وتين الجلال

البارت الحادي والعشرون ( ترميم الروح)

اسفه جدا علي التأخير بس حقيقي كان عندي ظروف منعتني عن الكتابه  وحابه يكون بارت النهارده اعتذار علي التأخير دا أتمنى ينال إعجابكم جميعا ❤❤
**********************************

من الصعب اخفاء الحقيقه علي من نحب خاصه وان كانوا علي درايه كامله بنا فكان من الصعب علي جلال اخفاء الامر علي وتين فتهكم ملامح وجهه كانت اكثر من كافيه لتاكد لها وجود خطب ما يحاول اخفاؤه

وتين:اااااه افتكرت

جلال:خير

وتين:في حاجه كنت عايزه اسالك عليها

جلال:اسالي

وتين:ماما حليمه كانت تقصد ايه بكلامها

جلال:حديت ايه دا

وتين:اللي قالته قبل ما تروح اوضتها

تهكمت ملامح جلال فتاكدت من ظنها لتعتدل بجلستها و….

وتين:جلال انت مخبي عني ايه

جلال:هخبي ايه بس استهدي بالله 

وتين:لا ياجلال انا عارفاك لما تكون مخبي حاجه عندي بيكون شكلك زي دلوقتي  قولي متخوفنيش بالله عليك

احتضن وجهها بيديه صدقيني مش حكايه اني مخلي عليكي حاجه بس كنت مستني انك ترتاحي بس من تعبك شويه وهقولك

وتين:حاجه بخصوص البيبي

جلال بهدوء يتنافى تماما بالنيران المشتعله بداخله 
ايوه

وتين:بنتي فيها ايه ياجلال

جلال:طب اهدي وهقولك

وتين:متقوليش اهدي انا عايزه اعرف بنتي فيها ايه

جلال:بخير والله بخير بس

وتين:بس ايه

جلال:الدكتوره جالت انك فحاله ولاده مبكره

وتين:ولاده مبكره!!!!!ليه

جلال:انا اتكلمت مع الدكتوره وقالت دا بسبب الولاده الاولي لانها قبل معادها وكمان انتي ضعيفه وتعبك الفتره اللي فاتت بسبب الضغط اللي كنا فيه دا خلاكي متعرضه للولاده المبكره

وتين: بس

جلال:شششششش انا عايزك تهدي خالص انت الحمد لله كويس اهم حاجه ترتاحي وتتغذي كويس وان شاء الله كل حاجه هتعدي علي خير

وتين:خايفه ياجلال بنتي يجرالها حاجه عمري مهعرف اسامح نفسي

جلال:بنتنا بخير مش انتي دايما عتقولي انك حاسه بيها وانها بخير

وتين:ايوا

جلال:يبقي خلاص احنا هنتعامل طبيعي بس اهم حاجه نزود الراحه اكتروكمان في علاج هتنتظمي عليه وكلها تلت شهور والاميره الصغيره هتشرف بخير وسلامه

وتين:يارب ياجلال

جلال:يبقي خلاص الدموع دي ملهاش لازمه واصل

وتين:طمني ياجلال بكلامك انت اماني وسندي انت كلامك بيهديني 

اطمني يانن عين جلال ليأخذها بحضنه وهدهدها  كالطفل الصغير ليطمئنها  بقي هكذا لفتره الى ان شعر بانتظام تنفسها ليجدها غطت في النوم 

يارب عيني علي اللي جاي 

خشى جلال من حدوث مكروه لها فظل مستيقظ طوال الليل يراقبها بنومها الي ان اتي الصباح لتداعب اشعه الشمس بشرتها البيضاء كبشرة الاطفال استيقظت وتين فوجدته ينظر لها بابتسامته الخلابه التي تربعت علي عرش قلبها 

وتين: صباح الخير

جلال: صباح الهنا

وتين: صاحي من بدري

جلال: هو انا منمتش اصلا

وتين: لي

جلال: سهرت علشان افضل اطل علي وشك اللي كيف القمر دا

وتين: طب هو انا قولتك اني بحبك 

جلال: يوووووه كتير😉
صمتت لفتره واحترم صمتها هذا لمعرفته لما يدور بداخلها لتتحدث مره اخرى
وتين: جلال ممكن اطلب حاجه

