وقفنا البارت اللي فات عند وتين وذكرياتها لتفيق علي طرقات الباب
وتين:اتفضل
حليمه: اي يابتي لساكي منمتيش
وتين: هنام اهو ياماما محتاجه حاجه
حليمه: ابدا كنت جايبالك كوبايه اللبن دي مشان تشربيها
وتين: تسلملي ياماما
حليمه: اي دا ايه الصور دي ليه يابتي غاويه تتعبي جلبك وتتعبينا امعاكي
وتين: الله يرحمه
حليمه: هوني علي نفسك يابتي وادعيله
وتين: مش قادره ياماما حازم كان كل حاجه بالنسبه ليا
حليمه: يابتي متتعبنيش امعاكي عاد امال انا اعمل ايه دا ولدي و اول فرحه ليا بعد ماتجوزت عمك الحج ايوا جلال ولدي بس ولدي اللي ربيته يعلم ربنا مفرجتش بيناتهم ابدا بس بردك دا ولد بطني واهه ربنا بيختبر صبري وانا صابره يابتي وحامده ربنا وشكراه علي كل حال بكره عيالك ياجوا علي وش الدنيا و تعرفي ربنا حنين علينا كيف وعوضنا بعيال المرحوم هدي حالك يابتي وادعيله كتير
وتين: ربنا يرحمه ويغفرله ويخليكي ليا ياماما وتربي عيال حازم بنفسك
حليمه: تسلملي يابتي انا هروح انام محتاجه حاجه
وتين: لا ياماما تصبحي علي خير
حلميه: تلاقي الخير يابتي
*********************
بعد مرور ثلاث اسابيع
حليمه: جلال ياولدي انا عوزاك فحاجه اكده
جلال: خير يامه انتي تامري
حليمه: الامر لله وحده بس الموضوع بخصوص مرات المرحوم
جلال: خير يامه فيها حاجه او محتاجه حاجه
حليمه: لا يا ولدي البنيه كيه النسمه مطلبتش شئ
جلال: امال
حليمه: دلوجتي هي فأواخر شهرها السادس صوح
جلال: معرفش ياحليمه انا فشغل الحريم انتي ادري
حليمه: اناعجولك اهه
جلال: ايوا يعني الجصد من الحديت دا
حليمه: اني اجصد هتعمل اي بعد ما العده تخلوص وكمان العيال
جلال: مالهم العيال اعيال اخوي هيتربوا اهنه فبيت ابوهم ولو علي مرات المرحوم عايزه اتعيش اهنه اهلا ومرحب بيها مش عايزه هي حره كمان دلوجتي في شغل بيناتنا فهي هتفكر بالموضوع اكيد
حليمه: ياولدي الكلام مش اكده انا لسه عتحدت معاك
جلال:وانا الحديت خلوص معاكي لحد اهنه كمان لسه بدري جوي علي حديتك دا لما تولد نبجي نشوف الحكايه دي انا ماشي
حليمه: يا ولد اسم....
