فصلية لظالم وحش

الاخيررر

#فصليه_لضالم (وحش)

بنت من بغداد
يتيمة الأب
تذهب فصليه
بسبب ابن عمها
يا ترة شنو حيصير بيها
تابعو القصة وشوفو
احداث حلوة وحزينه

#بقلم سقين الشمري

#البارت الاخير

السلام عليكم

فصليه لظالم (وحش)

لا يسمح او يحلل نشر القصه بدون ذكر اسمي

&
ضليت هاي حالتي فهد تمرض وصارت حالته فدنوب طلعو بي للهند يشوفولة علاج بس كالو انو ماشي بجسمة المرض وصارله فترة مو جديد يعني

اجتني خاله ام علي عليه تشوفني شافت حالتي كلش صعبه وخلقتي متبدله ومتغيرة فدنوب كالت انتي بيج شي مو خاليه
سالفتج ولا مريضة سالتني اسئله وكالت حالتج ما طمن اخابرلج صديقتي الي بالجنوب جنت يمها وتاخذ خيره مضبوطة

وهيه تشوفلج وتعرف حالتج خابرتها وهيه كاعده يمي وكلتلها هيج وهيج حالتها فالمرة أخذتلي خيرة

وحجت الي عجايب اني صراحة ما امن واصدك بهيج سوالف كلش يعني نص ونص

كالت انتي مسويلج سحر والي مسوي من أقارب رجلج والسحر مدفون بالمقبرة وحتى عالخلفة

مسويته الج بنيه والسحر هو على فراق وكره ونفور من الطرفين والثاني من طالعه حامل مسويته

عالخلفة يصير عندج إسقاط وتذبين الطفل او يموت كتلها اَي صح مات كالت ونهائيا ما يصيرلج خلفة من دام هذا السحر عليج

والسحر ماخذ من حيلج وعافيتج ومتعبج وتشوفين احلام مو زينه وكارهة نفسج وضايجة من كلشي

دتتعبين هواي وتريدين تعوفين زوجج وتريدين تطلبين الطلاق من عندة كتلها اَي صحيح كالت ديري بالج تسويها ابد مو بصالحج

ولتخطين هيج خطوة لان هذا السحر انتي بفعل السحر رايدة تطلبين الطلاق وخلفة ما تصير الج الا يبطل

كالت الي مسويته بعدها بنيه ممزوجة وناويتلج على شر وتكرهج

مواصفاتها حنطاويه وعيونها عسليات حلكها شوي جبير شعرها لحد جتفها
عمرها بالعشرين سنه

حجتلي كومة حجي يعني بس ما كالت اسمها وعرفتها نبأ

كتلها هيه وعرفتها كالت دتخلي سحر بالاكل اكثر شي كل ما تلتقي برجلج

بالاكل بالجاي انواب بالمي تخلي اله ومسويتله مال محبه تجاها ومخليته يتودد الها

وتريده يطلكج ويأخذها رجلج يكرها وميطيقها بس العمل مآثر عليه وانتي صار فترة طويله مبتعده عنة
وهذا الشي مو بصالحج ابتعادج عن بيتج وزوجج يضرج هواي

وترة حاليا مقويه علاقتها بي وراح تخسري اذا بقيتي هيج

زوجج يحبج ويموت عليج ويبوس التراب الي تمشين عليه