جلال: انتي تآمري امر

وتين: عايزه اروح الدكتوره النهارده 

جلال: من غير ماتجولي انا كنت هاخدك النهارده عشان تتطمني بنفسك 

وتين: خايفه اوووي ياجلال بحاول اطمن بس مش عارفه 

جلال: وبعدين عاد مش قولنا خير ان شاء الله و مفيش حاجه وبعدين اديكي هتروحي للدكتوره عشان تطمنك بنفسها فمش عايزك تقلقي لان دا هياثر عليكي 

وتين: هحاول 

جلال: اطمني وخلي ثقتك بالله كبيره  

وتين: ونعمه بالله

جلال: طب يلا نقوم عشان تفطوري وتاخدي علاجك

وتين: حاضر

نهض جلال ووتين ليجهزا وبعض فتره ليست بالكبيره هبط الاثنين لتناول وجبه الافطار 

جلال:صباح الخير

الجميع:صباح النور

حليمه:كيفك يابتي دلوجتي 

وتين:الحمد لله ياماما بخير

جلال: امال فين سمر

حليمه: روحتلها ياولدي ومش راضيه تنزل واصل عتقول راسها وجعاها اطلعلها ياولدي وشوفها

جلال: حاضر 

صعد جلال اليها طرق الباب ولم يجد رد فدخل ووجدها تجلس شارده فقط دموعها من قررت العصيان علي صمتها لتنساب علي وجنتيها لم تلحظ وجوده منفصله عن هذا العالم ليجلس امامها

جلال: والحل

سمربانتباه لوجوده: اخوي

جلال: قلب اخوكي اللي مش متحمل دمعه واحده منك علي الكلب دا

سمر: جلبي واجعني جوي ياخوي 

جلال: عارف وحاسس بيكي بس والحل هتفضلي اكده لحد ميته

سمر: معرفاش كل مافكر اقول انا غلطت فايه يخليه يعمل اكده فيه كل دا عشان حبيته وامنته عليا وعلي حياتي ووصلت معايا اني اقاطعكم عشانه وفالمقابل ضرب واهانه ومزله ليا وكمان لصحابه ويختمها بانه يطعني فشرفي 

جلال: مش هقولك متزعليش ولا تبكي  بس اللي حصل حصل ودرس مش ليكي لوحدك لا دا ليا انا كمان 

سمر: عايزه انساه وانسي كل حاجه تخصه

جلال: مع الوقت دا هيتداوى واشار. لموضع قلبها وكل حاجه هترجع احسن من الاول وربنا بأذنه هيعوضك بالاحسن 

سمر: تفتكر

جلال: الا افتكر واعتبري اللي مريتي بيه دا ياسمر زي الكتاب انتي كتبتي فيه صفحه بس شغبطتي كتير وكان لازم تمسحي مكان الشغبطه بس للاسف منفعلوش مسح فاضطريتي تقطعي الورقه وسعيد هو الورقه اللي اتقطعت اينعم الورقه اللي تحته معلمه من مطرح الشغبطه بس مع الوقت العلامه  دي هتختفي وترجعي احسن من الاول زي كتاب ابيض فسيبي دا للوقت يخففه 

سمر: هحاول ياجلال

جلال: مسمهاش هحاول اسمها انا هعمل واول خطوه عشان ترجعي زي الاول هي انك تشغلي نفسك 

سمر: وانا هعمل ايه يعني

جلال: هتعملي انك تنزلي من النهارده معايا الشركه 

سمر: الشركه!!

