#ﻓﺼﻠﻴﻪ_ﻟﻈﺎﻟﻢ_ﻭﺣﺶ
ﺑﻘﻠﻤﻲ ( ﺳﻘﻴﻦ ﺍﻟﺸﻤﺮﻱ )
ﻻ ﻳﺴﻤﺢ ﺍﻭ ﻳﺤﻠﻞ ﻧﺸﺮ ﺍﻟﻘﺼﻪ ﺑﺪﻭﻥ ﺫﻛﺮ ﺍﺳﻤﻲ
&
#بارت٢٢
.............
ﻛﺎﻟﺖ ﺍﻧﺘﻲ ﻓﺎﻳﺘﺞ ﻳﻌﻨﻲ ﻛﺘﻠﻬﺎ ﻫﻮ ﺍﻧﻲ ﻣﻦ ﺍﺟﻴﺖ ﻟﺤﺪ ﺍﻻﻥ ﻣﺎ ﺍﺟﺘﻨﻲ ﺑﻌﺪ ﻻﻥ ﻗﺒﻞ ﻻ ﺍﺟﻲ ﺑﻜﻢ ﻳﻮﻡ ﺍﻧﻲ ﻏﺴﻠﺖ
ﻛﺎﻟﺖ ﺍَﻱ ﻭﺍﻧﺘﻲ ﻗﺮﺍﺑﻪ ﺍﻟﻌﺸﺮ ﺍﻳّﺎﻡ ﻭﺍﺟﻴﺘﻲ ﻭﻫﺴﻪ ﻃﻠﻊ ﺍﻷﺭﺑﻌﻴﻦ ﻳﻌﻨﻲ ﺻﺎﺭﻟﺞ ﻛﻮﻣﺔ ﻟﻌﺪ ﻫﺎﻱ ﺣﺎﻣﻞ
ﻛﺘﻠﻬﺎ ﺑﺨﻮﻑ ﻻ ﺧﺎﻟﻪ ﻓﺪﻭﺓ ﻟﺘﻜﻮﻟﻴﻬﺎ ﻛﻮﻟﻲ ﻏﻴﺮﻫﺎ
ﻛﺎﻟﺖ ﻟﻴﺶ ﻛﺘﻠﻬﺎ ﻣﻦ ﻛﻞ ﻋﻘﻠﺞ ﺍﻧﻲ ﺍﺭﻳﺪ ﺍﻧﻬﺰﻡ ﻭﺍﺧﻠﺺ ﺍﻧﻮﺏ ﺍﻃﻠﻊ ﺣﺎﻣﻞ ﻳﻌﻨﻲ ﺍﻛﻌﺪ ﻭﺍﻧﺠﺐ
ﻛﺎﻟﺖ ﺍﻧﺘﻲ ﺍﺫﺍ ﺣﺎﻣﻞ ﺑﻌﺪ ﻣﺎ ﻣﻨﻬﺎ ﻣﻔﺮ ﺣﺒﻴﺒﻪ ﺧﻮﺏ ﺟﻴﺒﻲ ﻭﺍﻧﻄﻴﻬﻢ ﺍﻟﻄﻔﻞ ﻭﻳﻌﻮﻓﻮﺝ ﺑﺤﺎﻝ ﺳﺒﻴﻠﺞ
ﻛﺘﻠﻬﺎ ﻭﺷﻜﻠﻮﻟﺞ ﻛﺎﻋﺪﻩ ﺃﻭﺯﻉ ﺍﻃﻔﺎﻝ ﺛﻮﺍﺏ ﻭﻓﻮﻛﺎﻫﺎ ﺍﻭﻝ ﻃﻔﻞ ﻳﻌﻨﻲ ﻫﺎﻱ ﺑﻴﺎ ﻗﺎﻧﻮﻥ ﺻﺎﻳﺮﻩ ﻟﺨﺎﻃﺮ ﺍﻟﻠﻪ
ﻛﺎﻟﺖ ﻟﻌﺪ ﺷﻠﻮﻥ ﺍﺫﺍ ﻣﺎ ﺟﺒﺘﻲ ﻃﻔﻞ ﺍﻟﻬﻢ ﻣﻴﻌﻮﻓﻮﺝ
ﻛﻌﺪﺕ ﺑﺎﻟﻜﺎﻉ ﺍﺑﺠﻲ ﺑﻌﻠﻮ ﺣﺴﻲ ﻻﻥ ﻣﺎﻛﻮ ﺍﺣﺪ ﺑﺎﻟﺒﻴﺖ ﻟﺪﺭﺟﺔ ﺍﺗﻬﺴﺘﺮﺕ ﺭﺳﻤﻲ
ﺭﺩﺕ ﻛﺎﻣﺖ ﺗﻠﻌﺐ ﻧﻔﺴﻲ ﺍﺧﺮ ﺷﻲ ﺍﺳﺘﻔﺮﻏﺖ ﻣﺘﺤﻤﻠﺖ ﺑﺲ ﺣﺘﻰ ﺭﻭﺣﻲ ﻃﻠﻌﺖ ﻻﻥ ﺍﻟﺘﻘﻲﺀ ﻛﻠﺶ ﻳﺄﺫﻱ ﻣﻦ ﺍﺭﺩ ﻋﻠﻰ ﺭﺍﺳﻲ ﺍﺣﺲ ﺭﺍﺡ ﺍﺭﺩ ﺭﻭﺣﻲ ﻫﻢ ﻭﺗﻄﻠﻊ
ﺍﺧﺮ ﺷﻲ ﻛﺎﻟﺖ ﺍﻡ ﻋﻠﻲ ﺗﺮﻳﺪﻳﻦ ﺍﺟﻴﺒﻠﺞ ﺗﺤﻠﻴﻞ ﺑﻴﺘﻲ ﺑﺎﻭﻋﺖ ﻋﻠﻴﻬﺎ ﻣﺘﺮﺩﺩﻩ
ﺑﻌﺪﻳﻦ ﻛﺘﻠﻬﺎ ﺍَﻱ ﻓﺪﻭﻩ ﻣﻦ ﺩﺍﻡ ﻫﻤﺔ ﻣﻤﻮﺟﻮﺩﻳﻦ ﻋﻠﻤﻮﺩ ﺍﻋﺮﻑ ﺷﻨﻮ ﺍﻟﻨﺘﻴﺠﺔ
ﻛﺎﻟﺖ ﻫﺴﻪ ﺍﺭﻭﺡ ﺍﺟﻴﺐ ﺍﻟﺞ ﻣﻦ ﻫﺎﻱ ﺍﻟﺠﺪﻩ ﺍﻟﻲ ﻭﺩﻳﻨﺎﺝ ﻋﻠﻴﻬﺎ ﺷﻮﻱ ﻗﺮﻳﺒﻪ
ﻛﺘﻠﻬﺎ ﻛﻴﻔﺞ ﺍﻟﻤﻬﻢ ﺑﺲ ﺟﻴﺒﻴﻠﻲ
ﻭﺍﻟﻠﻪ ﺭﺍﺣﺖ ﻭﺍﻧﻲ ﻣﺪﺩﺕ ﻋﺎﻟﺘﺨﻢ ﺍﻟﻲ ﺑﺎﻟﺼﺎﻟﻪ ﻻﻥ ﺩﺍﻳﺨﺔ ﻭﺗﻌﺒﺎﻧﺔ ﻛﻠﺶ
ﻭﺭﻩ ﻧﺺ ﺳﺎﻋﻪ ﻳﻠﻪ ﺃﺟﺖ ﻛﺘﻠﻬﺎ ﺗﺎﺧﺮﺗﻲ
ﻛﺎﻟﺖ ﻳﻤﻌﻮﺩﻩ ﻋﻠﻤﺎ ﻭﺩﺍﻧﻲ ﺍﻟﺤﺎﺭﺱ
ﻣﻘﺒﻞ ﺍﻻ ﻛﺘﻠﻪ ﻣﺮﺕ ﺷﻴﺦ ﻓﻬﺪ ﻣﺮﻳﻀﻪ ﺑﺲ ﺍﺟﻴﺐ ﺍﻟﻬﺎ ﺩﻭﻩ ﻣﻦ ﺍﻟﺠﺪﻩ ﺭﺩ ﺧﺎﺑﺮ ﻓﻬﺪ ﻳﻜﻠﻪ ﻳﻠﻪ ﻳﻮﺩﻳﻨﻲ ﺑﺲ ﺭﺑﺞ ﺣﻀﺞ ﻋﺪﻝ ﻫﻤﺰﻳﻦ ﻣﺠﺎﻭﺑﻪ ﻛﻮﻩ ﻗﻨﻊ ﻭﺭﺣﺖ ﻭَﻳَﺎ ﻭﺟﺒﺘﻪ ﻭﺍﺟﻴﺖ ﻛﺘﻠﻬﺎ ﻗﺼﺪﺝ ﺍﻟﻔﺼﻠﻴﻪ ﻣﺎﻝ ﻓﻌﺪ ﻛﺎﻟﺖ ﺩﻛﻮﻣﻲ ﻳﻠﻪ ﺑﺴﺎﻉ ﺳﻮﻱ ﻋﻮﻓﺞ ﻣﻦ ﺍﻟﺤﺠﻲ
ﺍﺧﺬﺗﻪ ﻭﺭﺣﺖ ﻟﻠﺤﻤﺎﻡ ﺍﻟﺠﻮﺓ ﺳﻮﻳﺘﻪ ﺻﺎﺭ ﻣﻦ ﻧﺰﻟﺖ ﺟﻮﺓ ﻣﺎ ﺍﺳﺒﺢ ﺑﻲ ﺧﻮﺍﺗﻪ ﻭﺃﻣﻪ ﻣﻴﻘﺒﻠﻦ ﻋﺎﺩ ﻛﻠﺖ ﻟﻔﻬﺪ ﻭﺧﻼﻧﻲ ﺍﺳﺒﺢ ﺑﺎﻟﺤﻤﺎﻡ ﺍﻟﻲ ﺑﻐﺮﻓﺘﻪ
ﻭﺭﻩ ﺷﻮﻱ ﻃﻠﻌﺖ ﺍﻟﻨﺘﻴﺠﺔ ﻟﻄﻤﺖ ﻋﻠﻰ ﺧﺪﻭﺩﻱ ﻭﻃﻠﻌﺖ ﺍﺭﻛﺾ ﻭﺃﺻﻴﺢ ﻭﺝ ﺧﺎﻟﻪ ﻟﺤﻜﻴﻠﻲ ﺟﺘﻲ ﺗﺮﻛﺾ ﻛﺎﻟﺖ ﻭﻟﺞ ﺷﻜﻮ ﺧﻴﺮ
ﻛﺘﻠﻬﺎ ﻟﺞ ﺧﺎﻟﻪ ﻃﻠﻌﺖ ﺣﺎﻣﻞ ﺟﺎﻥ ﺗﻜﻮﻝ ﻃﺎﺡ ﺣﻀﺞ ﻋﺒﺎﻟﻲ ﺑﻴﺞ ﺷﻲ ﺍَﻱ ﺑﺎﻟﺨﻴﺮ ﻳﻮﻡ ﻧﻔﺎﺳﺞ ﻭﺗﻜﻮﻣﻴﻦ ﺑﺎﻟﺴﻼﻣﺔ ﻭﺍﻧﺸﺎﻟﻠﻪ ﻭﻟﺪ ﺍﻟﺼﺎﻟﺢ