لم يترك لها مجال للحديث اكثر من ذلك وتركها وذهب للشركه
***************
شركه الحديدي
صابر: انا عايز كل حاجه بخصوص الشركه دي
عادل : تمام يافندم ساعتين بالكتير وكل حاجه تكون جاهزه
اثناء الحديث طرق حسين الباب
صابر: اادخل
حسين: حضرتك طلبتني
صابر: ايوا يا حسين اقعد روح انت يا عادل
حسين: خير يا باشا
صابر: انا سمعت انك كنت الدراع اليمين لفهمي الله يرحمه
حسين: ايوه يا باشا
صابر: كويس انا عايز اعرف كل حاجه بقي
حسين: مفيش حاجه ياباشا اكتر من اللي حضرتك تعرفها الباشا الله يرحمه الباشا كان داخل فصفقه مهمه بالنسبه للشركه وكان منافس ليه عيله المحمدي فلما كسبوا الصفقه الباشا عمل اللي عمله وقتل بن المحمدي حازم فاخوه جلال مستحملش وقتل الباشا
صابر: شكلك كنت مخلص لفهمي باشا
حسين: انا فالخدمه دا لحم كتافي من خيره
صابر: كويس انا بحب الاشخاص اللي زيك بما ان فهمي كان بيثق فيك فدا كويس وهيخليني اتعامل معاك بردو
حسين: ياباشا انا فالخدمه
صابر: انا كدا كدا هستقر فالقاهره فمحتاج رجاله تكون معايا واظن انك قدها انت ورجالتك
حسين : طبعا يا باشا
صاير: تمام انت تبدأ من النهارده عايز طقم حراسه كويس علي الڤله وكمان يكون معايا علي طول
حسين: اللي تامر بيه حضرتك
صابر: خلاص روح انت دلوقتي لما احتاجك هكلمك استني تحت
حسين: حاضر عن اذنك
خرج حسين وظل يفكر صابر بعائله المحمدي
صابر لنفسه: يعني انت يابن المحمدي اللي عملت كدا تمام اوووي الايام جايه كتير بس نغير شويه من اللي عمله فهمي الله يرحمه دانت حبيبي بردو ياجلال
******************
شركه المحمدي
امير: عملت اي في الشغل اللي كان ماسكه حازم فمصر
جلال: الشغل اللي يخص شركتنا خليت حد يمسكه اما بالنسبه لشركه مرات المرحوم انا اتكلمت امعاها بخصوص الموضوع دا جالت مش عارفه تعمل اي
امير: وهتعمل ايه انت
جلال: ابدا انا اقترحت عليها تكون شريكه معانا و كدا نضم شركتها لفرعنا فمصر ودا هيسهل الشغل علينا دلوجتي وهي وافجت مش هيكون عليها غير تمضي بس لو في حاجه مهمه جوي طبعا هي هتكون فالصوره دا مالها وحجها
امير: طب كويس دا كدا اتحل حاجات كتير
جلال: الحمد لله
امير: وعملت اي مع صابر
جلال: معملتش حماد جابلي كل حاجه عنيه
امير: تطلع زي اخوه عاد
جلال: الاتنين اخوات عايزه يطلع كيف الملاك يعني تيجي عيله حتي بس دا اذكي شويه هو لحد دلوقتي معملش حاجه ومفتكرش انه ممكن يعمل حاجه دلوجتي خصوصا انه راجع من بره و عايز يكسب اسم فالسوق اكيد مش هيعمل عداوه من البدايه علي العموم انا عيني عليه علي طول طول ماهو فحاله انا مش هجربله لكن فكر يلعب بديله هيكون مصيره زي مصير اخوه
امير: وانت جولتها
جلال: ها عملت ايه في الصفقه الجديده
امير: خلصت كل حاجه فاضل بس التسليم
جلال: تمام جوي
امير: هتمضي العجود امتي مع مدام وتين
جلال: المحامي هيجهزهم بس وبعدين نمضي
امير: خلاص ماشي انا هجوم عايز حاجه
جلال: لا تسلم
******************
مرت الايام علي الجميع بمحاوله التأقلم علي وضعهم الجديد فوتين وقعت علي عقد الشراكه مع جلال فتحمل هو المسؤليه الكامله للعمل نظرا لوضعها بالحمل فاصبحت بشهرها السابع واهتمام حليمه بها اما عن حنين اصبحت بشهرها الثاني وامير تقريبا لا يجعلها تنهض من الفراش الا للضروره فقط مبررا انها تحتاج للراحه الشديده في الشهور الاولى بالحمل وهذا الوضع يغضبها ببعض الاحيان الا انه بداخلها تكون سعيده للاهتمامه الزائد بها
حنين: يامير انا زهجت من الرجده دي انت حتي معتخلنيش اجوم واصل من السرير
امير: امال عايزاني اسيبك تجومي وتتعبي اياك انتي مشيفاش حالك ولا اي
حنين: طب حتي تخليني اجوم امشي في الجنينه شويه مش معجوله الحبسه في الاوضه علي طول