جلال: ايوا 

سمر:بس انا مفهمش حاجه فشغلك وكمان حاسه مش وقته ان افكر فحاجه

جلال: امال لو مش وقته وقته هيكون امتي لو علي الشغل تتعلمي 

سمر: يا جلال.انا…

جلال: سمر انا قولت افاتحك فالشغل بعد فتره تكوني هديتي وتكوني ظبطتي نفسك بس الظاهر اني كنت غلطان لان بحالتك دي مش هتدي فرصه لنفسك تفوقي وانا مينفعنيش الحال دا

سمر: طب …سيبني يومين

جلال: خلص الكلام 

سمر:  ياخوي اسمعني بس

جلال:لا انتي اللي تسمعيني انا عقول اللي فيه الصالح ليكي

سمر :خلاص ياخوي اللي تشوفه 

جلال:كويس قومي بينا عشان تفطري الاول

سمر: مليش نفس انزل انت ولما تجي تمشي ابعتلي بهيه وانزل

جلال:لا انتي شكلك هتتعبيني معاكي 

سمر: بتعمل اي…

لم يعطها فرصه اخري للحديث فحملها وهبط بها للاسفل فالتفت الجميع علي صوتهما 

سمر: ياجلال خلاص عاد نزلني الكل عيبصوا علينا 

حليمه: خبر ايه ياولدي 

انزلها جلال لتقف بجانبه بخجل شديد

جلال: ابدا الست سمر مكانتش راضيه تنزل تفطور معانا فنزلتها بنفسي

ابتسم الجميع لهما

حليمه: خير ما عملت ياولدي يلا اقعدوا افطورو

جلس جلال برأس الطاوله ووتين بجانبه فمال عليها 

جلال:ها ياست البنات  خدتي العلاج اللي قبل الاكل

وتين: اه يا حبيبي خدته متشغلش بالك انت 

جلال: انت بالي وحالي كله 

وتين: وانت قلبي من جوه

امير: ايه يا كبير عتتودود فايه

جلال: وانت مالك انت

امير: ازاي مش يمكن محتاج حاجه كدا ولا كدا انا فالخدمه 

جلال: لا ياسيدي متشكرين لافضالك 

امير: براحتك 

جلال: انت رايح الشركه

امير: ايوا

جلال: هتاخد سمر معاك لانها هتبدا شغل معانا من النهارده 

امير: تمام

حليمه: شغل !!!شغل ايه ياولدي دا دا البنيه لسه راجعه من السفر مبقلهاش كام يوم وكمان موضوع طلا. …...
انتبه جلال لزله حليمه بالحديث فلحقها
جلال: وبعدين ياحليمه انا اتكلمت مع سمر ودا الاحسن ليها ودا اخر كلام

حليمه: اللي تشوفه ياولدي 

بعد فتره انهى الجميع طعامه 

جلال: الحمد لله 

وتين: بالهنا وانا كمان يلا بينا

حليمه: خارجين ولا ايه

جلال: هنروح للدكترره عشان نطمن علي وتين 

حليمه: ماشي ياولدي ابقي كلمني وطمني انا كمان

جلال: حاضر عايزه حاجه قبل مامشي

حليمه: حضرلك الخير ياولدي تسلم عايزه سلامتك

خرج جلال ووتين و بعده  استأذن امير وسمر اايضا للذهاب اللي الشركه 

امير: تمام لو خلصتي ياسمر يلا بينا احنا كمان

سمر: ايوا خلصت يلا بينا بس هجيب شنطتي من فوق وهاجي

امير:خلاص هسبقك علي العربيه

صعدت لاحضار حقيبتها وبينما حنين تودع امير عند الباب 

حنين: تروح وتاجي بالسلامه

امير: هتوحشيني الكام ساعه دول

حنين: يابكاش 

امير: مش مصدقه طب افتحي جلبي اكده وهتلاقيه مش هاين عليه يسيبك ولا يسيب حضنك الدافي دا وعيقول بلاش تروح النهارده وتسيب حنين القلب لحالها

حنين:طب انا عقول تمشي بدل ما اخليك متعرفش تخرج من حضني الدافي دا واصل ولا ايه رايك 

امير: ياريت و……

قاطعته سمر تمام انا خلصت يلا بينا

فلتت ضحكت من حنين علي تعبيرات وجهه المعترضه علي مقاطعة سمر لهم

يلا يامير روح شغلك سمر ابقي كلميني وطمنيني عنك فاول يوم شغل 

سمر: حاضر يا حبيبتي 

حنين: يلا سلام 

ردا عليها السلام وخرج الاثنين في طريقهما الى الشركه وكذلك تشاركا اطراف الحديث معا

