែលញញឹមឫប្រើសម្ដីផ្អែមស្រទន់ឡើយ មានតែមនុស្ស2នាក់ប៉ុណ្ណោះដែលអាចទទួលបានវាលើសលប់តែម្ដង។
«ចឹងតាមសម្រួលចុះណា បងសុំទៅបន្ទប់សិនព្រោះល្វើយណាស់»Sumin
«បាទ!»Jungkookញញឹមបន្តិចទើបSuminអង្អែលក្បាលប្អូនប្រុសពោរពេញដោយក្ដីស្រឡាញ់មុននឹងបោះជំហ៊ានឡើងទៅខាងលើ។
មកដល់ខាងលើSuminទម្លាក់ខ្លួនគេងនៅលើពូកទាំងថប់ចិត្តជាពន់ពេក ទម្រាំតែចេញពីប៉េកាំងបានគេវេទនាស្ទើរស្លាប់ទៅហើយ។
«បងសង្ឃឹមថាឯងនិងមិនដូចបងទៅចុះJung បងនិងព្យាយាមមិនអោយគាត់ជាអ្នកកំណត់វាសនាឯងដូចបងនោះទេ»Sumin ទាញរូបថតJungkookមកមើលព្រមទាំងអង្អែលលើវាស្រាលៗ។មែនហើយSuminនាងបានរៀបការជាមួយគ្រួសារត្រកូលXuដែលជាពពួកអ្នកមានប្រចាំទីក្រុងប៉េកាំង តែនាងមិនបានស្រឡាញ់កូនប្រុសនៃត្រកូលនោះឡើយដោយសារតែអ្នកស្រីMincoldជាអ្នកបង្ខំ ណាមួយនាងមិនមែនជាកូនលោកChisunជាមួយអ្នកស្រី Mincoldឡើយ នាងគ្រាន់តែជាក្មេងកំព្រាម្នាក់ដែលត្រូវលោកChisunរើសមកចិញ្ចឹម។ តើមាននរណាទៅដឹងថាលោកស្រីMincold ព្រោះតែចង់បានមុខមាត់ ចង់បានអំណាចសុខចិត្តអោយកូនស្រីរៀបការជាមួយមនុស្សក្នុងត្រកូលXuនោះ អាចនិយាយបានថាគាត់លក់កូនស្រីដើម្បីមុខមាត់និងមាសប្រាក់។
«ខ្ញុំនិងមិនធ្វើអោយប្អូនត្រូវឈឺចាប់ដូចជាខ្ញុំនោះទេ»Suminបន្លឺឡើងតិចៗព្រមជាមួយកំហឹងជាច្រើន នាងស្រឡាញ់Jungkookខ្លាំងណាស់ នាងម៉េចនិងបណ្ដោយអោយJungkook ត្រូវមកទទួលរងទឹកភ្នែកព្រោះតែបណ្ដាំសន្យាមួយនេះនោះ?យ៉ាងណាJungkookគេក៏មានមនុស្សដែលគេស្រឡាញ់ដែរ បែបនេះទាល់តែនាងត្រូវប្រឈមមុខនិងពាក្យសម្ដីជាមួយអ្នកស្រីMincoldដោយផ្ទាល់ហើយ។
_________________________
Night-Seoul city
ថ្ងៃនេះJungkookបានជូនOunieដើរលេងគ្រប់កន្លែងតាមដែលនាងចង់ មិនថាញាុំអាហារ ទិញសម្លៀកបំពាក់ ជិះឡានលំហែកាយ និយាយគ្នាលេងពីនេះពីនោះរហូតមកទល់ម៉ោង7ទើបនាយរំអុកអោយនាងទៅផ្ទះហើយគេនិងអាលបានទៅគេងជាមួយTae មិនឃើញមុខតែមួយថ្ងៃគេនឹកស្ទើរឆ្កួតទៅហើយ។តែវាចង្រៃអីនាងតូចម្នាក់បែរជាសុំអោយគេជិះឡានទៅកន្លែងមួយដែលមានទឹកគេបាញ់ចេញពីម៉ាសុីនចុះឡើងអមជាមួយនិងភ្លើងចម្រុះពណ៌បណ្ដាលអោយវាមានភាពស្រស់ស្អាតជាខ្លាំង។