امير: يا حبه الجلب انا خايف عليكي و خايف لحسن تتعبي
حنين: لا متخافش انت علي طول امعاي وكمان البنات اهنه امعاي لما معتكونش اهنه يعني معكونش لوحدي واصل
امير: خلاص اعملي اللي يريحك بس اهم حاجه تاخد بالك من نفسك
حنين: حاضر
امير: يلا عاد نامي مشان تريحي
حنين: يابوووي امال كنا عنحكي فايه
امير: ايه احنا فالليل امال هتعملي اي ولا يكونش الجميل عايز حاجه تانيه
حنين: وسع ياامير انا هجوم انزل الجنينه شويه اتخنقت من النومه دي
امير: دلوجتي انتي عارفه الساعه كام
حنين: مهما تكون هنزل دلوجتي يعني هنزل
امير: اعجلي يابت الناس تنزلي فين دلوجتي
حنين: نام انت وانا هنزل
امير: انام اي وتنزلي لوحدك مخك طج ولا ايه انتي الجنينه كلها حرس تحت عايزه تطلعي تمشي جدامهم لا عال جوي
حنين: طب عتزعجلي ليه 😣😣
امير: انا معزعجش
حنين: لا عتزعج ااهي اهي اهي
امير: طب خلاص متبكيش عاد جومي حطي حاجه عليكي وعقبال مكلمهم تحت مشان يطلعوا لبره
حنين:دجيجه واحده واكون جاهزه
اميربصدمه: هي دي اللي كانت عتبكي دلوجتي كانه هيكون حمل زين هيطلع عيني
حنين:اني جهزت
امير: انتي لحجتي
حنين: ايوه دا جلابيه ورميت طرحه عليا وبعدين احنا هنكون لوحدينا صوح
امير: صوح مشي يلا جدامي شكله هيكون مرار طافح
حنين: عتجول حاجه
امير: معجولش اتفضلي
*****************
بالقصر
بغرفه وتين كانت تستعد للنوم ولكن سمعت صوت خشخشه تاتي من ناحيه التراس المطل لغرفتها فرأت ظلا ومن خوفها ركضت للخارج متجهه لغرفه جلال
جلال: ادخل يلي عتخبط
لكن لم يتلقي ردا غير الطرق فذهب ليري من وما ان فتح حتي وجدها امامه ترتجف من الخوف
جلال: مرات اخوي خير مالك
وتين بخوف: ف..ي ف..ي
جلال: اهدي مالك عتترعشي ليه كده في ايه
وتين: ف..ي حر..امي في الاو..ضه ووولم تعي ما حدث بعد ذلك
قبل ان يلامس جسدها الارض حملها جلال لداخل غرفته ووضعها علي فراشه فكانت هذه المره الاولي التي تدخل وتين غرفه جلال تركها لتفقد الامر دخل الغرفه بهدوء فوجد شخص ملثم فاسرع اليه بخفه وضربه لدرجه افقدته الوعي وخرج بعد ذلك من الغرفه ونادي الحرس او بالاحري حماد فهو مسؤل عن حمايه القصر فاستيقظ من بالقصر علي صوته
جلال بغضب: حماد انت يا زفت حماد
اتي حماد مسرعا اوامر جنابك ياجلال بيه
حليمه: خير ياولدي في ايه عتزعج ليه
جلال:حليمه روحي للاوضه عندي هتلاجي مرات اخوي فوجيها وخدي واحده من البنته امعاكي وانت ياحماد باشا ابعت حد من رجالتك او اللي عتعتبرهم رجاله اصلا لاوضه مرات حازم وهات ولد الكلاب اللي متلجح فوق
حماد: امر جنابك يابيه
حليمه: فهمني ياولدي بس في اي
جلال : انتي لسه عنديكي يامه عجولك شوفي البنيه جاطعه النفس فوجيها وخليكي جارها لحد ماجيلك
حليمه: حاضر ياولدي بيت يابهيه انتي يابت حصليني علي اوضه سيدك جلال
بالفعل صعد حماد للاعلي وجلب اللص وتوجهت حليمه لوتين لافافتها استيقظت ولكن كانت تعاني نوبه خوف فكانت تتنفس بصعوبه
حليمه: بت عامله اي دلوجتي
وتين بصعوبه: م.ش قاا...دره ات..ن..فس
حليمه: يامري روحي يابت بسرعه هاتي البخاخه بتاعت الاوكسجين بسرعه الدكتوراه كانت كتبتها وجبناها
بهيه: حاضر ياستي دجيجه واحده
حليمه: هدي يابتي علي مهلك يلا يابت كل دا يابت المركوب براحه اتنفسي براحه هدي مفيش حاجه انتي بخير دلوجتي
بهيه: اهي ياستي
حلميه: هات بسرعه خد يابتي علي مهلك
تناولت وتين بخاخه الاوكسجين منها ووضعتها اتجاه فمها واخدت منها الي ان انتظم التنفس لديها اما عن حليمه اخدتها بحضنها لتهدئتها الي ان غفت وتين
**********************
بالاسفل
جلال: فوجه
قام حماد بالقاء الماء عليه لافاقته
جلال: مين انت يا ولد المركوب
الرجل: انا .....انا
جلال: اخلص انت هتهته طول الليل مين انت
الرجل: انا..
