فصلية لظالم وحش

32-33

#فصليه_لظالم_وحش
بارت٣٢اعادة  تنزيل
ﺍﻟﺴﻼﻡ ﻋﻠﻴﻜﻢ
ﻗﺼﻪ ﻓﺼﻠﻴﻪ ﻟﻈﺎﻟﻢ ‏( ﻭﺣﺶ ‏)
ﺑﻘﻠﻤﻲ ﺳﻘﻴﻦ ﺍﻟﺸﻤﺮﻱ
ﻻ ﻳﺴﻤﺢ ﺍﻭ ﻳﺤﻠﻞ ﻧﺸﺮ ﺍﻟﻘﺼﻪ ﺑﺪﻭﻥ ﺫﻛﺮ ﺍﺳﻤﻲ
&
..........
ﻃﺒﻜﺖ ﺳﻴﺎﺭﻩ ﻳﻤﻨﺔ ﺑﺴﺮﻋﻪ ﺍﻧﺪﺍﺭﻳﻨﻪ ﺛﻨﻴﻨﻪ ﻣﺼﺪﻭﻣﻴﻦ ﻻﻥ ﺳﺮﻳﻌﻪ ﺟﺎﻧﺖ ﺍﻟﺴﻴﺎﺭﻩ
ﺑﺎﻭﻋﺖ ﻻﻧﻬﻢ ﺍﻫﻞ ﻓﻬﺪ ﻧﺰﻝ ﺍﺧﻮ ﺳﻬﻴﻠﻪ ﻣﻦ ﺍﻟﺴﻴﺎﺭﻩ ﻭﻫﻮ ﻳﻐﻠﻂ ﻭﻳﺴﺐ ﻭﺍﻛﺢ ...... ﺑﻐﺪﺍﺩ ﺷﻴﺦ ﻋﺸﻴﺮﻩ ﻫﻴﺞ ﺗﺴﻮﻳﻦ ﺑﻲ
ﻭﻧﺰﻟﺖ ﺳﻬﻴﻠﻪ ﺟﻨﻬﺎ ﻃﺮﺯﺍﻥ ﺍﺧﻮﻫﺎ ﺃﺟﺎ ﻋﻠﻴﻪ ﻳﺮﻛﺾ ﻭﺟﺎﻥ ﻳﻮﺳﻒ ﻳﻨﻄﻲ ﺑﻮﻛﺲ ﻋﻠﻰ ﻭﺟﻬﻪ ﻧﻮﻣﺔ ﻟﻠﻜﺎﻉ ﺳﻬﻴﻠﻪ ﻭﺍﻣﻬﺎ ﻭﺍﻡ ﻓﻬﺪ ﻭﺍﺧﺖ ﻓﻬﺪ ﺯﻳﻨﺐ ﺍﺟﻦ ﻳﺮﻛﻀﻦ ﻋﻠﻴﻪ
ﻳﺮﻳﺪﻥ ﻳﻜﻤﺸﻨﻲ ﻭﺟﺎﻥ ﻳﻜﻮﻟﻦ ﺍَﻱ ﻳﺎﻟﺪﺍﻳﺤﺔ ﻣﺎ ﺟﺬﺑﻨﻪ ﻣﻦ ﻛﻠﻨﻪ ﺍﻟﺪﺍﻳﺤﺔ ﺷﺒﺴﺮﻋﻪ ﺻﺎﺩﻗﺘﻲ ﻭﻫﺬﺍ ﺣﺎﻝ ﻟﺒﺴﺞ
ﻭﻭﺿﻌﺞ ﺟﻨﺞ ﻭﺣﺪﺓ ﻣﻦ ﺍﻟﻤﻼﻫﻲ ﻭﺍﻧﻲ ﺟﺎﻥ ﻟﺒﺴﻲ ﺑﻨﻄﺮﻭﻥ ﻭﺑﺪﻱ ﻋﺎﺩﻳﺎﺕ
ﻛﺎﻟﻦ ﺍَﻱ ﺭﺣﺘﻲ ﻧﻮﻣﺘﻲ ﺑﺎﻟﺴﺠﻦ ﺣﺘﻰ ﺗﻜﻮ ..... ﺑﺮﺍﺣﺘﺞ ﻣﻮ
ﻛﺘﻠﻬﻦ ﻫﻲ ﺍﺣﺘﺮﻣﻦ ﻧﻔﺴﺠﻦ ﻻ ﺍﻗﺴﻢ ﺑﺎﻟﻠﻪ ﺍﺫﺑﺠﻦ ﺑﺎﻟﺴﺠﻦ ﺣﺎﻟﺠﻦ ﻣﻦ ﺣﺎﻟﻬﻢ ﻫﺠﻤﺖ ﻋﻠﻴﻪ ﺳﻬﻴﻠﻪ
ﺗﺮﻳﺪ ﺗﻀﺮﺑﻨﻲ ﻭﺟﺎﻥ ﺃﺟﺮﻫﺎ ﻣﻦ ﻋﺒﺎﻳﺘﻬﺎ ﻭﺍﻧﻮﻣﻬﺎ ﻟﻠﻜﺎﻉ ﻭﺍﺑﻠﺶ ﺑﻴﻬﺎ ﺩﻙ ﻛﺘﻞ
ﺍﺧﻮﻫﺎ ﻛﺎﻡ ﻳﻌﻴﻂ ﻭﻳﺮﻳﺪ ﻳﻬﺠﻢ ﻋﻠﻴﻪ
ﻟﺰﻣﺔ ﻳﻮﺳﻒ ﻭﻗﻴﺪﺓ ﻣﻜﺪﺭ ﻳﺘﺤﺮﻙ
ﻭﺍﻡ ﻓﻬﺪ ﻭﺯﻳﻨﺐ ﻭﺍﻡ ﺳﻬﻴﻠﻪ ﻫﻢ ﻫﺠﻤﻦ ﻋﻠﻴﻪ ﺑﺲ ﺷﻨﻮ ﺍﺫﺍ ﺍﻧﻜﻔﺦ ﺭﺍﺷﺪﻱ ﺍﻛﻔﺨﻬﻦ ﻋﺸﺮﻩ
ﺑﻴﻮﻣﻬﺎ ﻓﻘﺪﺕ ﻣﺼﺪﻛﺖ ﻟﻜﻔﺘﻬﻦ ﻭﻫﻨﻪ ﺟﻨﻲ ﺑﺮﺟﻠﻴﻬﻦ
ﺑﺲ ﻛﻤﺸﺖ ﺳﻬﻴﻠﻪ ﻧﻬﻴﺘﻬﺎ ﻭﻛﻌﺖ ﻋﺒﺎﻳﺘﻬﺎ ﺟﺮﻳﺘﻬﺎ ﻣﻦ ﺷﺎﻟﻬﺎ ﻃﻠﻊ ﺷﻌﺮﻫﺎ ﻭﺟﺎﻥ ﺍﻟﺰﻣﻬﺎ ﻣﻦ ﺷﻌﺮﻫﺎ
ﻭﺍﺷﻴﻞ ﻭﺍﺭﻛﻊ ﺑﺮﺍﺳﻬﺎ ﻟﻠﻜﺎﻉ ﺧﺸﻤﻬﺎ ﻭﺣﻠﻜﻬﺎ ﻓﺎﺿﻦ ﺩﻡ
ﺭﻓﻌﺖ ﺭﺍﺳﻬﺎ ﺑﻴﺪﻱ ﻭﻛﺘﻠﻬﺎ ﻫﺎ ﻳﻮﺟﻌﺞ ﺍﻟﻀﺮﺏ ﺗﺎﺫﻳﻨﻲ
ﺷﻔﺘﻲ ﺷﻜﺪ ﺟﻨﺖ ﺍﺗﺎﺫﻩ ﻣﻦ ﺗﺤﺮﺿﻴﻦ ﺍﻟﻤﻄﻲ ﻣﺎﻟﺞ ‏( ﻓﻬﺪ (😆
ﻭﻳﺠﻲ ﻳﻀﺮﺑﻨﻲ ﻭﺍﻧﻲ ﺣﺎﻣﻞ ﺷﻠﻮﻥ ﺍﺗﺎﺫﻩ ﺷﻔﺘﻲ ﺷﻜﺪ ﻳﻮﺟﻊ
ﻟﺰﻣﺘﻬﺎ ﻭﺟﺎﻥ ﺍﻧﺰﻉ ﺍﻟﺤﺬﺍﺀ ﻛﺮﻣﻜﻢ ﺍﻟﻠﻪ ﻭﺍﺑﻠﺶ ﺑﻴﻬﺎ ﻋﻠﻰ ﺭﺍﺳﻬﺎ ﻛﺘﻠﻬﺎ ﺗﻌﺎﻱ ﺍﺿﻮﻛﺞ ﺷﻮﻳﻪ ﻣﻦ ﺍﻟﻤﺮ ﺍﻟﻲ ﺷﻮﻓﺘﻮﻧﻴﺎ ﺭﺟﻌﺖ ﺭﻛﻌﺖ ﺭﺍﺳﻬﺎ ﺑﺎﻟﻜﺎﻉ ﻭﺟﻔﺼﺖ ﻋﻠﻰ ﺭﺍﺳﻬﺎ ﺑﺮﺟﻠﻲ
ﺃﺟﺖ ﺯﻳﻨﺐ ﺍﺧﺖ ﻓﻬﺪ ﻭﺟﺎﻥ ﺍﻧﻬﺾ ﺍﻟﻬﺎ ﺑﻌﺪ ﻣﺎ ﺧﻠﺼﺖ ﻣﻦ ﺳﻬﻴﻠﻪ ﻛﻔﺨﺘﻬﺎ ﺭﺍﺷﺪﻱ ﻓﺮ ﻭﺟﻬﺎ ﻓﺮ
ﻛﺘﻠﻬﺎ ﺟﻨﺘﻦ ﻣﺘﻘﺎﻭﻳﺎﺕ ﻋﻠﻴﻪ ﻭﺗﻨﻮﻣﻨﻲ ﺑﻜﺘﻠﻪ ﻭﺗﻜﻌﺪﻧﻲ ﺑﻜﺘﻠﻪ
ﺟﻨﺘﻲ ﻛﻞ ﻣﺎ ﺗﺠﻴﻦ ﻋﻠﻤﺎ ﺗﻨﻜﺒﺮﻳﻦ ﻭﺗﻮﻟﻴﻦ ﻟﻤﻬﺠﻮﻣﺞ ﺗﺸﺒﻌﻴﻨﻲ ﺿﺮﺏ ﻣﻮ
ﺗﻌﺎﻱ ﺍﺷﻮﻓﺞ ﺷﻮﻳﻪ ﻣﻦ ﺍﻟﻌﺬﺍﺏ ﺍﻟﻲ ﻋﺬﺑﺘﻮﻧﻴﺎ
ﺍﺧﺮ ﺷﻲ ﻛﺪ ﻣﺎ ﻓﻘﺪﺕ ﻋﻠﻴﻬﺎ ﺧﻨﻜﺘﻬﺎ ﺑﺎﻟﺸﺎﻝ ﻭﺍﻡ ﻓﻬﺪ ﻭﺳﻬﻴﻠﻪ ﻳﻀﺮﺑﻦ ﺑﻴﻪ ﻭﻳﺠﺮﻥ ﺑﺰﻳﻨﺐ ﻭﺍﻧﻲ ﻓﻘﺪﺕ ﺍﻟﻠﻪ ﺫﺏ ﻋﻠﻴﻪ ﻗﻮﺓ ﺭﻏﻢ ﺟﻨﺖ ﻣﺮﻳﻀﺔ ﻭﺻﺤﺘﻲ ﻣﻮ ﺗﻤﺎﻡ ﺑﺲ ﺑﺮﺩﺕ ﻛﻠﺒﻲ ﺑﻴﻬﻦ
ﺍﺧﻮ ﺳﻬﻴﻠﻪ ﻳﺮﻳﺪ ﺑﺲ ﻳﺨﻠﺺ ﺭﻭﺣﺔ ﻣﻦ ﻳﻮﺳﻒ ﻣﺎﻛﻮ ﺿﺮﺏ ﻳﻮﺳﻒ ﺑﻄﻨﻪ ﺑﻌﻜﺲ ﺍﻳﺪﻩ ﻭﻳﻮﺳﻒ ﺗﺨﺒﻞ ﻋﻠﻴﻪ
ﻛﺘﻠﻪ ﻛﺘﻞ ﺍﻻ ﻣﺎ ﻣﻠﺨﺔ ﺧﻠﺔ ﺍﻟﺪﻡ ﻳﻄﺎﻓﺮ ﻣﻦ ﻭﺟﻬﺎ ﻟﻬﺬﺍ ﺍﻟﻌﺎﺭ ﻛﻠﺔ ﺗﻤﺪ ﺍﻳﺪﻙ ﻋﻠﻴﻪ ﻭﺗﺮﻳﺪ ﺗﻀﺮﺏ ﻣﺮﻩ ﺃﻣﺪﻩ ﺍﻟﺮﺟﻮﻟﺔ ﺍﻟﻲ ﻋﺪﻙ ﺍَﻱ ﻭﺍﻟﻠﻪ
بيج قصص عراقيه حقيقيه من واقعنا.روعه الطائي
ﺗﺨﻴﻠﻮ ﻛﻢ ﺑﻴﺖ ﻃﻠﻌﻮ ﻋﺎﻟﺼﻮﺕ ﻻﻥ ﻋﺎﻟﻲ ﻭﺍﻡ ﻓﻬﺪ ﻭﺍﻡ ﺳﻬﻴﻠﻪ ﻳﻌﻴﻄﻦ
ﻣﺎ ﺧﻠﻴﺖ ﺷﻲ ﺟﺎ ﻳﻤﻲ ﺣﺠﺎﺭ ﺿﺮﺑﺘﻬﻦ ﺑﻲ ﻋﺪﻧﻪ ﺣﺪﻳﻘﻪ ﺯﻏﻴﺮﺓ ﻛﺪﺍﻡ ﺍﻟﺒﻴﺖ ﺷﻠﺖ ﺍﻟﺘﺮﺍﺏ ﻭﺍﻟﻄﻴﻦ ﻣﻨﻬﺎ ﻭﻟﻄﺨﺘﻪ ﺑﻮﺟﻮﻫﻦ
ﻃﻠﻌﺖ ﻣﻦ ﺍﻟﺴﻴﺎﺭﻩ ﻫﺬﺍ ﺍﻟﻲ ﻳﺨﻠﻮ ﺑﺎﻟﺴﻴﺎﺭﻩ ﻣﺜﻞ ﺍﺫﺍ ﻭﻛﻒ ﺍﻟﺒﺎﺗﺮﻱ ﻣﺎﻝ ﺍﻟﺴﻴﺎﺭﻩ ﻳﺠﻄﻠﻮﻥ ﺑﻲ ﻓﺘﺤﺘﻪ ﻭﻃﻠﻌﺘﻪ
ﻭﻛﻤﺖ ﺍﺿﺮﺏ ﺑﻴﻬﻦ ﻛﺘﻠﻬﻦ ﻫﺴﻪ ﺩﺍﺷﻮﻓﺠﻦ ﺍﻟﻌﺬﺍﺏ ﻋﻠﻰ ﺍﺻﻮﻟﺔ ﺣﺘﻰ ﺍﻡ ﺳﻬﻴﻠﻪ ﻭﺍﻡ ﻓﻬﺪ ﻻﺣﻬﻦ ﻛﻴﺒﻞ ﻃﻠﻌﺖ ﺣﺮﻛﺔ ﻛﻠﺒﻲ ﺑﻴﻬﻦ
ﺭﺩﻳﺖ ﻛﺮﻣﻜﻢ ﺍﻟﻠﻪ ﺣﺎﻭﻳﻪ ﺍﻟﺰﺑﻞ ﻣﺤﻄﻮﻃﻪ ﺑﺎﻟﺒﺎﺏ ﻳﺠﻮﻥ ﻋﻤﺎﻝ ﺍﻟﻨﻀﺎﻓﻪ ﻳﺄﺧﺬﻭﻫﺎ ﻳﻔﺮﻏﻮﻫﺎ
ﺷﻠﺘﻬﺎ ﻭﺟﺎﻥ ﺃﻓﺮﻏﻬﺎ ﺑﺮﺃﺳﻬﻦ
ﻭﺍﻧﺪﺍﺭﻳﺖ ﻋﻠﻰ ﺍﻡ ﻓﻬﺪ ﻭﺍﻡ ﺳﻬﻴﻠﻪ ﻛﺘﻠﻬﻦ ﻟﻮ ﻣﻮ ﺍﺧﺎﻑ ﺍﻟﻠﻪ ﻭﺍﻛﻮﻝ ﺗﺠﺎﻳﺰ ﺭﺟﻠﻴﻬﻦ ﻭﺍﺻﻼﺕ ﻛﺒﺮﻫﻦ ﺟﺎﻥ ﻋﺮﻓﺖ ﺷﻠﻮﻥ ﺍﺧﺬﺕ ﺣﻘﻲ ﻣﻨﺠﻦ
ﺑﺲ ﺍﻧﺸﺎﻟﻠﻪ ﺭﺑﻲ ﻣﻴﻀﻴﻊ ﺣﻘﻲ ﻛﺘﻠﻬﺎ ﺍﺑﻨﺞ ﻣﺎﺕ ﻭﻣﻘﻬﻮﺭﺓ ﻋﻠﻴﻪ ﻣﻮ
ﺍﻟﻒ ﻧﻌﻠﻪ ﻋﻠﻴﻪ ﺑﻬﺬﺍ ﺍﻟﻴﻮﻡ ﻋﻠﻰ ﻫﺬﺍ ﺍﻟﻌﺬﺍﺏ ﺍﻟﻲ ﺗﻌﺬﺑﺘﻪ ﺑﺴﺒﺒﻪ ﻭﺍﻧﻲ ﻳﺘﻴﻤﺔ
ﻭﺣﺖ ﺍﺧﺬﺕ ﺍﻟﻜﺎﺳﻪ ﻣﺎﻝ ﺍﻟﻤﻲ ﻣﻦ ﻳﻮﺳﻒ ﻭﺭﻛﻌﺘﻬﺎ ﺑﻴﻬﻦ ﺑﻴﻮﻣﻬﺎ ﺷﻨﻮ ﺍﺟﺎ ﺑﻴﺪﻱ ﺿﺮﺑﺘﻬﻦ ﺑﻲ
ﻃﻠﻌﺖ ﺣﺮﻛﺔ ﻛﻠﺒﻲ ﻭﺣﺮﻛﺔ ﺍﻝ٨ ﺍﺷﻬﺮ ﻛﻠﻬﺎ ﺑﻴﻬﻦ ﻣﻦ ﺻﺪﻙ ﺍﺭﺗﺎﺣﻴﺖ
ﺧﻠﻴﺘﻬﻦ ﻣﻜﻔﻮﺷﺎﺕ ﻭﺣﺎﻟﺘﻬﻦ ﻳﺮﺛﻰ ﻟﻬﺎ ﻭﺭﺣﺖ ﻓﺘﺤﺖ ﺍﻟﺴﻴﺎﺭﺓ ﺍﺭﻛﺐ ﺑﻴﻬﺎ ﺻﺎﺡ ﻳﻮﺳﻒ ﻭﻳﻦ ﻛﺘﻠﻪ ﻟﻠﻤﺮﻛﺰ ﺍﺷﺘﻜﻲ ﻋﻠﻴﻬﻢ
ﺿﺮﺏ ﺍﺧﻮ ﺳﻬﻴﻠﻪ ﺑﻮﻛﺲ ﻭﻧﻮﻣﺔ ﻟﻠﻜﺎﻉ ﻭﻛﺎﻝ ﺟﺎﻱ ﻭﺭﺍﺝ ﻫﻨﻪ ﺿَﻞ ﻳﺒﺎﻭﻋﻦ ﻋﻠﻴﻪ
ﺭﻛﺒﺖ ﻭﺻﺪﻙ ﻃﻠﻌﺖ ﻟﻠﻤﺮﻛﺰ ﻧﺰﻟﺖ ﻭﻧﺰﻝ ﻳﻮﺳﻒ ﻛﺎﻝ ﺯﻳﻦ ﻣﺎ ﺳﻮﻳﺘﻲ ﺍﻧﻲ ﻫﻢ ﺭﺩﺕ ﺍﻛﻮﻟﺞ ﺑﺲ ﺍﻧﺘﻲ ﺗﻌﺮﻓﻴﻦ ﺗﺼﺮﻓﻴﻦ
ﺩﺧﻠﺖ ﻟﻠﻀﺎﺑﻂ ﻭﻗﺪﻣﺖ ﺷﻜﻮﺓ ﻛﺘﻠﻪ ﺍﺳﺠﻨﻬﻦ ﻫﻨﻪ ﻭﺍﻟﺒﻐﻞ ﺍﻟﻲ ﻭﻳﺎﻫﻦ ﻭﺷﺎﻑ ﺍﻟﺠﺮﻭﺡ ﻭﺍﻵﺛﺎﺭ ﺍﻟﻲ ﺳﻮﻧﻬﺎ ﺑﻴﻪ
ﺍﻟﺘﺨﺮﻣﺶ ﻭﺍﻟﺪﻡ ﻃﺎﻟﻊ ﻣﻦ ﺍﻳﺪﻱ ﻛﺎﻟﻪ ﻳﻮﺳﻒ ﻭﺍﻧﻲ ﺍﺷﻬﺪ ﻋﻠﻰ ﻫﺬﺍ ﺍﻟﺸﻲ ﻻﻥ ﺻﺎﺭ ﻛﺪﺍﻣﻲ
ﻭﺍﻟﺠﻮﺍﺭﻳﻦ ﺃﻳﻀﺎ ﻻﻥ ﺷﺎﻓﻮ ﺑﻌﻴﻨﻬﻢ ﻭﺍﻛﻮ ﻛﺎﻣﻴﺮﺍﺕ ﺑﺎﻟﻔﺮﻉ ﺍﺫﺍ ﺗﺤﺒﻮﻥ ﺷﻮﻓﻮﻫﻦ
ﻛﻤﻠﻨﻪ ﺍﻟﺸﻜﻮﺓ ﻭﻃﻠﻌﻨﻪ ﻓﻜﺎﻝ ﻭﻳﻦ ﻫﺴﻪ ﻛﺘﻠﻪ ﺍﻳﺪﻱ ﺗﻮﺟﻌﻨﻲ ﻻﻥ ﺗﻌﻮﺭﺕ
ﺭﺍﺡ ﺍﻃﺒﻚ ﻳﻢ ﺍَﻱ ﺻﻴﺪﻟﻴﻪ ﺍﺷﺘﺮﻱ ﻛﻄﻦ ﻭﺩﻳﺘﻮﻝ ﻭﻻﺻﻘﺔ ﻣﺎﻝ ﺟﺮﻭﺡ
ﻭﻓﻌﻼ ﻃﺒﻜﺖ ﻭﺍﺷﺘﺮﻳﺘﻬﻦ ﻭﺃﺻﺮ ﻳﻮﺳﻒ ﻣﺎ ﺍﺩﻓﻊ ﺍﻻ ﻫﻮ ﻳﺪﻓﻌﻬﻦ
ﻋﻘﻤﺖ ﺟﺮﻭﺣﻲ ﺑﺎﻟﺴﻴﺎﺭﻩ ﻭﻫﻮ ﻭﺍﻛﻒ ﻳﺒﺎﻭﻉ ﻋﻠﻴﻪ
ﻛﻤﻠﺖ ﻛﺘﻠﺔ ﻫﺴﻪ ﺍﻧﺘﻪ ﺷﻌﺪﻙ ﻻﺯﻡ ﻣﺜﻞ ﺿﻠﻲ ﺷﻔﺖ ﺍﻟﻴﻮﻡ ﻟﻮ ﻣﺠﺎﻱ ﺟﺎﻥ ﻣﺎ ﺻﺎﺭﺗﻠﻚ ﻣﺸﻜﻠﺔ ﻣﻦ ﻭﺭﺍﻱ
ﻛﺎﻝ ﺍﺻﻼ ﺣﻤﺪﺕ ﺭﺑﻲ ﺍﻧﻮ ﺟﻨﺖ ﻣﻮﺟﻮﺩ ﻭﻳﺎﺝ ﻻﻥ ﺟﺎﻥ ﻫﺬﺍ ﺍﻟﻌﺎﺭ ﺷﺴﻮﻩ ﺑﻴﺞ ﺫﻭﻟﺔ ﺷﻨﻮ ﻣﻮ ﺑﺸﺮ ﺣﺸﺮ ﻭﺣﻮﺵ
ﻛﺘﻠﺔ ﺍﻧﺘﻪ ﻣﺸﻔﺖ ﺷﻲ ﻋﻴﻨﻲ ﻛﺎﻝ ﺍﻟﻠﻪ ﻳﺴﺎﻋﺪﺝ ﺷﻠﻮﻥ ﺟﻨﺘﻲ ﻋﺎﻳﺸﻪ ﻭﻳﺎﻫﻢ
ﻛﻤﻠﻨﻪ ﻭﺭﺣﻨﻪ ﺍﺷﺘﺮﻳﺖ ﺍﻟﺨﺮﻭﻑ ﻣﻦ ﺍﻟﻜﺼﺎﺏ ﻫﻮ ﺫﺑﺤﺔ ﻭﻛﺼﺒﻪ ﻭﺃﺧﺬﺗﻪ ﺭﺣﺖ ﻧﻄﻴﺘﻪ ﻟﻤﺆﺳﺴﻪ ﻣﺎﻝ ﺃﻳﺘﺎﻡ ﺑﺎﻟﻜﺮﺍﺩﻩ ﺍﻋﺮﻓﻬﺎ
بيج قصص عراقيه حقيقيه من واقعنا.روعه الطائي
ﻛﻤﻠﺖ ﻭﻳﻮﺳﻒ ﻛﺎﻝ ﺧﻠﻲ ﺍﻋﺰﻣﺞ ﻋﻠﻰ ﻋﺸﻪ ﻏﺪﻩ ﻣﻘﺒﻠﺖ ﻛﺘﻠﻪ ﻫﻮﺍﻱ ﺗﺄﺧﺮﺕ ﻋﻠﻰ ﻣﺎﻣﺎ ﻭﺍﻟﺴﺎﻋﺔ ﺣﺼﻴﺮ ﺏ٤ ﻣﻮ ﻣﺎﻝ ﻏﺪﻩ ﺑﻌﺪ ﺍﻟﻬﻲ ﻧﻔﺴﻲ ﺑﻨﺴﺘﻠﻪ ﺍﻭ ﺟﺒﺲ ﻣﻨﺎ ﻟﻠﻌﺸﺔ
ﻛﺎﻝ ﻟﻴﺶ ﺍﻧﺘﻲ ﺯﻋﻄﻮﻃﻪ ﺗﺎﻛﻠﻴﻦ ﺟﺒﺲ ﺑﺎﻟﻠﻪ ﻛﺘﻠﻪ ﻣﻮ ﺷﺮﻁ ﺑﺲ ﺍﻟﺰﻏﺎﺭ ﻳﺄﻛﻠﻮﻥ ﺟﺒﺲ ﻫﻮﺍﻱ ﻛﺒﺎﺭ ﻳﺎﻛﻠﻮﻧﻪ
ﻛﺎﻝ ﺍﻣﻤﻤﻤﻢ
ﻛﺘﻠﻪ ﺍﻣﻤﻤﻤﺎﺕ
ﺭﺟﻌﻨﻪ ﻫﻮ ﻣﺎ ﺍﺩﺭﻱ ﻭﻳﻦ ﺭﺍﺡ ﺑﺎﻭﻋﺖ ﻋﻠﻴﻪ ﺑﺎﻟﻤﺮﺍﻳﺎ ﻣﺎﻝ ﺍﻟﺴﻴﺎﺭﻩ ﻛﻠﺖ ﺧﺎﻑ ﻋﻨﺪﻩ ﺷﻐﻞ ﻛﻔﺔ ﻭﻭﻓﻪ ﺷﺮﻳﺪ ﻣﻨﻪ ﻭﻫﻮ ﻻﺯﻙ
ﻛﻤﻠﺖ ﺩﺭﺑﻲ ﻟﻠﻤﺴﺘﺸﻔﻰ ﻭﺭﺣﺖ ﻭﺻﻠﺖ ﻭﻛﻌﺪﺕ ﻳﻢ ﻣﺎﻣﺎ ﺑﺲ ﺃﺑﻮﺱ ﺑﻴﻬﺎ ﻭﺍﺣﺠﻲ ﻭﻳﺎﻫﺎ ﻭﺍﻟﻴﻮﻡ ﻓﺮﺣﺎﻧﻪ
ﻭﺍﻟﺪﻛﺘﻮﺭ ﻛﺎﻝ ﺍﻧﻮ ﺗﺴﻤﻊ ﺷﺘﺤﺠﻮﻥ ﻭﻳﺎﻫﺎ ﻭﻛﻌﺪﺕ ﺍﺣﺠﻲ ﻭﻳﺎﻫﺎ ﺷﻜﺪ ﻓﺮﺣﺎﻧﻪ ﻭﺷﻜﺪ ﻣﺤﺘﺎﺟﺘﻬﺎ
ﻭﺭﻩ ﺭﺑﻊ ﺳﺎﻋﻪ ﺍﻧﺪﻛﺖ ﺍﻟﺒﺎﺏ ﻓﺘﺤﺘﻬﺎ ﺧﺎﻟﻪ ﺟﺎﻧﺖ ﻣﻮﺟﻮﺩﻩ ﻭﺑﻴﺒﻲ ﻃﻠﻊ ﻳﻮﺳﻒ ﻭﺟﺎﻳﺐ ﻏﺪﻩ ﻭَﻳَﺎ
ﻛﺘﻠﺔ ﻳﺎ ﺗﻨﻲ ﻣﻮ ﻛﻠﺖ ﻟﺠﻴﺐ ﻛﺎﻝ ﻫﺎﻱ ﺑﻤﻨﺎﺳﺒﺔ ﺧﻼﺻﺞ ﻭﻃﻼﻗﺞ ﻻﻥ ﻋﺰﻣﺘﺞ ﻭﻣﻘﺒﻠﺘﻲ 😳
ﻛﺘﻠﻪ ﺍﺷﻮ ﺍﺣﺴﻚ ﺍﻧﺘﻪ ﻓﺮﺣﺎﻥ ﺍﻛﺜﺮ ﻣﻨﺔ ﺍﺭﺗﺒﻚ ﻭﻏﻴﺮ ﺍﻟﺴﺎﻟﻔﻪ ﻛﺎﻝ ﺧﺎﻟﻪ ﺍﺧﺬﻱ ﺍﻻﻛﻞ ﻣﻦ ﺍﻳﺪﻱ
ﺟﺎﻥ ﺟﺎﻳﺐ ﻛﻠﺸﻴﺖ ﻣﻤﺨﻠﻲ ﺳﻠﻢ ﻭﻛﺎﻝ ﺍﻧﻲ ﺭﺍﻳﺢ ﻋﻨﺪﻱ ﺩﻭﺍﻡ ﺭﺩﻧﺎ ﻳﺒﻘﻰ ﻳﺘﻐﺪﻯ ﻭﻳﺎﻧﺎ ﻣﻘﺒﻞ ﺧﻠﺔ ﻭﺭﺍﺡ
ﺗﻐﺪﻳﻨﺎ ﻭﻛﻤﻠﻨﺔ ﻭﻫﻮ ﺟﺎﻳﺐ ﻛﻮﻣﺔ ﻓﻌﺎﺩ ﺍﻟﻲ ﺑﻘﻪ ﻧﻄﻴﺘﻪ ﻟﻠﻌﻤﺎﻝ ﺍﻟﻲ ﻳﻨﻀﻔﻮﻥ ﻭﻳﺸﺘﻐﻠﻮﻥ ﺑﺎﻟﻤﺴﺘﺸﻔﻰ ﺧﻄﻴﻪ ﻛﻴﻔﻮ
ﻟﻠﻴﻞ ﺍﺟﻮﻱ ﻭﻟﺪ ﻋﻤﺔ ﻟﻔﻬﺪ ﺑﺲ ﺿﺎﻳﺠﻴﻦ ﺷﻮﻱ
ﻻﻥ ﻗﺪﻣﺖ ﺷﻜﻮﺓ ﻋﻠﻰ ﺍﻟﻨﺴﻮﺍﻥ ﻭﻛﺎﻟﻮ ﺍﺣﻨﻪ ﺷﺘﻔﻘﻨﻪ
ﻋﺎﺩ ﻛﻌﺪﺕ ﻭﺣﺠﻴﺘﻠﻬﻢ ﺷﻠﻮﻥ ﺗﻬﺠﻤﻮ ﻋﻠﻴﻪ ﺣﺘﻰ ﺍﺧﻮ ﺳﻬﻴﻠﻪ ﻛﺎﻟﻮ ﺍﻧﺘﻲ ﻫﻢ ﻣﻤﻘﺼﺮﻩ ﺷﻤﺴﻮﻳﻪ ﺑﻴﻬﻦ
ﻛﺘﻠﻬﻢ ﻭﺍﻟﻠﻪ ﺍﻧﻲ ﺩﺍﻓﻌﺖ ﻋﻦ ﻧﻔﺴﻲ ﻣﺎ ﺳﻮﻳﺖ ﺷﻲ ﻭﻟﺨﺎﻃﺮﻛﻢ ﺍﻧﻲ ﻣﺸﺘﻜﻴﺖ ﻋﻠﻴﻬﻦ ﺍﻭﻝ ﻣﺮﻩ ﺑﺲ ﻫﺴﻪ ﻻ ﻟﻬﻨﺎ ﻭﻛﺎﻓﻲ
ﺿﻠﻴﻨﻪ ﻧﺠﺎﺩﻝ ﺍﺧﺮ ﺷﻲ ﻛﺘﻠﻬﻢ ﻣﺠﺮﺩ ﻳﻨﺎﻣﻦ ﺑﺎﻟﺤﺒﺲ ﻟﻴﻠﻪ ﻭﺍﻃﻠﻌﻬﻦ ﻣﻘﺒﻠﻮ
ﻭﺭﺍﺣﻮ ﻭﻣﺴﻮﻳﻦ ﻭﺍﺳﻄﻪ ﻳﻄﻠﻌﻮﻫﻦ ﻭﻳﻮﺳﻒ ﺩﺍﺭﻱ ﻻﻥ ﻃﻠﻊ ﻣﺨﻠﻲ ﺟﻮﺍﺳﻴﺲ ﺑﺎﻟﻤﺮﻛﺰ ﻋﻠﻴﻬﻢ 😅 ﻭﻣﺎ ﻗﺎﺑﻞ ﻭﺭﺃﺳﺎ ﻣﺸﺘﻜﻲ ﻟﻠﻀﺎﺑﻂ
ﻋﺎﺩ ﺻﺎﺭ ﺛﺎﻧﻲ ﻳﻮﻡ ﻭﺍﺟﻮﻱ ﻭﻟﺪ ﻋﻤﺔ ﻟﻔﻬﺪ ﺍﻧﻮﺏ
ﺭﺣﺖ ﻭﻳﺎﻫﻢ ﺍﻧﺰﻝ ﺍﻟﺸﻜﻮﺓ ﺑﺲ ﺧﻠﻴﺘﻬﻢ ﻳﻜﺘﺒﻮﻥ ﺗﻌﻬﺪ ﺍﻧﻮ ﻣﻴﺘﻌﺮﺿﻮﻟﻲ ﺍﻧﻮﺏ
ﻭﺍﺫﺍ ﺗﻌﺮﺿﻮﻟﻲ ﻳﻨﺴﺠﻨﻮﻥ ﻭﻳﺪﻓﻌﻮﻥ ﻏﺮﺍﻣﻪ
ﻣﻦ ﻃﻠﻌﻨﻪ ﻛﻠﺖ ﻟﻮﻟﺪ ﻋﻢ ﻟﻔﻬﺪ ﻫﺎﻱ ﺍﺧﺮ ﻣﺮﻩ ﻣﺮﻩ ﺍﻟﺜﺎﻧﻴﻪ ﻣﺎ ﺍﻋﺒﺮ ﺍﺣﺪ ﻭﺍﺳﻮﻱ ﺍﻟﻲ ﺑﺮﺍﺳﻲ
ﻭﻫﻨﻪ ﻳﺒﺎﻭﻋﻦ ﻋﻠﻴﻪ ﻳﺮﻳﺪﻥ ﻳﻮﻣﺘﻨﻲ
ﻛﻤﻠﺖ ﻭﺭﺟﻌﺖ ﻳﻢ ﻣﺎﻣﺎ ﻟﻠﻴﻞ ﺗﻌﺒﺖ ﻭﺭﻳﺤﺔ ﺍﻟﺪﻳﺘﻮﻝ ﻭﺍﻟﻤﺴﺘﺸﻔﻰ ﺧﻨﻜﺘﻨﻲ ﺍﺧﺘﻨﻜﺖ ﻛﻠﺶ
ﻭﻣﺎﻣﺎ ﻧﺎﻳﻤﻪ ﺧﺎﻟﻪ ﺑﻘﺖ ﻳﻤﻲ ﺍﻟﻴﻮﻡ ﻭﺿﻠﺖ ﻛﺎﻋﺪﻩ ﺟﺎﻧﺖ ﺗﺤﺠﻲ ﻭﻳﻪ ﺯﻭﺟﻬﺎ
ﻋﺎﺩ ﻛﺘﻠﻬﺎ ﺭﺍﺡ ﺍﻃﻠﻊ ﺷﻮﻱ ﺑﺎﻟﺤﺪﻳﻘﻪ ﺍﺷﺘﻢ ﻫﻮﻯ ﺟﺎﻧﺖ ﺍﻟﺴﺎﻋﻪ ﺏ١٠ ﻭﻧﺺ ﺑﻠﻴﻞ
ﻃﻠﻌﺖ ﻭﺭﺣﺖ ﻛﻌﺪﺕ ﻋﺎﻟﻤﺼﻄﺒﻪ ﺑﺎﻟﺤﺪﻳﻘﻪ ﻭﺿﻠﻴﺖ ﺑﺎﻭﻉ ﻋﺎﻟﻨﺎﺱ ﻭﺍﻛﻔﺔ ﺑﺮﻩ ﻭﺍﻟﻲ ﻃﺐ ﻭﻳﻄﻠﻊ ﻭﺍﻟﻲ ﻳﻢ ﺳﻴﺎﺭﺗﻪ
بيج قصص عراقيه حقيقيه من واقعنا.روعه الطائي
ﺿﻠﻴﺖ ﻛﺎﻋﺪﻩ ﻭﺃﻓﻜﺮ ﻭﺍﻛﻮﻝ ﻛﻮﻥ ﺍﺷﻮﻑ ﻓﻬﺪ ﻫﺴﻪ ﺷﻠﻮﻧﻪ ﻣﺎﻝ ﻋﻘﺎﺑﻪ ﺍﻟﺤﻤﺪﻟﻠﻪ ﻭﺍﻟﺸﻜﺮ ﺭﺑﻲ ﺍﺧﺬ ﺣﻘﻲ ﻣﻨﻬﻢ ﻭﻫﻮ ﺍﻟﻲ ﺟﺎﻥ ﺭﺟﻠﻲ ﺷﻜﺪ ﻋﺬﺑﻨﻲ ﻋﺸﺖ ﻭَﻳَﺎ ٨ ﺍﺷﻬﺮ ﻣﺎ ﻳﻮﻡ ﺭﺣﻤﻨﻲ ﻣﺎ ﻳﻮﻡ ﺑﻴﻦ ﺣﺒﻪ ﺍﻟﻲ ﺍﺫﺍ ﺟﺎﻥ ﻳﺤﺒﻨﻲ
ﻭﺑﻌﺪ ﺍﻓﻜﺎﺭ ﺭﺍﻭﺩﺗﻨﻲ ﺳﻤﻌﺖ ﺻﻮﺕ ﻳﻮﺳﻒ ﻭﻫﻮ ﻳﻜﻮﻝ ﺷﻮ ﻛﺎﻋﺪﻩ ﻫﻨﺎ ﺷﻌﺪﺝ
ﺑﺎﻭﻋﺖ ﻛﺘﻠﻪ ﺍﻫﻮ ﻫﺎﻱ ﻫﻢ ﺍﻧﺘﻪ ﻣﻦ ﻭﺭﺍﻳﺢ ﺃﺻﻴﺢ ﺍﻟﻚ ﻟﺰﻛﺔ ﺑﺎﻭﻋﻠﻲ ﺑﻨﻔﺲ ﺍﻟﻨﻀﺮﻩ ﺍﻟﻲ ﺍﻧﻀﺮﻟﻬﻴﺎ ﻣﻦ ﺍﺿﻮﺝ ﺿﺤﻜﺖ
ﻛﻌﺪ ﻛﺘﻠﻪ ﻫﺎ ﺧﻴﺮ ﺷﻌﺪﻙ ﺑﻬﻠﻴﻞ ﻛﺎﻝ ﻭﺍﻟﻠﻪ ﻃﻠﻌﺖ ﻣﻦ ﺩﻭﺍﻣﻲ ﻭﻋﺪﻱ ﺟﻤﺎﻋﻪ ﻫﻨﺎ ﺑﺎﻟﻤﺴﺘﺸﻔﻰ ﻣﺮﻳﺖ ﺍﺷﻮﻓﻬﻢ ﻭﻛﻠﺖ ﺍﺷﻮﻓﺞ ﻛﺘﻠﻪ ﻫﺎ
ﻣﺎ ﺍﺩﺭﻱ ﺍﺫﺍ ﺟﺎﻥ ﺣﺠﻴﻪ ﺻﺪﻙ ﺍﻭ ﺟﺬﺏ ﺑﺲ ﻛﻌﺪ ﻭﺳﻮﻟﻔﻨﺔ ﻛﺎﻝ ﺍﻟﻴﻮﻡ ﺗﻌﺒﺎﻥ ﻛﺘﻠﻪ ﻟﻴﺶ ﻛﺎﻝ ﻭﺍﺟﺒﺎﺕ ﻭﺍﻟﻤﺮﻛﺰ ﻛﻠﺔ ﺑﺮﺍﺳﻲ ﺗﻌﺒﺖ
ﻛﺘﻠﻪ ﺷﻌﺠﺐ ﻣﻤﺰﻭﺝ ﻛﺎﻝ ﻣﺎ ﻟﻜﻴﺖ ﺑﺖ ﺍﻟﺤﻼﻝ ﻭﺍﻟﻲ ﺗﻨﺎﺳﺒﻨﻲ ﻟﺤﺪ ﺍﻻﻥ ﺿﻠﻴﻨﻪ ﻧﺴﻮﻟﻒ ﻭﺳﻮﺍﻟﻒ ﺟﺮ ﺳﻮﺍﻟﻒ ﻟﺤﺪ ﻣﺎ ﺷﺎﻓﻨﻲ ﻧﻌﺴﺖ ﻭﺗﻌﺒﺖ ﺍﺗﺮﺧﺺ ﻭﻛﺎﻝ ﺍﺭﻭﺡ ﻍ
ﻋﺎﺩ ﺭﺟﻊ ﻛﺎﻝ ﺍﻛﻠﺞ ﺍﻟﺒﺎﺭﺣﺔ ﻭﺍﻟﻴﻮﻡ ﺷﻜﺪ ﺍﺣﺘﺎﺟﻴﺖ ﺭﻗﻤﺞ ﺍﺧﺎﺑﺮﺝ ﻭﻣﺎﻛﻮ ﺷﺼﺎﺭ ﻟﻮ ﻧﻄﻴﺘﻲ ﻋﻮﺩ ﺍﺫﺍ ﺯﻋﺠﺘﺞ ﺍﻧﻄﻴﻨﻲ ﺣﻀﺮ
ﻛﺘﻠﻪ ﻻ ﻳﻤﻌﻮﺩ ﺷﻜﻮ ﺷﺼﺎﺭ ﻧﻄﻴﺘﻪ ﺍﻟﺮﻗﻢ ﺧﻠﻪ ﻭﺭﺍﺡ
ﻃﺒﻴﺖ ﻟﻠﻤﺴﺘﺸﻔﻰ ﻭﺧﻠﺺ ﺍﻟﻠﻴﻞ ﻭﻣﺮ ﻳﻮﻡ ﻭﺛﺎﻧﻲ ﻳﻮﻡ ﻭﻣﺮ ﺍﺳﺒﻮﻉ ﻭﺻﺎﺭﺕ ﺑﻲ ﺃﺣﻠﻪ ﻣﻔﺎﺟﺌﺔ
ﻣﺎﻣﺎ ﺻﺤﺖ ﻭﺟﺎﻧﺖ ﻓﺮﺣﺔ ﻣﻮ ﻃﺒﻴﻌﻴﻪ ﺑﻴﻮﻣﻬﺎ ﻣﻦ ﺍﻟﻔﺮﺡ ﻣﺎ ﺍﻋﺮﻑ ﺷﺴﻮﻱ ﺑﺲ ﺍﻛﻤﺰ ﻭﻣﺎ ﺧﻠﻴﺖ ﻭﺍﺣﺪ ﻣﻦ ﺑﻴﺖ ﺟﺪﻭ ﻣﺎ ﺣﻀﻨﺘﻪ ﺣﺘﻰ ﺍﻟﺴﺴﺘﺮﺍﺕ ﺭﺍﺣﺖ ﻳﻮﺳﻒ ﺯﻳﻦ ﻣﺤﻀﻨﺘﻪ ﻫﻮ ﻫﻢ ﻫﻬﻬﻪ
ﺑﻴﺒﻲ ﻛﺎﻣﺖ ﺗﺒﺠﻲ ﺑﻔﺮﺣﺔ ﻭﺧﺎﻟﻪ ﻫﻢ ﺗﺒﺠﻲ ﻭﺍﻧﻲ ﺍﺻﻼ ﺭﺟﻌﺖ ﻧﺺ ﺣﻴﺎﺗﻲ ﺑﻜﻌﺪﺗﻬﺎ
ﻭﺿﻠﻴﺖ ﺃﺑﻮﺱ ﻭﺃﺷﻢ ﺑﻴﻬﺎ ﺧﻨﻜﺘﻬﺎ ﺣﺘﻰ ﺍﻟﺪﻛﺘﻮﺭ ﻛﺎﻝ ﻣﻮ ﺯﻳﻦ ﺑﺎﺑﺎ ﻋﻠﻰ ﻛﻴﻔﺞ ﻭﻳﺎﻫﺎ ﺑﺲ ﻫﻴﻪ ﺧﻄﻴﻪ ﺍﻭﻝ ﻣﺎ ﺷﺎﻓﺘﻨﻲ ﺑﺠﺖ
ﻭﺍﻧﻲ ﺑﺎﺟﻲ ﻭﻳﺎﻫﺎ ﺑﺲ ﻛﻌﺪﺕ ﻻ ﺗﺤﺠﻲ ﻭﻻ ﺗﺘﺤﺮﻙ ﻛﺎﻝ ﺍﻟﺪﻛﺘﻮﺭ ﺍﺫﺍ ﻫﻴﻪ ﻗﻮﻳﻪ ﺑﻤﺮﻭﺭ ﺍﻟﺰﻣﻦ ﺗﺴﺘﺮﺟﻊ ﺻﺤﺘﻬﺎ ﻳﻠﻪ ﻣﻮ ﻣﻬﻢ ﺍﻧﻲ ﺍﺩﺍﺭﻳﻬﺎ ﺍﻟﻤﻬﻢ ﻣﻌﺪﺕ ﻭﺍﺳﺘﻌﺎﺩﺕ ﻭﻋﻴﻬﺎ ﺑﻴﻮﻣﻬﺎ ﺍﻧﻲ ﻭﺑﻴﺒﻲ ﺫﺑﺤﻨﺎ ‏( ﺣﻮﻟﻲ ﻣﺪﺭﻱ ﺛﻮﺭ (😂 ﻣﺪﺭﻱ ﺷﺴﻤﻪ ﻭﻭﺩﻳﻨﺎ ﻟﻠﻜﺎﺿﻢ ﻋﻠﻴﻪ ﺍﻟﺴﻼﻡ ﻭﺧﻮﺍﻟﻲ ﻭﺧﺎﻟﺘﻲ ﻭﺟﺪﻭ ﺣﺎﺭﻭ ﺷﺴﻮﻭ ﻣﻦ ﻋﺰﺍﻳﻢ ﻭﻧﺬﻭﺭ
ﻣﺸﻰ ﺍﻟﻴﻮﻡ ﻭﺧﻠﺺ ﻭﺍﻧﻲ ﻣﻜﻴﻔﺔ ﺑﺲ ﻣﺎ ﻃﻠﻌﻨﻪ ﻣﺎﻣﺎ ﻣﻦ ﺍﻟﻤﺴﺘﺸﻔﻰ ﻻﻥ ﺑﻌﺪﻫﺎ
ﻭﺭﺍﻫﺎ ﺑﻴﻮﻣﻴﻦ ﺍﺟﻮﻱ ﺷﻴﻮﺥ ﻣﻦ ﻗﺮﻳﻪ ﻓﻌﺪ ﻳﺮﻳﺪﻭﻥ ﺃﺗﻨﺎﺯﻝ ﻋﻦ ﺍﻟﺪﻋﻮﺓ ﻻﻥ ﺍﺗﺨﺰﻭﺯﺍﻫﻞ ﻓﻬﺪ ﻭﺟﺪﻩ ﺑﺎﻟﻘﺮﻳﻪ
ﻛﺎﻳﻠﻴﻦ ﺍﻧﻮ ﻓﺼﻠﻴﻪ ﻟﻌﺒﺖ ﺑﻴﻬﻢ ﺟﻮﻟﺔ ﻭﺷﻴﺦ ﻏﺰﻭﺍﻥ ﺗﺎﻟﻲ ﻋﻤﺮﻩ ﻭﺷﻴﺒﺎﺗﻪ ﻧﺎﻳﻢ ﺑﺎﻟﺤﺒﻮﺱ ﻛﺘﻠﻬﻢ ﻣﺴﺘﺎﻫﻞ ﻭﺃﺑﻮ ﺯﺍﻳﺪ ﻫﺎﻱ ﺟﺰﺍﻩ ﺍﻟﻬﻤﺠﻴﻴﻦ
ﻭﺑﻴﺖ ﺍﻫﻞ ﺑﺎﺑﺎ ﻣﺎ ﺍﺣﺠﻲ ﺷﻨﻮ ﺳﻮﻭ ﻻﻥ ﻫﻢ ﻣﺴﺠﻮﻧﻴﻦ ﻣﻨﻬﻢ ﻭﻳﻮﻣﻴﺔ ﻳﺨﺎﺑﺮﻭﻥ ﻭﻳﺠﻮﻥ ﻋﻠﻰ ﺧﻮﺍﻟﻲ
ﻭﺍﻟﺸﻴﻮﺥ ﻛﺎﻟﻮ ﻟﺨﺎﻃﺮ ﻋﻜﻠﻨﻪ ﺍﺟﻴﻨﻪ ﻭﺗﻌﻨﻴﻨﻪ ﺍﻟﺞ ﻣﻦ ﻣﺤﺎﻓﻀﺘﻨﻪ ﻫﻤﺔ ﺻﺢ ﻏﻠﻄﻮ ﻭﻳﺎﺝ ﻭﻫﻮﺍﻱ ﻭﻏﻠﻄﻬﻢ ﻣﺎ ﻳﻐﺘﻔﺮ ﺑﺲ ﻫﺎﻱ ﺍﻻﻫﺎﻧﻪ ﺍﻟﻲ ﺣﺼﻠﺖ ﺍﻟﻬﻢ ﻛﺎﻓﻴﻪ ﻋﻠﻴﻬﻢ ﻭﻫﻮ ﻓﻌﻼ ﺷﻴﺦ ﺷﻜﺒﺮﻩ ﺷﻜﺪﻩ ﺷﻴﺦ ﻋﺸﻴﺮﻩ ﺗﺠﻲ ﺑﻨﻴﻪ ﺷﺎﺑﻪ ﺗﺴﺠﻨﻪ ﺍﻫﺎﻧﻪ ﻣﻮ ﻃﺒﻴﻌﻴﻪ
بيج قصص عراقيه حقيقيه من واقعنا.روعه الطائي
ﺍﺧﺮ ﺷﻲ ﻭﺭﻩ ﺧﻤﺲ ﺍﻳّﺎﻡ ﻛﺘﻠﻬﻢ ﺃﺗﻨﺎﺯﻝ ﺑﺸﺮﻁ ﻭﺍﻣﺎﻡ ﺍﻟﻘﺎﺿﻲ ﻳﻜﻮﻥ ﺍﻧﻲ ﻟﻼﻣﺎﻧﻪ ﻣﺎ ﺭﺩﺕ ﺃﺗﻨﺎﺯﻝ ﺑﺲ ﺗﻌﺒﻮﻧﻲ ﻳﻮﻣﻴﺔ ﻳﺮﻭﺣﻮﻥ ﻭﻳﺮﺩﻭﻥ ﻋﻠﻴﻪ ﻫﻢ ﺍﻫﻞ ﻓﻬﺪ ﻭﻫﻢ ﺍﻫﻞ ﺑﺎﺑﺎ
ﻭﺍﺑﻦ ﻋﻤﺔ ﻟﻔﻬﺪ ﻛﺎﻝ ﺧﻴﺘﻲ ﻭﺍﻟﻠﻪ ﺍﺻﻼ ﻣﻮ ﺯﻳﻦ ﻓﻬﺪ ﻭﻣﺮﻳﺾ ﻭﻗﺒﻞ ﻛﻢ ﻳﻮﻡ ﻧﺎﻗﻠﻲ ﻟﻠﻤﺴﺘﺸﻔﻰ ﻭﻣﺪﻳﺎﻛﻞ ﻣﺘﻐﻴﺮ ﻫﻮﺍﻱ
ﻛﺘﻠﻪ ﺍﻧﻲ ﺻﺢ ﺣﺘﻨﺎﺯﻝ ﺑﺲ ﻣﻮ ﻟﺨﺎﻃﺮ ﻋﻴﻮﻧﻬﻢ ﻭﻻ ﺗﻌﺎﻃﻔﺖ ﻭﻳﺎﻫﻢ ﻻﻥ ﻣﺎ ﺭﺣﻤﻮﻧﻲ ﺍﻧﻲ ﻫﻢ ﻭﺗﺮﺓ ﺭﺍﺡ ﺃﺗﻨﺎﺯﻝ ﻻﻥ ﻭﺭﺍﻫﻢ ﺣﺴﺎﺏ ﺭﺑﻲ ﻭﺣﺴﺎﺏ ﺍﻻﺧﺮﻩ
ﻭﻻﻥ ﺍﺭﻳﺪ ﺍﺳﺎﻓﺮ ﺑﻤﺎﻣﺎ ﻟﻠﺨﺎﺭﺝ ﻋﻠﻤﻮﺩ ﻋﻼﺟﻬﺎ ﻭﻣﺎ ﺍﺭﻳﺪ ﻳﻮﻣﻴﺔ ﺟﺎﻳﻴﻦ ﻟﺒﻴﺖ ﺟﺪﻭ ﻭﺧﻮﺍﻟﻲ
ﺑﺲ ﻣﻮ ﻫﻴﻪ ﺃﺗﻨﺎﺯﻝ ﻳﻌﺒﺮ ﺍﻟﻬﻢ ﺷﻬﺮ ﻳﻠﻪ ﺃﺗﻨﺎﺯﻝ ﻭﺍﻱ ﺷﻲ ﻳﺒﺪﺭ ﻣﻨﻜﻢ ﻏﻠﻂ ﺍﻗﺴﻢ ﺑﺎﻟﻠﻪ ﻣﺎ ﺃﺗﻨﺎﺯﻝ
ﻋﺎﺩ ﻣﺸﺖ ﺍﻷﻳﺎﻡ ﻭﻃﻠﻌﻨﻪ ﻣﺎﻣﺎ ﻣﻦ ﺍﻟﻤﺴﺘﺸﻔﻰ ﺑﺲ ﻻ ﺗﺤﺠﻲ ﻭﻻ ﺗﺘﺤﺮﻙ ﻛﻠﺖ ﻣﻴﺨﺎﻟﻒ ﻫﻴﻪ ﺑﺲ ﺻﺤﺖ ﻭﻛﻌﺪﺕ ﺍﻟﺤﻤﺪﻟﻠﻪ
ﻣﺸﺖ ﺍﻷﻳﺎﻡ ﻭﻣﻌﺘﻨﻴﻪ ﺑﻤﺎﻣﺎ ﻣﺜﻞ ﺭﻭﺣﻲ ﻭﺍﺳﺘﺸﺎﺭﻳﺖ ﺍﻟﺪﻛﺘﻮﺭ ﻋﻠﻰ ﻃﻠﻌﺘﻬﺎ ﻭﻓﻌﻼ ﺍﻧﺘﻀﺮﺕ ﺍﺧﻠﺺ ﻛﻢ ﺷﻐﻠﻪ ﻭﺍﺟﻤﻊ ﻓﻠﻮﺱ ﻭﺃﺳﺎﻓﺮ ﺑﻴﻬﺎ ﺧﻮﺍﻟﻲ ﻭﺟﺪﻭ ﻭﺣﺘﻰ ﺧﺎﻟﺘﻲ ﻛﺎﻟﻮ ﺍﺣﻨﻪ ﻧﻨﻄﻴﺞ ﺍﺫﺍ ﻋﻮﺯﺗﻲ ﺑﺲ ﻣﻘﺒﻠﺖ
ﺭﺩﻭ ﺍﻧﻮﺏ ﻛﺎﻟﻮ ﻻﺯﻡ ﻭﺟﺎﻝ ﻳﺮﻭﺡ ﻭﻳﺎﺟﻦ ﻣﻴﺼﻴﺮ ﻭﺣﺪﺟﻦ ﺗﺎﻟﻲ ﺗﻘﺮﺭ ﻣﺼﻄﻔﻰ ﻳﺮﻭﺡ ﻭﻳﺎﻧﻪ
ﺭﺩﻭ ﺍﺟﻮ ﻣﻦ ﺧﻠﺺ ﺍﻟﺸﻬﺮ ﻭﺟﺎﻥ ﻣﻦ ﻳﻮﻡ ﺍﻟﻲ ﺍﺟﻮ ﺑﻲ ﺍﻟﺸﻴﻮﺥ ﻛﺘﻠﻬﻢ ﺍﺣﺴﺒﻮ ﻣﻨﺎ ﻟﺸﻬﺮ ﺑﻌﺪ ﻳﻠﻪ ﺃﺗﻨﺎﺯﻝ ﻭﺧﻠﺺ ﺍﻟﺸﻬﺮ ﻭﻣﺎ ﺭﺣﺖ ﺗﻨﺎﺯﻟﺖ
ﺍﺟﻮﻱ ﻛﺎﻟﻮ ﻟﻴﺶ ﻛﺘﻠﻬﻢ ﻏﻴﺮﺕ ﺭﺃﻱ ﻟﻮ ﻳﺠﻦ ﻛﻠﻬﻦ ﻳﻌﺘﺬﺭﻥ ﻣﻨﻲ ﻭﺣﺪﻩ ﻭﺣﺪﻩ ﻟﻮ ﻣﺎ ﺃﺗﻨﺎﺯﻝ ﻣﻘﺒﻠﻮ ