مساء الخير غوالي...
.............
عليت وراسي مادنك ::: عله وياي ..
وابد ياصاح ماتكدر ::: عله وياي ..
تعال الروح
بيها جروح
اخذها وروح
حتى تشوف
من تعوف
ماذليت
وأهل البيت حضرولي ::: وعلي وياي
يحضر لو نويت تخون بيه
........
عطني جگارة تتن ياصاح تالفها
من حيث روحي على الخلان تالفها
ياوسفه اكتب حزن وحروفي تألفها
من ظيم گلبي على الراح ما عادي
فراگ الاحبه صعب ياخوي مو عادي
سنين اني انتظر مو فات ميعادي
وعيوني تربي علدرب ياحيف تالفها .
......
ياصاح عكب الولف بس الحزن ظل لي
وضليت مثل الخبل أحجي مع ظلي
أمشي بجزيره اصبحت ماظل بعد ظلي
من حيث كام الحجر يبجي على حالي
ودمعي وسط مقلتي عكب ألولف حالي
ماطول ولف الجهل شاف ألجره أبحالي
ضلي يروحي ابحزن طول ألعمر ظلي.ا..
............
ياصاح ضاع العمر مابين ون ونوح
وهموم ماتنحمل تملي سفينة نوح
عتيج بيت الجرح بيه الحمام ينوح
والروح بيها ألم خلصان تاليها
وسهام كثر الهجر كلساع تاليها
دنياي باولها جفت تعاد تاليها
گابلني ياحظي الردي اللطم معاي ونوح
.......
ياصاح شوف الوكت خايب علي جار....
خلاني جار لعدو قاسي علي الجار....
كل يوم من حسرتي عبرات ابقى الجار.....
حسرات بيهة اختنك تكطع علية الهوة....
وحقه المضاك الولع لديرة حبها وهوة....
الشهر يخلص ركض ماتلحك تجر هوة....
الباب دك بعجل يفلان دك ايجار....
.........
احس گلبي بجفاك انكسر شي باه
عفتني وحدر سني اطلعت شيباه
دمــع وجـروح
نفس مــذبوح
هيـــــــچ الليل
اخلصه اعويل
شـــــي لــــوعــــات شــــــي بآه
واصبح چن عـــزا منصوب بيه..
........
ياصاح بطل النــــــشد عنك مشو خلتك
ودنياك دارت عكس بطاك الرحى خلتك
واللي تضنه گبـــــــــــل يستر إلك خلتك
وسفه الوكت غيره وعالباب شامت يمر
يضحك بوجهك چذب وبگلبه يلهب يمر
حتى العسل مختلف بريج التحبهم يمر
ومن صار مــــــر العسل كل الربع خلتك
........
ياصاح مني الجبل شهدم ترانا وشهد
من حسنة والله البشر مايوم شافو شهد
كلمن لمح طرتة اقسم بربه وشهد
ان حسنة ماينوصف يشبه حسن يوسفي
فليتي شعرج علي حالي صفة يؤسفي
رمان طعم الصدر او طعم الوجن يوسفي
والشفة بيها انجمع كيمر مربة اوشهد
..اودعناكم.....