ﺻﺮﺕ ﺍﻋﺼﺎﺏ ﺷﻤﺮﺕ ﺣﺘﻰ ﺍﻟﺘﺤﻠﻴﻞ ﻣﻦ ﺍﻳﺪﻱ ﻭﻛﻤﺖ ﺍﻋﻴﻂ ﻛﺘﻠﻬﺎ ﺧﺎﻟﻪ ﻳﺎ ﺧﻴﺮ ﻳﺎ ﺧﻴﺮ ﻛﻮﻟﻴﻠﻲ ﺍﻧﻲ ﺗﻌﺰﻳﺖ ﻭﺗﺼﺨﻤﺖ ﺗﺪﺭﻳﻦ ﺍﺫﺍ ﺩﺭﻭ ﺷﻨﻮ ﺣﻴﺼﻴﺮ ﻛﺎﻟﺖ ﻋﻠﻰ ﻛﻴﻔﺞ ﻳﻤﺔ ﻓﺪﻭﺓ ﺍَﻱ ﺷﺴﻮﻳﻦ ﻣﺘﻜﻮﻟﻴﻠﻲ ﻟﺨﺎﻃﺮ ﺍﻟﻠﻪ
ﻣﺎ ﺑﻴﺪﺝ ﺷﻲ ﺍﺭﺿﻲ ﺑﻮﺍﻗﻌﺞ ﺑﻌﺪ
ﻛﺘﻠﻬﺎ ﻭﺍﻟﻠﻪ ﻟﻮ ﺍﻋﺮﻑ ﺍﻣﻮﺕ ﻫﻢ ﻣﺎ ﺍﻗﺒﻞ ﺑﻬﺬﺍ ﺍﻷﻣﺮ ﻭﺍﻛﻌﺪ
ﻛﺎﻟﺖ ﻭﺍﻟﺤﻞ ﻛﺘﻠﻬﺎ ﻣﻮ ﺟﺎﻳﺒﻪ ﺗﻠﻔﻮﻧﺞ ﻛﺎﻟﺖ ﺍَﻱ ﻛﺘﻠﻬﺎ ﺧﻠﻲ ﺍﺭﺟﻊ ﺍﺧﺎﺑﺮﻩ ﻛﺎﻟﺖ ﻣﻮ ﻓﻬﺪ ﺧﻼﻩ ﻋﺪ ﺍﻟﺤﺎﺭﺱ ﻛﺎﻝ ﻣﻦ ﺗﺮﻳﺪﻳﻦ ﺷﻲ ﻃﻠﻌﻲ ﺧﺎﺑﺮﻱ
ﻛﺘﻠﻬﺎ ﺍﻭﻭﻑ ﺍﻭﻭﻑ ﻭﻳﻦ ﺍﻭﻟﻲ ﻫﺴﻪ..بيج قصص عراقيه
حقيقيه من واقعنا.روعه الطائي
ﺯﻳﻦ ﻣﻦ ﺩﺍﻡ ﻫﻤﺔ ﻣﻤﻮﺟﻮﺩﻳﻦ ﺧﻠﻲ ﺍﻧﻬﺰﻡ ﻛﺎﻟﺖ ﻳﻤﺔ ﻣﻨﻴﻦ ﺗﻨﻬﺰﻣﻴﻦ ﻭﻓﻬﺪ ﻣﺤﺴﺐ ﺑﻜﻠﺸﻴﺖ ﻗﻔﻞ ﺍﻟﺒﻮﺏ ﻛﻠﻬﺎ ﻭﺷﺎﻝ ﺍﻟﻤﻔﺎﺗﻴﺢ
ﻭﻭﻛﻒ ﻭﺍﺣﺪ ﻣﻦ ﺍﻟﺤﺮﺍﺱ ﻋﻠﻰ ﺑﺎﺏ ﺍﻟﻤﻄﺒﺦ ﻭﺍﻟﻴﻮﻡ ﺯﻳﺪ ﺍﻟﺤﺮﺍﺱ ﻻﻥ ﻣﻤﻮﺟﻮﺩﻳﻦ ﻭﺑﻌﺪﻳﻦ ﺑﻴﺖ ﻋﻤﺎﻣﺔ ﺑﻴﺖ ﻋﻠﻰ ﺑﻴﺖ ﻣﻔﺘﻮﺣﺎﺕ ﻭﻳﻦ ﺗﻨﻬﺰﻣﻴﻦ ﻛﻌﺪﺕ ﺑﺎﻟﻜﺎﻉ ﺍﻟﻄﻢ ﻭﺍﻛﻮﻟﻠﻬﺎ ﺍَﻱ ﺳﺪﻳﻬﺎ ﺑﻮﺟﻬﻲ ﺳﺪﻳﻬﺎ
ﻛﺎﻟﺖ ﺩﻛﻮﻣﻲ ﻓﺮﻓﺤﺖ ﺭﻭﺣﺞ ﺍﻣﺸﻲ
ﻛﻌﺪﻱ ﻣﺪﺩﻱ ﻣﻮ ﺣﺘﻰ ﺭﻭﺣﺞ ﺭﺍﺣﺖ ﻛﺘﻠﻬﺎ ﻋﺴﺎﻫﺎ ﻛﻮﻥ ﻭﺍﺧﻠﺺ
ﻛﺎﻟﺖ ﺍﺗﻌﻮﺫﻱ ﻣﻦ ﺍﺑﻠﻴﺲ ﻳﻤﺔ ﻭﺍﺳﺘﻐﻔﺮﻱ ﺍﻟﻠﻪ
ﻛﻤﺖ ﺍﺳﺤﻞ ﺑﺮﻭﺣﻲ ﻭﺍﺑﺠﻲ ﺍﺑﺪ ﻣﺎ ﺳﻜﺘﺖ
ﻭﺍﺣﺠﻲ ﻭﻳﻨﺞ ﻣﺎﻣﺎ ﻓﺪﻭﺓ ﺗﻌﺎﻱ ﻟﻴﺶ ﻣﺎ ﺟﻴﺘﻲ ﻟﺤﺪ ﺍﻻﻥ
ﺻﺎﺭ ﻭﻛﺖ ﺍﻟﻐﺪﻩ ﺍﺟﺘﻲ ﺍﻡ ﻋﻠﻲ ﻟﻠﺼﺎﻟﻪ ﺟﺎﻳﺒﻪ ﺍﻟﺼﻴﻨﻴﻪ ﻋﻠﻤﻮﺩﻱ ﺧﻄﻴﻪ ﻛﻤﺖ ﺍﻛﻠﺖ ﺷﻮﻱ ﺗﻤﻦ ﻭﻣﺮﻙ ﻻﻥ ﺍﻟﻴﻮﻡ ﺟﻮﻋﺎﻧﻪ
ﺑﺲ ﺍﻛﻞ ﻭﺍﺻﻔﻦ ﺍﺧﺮ ﺷﻲ ﻛﻠﺘﻠﻬﺎ ﺧﺎﻟﻪ ﻛﺎﻝ ﻫﺎ ﻋﻴﻨﻲ
ﻛﺘﻠﻬﺎ ﻟﺘﻜﻮﻟﻴﻠﻬﻢ ﺣﺎﻣﻞ ﻛﺎﻟﺖ ﻳﺎ ﻟﻴﺶ ﻭﺝ ﻋﺎﺩ ﻋﺎﻻﻗﻞ ﺷﻮﻱ ﺗﺨﻠﺼﻴﻦ ﻣﻦ ﺍﻟﻀﺮﺏ
ﻛﺘﻠﻬﺎ ﻣﻴﺨﺎﻟﻒ ﻟﺘﻜﻮﻟﻴﻠﻬﻢ ﻫﺴﻪ ﺑﻠﻜﺖ ﺍﻛﺪﺭ ﺍﻧﻬﺰﻡ ﻣﺎ ﺍﺑﻘﻰ ﻭﺍﺫﺍ ﺩﺭ ﺍﻧﻲ ﺣﺎﻣﻞ ﻣﺴﺘﺤﻴﻞ ﺍﻛﺪﺭ ﺍﻃﻠﻊ ﻭﻫﻤﺔ ﺩﺭﻭ ﺑﻴﻪ ﺣﺎﻣﻞ
ﻛﺎﻟﺖ ﻳﻤﺔ ﻟﻮ ﺗﺮﺣﻴﻦ ﻵﺧﺮ ﺍﻟﺪﻧﻴﺎ ﻣﻦ ﺩﺍﻣﺞ ﺣﺎﻣﻞ ﺑﺎﺑﻨﻬﻢ ﻣﺴﺘﺤﻴﻞ ﻳﻌﻮﻓﻮﺝ ﻭﺑﺎﻷﺧﺺ ﻓﻬﺪ ﺑﻌﺪﺝ ﻣﺘﻌﺮﻓﻲ ﻳﻄﻠﻌﺞ ﻣﻦ ﺟﻮﺓ ﺍﻟﻜﺎﻉ ﻣﻮ ﺳﻬﻞ ﺗﺮﻩ
ﻛﺘﻠﻬﺎ ﺍﻧﻲ ﺑﺲ ﺍﻃﻠﻊ ﻣﻨﺎ ﻭﺃﻭﺻﻞ ﺑﻐﺪﺍﺩ ﻳﺼﻴﺮ ﺧﻴﺮ
ﻛﺎﻟﺖ ﻭﺍﻟﻠﻪ ﻳﻤﻪ ﻣﺎ ﺍﺩﺭﻱ ﺷﻨﻮ ﺍﻛﻮﻟﺞ ﺑﺲ ﺧﺎﻑ ﻳﺎﺫﻧﺞ ﻭﺍﻧﺘﻲ ﺣﺎﻣﻞ
ﻛﺘﻠﻬﺎ ﺧﻠﻴﺘﻬﺎ ﻋﻠﻰ ﺍﻟﻠﻪ
ﻛﺘﻠﻬﺎ ﺯﻳﻦ ﺧﺎﻟﻪ ﺍﻧﻲ ﺍﻧﻄﻴﺞ ﺭﻗﻢ ﺍﻣﻲ ﻭﺻﻮﻓﻲ ﻭﺟﺪﻱ ﻭﺩﻛﻲ ﻋﻠﻴﻬﻦ ﺍﻟﻲ ﻣﻴﺠﺎﻭﺏ ﺩﻛﻲ ﻋﺎﻟﺜﺎﻧﻲ
ﻛﺎﻟﺖ ﺍَﻱ ﻭﺍﻟﻠﻪ ﻫﻢ ﺻﺪﻙ ﻣﻴﺨﺎﻟﻒ ﻛﺘﺒﻴﻬﻦ ﻭﺍﻧﻲ ﺍﺩﻙ ﻋﻠﻴﻬﻢ
ﻛﻤﺖ ﺑﻜﻞ ﻗﻮﺗﻲ ﻫﻠﻜﺪ ﻣﺎ ﺭﻭﺣﻲ ﻃﺎﻓﺮﺓ ﻭﺃﺭﻳﺪ ﺑﺲ ﺍﺧﻠﺺ
ﺩﻭﺭﺕ ﻭﺭﻗﻪ ﻭﻗﻠﻢ ﻣﺎﻛﻮ ﺻﻌﺪﺕ ﻟﻐﺮﻓﻪ ﻓﻬﺪ ﻃﻠﻌﺖ ﻭﺭﻗﻪ ﺑﺪﻭﻥ ﻣﺎ ﺍﺧﺮﺑﻂ ﺍﻷﻭﺭﺍﻕ ﻭﻛﺘﺒﺖ ﺍﻷﺭﻗﺎﻡ ﺑﺴﺎﻉ ﻭﺭﺟﻌﺖ ﺍﻟﻘﻠﻢ ﻭﻃﻠﻌﺖ ﻣﻦ ﺍﻟﻐﺮﻓﻪ ﻧﺰﻟﺖ ﺑﺴﺎﻉ ﻭﻧﻄﻴﺖ ﺍﻟﻮﺭﻗﺔ ﻻﻡ ﻋﻠﻲ ﺿﻤﺘﻬﺎ ﺑﺠﺰﺩﺍﻧﻬﺎ ﻛﺘﻠﻬﺎ ﺿﻤﻴﻬﺎ ﺑﺎﻟﺠﻴﺐ ﺍﻟﺼﻐﻴﺮ ﻻ ﻳﺮﻭﺣﻮﻥ ﻳﻠﻜﻮﻧﻬﺎ ﻻﻥ ﺻﺎﺭﺕ ﺑﻴﻪ ﺧﻮﻓﻪ ﻣﻨﻬﻢ ﻛﻠﺶ