«Ounieបងថាពួកយើងត្រឡប់ទៅផ្ទះវិញទៅនេះម៉ោង7ហើយ សង្ស័យតែបងSuminចាំបាយផងក៏មិនដឹង»Jungkookឧទានប្រាប់នាងតូចដែលញញឹមសម្លឹងមើលទៅខាងក្រៅហាក់មានក្ដីសុខជាខ្លាំង។ការពិតទៅនាយក៏ចង់ទៅដែរតែមកពីកន្លែងនោះគឺនៅជិតនិង Condoដែលរាងតូចរស់នៅពេកទើបគេរាងរអាខ្លាចTaeមកឃើញនាងដើរលេងជាមួយOunie ប្រាកដជាខឹងបែកផ្សែងមិនខាន។
«ទៅតែកន្លែងហ្នឹងមួយទេ ខ្ញុំឈប់សុំបងទៀតហើយ»Ounie
«ហឹម...ក៏បាន»ចុងក្រោយនាយនៅតែសម្របតាមនាងដដែលព្រោះតែខ្ជឹលប្រកែកច្រើន យ៉ាងណាមានតែបុណ្យកុំអោយTaeចុះមកទិញអីនៅពេលយប់ព្រលប់បែបនេះទៅចុះ។
មកដល់កន្លែងដែលបានគ្រោងទុកកំលោះសង្ហារបញ្ឈប់ឡានចតនៅចំហៀងផ្លូវដែលស្ងាត់ច្រងំទើបបើកទ្វារឡានចុះមកព្រមជាមួយអារម្មណ៍ភិតភ័យជាពន់ពេក នាយសម្លឹងមើលទៅខុនដូរTaeដែលនៅមិនឆ្ងាយពីនេះប៉ុន្មានឡើយដើរតែ10ជំហ៊ានដល់ហើយ។
«គ្មានអីគួរអោយសប្បាយផង ហេតុអ្វីឯងចង់មកទីនេះ?»Jungkookបន្លឺសួរនាងទាំងច្រត់ចង្កេះសម្លឹងមើលគេបាញ់ទឹកដោយប្រើប្រាស់អគ្គិសនីអមជាមួយភ្លើងពណ៌គ្រប់ចម្រុះទៀត គេទទួលស្គាល់ថាវាស្អាត តែបើអោយមកមើលជាមួយនាងទោះទៅមើលព្រះច័ន្ទជាមួយទៀតក៏គេគិតថាវាគួរអោយរអើមដែរ
«បងមិនមើលទេហេស វាស្អាតខ្លាំងណាស់» Ounieបែរក្រោយមកនិយាយជាមួយនាយមុននឹងលើកដៃទៅចង្អុលពួកវា តែកែវភ្នែកវាងវ៉ៃសម្លឹងទៅឃើញកំលោះតូចដើរកាត់កន្លែងនេះដោយដៃរបស់គេកាន់ថង់1 មើលទៅដូចជាថង់អាហារ។Ounieញញឹមចុងមាត់បន្តិចទើប..
«អួយ...»
«យ៉ាងម៉េចហ្នឹងOunie?»Jungkook បន្ទាបខ្លួនអោយស្មើរនិងកម្ពស់នាងបន្តិចទើបចាប់ក្រសោបមុខនាងមកមើល
«ដីចូលភ្នែក»Ounieញីភ្នែកឡើងក្រហមមុននឹងពេបមាត់តិចៗបញ្ជាក់ថាគេកំពុងតែមានដីចូលភ្នែកមែនទែន
«មើស..ចាំបងផ្លុំអោយ»Jungkook ចាប់ដៃនាងចេញពីមុខនាង ទើបរហ័សចាប់បើកភ្នែកនាងយ៉ាងថ្មមដៃផ្លុំខ្យល់ដង្ហើមក្ដៅគគុកចូលទៅក្នុងភ្នែកនាង។ កាយវិការស្និទ្ធស្នាលបែបនេះស្ថិតនៅក្រោមក្រសែរភ្នែករាងតូចដែលឈរមើលពួកគេនៅជ្រុងម្ខាងទៀត ខណៈដែលចិត្តឈឺចាប់ពើតផ្សារ។
«បានហើយ..អុះ Tae»Ounieស្រែកឡើងតិចៗទើបនាយកម្លោះប្រញាប់បែរក្រោយទាំងបេះដូងលោតខុសចង្វាក់
«Tae!!»