جلال: حماد شوف شغلك امعاه
الرجل:خلاص هجول هجول انا منير
جلال: ايوا يعني وبعدين اخلص هتنقطني بالحديت
منير: ياباشا اني فقير وملاجيش اكل ووسوسه الشيطان ليا هي اللي خلتني اجي اهنه مشان اسرج
جلال: تسرج مره واحده وكمان يوم ما تسرج تسرج اهنه لا دانت برج من نفوخك طج
منير: عندك حج جنابك انا استاهل كل اللي يجرالي
جلال: وماجتش ليه تطلب اللي انت عايزه كنت هبخل عليك اياك انطق
منير: ساعه سوده ومنيله بطين يوم ما فكرت اسرج شيطان ياباشا توبه
جلال: انت فعلا مش هتعيدها تاني خدوه علي المخزن حماد تعالي عاوزك
حماد: امر جنابك
جلال: والله عال يا حماد بجي سهل اي حد يدخل
حماد: ياباشا انا...
جلال بعصبيه: انت ايه انت عارف بسبب البقر اللي مشغلهم دول كان هيوحصل ايه ادعي ربك انها عدت علي خير ومحصلش حاجه
حماد: مش هتتكرر تاني جنابك
جلال: الصبح الاجي ناس تاني ماسكه الحراسه وياريت يكونوا رجاله المره دي مش حته عيل يغفلهم وكمان يدخل القصر وهما بشوات ولا دريانين بحاجه واصل كمان تطلع علي المخزن تروج الواد دا ترويجه خفيفه اكده للي عمله ويكون درس ليه مشان ميفكرش يعملها تاني وتبعت بعديها تجبله دكتور يعالجه لما يخف تبعته علي المصنع يشتغله اي شغلانه فيه
حماد: امر جنابك بس ليه حضرتك نضربه وبعدين نعالجه
جلال: انت هتناجشني ولا ايه بس هجولك علشان الواد دا غلط ولازم يتعاجب والعجاب يكون شديد مشان الغلط ميتكررش وهعالجه مشان احنا السبب فضربه وكمان مينفعش اللي يغلط نكون كلنا عليه لازم بردك يلاجي اللي يساعده بس علي الصح علشان ميلاجيش الكل ضده فيعمل الغلط تاني لما هيلاجي العجاب شديد مش هيجرب ناحيه الغلط تاني لما يلاجي اللي يساعده ويبعده عن الغلط هتلاجيه اتصلح حاله فهمت
حماد: فهمت جنابك تامر بحاجه تانيه
جلال: لا وياريت تفوج انت ورجالتك
حماد: امر جنابك
ذهب حماد وتوجه جلال للاعلي للاطمئنان علي وتين طرق الباب وانتظر خروج حليمه له
جلال: كيفها دلوجتي يامه
حليمه: نامت ياكبدي بعد مافوجتها مكنتش جادره تتنفس كويس انه البخاخه اللي الدكتوراه كانت كتبتها جبناها نفعتنا واهه الحمد لله هديت شويه ونامت
جلال: يعني مش محتاجه دكتور
حليمه: لا ياولدي هي نايمه دلوجتي الصبح بأذن الله هشيع للدكتوره تاجي تكشف عليها
جلال: ان شاء الله
حليمه: خير ياولدي حوصل اي لدا كله
جلال: مفيش دا واحد اجي يجرب حظه اهنه بس خد اللي فيه النصيب
حليمه: كيف دا
جلال: متشغليش بالك انت روحي يلا نامي وانا هروح اوضه تانيه
حليمه: ماشي ياولدي تصبح علي خير
جلال: وانت بالف خير وعافيه
اتجه جلال لغرفه اخري لينام بها لحين خروج من احتلت غرفته دون سابق انذار لينتهي هذا المساء وياتي نهار جديد باحداث جديده