ﺧﻄﻴﻪ ﺍﺑﺪ ﻣﺨﻠﺘﻨﻲ ﺍﺷﺘﻐﻞ ﺍﻟﻴﻮﻡ ﻛﻠﺔ ﺿﻠﻴﺖ ﻛﺎﻋﺪﻩ ﻟﺤﺪ ﻣﺎ ﺳﻤﻌﻨﻪ ﺻﻮﺗﻬﻢ ﺑﻠﻴﻞ ﺭﺟﻌﻮ ﻭﺍﻟﺒﺠﻲ ﻭﺍﻟﻨﻮﺡ ﻣﻦ ﺍﻟﺒﺎﺏ ﺑﺪﻩ ﻣﻦ ﺍﻭﻝ ﻣﻨﺰﻟﻮ
ﻭﺍﻡ ﻓﻬﺪ ﻣﺘﺨﺮﺑﻄﻪ ﻋﻠﻰ ﻛﺒﺮ ﺍﺑﻨﻬﺎ ﻛﺪ ﻣﺎ ﻹﻃﻤﺔ ﻭﻣﻮﺩﻳﻬﺎ ﻟﻠﻤﺴﺘﺸﻔﻰ
ﻭﺧﻮﺍﺗﻨﻪ ﻳﺘﺒﺎﺟﻦ ﺍﻧﻮﺏ ﺣﺘﻰ ﺍﻟﻤﺰﻭﺟﺎﺕ ﻳﺒﻘﻦ ﺍﻟﻴﻮﻡ ﻫﻨﺎ ﺍﻭﻑ ﻳﺎﺑﻪ ﺍﻭﻳﻠﻲ
ﺍﻡ ﻋﻠﻲ ﻣﻦ ﺳﻤﻌﺖ ﺍﺟﻮﻱ ﻛﺎﻟﺖ ﻛﻮﻣﻲ ﺍﻭﻛﻔﻲ ﺑﺎﻟﻤﻄﺒﺦ ﺳﻮﻱ ﺭﻭﺣﺞ ﺗﺸﺘﻐﻠﻴﻦ ﻋﺴﺎﺱ ﻋﻠﻤﻮﺩ ﻟﻴﻠﺰﻣﻮﻥ ﺣﺠﺔ ﻋﻠﻴﺞ
ﺍﻧﻲ ﻣﻦ ﺻﺪﻙ ﻛﻤﺖ ﻣﺎ ﺑﻴﻪ ﺣﻴﻞ ﻛﺘﻠﻪ ﺑﺲ ﺭﻏﻢ ﻫﺬﺍ ﻛﻠﻪ ﻣﺨﻠﺼﺖ
ﺍﻭﻝ ﻣﻄﺒﺖ ﺍﻡ ﻓﻬﺪ ﻭﻫﻴﻪ ﻣﻨﺎ ﻣﺘﻤﺮﺿﺔ ﻋﻠﻰ ﺍﺑﻨﻬﺎ ﻭﺗﺒﺠﻲ ﻣﺎ ﺳﻜﺘﺖ
ﺷﺎﻓﺘﻨﻲ ﺍﻧﻲ ﺻﺮﺕ ﻛﺪﺍﻣﻬﺎ ﻭﺍﺟﺖ ﺗﺮﻛﺾ ﻋﻠﻴﻪ ﻟﺰﻣﺘﻨﻲ ﻣﻠﺨﺘﻨﻲ ﺗﻤﻠﺦ ﻭﺗﻌﻴﻂ ﻣﻦ ﻭﺭﺍﻛﻢ ﺭﺍﺡ ﺍﺑﻨﻲ ﺍﻟﻠﻪ ﻻ ﻳﻮﻓﻘﻜﻢ ﺍﻧﺸﺎﻟﻠﻪ ﺭﺍﺡ ﻭﻟﻴﺪﻱ ﻭﺍﻧﻲ ﺍﻋﻴﻂ ﺟﻮﻩ ﺃﻳﺪﻫﺎ ﻭﻓﻬﺪ ﻳﺒﺎﻭﻉ ﻣﺒﻴﻦ ﺣﺘﻪ ﺑﺎﺟﻲ ﻋﻴﻮﻧﻪ ﺣﻤﺮ ﻭﻣﻬﻤﻮﻡ ﻳﻌﻨﻲ ﺭﺟﻊ ﺍﺫﻛﺮ ﺍﺧﻮﻩ ﻭﺭﺍﺡ ﻳﺰﻳﺪ ﺍﻟﻌﺬﺍﺏ
ﻳﺒﺎﻭﻉ ﻋﻠﻪ ﺃﻣﻪ ﻭﻳﺪﻳﺮ ﻭﺟﻬﺎ ﻭﺍﻧﻲ ﻫﺎﻱ ﺍﻟﺒﻘﺮﻩ ﺧﻠﺼﺖ ﻋﻠﻴﻪ ﻭﺍﻧﻲ ﺍﺑﺠﻲ ﻭﺍﻡ ﻋﻠﻲ ﺗﺠﺮ ﺗﻜﻮﻟﻠﻬﺎ ﻓﺪﻭﻩ ﻋﻮﻓﻴﻬﺎ ﺑﺪﺍﻋﺘﻪ ﻟﻠﻤﺮﺣﻮﻡ
ﺭﺩﺕ ﻋﻠﻴﻬﺎ ﺍﻟﺸﻴﺨﺔ ﺗﻜﻮﻟﻠﻬﺎ ﻋﻮﻓﻴﻬﺎ ﻳﻢ ﻋﻠﻴﻮﻱ ﻻ ﺗﺪﺧﻠﻴﻦ ﺧﻠﻴﻬﺎ ﺗﺒﺮﺩ ﻧﺎﺭ ﻛﻠﺒﻬﺎ ﺭﺩﺕ ﺍﻡ ﻋﻠﻲ ﺑﻌﻴﻄﻪ ﻛﻠﺘﻠﻬﺎ ﻣﻮ ﺷﻴﺨﻪ ﺯﻣﺮﺩ ﺣﺎﻣﻞ ﻫﻨﺎ ﺍﻟﻜﻞ ﺳﻜﺖ ﻭﺧﻨﺲ ﺣﺘﻰ ﺍﻡ ﻓﻬﺪ ﻭﻓﻬﺪ ﺑﺲ ﺳﻤﻊ ﻫﺎﻱ ﺇﻟﻜﻠﻤﻪ ﺭﺃﺳﺎ ﺍﻧﺪﺍﺭ ﻣﺘﻔﺎﺟﺊ ﻭﻣﺼﺪﻭﻡ ﻭﺷﻜﻠﺔ ﻣﺎ ﺻﺪﻙ ﻣﻦ ﺳﻤﻌﻬﺎ ﺑﻨﺖ ﺍﻟﻠﺬﻳﻦ ﺍﻟﻠﻪ ﻻ ﻳﻮﻓﻘﻬﺎ ﺍﻧﺸﺎﻟﻠﻪ ﺩﻣﺘﻨﻲ ﺧﺸﻤﻲ ﻛﺎﻡ ﻳﺬﺏ ﺩﻡ ﻣﻦ ﻭﺭﺍﻫﺎ ﻭﺭﻩ ﻛﺘﻠﻬﺎ ﺧﻠﺼﺖ ﺭﻭﺣﻲ ﻣﻦ ﺃﻳﺪﻫﺎ ﺑﺎﻟﻜﻮﺓ ﻭﺍﻧﻬﺰﻣﺖ ﻟﻠﻤﺨﺰﻥ ﻃﺒﻴﺖ ﺍﺭﻛﺾ ﻭﻗﻔﻠﺖ ﺍﻟﺒﺎﺏ ﻭﻛﻌﺪﺕ ﺍﺑﺠﻲ ﻃﻜﻴﺖ ﻣﻦ ﺍﻟﺒﺠﻲ ﺍﻭﻑ ﻳﺎ ﺧﺎﻟﻪ ﻣﻮ ﻛﺘﻠﺞ ﻻ ﺗﻜﻮﻟﻴﻦ ﻭﻻ ﺗﺤﺠﻴﻦ ﺷﺤﺠﺎﺝ ﻣﺘﻜﻮﻟﻴﻠﻲ ﺷﺮﺍﺡ ﻳﺨﻠﺼﻨﻲ ﻫﺴﻪ
ﺿﻠﻴﺖ ﺑﺎﻟﻤﺨﺰﻥ ﻣﺎ ﻃﻠﻌﺖ ﻭﻣﺤﺪ ﺍﺟﺔ ﻭﺳﺌﻞ ﻋﻠﻴﻪ ﺑﺲ ﺍﻡ ﻋﻠﻲ ﻭﺗﻮﺳﻠﺖ ﺍﻓﺘﺢ ﺍﻟﺒﺎﺏ ﻛﺘﻠﻬﺎ ﺧﺎﻟﻪ ﻋﻮﻓﻴﻨﻲ ﻻ ﺍﻛﺘﻞ ﻧﻔﺴﻲ ﻫﺴﻪ ﻭﺍﻟﻠﻪ ﺻﺪﻙ ﻋﺎﻓﺘﻨﻲ ﻭﺭﺍﺣﺖ ﻭﺑﻘﻴﺖ ﺑﺪﻭﻥ ﻻ ﻋﺸﻪ ﻭﻻ ﺑﺪﻟﺖ ﻣﻼﺑﺴﻲ
ﻟﺤﺪ ﻧﺺ ﺍﻟﻠﻴﻞ ﻭﺍﻧﻲ ﻛﺎﻋﺪﻩ ﻭﺍﺑﺠﻲ ﺑﻠﻜﺖ ﺑﺎﺟﺮ ﺧﺎﻟﻪ ﺍﻣﺮﻫﺎ ﺗﺠﻴﺒﻠﻲ ﺧﺒﺮ ﻋﻦ ﺍﻣﻲ ﺳﻤﻌﺖ ﺍﻟﺒﺎﺏ ﻣﺎﻝ ﺍﻟﻤﺨﺰﻥ ﺍﻧﻔﺘﺤﺖ ﺑﺲ ﺍﻧﻲ ﻗﺎﻓﻠﺘﻬﺎ
ﻋﺮﻓﺘﻪ ﻓﻬﺪ ﺟﺎﻥ ﻳﻜﻮﻝ ﺯﻣﺮﺩ ﺍﻓﺘﺤﻲ ﺍﻟﺒﺎﺏ ﻫﺎﻱ ﺍﻧﻲ ﻟﺘﺨﺎﻓﻴﻦ ﺿﺤﻜﺖ ﺑﻴﻨﻲ ﻭﺑﻴﻦ ﻧﻔﺴﻲ ﻳﻌﻨﻲ ﻋﻮﺩ ﻣﺎ ﺍﺧﺎﻑ ﻣﻨﻪ ﻫﻮ ﺳﺎﺱ ﺍﻟﺒﻠﻪ ﺍﻧﺘﻪ ﺷﻜﺪ ﺣﻘﻴﺮ ﻭﻛﺮﻫﺘﻚ ﻳﺮﺑﻲ