امير: كيفك النهارده 

اسمر: الحمدلله احسن واهو جلال مش سايبني واصل

امير: وانا موجود زيي زي جلال بالظبط لو احتجتي حاجه اوعي تتكسفي مني سمعاني

سمر: حاضر 

امير: جلال كلمك عن الشغل ولا لسه

سمر: لا هو قالي اني هشتغل معاكوا فالشركه بس ومجبش سيره حاجه تاني مع اني جولتله اني مش عايزه اشتغل

امير: هو كان مكلمني علي انك تنزلي تشتغلي معانا بس متوقعتش انه بكون بالسرعه دي 

سمر: انا اصلا مكنتش متخيله انه يشغلني اصلا

امير: لو هتاخدك من رايي جلال عنده حق الشغل هيكون احسن ليكي وهيفيدك كتير 

سمر: نفس كلام جلال برضك قالي انه الافضل ليا بس انا معرفش حاجه واصل

امير: مش مشكله هتتعلمي وهيكون في حد مسؤول عن تدريبك و شويه بشويه هتاخدي علي الجو هناك وتعرفي ل شئ يخص الشغل
سمر: ان شاء الله 

امير: وبرضو زي ما قولتلك لو احتاجتي حاجه تقوليلي 

سمر: حاضر 

*****************

وتين: جلال

جلال: جلبه

وتين: مش شايف انك استعجلت ان سمر تنزل شغل خصوصا فحالتها دي

جلال:هتثقي فيا وفقراراتي ولا لا

وتين: اكيد طبعا

جلال: يبقي تمام  انا شايف ان دا الاحسن ليها

وتين: بس

جلال: بصي انا عارف انك مستغربه ويمكن الكل كمان فاني نزلتها بالسرعه دي شغل معانا بس دا الاحسن ليها سمر لو فضلت قاعده من غير متشغل نفسها بحاجه هتفضل تفكر فالزفت سعيد وكمان فاللي حصل معاها واستحاله تنسي بسرعه وهيكون شاغل كل تفكيرها لكن لما تنزل شغل هياخد كل وقتها ايوا مش هتبطل تفكير فيه بس علي الاقل هيكون تفكيرها قل وشويه بشويه هتاخد علي الشغل وكمان هتنسي فبدل ما تقعد تمثل قدامنا انها بخير عشان متزعلش حد فينا لا تنزل معايا شغل وتشغل نفسها وتفكيرها ونفس الوقت هتكون تحت عيني فالشغل والبيت وكلنا هنكون معاها 

وتين: عندك حق فعلا هي هتحاول متبينش اي حاجه  عشانا احنا

جلال: و عشان كدا جولت اخليها تشغل تفكيرها فحاجه

وتين: ربنا يعينها ويقدرها انها تنساه وتنسي كل حاجه تخصه 

جلال: اتمني دا لانها لازم تبدأ حياتها وتفتح صفحه جديده عشان تقدر تكمل 

وتين: يارب

بعد فتره وصل جلال الي عياده الطبيبه الخاصه بوتين والمتابعه لحالتها وصعدا اليها وقامت بفحصها

وتين: طمنيني يادكتوره 

الطبيبه: الجنين بخير وكمان انتي بخير

وتين: يعني مفيش خطوره او ممكن اولد بدري

الطبيبه:هو مفيش خطوره لحد دلوجتي الحمد لله اما بالنسبه للولاد منجدرش نحدد دلوجتي لسه هشوف فالايام الجايه ودا طبعا هيتحدد براحتك الجسديه والنفسيه وكمان انتظامك علي العلاج انتي دلوجتي باخر كام يوم فالسادس و لحد دلوقتي احنا نطمن خالص لان مفيش شي يقلق  

جلال: اهه الدكتوره طمنتنا و مفيش حاجه واصل

الطبيبه: انا مقدره اللي حضرتك فيه بس صدقيني مفيش حاجه تقلق لحد دلوقتي ومتنسيش ان العامل النفسي مهم يعني اللي انتي فيه بياثر علي الجنين

جلال: سامعه يعني هدي نفسك وانتي بخير اهه 

وتين: هحاول بس ياجماعه اعذروني انتوا بتقولوا اني احتمال اولد بدري وكمان ممكن يكون فيه خطوره علي بنتي فطبيعي اكون فحاله وحشه 

الطبيبه: بس دلوجتي انا طمنت حضرتك وبالراحه والتزامك للعلاج واساسي التغذيه الحمل هيعدي باذن الله علي خير.