لتستيقظ حنين القلب كما يطلق عليها تجده ينظر اليها نظره جعلتها تشعر كأنه ينظر اليها للمره الاولي
حنين: صباح الخير
امير: اصباح الهنا عليكي وعلي عيونك الحلوه
حنين: صاحي من بدري
امير: لا ابدا من شويه اصغيرين
حنين: ثواني واجهزلك الفطور
امير: لا ريحي انت عاد والبنته تجهزه تحت و..
ليقاطعه صوت الهاتف
امير: مين اللي عيرن الصبح اكده
حنين: استر يارب طب رد وشوف مين
امير: دا جلال ....الو
جلال: ايوه يامير صحيتك
امير: لا ابدا انا صاحي خير في حاجه
جلال: ايوه عايزك تاجي علي الشركه مشان في مناقصه .......
امير: خلاص ماشي انا كدا كدا مجهز الورج فاضل بس حاجات بسيطه
جلال: خلاص كدا تمام
امير: مال صوتك في حاجه ولا اي
جلال: ابدا مفيش حاجه
امير: يا جدع وانا تايه عنيك بردك
جلال: يا عم مفيش دا وروي له مع حد مساءٍ بالقصر
امير: واه كل دا حوصل طب ومرات حازم عامله ايه دلوجتي
جلال: الحمد لله المهم متتاخرش
امير: تمام سلام
جلال: سلام
انهي امير اتصاله ليجد حنين خلفه
حنين: خير في حاجه جلال ماله
امير : لا ابدا كان عيكلمني بخصوص الشغل
حنين: يعني مفيش حاجه شكلك معيجولش اكده
امير: ياستي وانا هداري عليكي ليه لو في حاجه بس
حنين: مش عارفه
امير: خلينا عاد نقعد نتحدت علي جلال ومتفطرنيش
حنين: واه كيف دا احلي فطور لسيد الرجال حالا والوكل يكون جاهز
حمد امير ربه بسره علي انقاذه من هذا المأذق فلو علمت حنين ستصر علي الذهاب لوتين للاطمئنان عليها وهو لا يريد خروجها في شهورها الاولي من الحمل
********************
بالقصر
تدلف حليمه لغرفه جلال فتجدها كما هي ماتزال نائمه لتزيل حليمه الستائر ويدخل الضوء الغرفه فترفع يدها لتحجب الضوء دليل علي اعتراضها فتفتح عينيها ببطء ومازلت معترضه علي هذا الضوء لتستوعب اين هي نعم انها لست غرفتك عزيزتي
وتين: انا فين
حليمه: صباح الخير يابتي كل دا نوم
وتين: صباح النور ايه اللي حصل
جلست حليمه بجوارها لتروي لها ماحدث بعد اغمائها
وتين: كل دا حصل
حليمه: الحمد لله يابتي انك بخير انا هبعت دلوجتي للدكتوره تاجي تطمنا عليكي
وتين: الحمد لله ياماما انا بخير مفيش دا
حليمه: كيف يابتي دا لازم نطمن
وتين:صدقيني انا بخير متخافيش
حليمه: خلاص يابتي طب جومي كدا وفوجي مشان تفطوري
وتين: حاضر اسبقيني علي تحت وانا هجهز وانزل
حليمه: طب تعالي ادخلك اوضتك الاول
وتين : خلاص ماشي هقوم دلوقتي
حليمه: علي مهلك يابتي مشان اللي فبطنك
وتين: حاضر ياماما متخافيش
توجهت وتين لغرفتها ونزلت حليمه للمناقشه جلال بموضوع وهو
حليمه: جلال انا رايده اتحدت امعاك بموضوع
