السلام عليكم.... غوالي
......
يلاهي من الصبر لاوين لاميت
وناس المادرت بالحال لاميت
انازع بالوكت لاحاي لاميت
اچالع والعلل زادت عليه
.......
#جفاهم خله بيه اثنعش علاه
بدليلي / والمرض للراس علاه
گمت اضحك جذب للناس علاه
#تبين عازتي ويطون بيه
.........
ضلمني وموش مثل الناس.. ضلما
جفاني وما احس بالريج .... ضلما
بظهر الله يصير الكون ........ضلما
بعيني من يمر طرواك بيه
.........
•نسيج من الحزن بالروح ... ينحك
•وعظمي من شديد الهظم ... ينحك
•اذا انت طير انكسر ..... جنحك
انا جنحي وخاطري انكسرن سويه..
........
•على كلبي الهجر ملفوفـ ... حبلا
•النساني وراح ماتدرون ... حب لا
•صرت مثل البقت سنتين .. حبله
بثلث صبيان بس ميتين بيهّ..
.......
•وغلاتك من تمر عل بال .... مرات
•چن ساحة حرب وجيوش ... مرت
•الليالي الچانن من اسنين .... مرات
خذن حيلي وشباب الچان بيـــه.❣️
.......
•هاك الكلب بيدك حيل ... طحنه
•امس فوك النجم واليوم ... طحنه
•شبدينه وبلعشك ياناس ... طحنه
غشيمه كلوبنه تحب اﻻذيه💔
.....
•شجاك شبيك ﻻمريت ... ﻻ يت
•وهاي الروح عكبك حيل ... ﻻ يت
•يبو اعيون الوسيعه ادكول ... ﻻيت
ضرير انه دحط عينك عليه👀❤
........
•اصد وازعل وادير الوجة ... طبعن
•لأن لجمات الك بالكلب .... طبعن
•حلو بكلشي لاكن بيك .... طبعين
تشك وتغار من روحي علية❤
........
•منو الجابك الشوفي ... وعنك
•معقوله الهوه هزك ... وعنك
•ترى الناس الحجو عني .... وعنك
تغار تريد ما نكعد سويه💔
.......
•صرت مدرسه بحبك .... وانت صفي
•وهاك الكلب بيدك ...... وانت صفي
•أغار عليك من تكعد ... انت بصفي
إذا تبعد شبر شيصير بيه💓
..........
•شلع كَلبي وسيع العين .... مرتين
•اخذ روحي ومشا ويا .... مرتين
• تحيه لكل رجل لو اخذ ... مرتين
وفوك الفوك !! مكَعدهم سويه💓
.........
•عشت بالموت من ولفي ... تركناي
•يدهري وليش شمسوي ... تركناي
•أحسه بنصي مو طعنة ... ترك_ناي
وخله أعضاي تطرب كل مسية.💔
.......
•صحيح بعيد بس كلبي ... شعر بيك
•حزين وباقي بس اكتب ... شعر بيك
•عجيبه شلون ظل أسود ... شعر بيك
ومن فركاك ماظل شعر بيه💔
.......
•حلاوة وعسل ياغالي ... صفن بيك
•وعقلي ماصفن لأحد .... صفن بيك
•الليالي وين يمدلل ... صفن بيك
وخلن شوفتك حسرة عليشيحذفه
........
•تعال اشعل دليلي بنار ... وج هاك
•وماخذني زماني وين ... وجهاك
•شمالك من شفتني ادير ... وجهاك
كمت ماعجبك وكالب عليه.💔
........
•وكت ابجي على ابعادك ... وكت ما
•وعهد مايوم اطش سرك ... وكت ما
•تدري اشوكت امل منك ... وكت ما
اموت ويلتهي الدفان بيه💔
.......
•وكت ازعل على الراحو ... وكت هم
•انوحن وابجي واذكر ... وكت هم
•وكت صفنه تجي بكلبي ... وكت هم
وكت اضحك جذب غصبن عليه💔
........
ذكرتك مو لأن مشتاك
شفت صورة الك صدفه
گالولي صفنت شبيك
تعرفه وكلت ما اعرفه
اعرفك جني بس ناسيك
الملامح كلهه مختلفه
عرفتك من وجع گلبي
ترة مو من اثر لهفه
اذا بذاكرتي تبقه تريد
جرحك بيه ما يغفه
وذا احذفك ردت بل عين
جرحك مني شيحذفه
...........
•ألف شك أبسط كلبي ... وطرباه •وياهو بضيمي يستانس ... وطرباه •اريد اجناح من هدهد .. واطرباه واجيب أخبار والفي الكطع بيه💔
......
•فرح مامش بعد بجفاك ... ضعفان •وعذابك علكلب مو ضعف ... ضعفان •لون تنشد عليه اشبيك ... ضعفان اكول فراك وجهك عم عليه.💔
.......
يلم بيه الحزن ساعه ولم بيه
وعليكم گلبي يوجعني وألم بيه
الحزن تفصال ومخيط ولم بيه
لبسته وماقبل يعتگ عليه..
........
الوكت غدار طبعه ماله ... صاحب
بس تصفن يغدرك ماله ...صاحب
أنه الضليت وحدي مالي ... صاحب
حتى الچان يسأل كطع بيه
.........
تحياتي الجميع......