وتين: يارب

جلال: تمام يادكتوره في حاجه تاني 

الطبيبه: لا كدا انا كتبتلها كل اللازم فالروشته ولو حصل حاجه كلموني علي طول والكشف الجاي هيكون بعد 15 يوم 

جلال: تمام عن اذنك

الطبيبه: اتفضلوا 

خرجا الاثنين من العياده ليوصلها الي القصر 

جلال: اظن كدا اطمنتي 

وتين: جدا لاني كنت خايفه فعلا

جلال: خير ان شاء الله يلا بينا اوصلك عشان اروح الشركه 

وتين: تمام 

قام جلال بايصال وتين الي القصر واطمئن عليها وخرج فطريقه الي الشركه بعد فتره كان جلال يجلس بمكتبه وطلب حضور سمر اليه

جلال:تعالي يا سمر اقعدي 

سمر:خير ياجلال طلبتني 

جلال:ها ياست البنات استلمتي شغلك

سمر:ايوا امير ظبطلي كل حاجه ووراني مكتبي فين وكمان خلي حد مسؤول عن تعليمي كل حاجه تخص الشغل

جلال:مدام رشا

سمر:ايوا هي

جلال:طب كويس مدام رشا خبرتها عاليه وهتساعدك كتير وفخلال اسبوع  او اسبوعين بالكتيرهتخليكي عارفه كل صغيره وكبيره فالشركه وعموما فمجالنا اصلا

سمر:اتمني دا مش عايزه اخذلك تاني ياجلال

جلال:بس انتي مخذلتنيش اولاني مش معني ان كان في اختيار غلط مره يبقي كل حياتنا غلط وكلنا معاكي لانها فتره وهتعدي 

سمر:ربنا يخليك ليا 

جلال:تمام لو احتجتي حاجه كلميني 

سمر:تمام هقوم انا للشغل عاد

جلال:استني قبل مانسي  انا خليت حماد مسؤول عن كل شي يخصك واي مكان هتروحي فيه وطبعا يجيبك ويروحك من الشغل 

سمر:ملوش لزوم يا جلال 

جلال:لا كدا هكون مطمن عليكي اكتر كمان حماد مش شغال معايا وبس لا دا صحابي وزي اخويا كمان فهأمن اكتر

سمر:اللي تشوفه ياخوي

جلال:تمام روحي انتي لشغلك 

سمر :عن اذنك 

هكذا مرت الايام علي سمر بالعمل الي ان تعلمت كل ما يختص بمجالهم هذا وكذلك تنفيذاً لكلام جلال بان يكون حماد مرافق لها دائما بجانب عمله مع جلال اما عن امير وحنين لا تخلو حياتهم من مشاكسة بعضهم لبعض وجلال يزداد قلقه علي وتين كما تقدمت بالحمل وباالتأكيد عصيان وتين علي اهتمام جلال الزائد بها الي ان اتي يوم جديد باحداثه الجديده علي ابطالنا المجتمعين علي طاوله الطعام لتناول وجبه الافطار 

جلال:حليمه مش هوصيكي علي عشا النهارده 

حليمه:لا متخافش ياولدي كل شئ هيكون كيف مانت عاوز بالظبط

جلال:تمام انا هقوم هتاجي معايا يا سمر ولا هتروحي مع حماد

سمر:لا روح انت انا هخلص كما حاجه وابقي اروح مع حماد 

جلال:خلاص ماشي انا همشي

وتين:استني يا جلال هوصلك لحد الباب

جلال:خليكي انتي مرتاحه

وتين:لا كدا هكون مرتاحه اكتر

ابتسم جلال لها واخذ بيدها وسار معا للباب

وتين:خلي بالك من نفسك

جلال:انتي نفسي طول مانتي بخير انا بخير 

وتين:وانا بموت فيك

جلال:لا انا امشي احسن لان حالي اكده يصعب علي الكافر وانتي عتتغندري قبالي وانا جايب اخري 

