وتين الجلال

البارت الاول (استعداد للسفر)

حازم المحمدي:الابن الاوسط لعائله المحمدي وسيم طويل عريض المنكبين ذو جسد رياضي مرح جدا ٢٧ عام يدير اعمال العائله مع اخيه وايضا اعمال زوجته لظروف معينه

وتين الزهدي: بطله روايتنا ذات عيون زيتونيه وشعر اصفر جميله مرحه ٢٥ عام زوجه حازم فقط هو من استطاع اعادتها لحياتها الطبيعية من بعد وفاه والديها

فجرا باحدي احياء القاهره بالاخص بمنزل حازم المحمدي •
حازم : توته اصحي يا قلبي يلا علشان نصلي ونلحق نجهز علشان السفر

وتين:حاضر يا حازم ثواني بس هخطف حلم سريع كدا وهقوم

حازم:لا ياتوته بطلي كسل بقي وقومي

وتين:خلاص يازومه صحيت واهو صباح الخير هات ايدك قومني

حازم:يا صباح الهنا و الياسمين والفل عليكي وعلي العفايت الصغيرين عامله اي النهارده

وتين:الحمد لله بس ولادك اشقيه اووي انت بره وهما جوه انا كدا خلاص

حازم:معلش ياحببتي لو تعبانه اووي كدا نروح للدكتور ولو عليا فاعذريني انا مش هعرف اشوفلك حل يعني بزمتك حد يبقي معاه الحلوه والملبن دي ويمسك نفسه

وتين :حازم بطل بقي متكسفيش

حازم:يالهوي عليا طب بالزمه انا اعمل اي مع الخدود الحمرا دي

وتين:نقوم. نصلي يا حازم نصلي حافظ الفاتحه ولا احفظهالك

حازم:اه يافصيله لا حافظها ياختي لا قومي اتوضي وانا هسبقك علي بره

وتين:وتمام بس هات ايدك وانا بقيت عامله زي الكوره بتشقلب كدا

حازم:كوره ايه قولي بطه مقلوظه يابطه انني يابطه

وتين:حازم وبعدين معاك

حازم:خلاص سكت اهو يلا وانا مستنيكي

وتين:تمام

بعد الاتهاء من الصلاة جلسا الاثنين بالريسبشن

حازم:ها ياتوته جهزتي حاجتك ولا كل شويه تقولي لي يالهوي يا حازم نسيت كدا يانهاري يا حازم الحق نسيت مش عارف اي

وتين :اخص عليك يا حازم انا بعمل كدا دانا حتي مش باخد حاجات كتير معايا وهي شنطه صغيره خالص وبعدين ماما حليمه وكمان حنين مش بيخلوني محتاجه حاجه لما بنسافر

حازم:اه طبعا انا اللي هاخد التلت شنط اللي جوه دول وبعدين تعالي هنا قولي لي اي الكسل دا كله

وتين:كسل اي حرام عليكي يعني انت تسهرني وبعدين تقولي كسل وبعدين انت مش شايف اني حامل في الشهر الخامس والحمل من اوله جاي معايا بنوم

حازم:الله مش انتي اللي بتغريني وبتتغرغري بيا وانا غلبان ياولداه وانا بشر بضعف قدامك انت ياملبن