تبدأ ايام وتنتهي ايام ليمر الكثير علي ابطالنا ويطل صباح جديد بغرفه جلال ليستيقظ علي صوت احد الطفلين فيجده جانبه بالفراش لينادي باسمها
جلال: وتين تعالي شوفي الواد عيبكي
لم يجد جلال رد فنهض ليجده بجواره
جلال: ايه دا عاد سايبه الواد عيبكي راحت فين دي بس باااس ششششش عيشيلوووه كيف دا
لم يتعامل جلال مع اطفال من قبل فبالنسبه له من الصعب حمل طفل صغير لكن للضروره احكام حمله جلال بكل رفق
جلال: باااس بطل بكي عاد اديني شيلتك اهه انا معرفش امك راحت فين بس
جلس جلال به فبدأ الصغير يهدأ بدأ جلال يلاعبه فضحك الصغير بوجهه
جلال: عتضحك اه انا اعمل اي حاجه بس متخيلتش اني اتحط فالموقف دا بسببك انت يابذره
كان الطفل ينظر اليه وكأنه يفهم ما يقوله فعاود الضحك مره اخري
جلال: اضحك اضحك ربنا يجدرني علي رسم الضحكه فوشك انت واخوك وامك دايما ياتري انت مين فيهم عمر ولا عمرو
هنا دخلت وتين :هو خلاك تصحي
جلال: مش مشكله كنتي فين وسايبه الواد اكده مخوفتيش يقع من السرير
وتين: كنت بنزل عمر لماما الاول لان دلوقتي مش بقدر اشيل الاتنين مع بعض
جلال: ماشي بس خدي بالك بعد كدا كان ممكن يقع لو كان لوحده
وتين: مانت معاه اهو وبعدين دي اول مره اشوفك شايف حد منهم من ساعه ماتولدوا اصلا
جلال: عادي يعني دا.....دا علشان ميقعش مني
وتين: ولا يكون مش بتعرف تشيلهم اصلا
جلال: مين انا!!..لا ابدا مانتي دخلتي لقتيني شايفه اهه
وتين: طيب
جلال: ايه طيب دي
وتين: ابدا المهم اجهز انت علشان الفطار جاهز تحت عن اذنك
جلال: اذنك معاكي
وتين: اه جهزتلك هدومك هتلاقيها عندك
جلال: ماشي
وتين بهمس: مستكتر كلمه شكرا
جلال: عتقولي حاجه
وتين: ابدا بقول نازله محتاج حاجه
جلال: احسب
اخذت وتين عمرو وتركته ليتجهز بعد فتره انتهي جلال ونزل لتناول الفطور
جلال: صباح الخير
حليمه:صباح الخير ياولدي
وتين: يلا ياجماعه الفطار جاهز
جلال: ست حنان فين امال
وتين: اهي جايه كانت فالمطبخ
جلال: ماشي
اجتمع الجميع علي طاوله الطعام بعد فتره قصيره بدأ جلال الحديث ومن بين الحديث اخبرهم
جلال: انا ان شاء الله هسافر بكره
حليمه: هتسافر فجأه كدا
جلال: لا مش فجأه بس كنت مستني اظبط اموري الاول واجول وعلي العموم سفريه شغل
YOU ARE READING
وتين الجلال
Romanceرحله من تاليف القدر في زياره قصيره لاحدي محافظات الصعيد هل ستكون قصيره علي ابطالنا ام تكون طويله لحياه وتين