وتين:طب اعملك ايه مش الدكتوره

جلال:الصبر حلو بس تولدي بت *****اللي مش ناويه تاجي دي وحرماني منيكي

وتين بضحكه:هانت كلها اقل من  شهرين

جلال:ادخلي ياوتين الله يكرمك يابت الناس بدل مااخليكي تولدي النهارده بطريقتي انا

وتين:انت ….انت قليل الادب 

جلال:عارف 

وتين:يسلام طب يلا من هنا عشان انا مش فاضيه يا دوب الحق اجهز علشان بالليل لضيوفك

جلال:هتاخدي اليوم كله تجهزي

وتين:بس يارب يكفيني ببطني دي انت مش شايف انا بتحرك ازاي زي البطه

جلال:احلي بطه عايزه الاكل 

وتين:امشي ياجلال من هنا

ضحك جلال عليها وقبل جبينها وخرج لطريقه الي العمل مرالوقت بين عمل جلال وسمر وامير وبين تجهيزات حليمه وتين لهذا العشا الي ان اتت بهيه لوتين تحمل صندوق هدايا بين يديها 

وتين:اي دا 

بهيه:واحد من رجاله جلال بيه جابه وقال ان جلال بيه باعته لحضرتك

وتين:تمام حطيه عندك ياحبيبتي علي السرير

وضعته بهيه وخرجت لتتركها بمفردها فتحت وتين الصندوق ووجدت به فستان اسود طويل ضيق من منطقة الصدر وينتهي بوسع يتناسب مع حملها ذات اكمام طويله تتميز زينته بوجود نجوم صغيره تعطيه مظهر اكثر من رائع كانت عيونها تلمع من كثره اعجابها بالفستان لتنتبه الي صوت هاتفها فمن يكون المتصل غير جلال لتفتح الخط

 وتين:انت عارف اني مش بحبك بس لا انا بموت فيك كمان

جلال:عجبك

وتين: كلمة عجبني كلمه قليله 

جلال:ياريتني كنت قدامك دلوجتي عشان اشوف الفرحه اللي فعنيكي والضحكه المرسومه علي شفايفك

وتين:انا بقي لا لان انت لو قدامي دلوجتي حقيقي مكنتش ضامنه رد فعلي هتكون عامل ازي

جلال:اعتبرها دعوه صريحه 

وتين:لا انت اللي قليل الادب ودماغك بتروح لحتت عيب 

جلال بضحكه:امال

وتين:لا امال دي لما تجي بالليل 

جلال:لا كدا حسابك بيتقل

وتين:سجل عندك وكل حاجه ليها وقتها

جلال: بس خليكي انتي فاكره

وتين:متخفش

جلال:تمام انا هقفل دلوجتي وساعتين تلاته بالكتير هكون عندك

وتين:تجي بالسلامه ياحبيبي 

اغلق جلال الخط حاول اشغال نفسه بالعمل حتي لا يفكر بوتينه ويذهب اليها  الي ان اتي موعد العشاء وكان جلال قد وصل للقصر ليتجهز لاستقبال ضيوفه سلم جلال علي حليمه وو

جلال:كيفك يا حليمه

حليمه:الحمد لله ياولدي

 جلال:امال وتيني فين

حليمه:فوق عتجهز 

جلال:تمام وانا هطلع بردك يادوب اجهز

حلميه:استني 

جلال:عاوزه حاجه يامه

حليمه:ايوا انا هاخد حنان والعيال وهنروحوا لاختك

جلال :خير فيها حاجه هي او عيالها

حليمه:لا هي بخير هي وعيالها بس كلمتني وقالت ان امير سافر النهادره 

جلال:ايوا اضطر يسافر في مشكله ففرع الشركه اللي  فالقاهره

حليمه:عشان كدا هروحلها اقعد معاها انا والعيال والعزومه انا جهزت كل حاجه تخصها واهه سمر ووتين موجودين يقوموا بالواجب وزياده

