وتين الجلال

البارت السادس عشر(بشرى)

تاتي ايام وتمر أخرى لتكون بداية يوم جديد بأشعة شمسه الذهبية التي تداعب جفنيه مع ابتسامته المشرقه التي ترتسم علي شفتيه ويداه تعرف طريقها للبحث عنها بجانبه لكن خاب ظنه فتح عيناه للبحث عنها لكن عبث فوجد الطفلين يلهوان اقترب منهم

جلال:صباح العسل علي الحلوين

ابتسم الاثنين له كأنهم يفهمونه / ندهه باسمها لم ينتظر طويلا ليجدها تخرج من المرحاض لكن يظهر عليه الإرهاق

جلال:وتين مالك

وتين:لا ابدا مفيش

جلال:كيف دا انتي مش شايفه وشك اصفر ازاى!

وتين:صدقني مفيش حاجه دول شويه ارهاق وخلاص راحو اول اما شوفتك

جلال:لا دا انا عتثبت بالكلام دا صح ولا انا مش واخد بالي

وتين:لا تتثبت ايه دا انت اللي في القلب

جلال:لا انا عايز اثبات

وتين:دلوقتي عيب الأولاد قاعدين

جلال:اهو دول اللي طلعولي في البخت

وتين:بطل بقي يسمعوك

جلال:لا يسمعوا مين دول بيلعبوا

وتين بضحكه:بجد طب بص جنبك كدا

جلال:لا متجوليش

وتين:للاسف معلش اعوضهالك

نظر بجانبه فوجد أحد الطفلين ينظر له بابتسامه طفوليه تاخذ القلب ليرفع يداه لجلال ليحمله مع نطق كلمة بابا

جلال:ضحكتك دي وكلمة بابا اللي تاخد العقل هقدر اتكلم بعديهم يعني

وتين:ربنا يخليك لينا بجد انت مش متخيل فرحتي لما سمعت الولاد بيندهوك ببابا وانت سمحتلهم بكدا

جلال:يارب /لا كده هزعل منك ايوه طبعا يجولوا بابا دول بجيوا عيالي خلاص دا انا اللي فرحان انك وافجتي تخليهم يجولولي كدا

وتين:انت عارف اني بحبك

جلال:وانتي عارفه اني ماسك نفسي بالعافيه بسبب جوز القرود دول

وتين:قليل الادب

جلال بضحكه رنانه:عارف

وتين:طب هات عمر وادخل يلا خد دوش علشان نلحق اليوم من اوله

جلال: مبلاش النهارده انا فعلا حاسك تعبانه

وتين:صدقني انا بخير ولو حسيت بتعب هقول كمان انا مصدقت انك فضيت لينا يوم نخرج كلنا فيه

جلال: انا عارف اني مقصر بس فعلا غصب عني

وتين:ياحبيبي انا عارفه ربنا يعينك اهو النهارده هنعوض

جلال: ان شاء الله خلاص هجهز بسرعه تكونوا خلصتوا انتوا كمان

وتين:تمام