Mula sa kwento ng paglakad ni Jesus sa tubig. Sinabi ni Pedro, "Panginoon, kung talagang kayo iyan, papariyanin nyo ako sa ibabaw ng tubig." Sumagot sya, "Halika." Kaya't lumakad sya sa tubig. Ngunit ng mapansin nya ang hangin ay natakot sya at lumubog. "Sagipin nyo ako, Panginoon." Agad syang hinagip ni Jesus. "Napakaliit ng iyong pananalig. Bakit ka nag alinlangan? " Pagsakay nila sa bangka ay tumigil ang hangin.
MATTHEW 14:25-32
Madalas ganito tayo manalig sa Diyos, may pagdududa. Lagi nating tatandaan na ang Lord ay higit na mas malakas kaysa ano mang hangin o pagsubok sa ating buhay. Kapag alam mong pinakalakas at makapangyarihan ang Diyos mo bakit ka magdududa? Manalig ka lang. Palaging nandyan ang Lord. Hindi nya pinapabayaan ang mga anak nya.
---*
Paggalang na handog sa'kin ng bayan ko ay pumaibabaw lamang, sapagkat sa bibig at hindi sa puso ito bumubukal. Pagpuri't pagsambang ginagawa nila'y walang kabuluhan. Ang utos ng tao ay tinuturing na utos ng Maykapal. Niwawalang kabuluhan nga ninyo ang Diyos at ang sinusunod nyo ay utos ng mga tao. "Sinabi pa ni Jesus. "Kay husay ng pamamaraan nyo ng pagpapawalang bisa ng utos ng Diyos masunod lamang ninyo ang mga turong minana nyo."
MARK 7: 6-9
Marami sa atin ang nagsasabing kinikilala nya ang Diyos at sinasamba pero kabaligtaran naman ang nakikita sa gawa. Nanlalait, nanghahamak ng kapatid, nagbibisyo, nasa relasyon ng hindi tamang panahon, sumasamba sa Diyos Diyosan at mga rebultong di nakakakita at di nakakarinig. Mas mahal at pinagdadasalan pa ang mga Santo na itinalaga lamang ng tao kesa sa Diyos. Hindi lang yan, mas pinahahalagahan pa natin ang sasabihin ng tao kesa sa sasabihin ng Diyos. Pinaninindigan natin ang mga pamahiing hindi binanggit sa Bibliya na libro ng buhay. Maglingkod tayo ng Diyos ng buong puso at ganap. Walang ibang dapat sinasamba kundi si Jesus at ang Kanyang Amang nasa langit.
---*
No Hate, Just Love
Sinasabi ko sa inyo na nakikinig, Ibigin ang inyong mga kaaway, gumawa ng mabuti sa kanila na namumuhi sa inyo. Pagpalain sila na sumusumpa sa inyo, at manalangin para sa kanila na lumalait sa inyo.
LUKE 6:27
Pinakamahirap na siguro gawin to sa lahat. Kahit isang mabait na tao ay nagagalit din. Dahil tao tayo na may damdamin na nasasaktan. Pero sana palagi natin hilingin na ipaubaya na sa Lord ang mga galit at hatred na nararamdaman natin. Ipanalangin natin sila na sana maliwanagan sila na lahat ng tao ay nagkakamali. Kung huminhingi ka ng tawad, dapat marunong kadin magpatawad. Normal lang satin ang makaramdam ng galit at sama ng loob pero ang hindi normal ay yung halos yun na ang kumo'control sayo. Kausapin mo sya personally wag through other people. Compromise.
--*
Isinalaysay ni Jesus ang talinhagang ito. Ang bukirin ng isang mayaman ay umaani ng sagana. Kaya't sinabi nya sa sarili "Anong gagawin ko? Wala na akong paglagyan ng aking ani! A!, gigibain ko ang aking mga kamalig, at magtatayo ako ng lalong mas malaki. Doon ko ilalagay ang aking ani at ari arian. At sasabihin ko sa aking sarili, Ayan! Marami na akong ari arian. Hindi na ako kukulangin habambuhay. Kaya't mamamahinga na lang ako, kakain, maglalasing at magsasaya!". Ngunit sinabi sa kanya nf Diyos, " Hangal! Sa gabing ito ay babawian ka ng buhay. Kanino mapupunta ang mga bagay na inihanda mo? Ganyan ang sasapitin ng mga taong nag iimbak para sa sarili ngunit dukha naman sa paningin ng Diyos.
LUKE 12:16-21
Walang naidudulot ng mabuti ang kasakiman at ang limpak limpak na salapi at kayamanan. Dahil kung nasaan ang kayamanan mo ay nandoon ang iyong puso. Wag tayong mabagabag sa kinabukasan dahil alam ng Lord ang mga pangangailangan natin. Kung ang mga ibon nga kahit hindi nag papagal ay pinapakain at hindi pinapabayaan ng Lord tayo pa kaya na mas mahalaga kesa sa mga ibon. Hindi masama ang maghangad ng karangyaan basta napapapurihan padin ang Lord, basta matuto ka makuntento sa kung anong meron ka, basta marunong kang lumingon sa kapwa mo na nangangailangan.