ﻣﺎ ﺭﺩﻳﺖ ﻋﻠﻴﻪ ﻭﻻ ﺟﺎﻭﺑﺘﻪ ﻭﻻ ﺳﻮﻳﺖ ﺻﻮﺕ ﻋﻠﻤﻮﺩ ﻋﺒﺎﻟﻪ ﻧﺎﻳﻤﻪ
ﺗﺎﻟﻲ ﺭﺍﺡ ﻣﻦ ﺷﺎﻑ ﻣﺎﻛﻮ ﺟﻮﺍﺏ ﻻﻥ ﻋﺒﺎﻟﻪ ﻧﺎﻳﻤﻪ ﻻﻥ ﺟﺎﻥ ﻧﺺ ﺍﻟﻠﻴﻞ
ﺛﺎﻧﻲ ﻳﻮﻡ ﺩﻛﺖ ﺍﻟﺒﺎﺏ ﺍﻡ ﻋﻠﻲ ﺍﻧﻲ ﻛﺎﻋﺪﻩ ﺍﺑﺪ ﻣﻨﻤﺖ ﻭﻻ ﻛﺪﺭﺕ ﺍﻧﺎﻡ
ﻛﻤﺖ ﻓﺘﺤﺘﻪ ﺍﻟﻬﺎ ﺷﺎﻓﺘﻨﻲ ﻋﻴﻮﻧﻲ ﻣﻮﺭﻣﻪ ﻣﺤﺠﺖ ﺷﻲ ﺑﺲ ﺗﻬﻮﻥ ﻋﻠﻴﻪ ﺭﺣﺖ ﻏﺴﻠﺖ ﻭﺟﻬﻲ ﻋﺎﻟﻤﻐﺴﻠﻪ ﺍﻟﻲ ﻳﻢ ﺍﻟﺤﻤﺎﻡ ﺑﺎﻟﺨﺘﻠﻪ ﻻﻥ ﺣﺘﻰ ﻫﺎﻱ ﻣﻤﺴﻤﻮﺡ ﺍﻟﻲ ﺍﻭﺻﻞ ﻳﻤﻬﺎ
ﺭﺣﺖ ﻟﻠﻤﻄﺒﺦ ﺑﻠﺸﻨﻪ ﺍﻧﻲ ﻭﺍﻡ ﻋﻠﻲ ﻫﻴﻪ ﺗﺴﻮﻱ ﺭﻳﻮﻙ ﻭﺍﻧﻲ ﺍﺣﻈﺮ ﺍﻟﻐﺮﺍﺽ ﻭﺍﻟﻤﻮﺍﻋﻴﻦ ﻻﻥ ﻣﻤﻨﻮﻉ ﻋﻠﻴﻪ ﺍﻧﻲ ﺍﻃﺒﺦ ﺍﻭ ﺍﺳﻮﻱ ﺍﻛﻞ ﻳﻠﻪ ﺑﻌﺪ ﺍﺣﺴﻦ ﺑﻬﻮﺍﻱ ﺃﻭﻟﻬﻦ ﻣﺎ ﺍﻛﺪﺭ ﺍﺳﻮﻱ ﻻﻥ ﻧﻔﺴﻲ ﺗﻠﻌﺐ
ﻛﻤﻠﻨﻪ ﻭﺭﺣﻨﻪ ﺣﻄﻴﻨﺎ ﺑﺎﻟﺼﺎﻟﻪ ﻭﻃﺒﻴﺖ ﻟﻠﻤﻄﺒﺦ ﻭﻫﻤﺔ ﻛﻌﺪﻭ ﻳﺘﺮﻳﻜﻮﻥ
ﺍﻧﻲ ﺑﺲ ﺻﺒﻴﺖ ﺟﺎﻱ ﻭﻛﻌﺪﺕ ﺍﺷﺮﺏ ﻣﺎ ﺍﻟﻲ ﻧﻔﺲ ﻛﻠﺸﻴﺖ ﺣﺘﻰ ﺍﻟﺠﺎﻱ ﻭﺍﺻﻼ ﺍﻧﻲ ﻣﺎ ﺍﺣﺒﻪ ﺑﺲ ﺭﺩﺕ ﺷﻲ ﻳﻄﺐ ﺑﻤﻌﺪﺗﻲ ﻋﻠﻤﻮﺩ ﺍﻛﺪﺭ ﺍﻭﻛﻒ ﺣﺘﻰ ﻟﻮ ﺑﺲ ﻣﻲ
ﺍﻡ ﻋﻠﻲ ﻣﻘﺒﻠﺖ ﻛﺎﻣﺖ ﺗﺤﺠﻲ ﻋﻠﻴﻪ ﻭﺍﻧﺘﻲ ﺣﺎﻣﻞ ﻭﺷﺎﻳﻠﻪ ﺭﻭﺡ ﺍﺛﻨﺎﺀ ﻫﺬﺍ ﺍﻟﺤﺠﻲ ﻃﺐ ﻟﻠﻤﻄﺒﺦ ﻓﻬﺪ ﺩﻳﻄﻠﻊ ﻟﻠﺸﻐﻞ ﺑﺪﻭﻥ ﻣﺎ ﺍﺑﺎﻭﻉ ﻋﻠﻴﻪ ﻭﺍﺷﻮﻓﻪ ﻛﺘﻠﻬﺎ ﻣﺎ ﺍﺷﺘﻬﻲ ﺷﻲ ﻣﺎ ﺍﻟﻲ ﻧﻔﺲ
ﺑﺎﻭﻉ ﻋﻠﻴﻪ ﻭﺧﻠﻪ ﻭﻃﻠﻊ
ﻛﻤﺖ ﻛﻮﺓ ﺍﺳﺤﻞ ﺑﺮﻭﺣﻲ ﺣﻴﻞ ﺗﻌﺒﺎﻧﻪ ﺍﻧﻲ ﺻﺎﺭﻟﻲ ﺍﺳﺒﻮﻉ ﻫﺎﻱ ﺣﺎﻟﺘﻲ ﻭﺗﺎﻟﻲ ﻃﻠﻊ ﺳﺒﺒﻪ ﺍﻟﺤﻤﻞ ﻻﻥ ﺍﻧﻲ ﻋﻨﺪﻱ ﻓﻘﺮ ﺩﻡ
ﺍﻟﺤﻤﺪﻟﻠﻪ ﻣﻦ ﻃﻠﻌﻦ ﺧﻮﺍﺗﻪ ﻟﻔﻬﺪ ﻣﺎ ﺿﺮﺑﻨﻲ ﺑﺲ ﻟﻮ ﻳﺤﺠﻦ ﻋﻠﻴﻪ ﻭﻳﺬﺑﻦ ﺣﺠﻲ ﻟﻮ ﻳﺘﺎﻣﺮﻥ ﻣﻦ ﻳﺮﻳﺪﻥ ﺷﻲ ﻭﻣﻴﺼﻴﺤﻦ ﺑﺎﺳﻤﻲ ﻛﻠﻪ ﺍﻟﻔﺼﻠﻴﻪ ﻟﻮ ﻳﺘﻔﻠﻦ ﻋﻠﻴﻪ
ﺃﻣﻪ ﻟﻔﻬﺪ ﺍﻟﻴﻮﻡ ﻣﺎ ﻃﻠﻌﺖ ﻣﺮﻳﻀﺔ ﻭﻧﺎﻳﻤﺔ ﻣﻦ ﻭﺭﻩ ﺍﺑﻨﻬﺎ ﺍﻟﺒﺎﺭﺣﺔ ﻣﻦ ﺭﺍﻳﺤﺔ ﻋﻠﻴﻪ ﻟﻠﻤﻘﺒﺮﺓ ﻟﻠﻴﻞ ﺩﺍﺭﻳﺪ ﺍﺳﺒﺢ ﻻﻥ ﺍﻟﻴﻮﻡ ﻣﺴﺒﺤﺖ ﺍﺑﺪ ﻭﻫﻨﺔ ﻣﻴﺨﻠﻴﻨﻲ ﺍﺳﺒﺢ ﺑﺎﻟﺤﻤﺎﻡ ﺍﻟﺠﻮﻩ
ﺍﺧﺬﺕ ﻣﻼﺑﺲ ﻭﺻﻌﺪﺕ ﺍﺳﺒﺢ ﻓﻮﻙ ﻛﻤﻠﺖ ﻭﻃﻠﻌﺖ ﺟﺎﻥ ﻫﻮ ﻣﻮﺟﻮﺩ ﺛﺎﺭﻱ ﻃﻠﻊ ﻣﺮﺍﻗﺒﻨﻲ ﺍﻟﺨﺒﻴﺚ ﻭﻣﻨﺘﻀﺮ ﺍﺻﻌﺪ ﻋﻠﻤﻮﺩ ﻳﻠﺤﻜﻨﻲ
ﻃﻠﻌﺖ ﺍﺗﺤﺎﺷﻴﺖ ﺍﻟﻨﻀﺮ ﺍﻟﻪ ﻭﻣﺎ ﺑﺎﻭﻋﺖ ﺍﺻﻼ ﺑﺲ ﻫﻮ ﺣﺎﺟﺎﻧﻲ ﺟﺎﻭﺑﺘﻪ ﻋﻠﻰ ﻛﺪ ﺍﻟﺴﻯﺆﺍﻝ ﻭﺧﻠﻴﺖ ﺩﺍﻃﻠﻊ ﻟﺰﻣﻨﻲ ﻣﻦ ﺍﻳﺪﻱ
ﻛﺎﻝ ﺍﻭﻛﻔﻲ ﺍﺭﻳﺪ ﺍﺣﺠﻲ ﻭﻳﺎﺝ ﻣﺮﺩﻳﺖ ﺑﺲ ﺍﻧﺘﻀﺮﺗﻪ ﻳﺤﺠﻲ ﻭﻳﻜﻤﻞ ﺍﺭﻳﺪ ﺍﻃﻠﻊ
ﺧﻠﻪ ﺍﻳﺪﻩ ﻋﻠﻰ ﺑﻄﻨﻲ ﻭﺟﺎﻥ ﻳﻜﻮﻝ ﻳﻌﻨﻲ ﻫﺴﻪ ﺍﺑﻨﻲ ﻫﻨﺎ ﺑﻴﻦ ﺍﺣﺸﺎﺋﺞ ﺻﺎﺭ
ﻳﻌﻨﻲ ﺍﻧﺘﻲ ﺷﺎﻳﻠﻪ ﺍﺑﻨﻲ ﻫﺴﻪ ﻳﻌﻨﻲ ﺍﻧﺘﻲ ﺷﺎﻳﻠﻪ ﺭﻭﺡ ﻣﻨﻲ ﺑﻄﻨﺞ ﺑﺎﻭﻋﺖ ﻋﻠﻴﻪ ﻫﺬﺍ ﺷﺒﻲ ﺧﺒﻞ ﻳﺮﺑﻲ
ﻛﺎﻡ ﻳﺒﻮﺱ ﺑﺮﻛﺒﺘﻲ ﻭﻳﻬﻤﺲ ﺍﺣﺲ ﻧﻔﺴﻲ ﻟﻌﺒﺖ ﻭﻛﺰﺑﺮ ﺟﺴﻤﻲ
ﺭﺩﺕ ﺍﻭﺧﺮ ﻣﻘﺒﻞ ﺗﺎﻟﻲ ﻫﻮ ﻓﻘﺪ ﻭﺍﻧﻲ ﺟﺮﻳﺖ ﺍﻳﺪﻱ ﻭﻃﻠﻌﺖ ﺑﺴﺎﻉ
ﻛﺎﻝ ﻭﻳﻦ ﺗﺮﺣﻴﻦ ﺍﻟﻴﻮﻡ ﺗﻌﺒﺎﻥ ﺑﺲ ﺍﻧﻲ ﺍﻟﺞ ﺑﺎﺟﺮ
ﻳﺘﺒﻊ ......