«សុំទោសខ្ញុំមកកាត់ចង្វាក់អ្នកទាំងពីរ» Tae រហ័របែរខ្នងដើរចេញទៅមុននឹងទឹកភ្នែកស្រក់ចុះមកតែខំជូតចេញហើយដើរទៅបន្តទៀតគ្រាន់តែញាប់ជាងលើកមុន
«Tae..Tae ឈប់សិន»Jungkook ប្រញាប់ប្រញាលរត់សម្ដៅទៅរាងតូចខ្លាចថាគេយល់ច្រឡំជាងនេះទៀត ព្រោះគេឈរនៅខាងក្រោយខ្នងខ្លួនបែបនេះ ប្រាកដជាគិតថាគេថើបOunie ជាក់ជាមិនខានឡើយ
«ហុិស..សម្រេចមួយកម្រិត»Ounie ញញឹមបន្តិចមុននឹងដើរឱបដៃទៅកន្លែងមួយទៀត ហៅតាក់សុីជិះទៅផ្ទះដោយខ្លួនឯង ព្រោះបើនាយកម្លោះឈ្លោះគ្នាបែបនេះ គេប្រាកដជាមិនជូននាងទៅផ្ទះវិញឡើយ។
«Tae..Kim Taehyung ខ្ញុំប្រាប់ថាអោយឈប់»ដោយអស់ជម្រើសនាយមានតែចាប់កន្ត្រាក់ដើមដៃរាងតូចអោយបែរមករកខ្លួន សម្ដីសម្ដៅក៏កាន់តែគ្រោតគ្រាតជាងមុនទៅទៀត
«ហុិក..លែងខ្ញុំ..ខ្ញុំត្រូវការទៅផ្ទះ..ហុិក»Tae រម៉ាក់រមួលប្រឹងទាញកដៃខ្លួនមកវិញតែកុំសង្ឃឹមអោយសោះថាអាចរើរួចនោះ កាន់តែរើគឺនាយកាន់តែរឹត
«និយាយគ្នាអោយដឹងរឿងសិន»នាយនៅតែច្របាច់ករដៃTaeដូចដើមគ្រាន់តែបន្ធូរបន្ថយជាងមុនបន្តិច មិញភ្លេចខ្លួនច្រឡំច្របាច់ពេញទំហឹងមិនដឹងថាករដៃTaeយ៉ាងម៉េចទៅហើយទេ
«ខ្ញុំគ្មានរឿងអីទៅនិយាយនោះទេ..ហុិក លោកទៅរកស្រីលោកចុះ»Tae
«ឯងប្រច័ណ្ឌយើងហេស?»Jungkook ស្រាប់តែបង្ហាញស្នាមញញឹមតិចៗលើផ្ទៃមុខកាលបើឮរាងតូចដេញអោយគេទៅរកOunie មែនហើយបើមនុស្សមិនស្រឡាញ់គ្នាគេមិនយំសស្រេកសស្រាកព្រោះតែឃើញរូបភាពនាយនៅជាមួយនិងមនុស្សស្រីថ្មីទេ។
ឯTaehyungឯណោះវិញស្ងាត់មាត់ជ្រាបលែងយប់តទៅទៀត នេះគេកំពុងតែប្រច័ណ្ឌនាយជាមួយនិងOunieមែនទេ?ចឹងក៏អាចបញ្ជាក់ថាគេក៏ស្រឡាញ់Jungkookដែរ ហៃយ៉ា!ខ្មាស់គេខ្លាំងណាស់។
«ម៉េចក៏មិននិយាយ?ឯងស្រឡាញ់យើងហេស?»Jungkookញញឹមច្រឡឺមលូកដៃទៅក្រសោបចង្កេះTaeអោយមកអឹបជាប់និងទ្រូង ឯដៃម្ខាងទៀតជូតទឹកភ្នែកគេចេញស្រាលៗ
«មិ..មិនមែនទេ ខ្ញុំគ្រាន់តែសំដែងយកសាច់រឿងទៅសរសេរប្រលោមលោកប៉ុណ្ណោះ» Taeរហ័សគេចចេញពីខ្សែរភ្នែកនាយខណៈដែលថ្ពាល់ក្រហមព្រឿងៗ
«អរ..សម័យឥឡូវគេចូលចិត្តសម្ដែងរឿងបែបនេះហើយយកមកសរសេរចឹងមែនទេ ចឹងវគ្គស្រើបស្រាលនោះ ឯងត្រូវការសាកជាមួយយើងទេ ធានាថាឯងប្រាកដជាសរសេរបានល្អមិនខាន»បញ្ចប់ប្រយោគTaeងាកមុខមកសម្លក់នាយខ្វាច់ ប្រុសម្នាក់នេះចូលចិត្តតែគិតរឿងស្មោគគ្រោក មិនដឹងថារាល់ថ្ងៃគេមើលអីនោះទេបានជាចូលចិត្តតែនិយាយពាក្យបែបនេះ បន្តិចរឿងលើគ្រែ បន្តិចចាប់អុក បន្តិចរំលោភ ហ្នឹងបើគេជាស្រីវិញប្រហែលជាមានកូនពេញសម្បុកមិនខានឡើយ។
To be continued............