May isang mayamang binatang nagtanong kay Jesus kung anong kabutihan ang dapat nyang gawin para magkamit ng buhay na walang hanggan. Sumagot si Jesus at sinabing ipagbili niya ang kanyang ari arian at ipamahagi sa mahihirap ang pinagbilhan. Pagkatapos ay bumalik at sumunod sa Kanya. Dahil dito sobrang nalungkot ang binata. Sinabi ni Jesus sa mga alagad, "Sinasabi ko sa inyo napakahirap mapabilang sa pinaghaharian ng Diyos ang mga mayayaman. Madali lang makadaan ang kamelyo sa butas ng karayom kaysa pasakop sa paghahari ng Diyos ang isang mayaman.
MATTHEW 19:16-24
Madalas ang mga tao kapag nakuha na ang tagumpay lalo na ang kayamanan, kinakalimutan na ang Diyos. Sa sobrang ganda ng buhay nila pakiramdam nila pera lang ang kailangan para mabuhay, na kakayanin nila ang mag isa. Saka lang ulit maalala ang Lord kapag walang wala na at nasa kabiguan. Pero nagkakamali sila kung kayang ibigay ng Lord sa atin ang mga yon kayang kaya din nya kuhanin. Walang mayaman o mahirap sa langit lahat ay pantay pantay kaya gawin natin ang lahat para makasunod sa Diyos. Mahirap, alam natin 'yon pero worth it.
---*
Anumang inyong ginagawa, ay inyong gawin ng buong puso, na gaya ng sa Panginoon, at hindi sa mga tao. Yamang inyong nalalaman na sa Panginoon ay tatanggapin ninyo ang ganting mana; sapagka't naglilingkod kayo sa Panginoong Jesucristo.
COLOSAS 3:23-24
Sa pag aaral, sa trabaho o kahit anupaman na ginagawa natin palagi natin dalhin ang pangalan ni Jesus. Mag aral ka ng mabuti para sa Kanya o magtrabaho ka ng masinop para sa Kanya. The best ang deserve ng Lord. Kung sa tingin mo toxic na sa trabaho, unfair ang surroundings. Isipin mo na ang ginagawa mo ay hindi para sa tao kundi para sa Lord. Sa tuwing may kakausapin ka isipin mo na ang taong yon ay mahal din ng Diyos at ariin mong kapag nakikipag usap ka kahit kanino ay nakikipag usap ka sa Lord. Lahat ng ginagawa mo ay ialay mo Lord. Hindi dahil sa pangakong tatanngap tayo ng biyaya kundi dahil mahal natin ang Lord.
---*
Promise
I have plans for you.
Jeremiah 29:11
Gaano kadami pangako ang narinig mo na? Mabibilang mo pa ba? Pero nagtiwala ka diba? Minsan nga kahit nafailed na tayo ng mga taong nangako satin naniniwala padin ulit tayo. Kahit ilang ulit. Pero may isang pangako na hindi tayo bibiguin kahit kailan, magpakailanman. Pero bakit hirap tayo magtiwala. Hindi natin maibigay sa Lord ang buong pagtitiwala natin na may plano sya para sa atin. Sa lahat ng nangako satin, kapatid, pamilya, kaibigan, lahat sila pwede tayo biguin. Ang Lord lang hindi.
--*
Ang bawat kahariang naglalaban-laban ang mga mamamayan ay babagsak, at alinmang sambahayang sila-sila ang naglalaban ay mawawasak.
Luke 11:17
Ang pamilya ay blessing ng Lord. Binigay sa atin upang may makaramay tayo sa oras ng kagipitan, binigay ng Lord para may makikinig, iintindi at magmamahal satin habang nandito pa tayo sa pansamantala natin tahanan. Kaya dapat nag iintindihan tayo sa isa't isa. Ang lahat ay may pagkukulang pero ang pagmamahal sa isat isa ang dapat na magpupuno nito hindi galit at pagkakawatak watak dahil hindi ka makakakita ng isa pang pamilya.