#فصليه_لضالم (وحش)
بنت من بغداد
يتيمة الأب
تذهب فصليه
بسبب ابن عمها
يا ترة شنو حيصير بيها
تابعو القصة وشوفو
احداث حلوة وحزينه
#بقلم سقين الشمري
#الثالث والعشرون
السلام عليكم
فصليه لظالم (وحش)
بقلمي (سقين الشمري)
لا يسمح او يحلل نشر القصه بدون ذكر اسمي
&
............
زمرد نزلت جوة والله هذا بطران هسه هيه غير ام علي تجيبلي خبر
رحت للمخزن مددت بفراشي يربي شلون اريد انام لا مروحة لا مبرده لا سبلت لا مكيف كلشيت ماكو حاره جهنم
همة نايمين عالمكيفات واني مصموط جدي ولو خلي ينصمط
تعبانه خيل حتى الضهر منمت ومعدتي تكلب ولعبانه نفسي كوة نمت بس تعبانه همزين جريتها للصبح حتى ما دريت بالحر بسبب التعب
اجتي كعدتني ام علي
كمت غسلت ولميت شعري وذبيت الشال باهمال على راسي لان ل
اني ما اعرف البسه وكل شوي يوكع يوميه هيج
تريكنة وكالعادة شغل بس حيل داتعب وعلى طول اليوم اتخربط من اتخربط اوكع للكاع كلش حيل تعبتني التنساوه وتاذيت
للضهر يله كدرت أسئل ام علي على امي لان همة بالغرف ما اكدر اسألها وهمة موجودين
كالت والله يمة خابرت امج مغلق
وجدج جاوبني رجال سئلته كتله انته ابو نورهان كال لا اني اخوها تفضلي كتله اني هيج وهيج كال عيني صاحب الرقم مريض وحاليا ميكدر يجاوب
وانشالله بس يصير زين يجاوبج
كتلها ما كال اسمه منو كالت لا
اني شكيت بخالي منتضر لان هو شوي مو كلش اختلاطي وميحب هاي السوالف ودائما اعتزالي وحتى من تصير مشكلة هو يبقو بيته محد يشوفه قليل الاختلاط بس مردت اضلمه
كتلها ومصطفى كالت شو هم مغلق
كتلها سوده مصخمة يربي وين اولي فتحت الباب مال المطبخ وكفت بجيت ودعيت بكلب محروك ومقهور ومهموم كتله ربي سديتها بوجهي من كل الجهات ليش مو اني يتيمة وين اروح كتله يا علي انته مو ابو اليتامى وكافلهم مو اني يتيمة باوع حالي
بيومها ضليت لليل لحد ما نمت اني بدون اكل وتوسلت ام علي مقبل
مرت الأيام واني حالتي تسوء وميقبلون أراجع دكتوره من أصير فدنوب مو زينه تروح ام علي الجده تكوللها هيج وهيج حالتها وتجيبلي علاج ميقبلون اروح ولا يقبلون اطلع الا للحالات الضروريه
كمت حيل اتعب بطني كبرت واني توني خلصت الشهر الثاني وثكل بطني انواب اختنك بس شسوي ماكو شي اسوي فهد رجع ينام وياي بالغصب
انواب يضربني من ما اقبل اجفه الشر واكول هو كلشيت اخذه وصار وميجوز عقابي بيوم الي ارفض يستمر لحد ما يصبح الصبح
من يتقربلي حيل اتعب وأوجاع قويه تصير عندي
أكوم ابجي وهو ماكو فايده الا يكمل يلا يبتعد
أكوم اسبح واكمل وارجع انام بالمخزن ميقبل انام يمة
بس انواب بليل اني ونايمه احس عليه يجي ينام بصفي يدفن وجها بركبتي يشم شعري يمسح على بطني ويروح
بس رغم هذا كله وكم مرة تقربلي ما أبادله شي ولا حتى بؤسه خشبه ونايمة بصفه وأبد محسيت بشي تجاهة
انواب افكر صدك اجيب الطفل وانطي الهم واخلص بروحي
تنساوتي حيل صعبه بمعنى الكلمه اخر شي كمت من اتخربط افقد الوعي
وره ساعه اقل يله اصحى همة جانو يكولون عياره وجذابه وتمثل علمود تخلص من الشغل الاكل كطعته خير شر اليوم كله يعبر لو اكل لفه جبن وجاي لو ما اكل
ضعفت حيل وصار جوه عيوني سواد ووجهي اصفر وشاحب ما بي اَي روح
&
...............
فهد : يوم عن يوم هيه كدامي كمت احبها بس رغم هذا اكرها يعني متناقض انواب احسد روحي عليها
بس بنفس الوكت اكرها بسبب اخوي وشكد كمت احتاجة بالشغل بكعداتنه بسوالفنه بطلعاتنه بكلشيت
بس ما مصدك روحي شايله نطفه مني ببطنها
بس كلش تعبانه وضعفت حيل ووجها كركم صار وسواد جوه عيونها و٢٤ساعه تتخربط
اسال ام علي على وضعها تكول مو زينه حتى الاكل كاطعته متآكل
كمت اجيب الها نساتل وهاي السوالف الي تحبها
ورغم هذا متاكل انواب اكول عناد او تريد تموت الطفل
اروح الها بليل الكيها نايمه حتى وهيه نايمة شكلها حيل يبين تعبانه
كمت أتقرب الها بالبدايه جانت ترفض بس كمت ااذيها رضخت للأمر الواقع وحتى من اتقربلها تكوم تتلوه من الوجع وتتوسل وتكوم تبجي بس ما اعوفها الا اخذ حاجتي حتى لو تتاذه
كمت احسها تعبانه حيل تمشي وتوكع انواب اسال ام علي تكول اليوم تخربطت وفقدت الوعي وره ساعه يله ردت الروح بيها انواب استخطيها بس موت اخوي قهر وحزن امي يمنعني أتساهل وياها
&
...........
زمرد كمت اتعب حيل وبطني كبرت هواي حتى خاله ام علي كالت ليش هلكبرها بطنج
مو مال وحده حامل الها شهرين وشوي عبالك بالخامس
كمت اشتغل وأتعب وانوب خواته يجن كل اسبوع اذا ما صادف شي او اكو شي وهنة وجهالهن وخبصتهن والغلط والمسبه علية وانواب يضربني راشدي من أفوت من يمهن
ما بيدي شي اسوي غير البجي وسؤالي انو امي ليش متجي عليه
شنو الي ديصير اوف يا ربي تعبت والنبي تعبت
((((يمكن البعض هسه حاليا من ديقره قصتي يكول تبالغ بس هذا الي صار وهاي الحقيقه يعني شي الي صار ومريت بي مو طبيعي والأشياء تراكمت على راسي واتصالي بأمي صعب وشنو الي بيها ما ادري وووو القصه كلها تحجي معاناتي ))))
ضلينه يوم يتبع يوم
لحد ما اجتي عمة فهد بيوم احنه كاعدين نشتغل طبت سلمت على ام علي سلام من وره خشمها مال تكبر واني اصلا مسلمت عليه
وطبن وياها بناتها كعدت جوة وسلمت عالكل وكعدت يم أمها وام فهد
وراحت ام علي تودي الضيافة
جتي كالت لو تدرين على شنو جايات كتلها واذا دريت ميهمني وما عليه بسوالفهن كالت دحزري هسه كتلها اوي خاله شعليه جان تكول جايه تكول لامها بتي سهيله جوي ناس عليها مشو صار مرتين واني ما اكدر أضل ارفض وكل مره اكول محجوزة لابن عمتها
وهسه جيت اني وألبنات اريد أشوفكم واشوف أبوي وأكلة اذا ميريدها ليش أضل اطرد بالخطابة واوكف بقسمتها للبنيه وهيه حلوة وعيون الناس كلها عليها (هيه جنها صخله 😂)
كلتلها أمها يصير خير يجي ابوج الشيخ ونفتهم ردت ام فهد كالت لا عيني هيه بنيتي وجنتي مرت ابني مستحيل احد ياخذها غير فهد
سهيله الابتسامه شكت حلكها مترين
كتلها واذا شنو يعني شتريديني أغار لو شنو اسوي اصلا ما اصدك اخلص منه واني ناويه انهزم
سكتت محجت كملنا العشة وحسبنا حسابهم
وكت ما رحنه اني وام علي نمد السفرة كعدن بنات عمته لفهد الي هنه سهيله والثانية مدري شنو اسمها اصلا لو مو يكولون خطيبه فهد اسمها سهيله هم ما اعرف اسمها
مديت المفرش مال الاكل واني كوة أتحرك عندي تقلصات قويه ومحد راضي يوديني للدكتورة
مديتة وكمت اخلي الكلاصات والعصاير واللبن وصلت يم سهيله وجان اخلي العصائر وجان تدفره برجلها وتكول يا مشفته يله يالفصليه روحي جيبي وصله وامسحي مرديت عليها وجع الي بيه كافي عليه
رحت جبت وصله واجيت مسحته وردت جبت انوب مسحته وخليت ووديت الوصله للمطبخ ورجعت اكمل وهيه وأختها ضلت يخبثن ام علي كامت تروح تركض جيب غراض وتشيل كميه جبيره علمود يخلصن لان درت بيهن خليت مواعين الزلاطه ورفعت راسي شفت فهد طب ويباوع عليه مدرت بال سهيله كمزت عليه وشلونك ابن عمتي وتاج راسي وشلون كيفك وتتلوك هو جاوبها بابتسامه ويباوع عليه الحمدلله انتي شلونج وهيه تكله من شفتك صرت زينه
رحت للمطبخ كعدت عالكرسي كالت ام علي يمه شبيج كتلها خاله وجع قوي عندي كالت اشربي دوه كتلها خلص فدوة كوليله بلكت يقبل يوديني للدكتورة والله حموت من الوجع
حتى نفسي ديضيق كلش واختنك مو كادره أتحمل
كالت الله كريم يمه انشالله اكله
ويه العشة صاحت ام فهد وعمته لام علي تتعشى وياهم وبس هيه اني لا عرفت يعني هاي اهانه وتعمدن يسون هالشي
ضلت شلون اروح وانتي هنا وحدج كوة قنعتها وراحت
ضليت كاعده اصلا ما الي نفس اكل ومو كادره اكل
ضليت كاعده واتلوه من التقلصات طب فهد للمطبخ يغسل وادري بي تعمد لان هو يغسل عالمغسله شافني ووجهي اصفر غسل وجا كال شبيج ما حجيت كال مو داحجي زمرد شبيج
كتله بطني توجعني كال هواي كتله اَي كال كومي مددي ونامي عوفي ام علي تكمل كبر حتى كبر كيفت عبالي يكول اوديج للمستشفى لو للدكتوره باجر داكوم صارت عندي دوخة كلش قويه حيل وكعت وأجا يركض فهد حطني بحضنه ويكول شبيج بويه شجرالج طبت سهيله للمطبخ تخبلت من شافتني بحضنه كبر اَي والله واني لا بحالها ولا بحاله
شالني ووداني للمخزن نومني الحقير
صدك تعبت حيل تاذيت واختنكت كمت اشاخط اريد أتنفس ماكو هوة والمخزن خنكة طلبتها بلساني كتله فدوه طلعني منا اختنكت هو ما جذب خبر شالني وصعد بيه لغرفته نومني عالجربايه وفتح دكم دشداشتي وكام يفرك بصدري كال اوديج للجده مجاوبته فتح المكيف بعدها نمت محسيت بشي صحيت الصبح هو نايم بصفي وحاضني
كمزت رأسا وانهزمت نزلت جوة
&
..........