جلال:انتي الخير والبركه ياست الكل 

حليمه:تسلملي ياولدي اهه البنات يسدوا مكاني 

جلال:خلاص اعملي اللي يريحك والعربيه جاهزه بره تحت امرك

حليمه:تمام انا همشي دلوجتي انا كنت مستنياك بس عشان مسبش وتين لوحدها

جلال:تمام 

ساعد جلال حليمه لركوب السياره كذلك اطفاله للذهاب الي حنين بعد ذلك دخل القصر وصعد الي غرفته ليتفاجئ بها وبجمالها الذي سلب عقل اه مِن مَن سرقت قلب الجلال بدون مجهود منها لتتوج ملكه بعرشه عن جداره  فكانت كالقمر بفستانها هذا كأن النجوم تركت السماء مفضله المكوث بجوارها لاعنا نفسه علي اختيار الصائب للفستان جعلته يتمني لو بامكانه اخفائها عن الجميع 

وتين:بتبص كدا ليه لا متقولش انه وحش انا عارفه اني تخنت الفتره دي بسبب الحمل بس هعمل ايه اولد بس وهعمل….ليلتقط باقي حديثها بقبله حميميه اودع بها كامل اشتياقه لها متمني لو يتوقف الوقت حتي تظل بحضنه فتره اطول لكن ليت ما نريد يحدث فكان لرئتها رأي اخر بمطالبة حقها في الهواءليتركها جلال علي مضض وسط همهمات لم تفهم وتين منها شئ 

جلال:حلو دي كلمه قليله انا لو اطول اخبيكي عن عيون الكل هعمل كدا

لم يتقلي رد فقط ابتسامتها الفرحه كانت اكثر من كافيه بالنسبه له
جلال:بس تولدي وانا هعرف اخلص القديم والجديد كلها

هذه المره فلتت منها ضحكه سلبته لبه 

اضحكي اضحكي لا وحليمه مختاره يوم تسيبنا لوحدنا فيه بس للاسف مش مناسب

وتين:دا علي اساس ان حليمه كانت هتمنعك لو مناسب

جلال:لا مانتي فاهمه غلط خدت جوز القرود معاها ودول يمنعوا بلد بحالها عيطبوا علي غفله بيفصلوا الواحد والحاجات دي عايزه تركيز عالي 

وتين:انت قليل 

جلال:قليل الادب والله عارف 

وتين:يعني ماما راحت لحنين دلوقتي مع اني قولتها تقعد عشان الضيوف

جلال:وانا قولتلها بس هي عايزه كدا  فسيبتها علي راحتها

وتين:فعلا

جلال:المهم انا هدخل اتسبح والبس احسن الناس علي وصول والقعده دي مهمه عشان الشغل عارف اني هتعبك النهارده كنت هعملها بره والله بس هما اللي اصروا ياجوا القصر لانهم مّلوا من الاوتيل واكله ودا بالنسبه ليهم تغيير عشان اول مره ياجوا الصعيد

وتين:ياحبيبي ولا تعب ولا حاجه واهلا بضيوفك فاي وقت 

جلال:ربنا يخليكي ليا 

وتين:حبيبي انا ياناس تمام اجهز وانا هروح اشوف سمر زمانها جت

جلال:لا لسه كانت بتخلص ورق وجايه ورايا

وتين:تمام يبقي اشوف البنات احسن تكون حاجه ناقصه

جلال:خلاص ماشي 

دخل جلال مرحاض لياخذ دوش بعد فتره خرج جلال وتجهز سريعا لاستقبال ضيوفه ونزل للاسفل كان ذلك بوقت وصول الضيوف واستقبال وتين لهم ووو

وتين:اهلا وسهلا

…..:وتين

وتين:ادهم العزبي 

ادهم:وتين الزهدي يااااااه يابنتي ليكي وحشه ليقوم باحتضانها و

جلال بغضب:وتيييين

وهنا نقول استوب ياحلوين 😍
.
.مع البارت الجاي في وتين الجلال 
.
.هتوحشووني 😘😘