جلال: خير ياحليمه
حليمه: موضوع وتين
جلال: تاني ياحليمه هنتحدت تاني بنفس الموضوع مش جولنا لسه في مده علي الولاده
حليمه: لا بس المره دي انا رايده ميكونش عنديها فكره انها تسيبنا اصلا
جلال: ودا كيف دا هتجبريها اياك البنيه حره نفسها عايزه تجعد اهنه بكيفها ملك جوزها الله يرحمه وورثها وملك اعيالها بردك وكمان لو عايزه تمشي بكيفها بردك بس هيكون من غير العيال فهتخليها تجعل كيف
حليمه: تتجوزها
جلال: ا ايه عتجولي ايه ياحليمه اتجوز مين
حليمه:اللي سمعته ياولدي
جلال: عايزاني اتجوز مرات اخوي يامه
حليمه:ايوا تتجوزها اخوك الله يرحمه والبنيه ميعبهاش شئ وكده تحافظ علي عيال اخوك. وامهم
جلال: دا لا يمكن يحصل انتي عايزاني ابص لمرات اخوي وكمان انتي عارفه اني لايمكن اتجوز بعد المرحومه امنيه
حليمه: اسمعني بس ياولدي
جلال: لا مش هسمع
حليمه: لا المره دي هتسمع انا امك وليا حج عليك ولا انت ليك رأي تاني وانا عجولك تتجوزها ياولدي انا خايفه لحسن هد تتجوز وتاخد العيال وتمشي
جلال: ماتتجوز ولا تعمل اللي هي عاوزاه العيال مش هتمشي من اهنه وانا سبج وجولتلك الكلام دا
حليمه: يعني ياولدي هتحرمهم من اامهم يبجي حرمان من الاب والام دا حتي ميرضيش حد واصل
جلال: ويعني اللي يرضيكي انا اللي اتجوزها ياست الكل ماهي تجعل اهنه ومحدش يجدر يدوسلها علي طرف
حليمه: وكلام الناس يرضيك حد يجيب سيرتها بالعاطل يعني انت عزابي وهي كمان عزابيه والناس معتسكتش
جلال: دا مين اللي يجدر يجيب سيره اي حد من عيله المحمدي علي لسانه دانا كنت جطعتهوله
حليمه: و احنا ليه بس نديهم فرصه للكلام
جلال: يامه افهميني انا مش هجدر اعمل اكده اطلبي اي حاجه تاني غير الطلب دا
حليمه: هو دا اللي عندي يا ولد المحمدي من حديت اذا مكنش مشاني هيكون امشان حج تربيتي ليك انا دخلت علي البيت دا كنت انت لساتك اصغير وانا اللي ربيتك واتعبت عليك جاي دلوجتي ومش عايز تعملي الطلب دا ياخساره يا ولد عمري
جلال: دلوجتي عتجولي انك مش امي اللي ولدتني عمرك ماعملتيها ياحليمه بس ماشي يا مرات اابوي هنفذلك طلبك بس يارب الغندوره توافق مش يكون الكلام دا ليا لوحدي بالاذن يا مرات اابوي وضغط علي نطق اللفظ الاخير وكأنه يقول لها ان هذا الزواج سيتم كرد جميل مقابل تربيتها له
حليمه:ياجلال ياولدي اسمعني بس انا مكنتش اجصد اسمع بس
لكنه لم يسمع اليها فذهب قبل ان ينسي انها والدته التي ربته ويصب غضبه عليها نعم انه الجلال اذا غضب لا يري امامه لتاتي الخادمه لحليمه و...
بهيه: الحقي ياست الحقي ...
وهنا نقول استووووب ياحلووين.
.
في البارت الجاي في وتين الجلال.
.
.
هتوحشوووني😘