فهد : رجعت للبيت جنت طالع بره لكيت بيت عمتي الجبيره يمنه وبقو عالعشة تعشو وكملو وعمتي كالت عندي موضوع اري افتحة وياكم لأنو يخصكم اريدكم بالاستقبال تنجمعون عرفت جيتها وراها شي
وراها الي صار بزمرد وتخربطت وره ما صعدتها فوك ونزلت كعدت يمهم فتحو السالفه الي جايه عليها عمتي وهيه انو جنت عساس حاجز سهيله او جدي حجزها الي اني لا احبها ولا اختلط بيها ولا مباوع عليها اصلا بس هذا حكم جدي وما يصير اكسر كلامه وكلت هايهيه وهسه جايين مشين عليها وتكول تريدها لو انطيها عاد جدي من يمه كال لا البت محجوزة النه وانشالله هالاسبوع الخطوبة بس لا حفله ولا هم يحزنون لان عدنه ميت ومن هسه صالون وهاي السوالف ماكو خليها للعرس لان عيب واحنه شيوخ وعدنا عزه وحتى العرس سكتاوي صح عزيمه والعربان كلها والمحافضات بس لا مهوال ولا هذا الي يعيط (ألدي جي 😂)
ولا كلشيت هوسات اَي غيرها ماكو حتى مطرب ما اجيب
جدي جاوب من يمة وقرر وحدد كلشيت وبكيفه كلمته الي تمشي
بس يا ترى زمرد حتقبل وشنو رده فعلها هم تغار
(عايش اللحضه😒)
كملنه كلشيت وكالو الخطبه يوم الجمعة وسهيله ابد ما سكت حلكها من الضحك واني بالي مو يمهم يم ذيج الي نايمه فوك ومدري شصار بيها
كملو وراحو بيت عمتي واني طفرت ليفوك ما صدكت اليوم نايمه بفراشي وراح انام يمها وامدد يم طولها رحت عليها نمت بصفها بستها حضنتها شميت شعرها وركبتها وحضنتها ونمت لحد ما غفيت كل شوي ابوسها اني
يتبع .........
باجر احداث حلوه 🌺🌺🌺🌺🌺
حبايب كلبي اغلب التعليقات تكول اهل الجنوب مو هيج واصفيهم بصوره غلط يا عيوني انتم اني مكلت الجنوب كله بس اكو مناطق او قرى معينه ومحدده وبعدين ذوله شيوخ واكيد هذا طبعهم اصلا أطيب ناس اهل الجنوب وكلكم اهل الجنوب على راسي يا اهل بلدي
احبكم ولد وبنات بلدي يله كلنه سوه نكول ((((((كلنا العراق 😍))))))
شنو رأيكم بكرمي من البارحة واليوم 😉😁
هههههه احبكم
غلسو بدون مرا
#فصلية_لظالم_وحش
بقلم سقين الشمري
#بارت٢٤
السلام عليكم
فصليه لظالم (وحش)
بقلمي (سقين الشمري)
لا يسمح او يحلل نشر القصه بدون ذكر اسمي
&
............
زمرد يوم عن يوم تسوء حالتي وبطني تكبر صار يوم الجمعة وراحو كلهم لبيت عمته لفهد علمود الخطبه لان هيه اليوم هو نزل كاشخ ومبدل ومتحضر ويضحك عود ديغورني واني ولا يمة وعازمين المحافضه كلها الي يكول مو مشيه عرس
أمة لفهد تبجي وتضحك وتبوس بي وتكوله اتمنيت اخوك وياك بهليوم وتمنيت هو هم ازوجة بيدي مثلك بس الله لا يوفق الجان السبب اني رأسا خليت وانهزمت لان من أصير كدامهم ويذكرون ابنهم يكتلوني واني تعبانه وما الي حيل وخلك
كملو وراحو بقينه اني وام علي مرتب البيت ونسوي اكل وجابو طباخ ويه ام علي لان هواي حيبقون عالعشة
وابن عمة لفهد الي حاجز اخته لفهد أميره كللهم من دام راح يخطب ويزوج فهد اني هم اريد خطب وانتو كلكم تدرون بينه ولو مو الي صار جان هسه حتى مزوجين فاحنه الجمعة الي تجي بعد هاي الجمعة اويلي يابه والله ما بيه هسه هوسه وأسبوع اللاخ هم هوسه وانوب اقوه لان الخطوبة هنا
عاد اجوي واحنه كملنه واني حيل تعبت من طلعو كمت ابجي من الوجع وانوب أطب للمطبخ حار وادوخ حالتي صارت فدنوب
فهد طب يضحك يغورني من شاف حالتي راحت الضحكة من وجها وبان القلق عليه وضل يروح ويرجع للمطبخ حتى خواته كالن شبيك فهد تروح وترجع للمطبخ تريد شي
صبينه العشة وجني خواته اني واشتغل ضربني على ضهري وكالن همي نفسج الفصليه لتتمندلين وتتموعين بمشيج الناس كاعده صبن الاكل بساع احس روحي شاغت رأسا عيوني غرغرت دموع من الوجع ما تكول حامل وتعبانه ولو ناس متخاف من الله
كمت اشتغل وابجي طب فهد شافني
جا يركض شبيج مرديت لزمني من ايدي كال زمرد شبيج كتله ما بيه بس شوي موجوعه وخليت ورحت اودي الاكل للصاله
احس ضهري انقسم بالنص
أطب واطلع اسمع النسوان يابه الفصليه شلون جمال دخيل الله حوريه ونازله بالكاع اكلج يمكن حاطه عدسات مدري هو هذا لون عيونها
ترد تكللها وج عيني هاي لو جنتي الا اتخبل واكوم اتفيك عالنسوان عبن جنتي حلوة وبعد كومة حجي
صاحتلي مره يمة يبنيه انتي رفعت راسي كتلها اني كالت اَي انتي كتلها تفضلي كالت يمه عليج الله هاي عيونج لونهن حقيقي لو عدسات كتلها لا خاله حقيقيات حركت البؤبؤ مال عيني بايدي علمود اشوفها ممخليه عدسات
كالت الله يخليج يمة شكد حلوه انتي الفصليه مو هيه تعرف بس كالتها عمدا دست على نفسي وهديت راسي باي ردت مدري شحجت مجاوبتها خليت وطلعت ما الي خلك
من صار وكت الصب مال التمن والمرك واللحم وكامو يصبون للزلم طبو الولد يأخذون الصواني وينكلون الاكل يعني الصب صار بالمطبخ فاني موجوده طبيت جوه استراح شوي صاحت ام فهد عالسريع للمطبخ مكان الخدم بالمطبخ وفشلتني كدام النسوان عاد خليت ورجعت للمطبخ
طب فهد همة كلهم ولد عمامة موجودين والولد كرايبهم اللح هم يطبون ويطلعون كامو واني رايحة بغير دنيا مو يمهم من الوجع طب فهد للمطبخ وضل بس يخوزر بيه
تالي طب جوه وصاح زمرد تعاي
رحت كوة امشي وصلت يمه جان طاب للمخزن رأسا لزم ايدي وعصرها وكال شعندج بالمطبخ كتله غير اشتغل كال مو طبو الولد ليش ما طبيتي
كتله رحت وأمك مقبلت كال ولج احجي عدل شنو امك كولي خالتي كولي عمتي غمضت عيوني بنفاذ صبر ومجاوبت بس اذتني ايدي
لزم شالي وجان يلفه خنكني خنك كال اذا شفت شعرايه وحده طالعه من شعرج اليوم موتج يصير وخله وطلع استغفرت ربي وكعدت بالكاع شوي
بعد احسن خلي استراح دقايق وطب كال كومي يله بساع لا حلت الج الكعده
خليت وكمت جانو طالعين من المطبخ بقو ٢ ولد عمه لفهد وهمة وَيَا كلش يجون يأخذون النواعم
شكد حلو اسلوبهم من يحاجوني خويه خويه ومدنكين روسهم بالكاع ولا ذاك الخبل
واني انطيهم واني ساكته
بألف يا علي خلص اليوم بس شنو من كمنه نغسل ماعين كمت احس شي ينزل عليه رحت شفته طلع مي سكتت محجيت حتى لخاله بلكت يوكع ويموت ولا يجي لهاي الدنيا لان شايله اله هم حتى حتى اذا كبر يصيحوله ابن الفصليه وحنه ولا وخده كلفت نفسها وكامت ويانه وخوات فهد باتن يمنه
رحت نمت بالوحدة يله خلصت شغل
كعدت ثاني يوم فدنوب ما الي خلك حتى رجليه مورمة والمي مستمر ينزل عليه
مشى الأسبوع وهمة حضرو لخطوبه أميره وابن عمها صالح وخلال الأسبوع سهيله مرتين أجت وعود وكت الاكل من تشوفني تكعد بصف فهد تغورني واني بداخلي اضحك ومن تشوفني أفوت هم تكعد يمه
ثاني مره أجت صعدت لفهد بالغرفة واني جنت بالحمام داسبح فمتدري جنت دابدل صوت المي مسدود كملت وطلعت من الحمام جنت لابسه دشداشه قصيره لان بيومها فهد رادني ومثل كل مره ما اكدر امتنع حتى ما انكتل وكلها مفتحه من فوك ودلعه ومن يم الرجلين رغم قصيره بس مفتوحة صارت هيه بوجهي تحجي ويه فهد وتتمضحك وتتموع جنها صخله هية من شافتني اتخبلت وجها كام ينطي ألوان رادت طك وجان تكول شعدج هنا شسوين كتلها بخباثه فهد رادني هيه عيونها صارت براسها لو النضرات تكتل جان اني هسه بالنجف كملها فهد وجان يكللها ماشي بت عمتي تدللين روحي ويصير خير اَي بمعنى طرده خلت وطلعت بس شنو ماتت يمكن لو بيدها تكسر الغرفه على راسي
باوعت عليها من جوه الباب عرفتها حتصنط علينه وفعلا وكفت على صفحة تتسمع علينه من صدك بدون شي او حب او غيره بس من كد الحزن والجو الكئيب حبيت اضحك عليها شوي شسوي اريد شي يضحكني جرني فهد كال لج هاي شطالعه كتله بمياعه ودلع اووي فهد على كيفك اذيتني اني والبيبي صفن بوجهي ممستوعب اني حجيت وَيَا ولأول مره اصيحة باسمه ابد لحد الان ما صحته وكتله فهد اصلا اني ما احجي وَيَا بس من يسألني اجاوبه واسكت جان يكول من خرب اشتعلو واشتعل فهد اليوم املخ وهجم يبوس ومخله شي واني عيني عالباب ضحكت شوي هم اغورها تسمع صوت ضحكتي وهم عليها شلون واكفه تتسمع كتله على كيفك شنو مشايف دتاذيني واني اخاف عالطفل هو اصلا ممصدك ولا مستوعب انوب من احجي وَيَا هيج عبالك انطي جرعه يتخبل بالزايد عباله عود كمت أميل اله ميدري بالفلم الي داسوي
وره شوي باوعت ماكو خيالها ورجليها ..حسن ابن سماوه ناشر
سكتت ذبيتها عالصامت محجيت وَيَا شي بعد
هو حس كال شبيج زوزايتي باوعت عليه وكاعد يدلع عود محجيت وَيَا
بعدين من ضَل يلح بالسؤال كتله مبيه بس موجوعه حيل داتاذه
هو كام يبوس ويكول اسم الله عليج وضل لحد ما كمل يله وخر رأسا كمت رجعت سبحت انوب وكملت ولبست ملابسي السود ونزلت
هيه كاعده بالصاله تنتضرني بس نزلت استلمتني غلط وفشار وكحبه وسافله وساقطه انعل ابوج لابو الخلفج ضمي ركبتج سأقطة ام الولد كاعده تغورين منو يا مو شريفه خلي بعد كم أيوم اجي واني الج اني اعلمج الا احرك الخلفوج مرديت عليها ضلت تلغي وحدها عفتها وطبيت للغرفه واضحك
المهم جا يوم الخطوبة وهم خبصه من الصبح وأميره تريد تسوي تسريحة ومكياج بالصالون لان متعرف تخلي وماكو يعرف يخلي اصلا بيتهم كله ما بي مكياج لان ام فهد مرة جبيره والبنات ميقبلن جدهن وفهد لان بعدهن بنات وعيب هذا الشي
عاد كامت تبجي تكول لامها شلون يجون اطلع هيج كدامهم اني
وعيه تكللها يمه شسويلج جدج ميقبل واخوج بعده موته جديد شنو بيدي
كالتلها عاد وحده تحفلي كالتلها اني مره جبيره ما بيه واصلا حتى ما اكدر واختج متعرف للحواجب شسويلج فتت من يمها دامسح وجان تجي تركض عليه لزمتني من ايدي ودارتني عليها بكل قوتها وجان تكول يالفصليه كتلها ها كالت تعرفين تحفين كتلها اَي كالت ومكياج تخلين كتلها اَي جان تضربني راشدي كالت متشوفيني حايره من الصبح ليش محجيتي وكلتي لعد مو ادري انتن البغداديات كلشيت تعرفن تسون لان متعلمات اكحاب كتلها زين هسه هذا مدح لو ذم مفهمت
كالت انجبي هسه وتعاي حفيلي وسويلي مكياج كتلها اَي جيبي خيط وملقط وتعاي ما صدكت راحت تركض حتى جيب كلت بكلبي حتى الي يسوي زين الهن يهيننه كالت ام فهد حقيره من تعرفين ليش ما اكلتي نعل ها سكتت مرديت كالت مو احجي كتلها خاله عبالي متقبلين انتي وكلكم متقبلون وسكتت كالت خلخاله تخلخل ضلوعج
سكتت مرديت عليها كملت مسح لحد المطبخ جان هو بس الصاله باقيه اله وميقبلن امسح بالماسحة لازم بايدي علمود اتعب لهنا وصلت حقارتهن
كلت بكلبي والله وكت جنت ٢٤ ساعه حايره بشكلي ووبشرتي حتى اضافري اسويها بالصالون وما الزم شغله بيدي هسه كمت كلشيت اشتغل
جتي أميره اني بالمطبخ كعدت عالكرسي استراح كامت تصيح ولج وين وليتي يالفصليه كمت رحت عليها كتلها هياتني كالت هاج هاي جبتهن الج
كتلها وين تريدين احفلج كالت ماما وين احف كالتلها اخوج وجدج طلعو تعاي هنا كدامنة لا تروح تصكط حواجبج لان ادري بيها حقيره سكتت مرديت لان أصلن تعودت على هذا الشي
كتلها جيبي مخدة او كوشه وتعاي كعدي راحت جابت واجت تركض كعدت بالكاع وحطيتها جواي علمود أصير اعلى منها واسيطر عليها كتلها يله تعاي اكعدي كالت وليش انتي الي كعدتي عالكوشه كتلها مو علمود انتي تصيرين انصى مني واسيطر عليج ميصير انتي اعلى لان انتي الي دتحفين
كعدت بعد ما حجت كتلها انتي شلون تريديهن كالت اريدهن حلوات كتلها اَي اعرف بس قصدي مال بنيه اسويهن لو مال عروس
كالت ام فهد يا قندرة غير مال عروس كتلها لعد ترة اكطع من حواجبج
كالت يا ليش راح تصكطيهن كتلها لا بس غير مال عروس تريدين وحلوات كالت اَي كتلها لعد خلي اسويهن واذا معجبنج شتريدين تسوين بيه سوي
كالت يله بلشي
بديت احف حواجبها وهيه بس تعيط وتكول تتعمدين توجعيني عاد الشيخة كالت الها لا هو الحفافه تأذي
سكتي خلي تخلص
رتبت حواجبها وام فهد وكفت على راسي مثل الرئيس
كملت حواجبها بجد بمعنى الكلمه كتلها لخاله ها عجبنج كالت اَي هايهيه كملي كالت أميره خلي اشوف كتلها لا خلي اكمل خليها مفاجاه
بديت احف بوجها وعلما كملت كفرتني بس تعيط ومتثبت
واني تعبت وضهري انكسر وكل شوي أهدها واكعد أتنفس اختنك حيل احس الهوة يكوم ميطب بريتي
اخر شي عاطت ام فهد كالت متكوليلي شبيج
كتلها خاله والله مو بيدي بس اختنك
كالت الشيخة ليش كتلها ما اعرف داختنك حيل وأتعب كلش وديغمى عليه كالت اَي هاي التنساوه
سكتت شحجي كملتها وطلعن حواجبها تحفه بمعنى الكلمة سويتهن بوكتها عالموديل سويتهن شمر وكطمتهن من النهايه
كملتها وكامت تريد تشوفهن طلعت والله بشر ثاني الحفافه بجد الها دور جبير صحت عليها كتلها تعاي عود اخليلج خلطه حسويها علمود ليطلع حب بوجهج ويورم
كالت اَي هسه ما مصدكة الخبله
رحت للمطبخ سويت الها بالبدايه مي وشكر خبطتهن واجتي خليتهن على وجها وكتلها نص ساعه يله تغسلي وتعاي حسويلج ماسك العروس بمواد بيتيه راحت بس هذا كله وما الي نفس لان حقيرات وما أنسى الي سونه بيه ابد بس اكول بلكت بهاي السوالف تعقل وجوز مني
ورة مغسلت وجها وكملت وحطيت الها الماسك عشر دقايق وغسلته جتي كالت اني ما عندي مكياج والبيت كله شلون خاله تروحين تجيبين الي كتلها اني عندي لتهتمين كالت يا صدك منيلج كتلها عندي لتشغلين بالج راحت وام علي كالت بس لا الي جبته الج كتلها اَي كالت غير انتي تخلين منه اول شي وبعدين مالتج كتلها يمعوده ما اخلي منه وبعدين وين تعوفيني وتروحين هسه ودتشوفين حالتي يرثى لها وهنه ميقبلن يعاونني غير اموت وحدي كالت اَي هم صدك أميره ضلت تركض وراي امشي حطي الي مكياج واني اكوللها مو هسه تضل تعيط من صدك لو كالو ممصدكة راح تخلي حمره لعد اليوم اشو نسيتو الميت وهيه نست اخوها وحايره بالمكياج
اخر شي كالت الا اكول لامي عليج متقبلين مو متريدين تخليلي راحت وره دقيقتين صاحت ام فهد كالت ولج يالفصليه ليش متخليلها مكياج
رحت عليها كتلها خاله والله مو ما اخلي الها بس غير قبل الكعده و وره متتغده هيه مو حتاكل وتنلاص وبعدين يروح اذا من هسه خليت الها كالت اَي صدك وانتي أميره لا ما مصدكه تحطين حمره كعدي هسه
عود هيه تخليلج واذا مخلت الج اكسرها
كتلها زين انتي شحتلبسين كالت بعدني اختي عذراء هيه حتجيبلي من السوك فستان وتجي كتلها ها اَي مو علمود اعرف لونه شلون اخلي الج مكياج غير على لونه
والله شوي وبده يجي الفيلق اجتي عفراء اخت فهد هيه وجهالها ونوب اجتي زينب هيه وجهالها ٢ وجايه وياها سهيله لان بيتهم قريب على بيتها وجايبه وياها علاكه جبيره بيها هدوم وغراض باقيه هنا وعلمود تبدل ردت الساعه ب١١ اجتي عذراء جايبه فستان لأميره الا ما خربت ضحك من شفته كله ورد احمر وااصفر وبي دناديش عبالها حلو بس من شافن حواجبها كلهن تعجبت حتى سهيله كالتلها ولج هاي منو حافلج شلون جمال طالعات حواجبج كلتلهن هاي زمرد هنه تفاجئت كللها صدك كالت اَي ردت عفراء كالت والله لو ادري جان جيت هيه حفتلي لان ما لكيت وحده ترتبهن اليه
ردت سهيله كلتلها لا عيني خيه الاكح..... بنات بغداد كلشيت يعرفن يسون كلتلهن أميره وهيه راح تمكيجني كالتلها سهيله اَي لعد هسه طلعج قرد لان تكرهنه هية كلتلها لا غير اموتها
جني عماتة لفهد عالغدة تغدن وكملن رحت اريد اغسل المواعين صاحت أميره كالت يالفصليه امشي مكيجيني كتلها بيش الساعه الكعده كالت ب٣ كتلها يله لعد هم يله
كتلها وين اخليلج مكياج كالت بغرفتنه البنات ولو ميشرفني طبيت الها
كتلها يله لعد خلي اروح اجيب المكياج واجي
كالت اَي يله رحت للمخزن طلعت المكياج من العلاكة وفهد اليوم قليل شفته ملتهي لان كوم عالم حتجي والمعهد هنا
عاد كملت وطلعت بالباب صار عندي وجع قوي كلش بحيث كعدت للكاع وجع عبالك مال ولاده وضهري كام يطك ومي نزل عليه هواي
رجعت للمخزن ذبيت الغراض وبدون ميشوفني لان كلهن بالغرفة طبن وام فهد بالاستقبال يم النسوان طبيت للحمام بساع غسلت وطلعت
رجعت للمخزن اخذت الغراض وطلعت صارت بوجي أميره كالت وين وليتي
كتلها اجيت يله راحت تمشي كدامي للغرفه واني طبيت وراها هنه باعن عليه كالت سهيله لج خيه ليش طببتيها للغرفه تنكست هيه ضحكت كلتلها مجبوره كتلها أميره تعاي هنا عالجربايه نكعد
اجتي صدك داكعد كالت لا لتنكسيها كتلها أميره والله ما بيه اوكف او اكعد بالكاع بروح ابوج خليني موجوعه وضهري طك من الوجع ردت عفراء مدري شعجب كلتلها كافي أميره كعدي وسكتي مضل وكت بعد وراج تسوي شعرج كتلها صدك عندج كاويه وكاويه كيرلي كالت كيرلي شنو كتلها الي تسوي الشعر ملوي كالت عفراء عندي بس العدله كتلها يله مو مشكله عادي عود اسويلهيا كيرلي بيها هم يصير كعدت كبالي وبلشت امكيج بيها هنه صفنن عليه شلون اخلي المكياج لان هنه ميعرفن اني بالمكياج فضاعه اعرف اخلي المكياج مثل الصالونات طبق الأصل وجنت اروح صالونات اريدو وباربي بغداد فكدامي يخلون مكياج واني اباوع عليهن فتعلمت صرت ماهره بالمكياج بشكل مو طبيعي
تفاجئت ام علي جايبه مكياج كامل زين شمعرفها بي بعدين من سالتها كالت كلت لابو المحل مال عروس وهو خلالي وهو خلالي
رسمت حواجبها ورديت انوب بديت ارسم عيونها جان لون الفستان بنفسجي
خليت بعيونها لون بنفسجي وذهبي ورسمت اللاينر رسمه البزون يكولولها ورديت كملت باقي وجها طلعت متنعرف بشر ثاني هنه ضلن فاتحات حلكهن متر كالت عفراء زمرد كملي ومكيجيني اني هم تفاجأت وتعجبت اول مره من اجيت لحد الان احد من اهل فهد صاحلي باسمي كله الفصليه
كتلها تدللين ام علاوي
كملت وكتلها كومي كعدي عالكرسي داسويلج التسريحة كامت كويت شعرها بالكاويه ومن اجيت اسوي الها التسريحة كتلها زين شلون اريد بوستيجة ما عدجن كالن شنو هية كتلهن حشوه مال تسريحة هاي الي تخليها ام الصالون كالن لا كتلها أميره جيبيلي جواريب متريديهن كالن شسوين بيهن كتلهن داسويلها حشوه كالت عذراء كومي هناء جيبي جواريب كتلها فد زوجين جيبي ومكص جابت واجتي كعدت كصيت الجاروبه من جوة سويتها مفتوحه وخليتهن وحده بالثانية وسويت الجواريب على شكل كعكة جبيره شفت هذا الشي باليوتيوب مره وحدة سوتها 😸
هنه ضحكن وتفاجأن سويتلها التسريحة وخليت الها كم خصله ابرمهن الها عاد ضفرتهن خفيف ومشيت الكاويه عالضفيره وفليتها صارن كيرلي
كملتها وكومتها كتلها لبسي الفستان وتعاي اعدله الج عالسريع علمود ابلش بام علاوي
راحت لبسته واجت شلعت الها كم ورده لان صاير هوسه هيه عاطت هاي ليش كتلها دقيقه مو هيج محلو والي شلعتهن مكان الشلع مبين
جان عريض عليها كتلها اريد خيط وابره كالت هيانهن بالمجر طلعتهن وبسرعة من جوة خصرت النفنوف مال مستعجل مخليته يبين مخربط صار مخصر عليها ومن جوة منفوش
هنه تخبلن متوقعن هيج اسوي واني صح سويت بس اكرها وحاقده عليها وسويته لسبب وعناد بحجايه سهيله هيه تفتر كدام المرايه وتكول ابد ممتوقعه راح اطلع هيج صرت من صدك أميره شكلي يخبل كتلها اخذي صور خليهن ذكره الج كالت بيأس ما عندي تلفون كتلها بتلفون خواتج
كالت اَي والله هم صدك يله لعد كتلها لا اوكفي اسويلج لقطات واخذي عود بس خلي اسوي ام علاوي كالت اَي يله
رحت على عفراء وبلشت اسويلها مكياج حان لون نفنوفها احمر للعلم البنات ذبت الاسود بس اني ضليت لابسه حقيرات اني شكو خليتني
كملتها وكتلها تريدين نفس رسمه اللاينر مال أميره لو غير شكل كالت اَي اَي نفسه سويته الها وكملت طلعت تخبل وهيه عيونها صفر كتلها تريدين تسريحة هم كالت لا اني البس حجاب بس أميره راح تذبه لان هيه العروس
كتلها براحتج كالت تسلمين ضحكت بوجها ما مصدكة وحدة شوي صارت زينه مدري بس هسه لان مصالح ما ادري بعد
كملت وكلت لأميره يله كومي اخذلج صورهيه ما صدكت واليوم اصلا مجابن طاري موت أخوهن اباوع سهيله انشكت بالنص
اخذتلها ١٥لقطه يمكن وتكول بعد كتلها لا كافي ما بيه بعد والله. تعبت وأريد اروح كالت عفراء يله روحي ارتاحي مشكوره
طلعت ما مصدكة بس يا راحة تلكتني ام فهد كالت ها يالمكموعه كملتي كتلها اَي خاله الهث وكوة اجر الكلمه هيه حست بيه تعبانه وانتبهت بس ما اهتمت كالت يله لعد روحي للمطبخ كملي بساع تحجي وياي كوة ومن وره خشمها رحت للمطبخ شفت ام علي كالت ها يمه جيتي كتلها اَي خاله اجيت كالت كملتي كتلها اَي بس انعل حيلي من الكعده والوكفة خاله هواي داتعب هاي الأيام حموت من الوجع كالت الله يباوع حالج ويكومج بالسلامة كون انشالله شبيدي عليج يا يمة كلشيت ما اكدر اسويلج ميقبلون كتلها لا تسلمين خاله متقصرين بس من نكمل اليوم تأذت كملنه هاي اقريلي على راسي لان من تقرين على راسي ارتاح كالت مو تدللين يا يمة من عيوني
ارتاحيت شويه وطب فهد باوع كال وين جنتي كتله جوة كال شسوين كتله مو جنت امكيج أميره وارتبها كال ها
وكملتي كتله اَي
كال كومي طلعيلي ملابس للكعده هاي اول مره يطلب اطلع ملابسه لان معليه بهاي الفقرة كمت بدون حجي صعد وصعدت وراه وكفت عد ثالث درجة ما كدرت اكمل تعبانه حيل وما بيه اصعد وكام ينزل عليه مي اندار شافني واكفه كال ها شو وكلتي ما تصعدين كتله ما اكدر ما بيه تعبت نزل عليه كادني وكال ذبي ثكلج عليه واصعدي صدك سويت مجبوره بس ما اكدر ما بيه فميخالف لان ما كدرت اصعد كملت الدرج وانتبهت سهيله واكفه تباوع علينه وعيونها شرار
طبينه للغرفه كال اني راح اسبح طلعيلي ملابس راح كمت فتحت الخانة وطلتلعه على ذوقي ورهمتله بين المحبس والساعة والدشداشه واليشمغ (الشماغ)
صاح جيبيلي ملابس داخليه يبو والله فشله خرب ولا يستحي اخذت اله ورحت وديتهن دكيت الباب فتحها وطلع راسه كال طبي وياي لبسيني شمرتهن عليه ورحت طلعت اله كرمكم الله الشحاطه هو رغم عربي رغم حقير ومكروه بس انيق
طلع بس بالداخليات مباوعت عليه لان استحي راح لبس الدشداشه كال او والله وذواقه طلعتي
باوعت عليه ورفعتله حاجب بمعنى ما عجبني حجيك
كمل ديلبس بالساعة عصت بايده متنسد صاح كال متجين تسديها الي. حت وكوة امشي انهريت هري والله التعب كام يقره الف اثناء ما دا البسه الساعه اندكت الباب دكة قويه فهد عباله اكو شي رأسا صاح اتفضل انفتحت الباب ودخلت سهيله مثل الإعصار وجان تباوع عليه الا شوي الله شاهد بجت كللها فهد خير سهيله شكو كلتله ها ماكو بس يصيحولك جوة وكلت اصعد اكلك كللها هههه على كيفج جان راحت الباب يله جاي جاي
ضلت تباوع علينه واني خربانه ضحك عليها
ديطلع فهد صحتله وهاي ثاني مرة اصيحله وهالمرة خبلتهم اثنينهم مو بس سهيله كتله فهودي اندار متفاجأ وفاتح عيونه كال ها بلهفه رحت أتمشى للميز شلت العطر ورحت امشي عليه وكفت شمة رشيت اله عطر وعدلت ياخه الدشداشه اله هو انصدم وعياله كمت أغار من سهيله بس الله شاهد وروح بابا اذا حبيته ذره اصلا بالعكس يوم عم يوم يزيد الكره تجاهه
بس هيج خباثه بسهيله هو من شاف هيج كال لسهيله نزلي كوليلهم هسه جاي بمعنى يعني طلعي هيه تخبلت طلعت وركعت الباب وهو استلمني بوس وعض الا خلاني اختنكت كلش كال اليوم بليل تعاي الي عود خبليتيني ولو شحيصبرني لليل باوعتلة بكره ودفعته وخليت وطلعت حقير شوكت ميعجبة يصيحلي على مرامة نزلت وصارت كبالي سهيله عيونها حمر عالاكيد باجيه 😂 انوب حاطه حمرة حمره وكحلة سايحة ووجها كله شعر ولابسه برتقالي والثوب جنه كونيه وكرشها مبين طالعه فلم هندي صدك لو كالو عربيه يربي من صدك ضحكتني
يتبع .........
هم كولو البارت قصير
احبكم 🌺🌺🌺🌺🌺
غلسوعالسحك بدون مراجعه