دنيه مره حيل يرادله خوط...
.......
منو مثلي حمل اجروح الايام
وشاف من العذاب ابگد سنينه
ومنو مثلي رماه الوكت للظيم
وبكل ساعه تهل ادموع عينه
وشفت ظيم وذله وشفت حرمان
وبأي لحظه تمر عيني حزينه
عشت عمري بين الحسره والأه
وما يوم اسمعت كلمه حنينه
خلقني الله وخلق وياي الأحزان
حتى ايشوف ياهو القوي بينه
اخذ مني الوكت أحلى الأيام
وطعني بكل اسيوفه اللعينه
وما ادري بعد شيجيب الأفراح
وما ادري بيا قدر تسري السفينه