السلام عليكم احبتي متابعين كتاب شعر شعبي
تحيه حب وتقدير على كل من سال عني
♥♥♥♥♥♥♥♥♥♥♥♥♥♥♥♥🌹🌷
مدفون بغرامك من زمن هابيل
كبري بوسط كلبك ليش متزوره
♥♥♥♥♥♥♥♥
تعال أوياي نكطع وحشة الليل"
وأضويلك وأصير أبليلك أشموع"
امد روحي جسر لو مرك السيل"
واعصر عيني الك من تعطش ادموع"
وافرفحلك واحضنك وآخذك شيل"
وأشك كلبي وأضمك بين الضلوع"
♥♥♥♥♥♥♥
رضة منك حبيبي الكلب من سال
ودموع العين من فركاك من سال
المرض منك لفاة الجسد من سال
تشفة بشوفتك روحي الطرية
♥♥♥♥♥♥♥
غاب القمر من شافك ولا هل
ولغيرك ما نزل دمعي ولا هل
مالي دار من بعدك ولا اهل
بس انت الحبيب الباقي اليه
♥♥♥♥♥
صرت كلي جرح بجفاك ودي
وشوفك كل مسه ومصباح ودي
إذا خلص رصيدك علي ودي
أمد شريان وانته اتصل بيه
♥♥♥♥♥♥
رسمتك صورة مطبوعة بسواد العين
ومــا غمض اخافــن تنمحي الصــورة
وكتبتك ذكره حلوه مو علة الحيطان
كلبــي لـــذكرتــك ســويتة صـــبورة
♥♥♥♥♥
تيهت دربي وتهت لمن شفت شامتك
ظل يمي لا تبتعد يفرح ولك شامتك
شامات بالخد شفت بس بالصدر شامه تك
صورك رب العرش وبيك الحسن دكه لك
سواك مثل الكمر وبالحنج دكه لك
ومن ايدك كلبي اعتقد دكه لي ودكه لك
يل بيك عطر الورد شكد طيبة لك ياشامتك؟
♥♥♥♥♥
عدها #شامه
وهي مو كل شامه شامه
ادخيل زنده..
تكول عش ونايمه بنصه حمامه ......
♥♥♥♥♥
أحبَّك يابو شامه وجه دوّار
وگلبي عليك من الصغر دوّار
آنا ل أعوف الأهل وأشتغل دوَّار
و أشوفك كل صبااح وكل مسيّه 💚
♥♥♥♥♥
... اودعناكم غوالي...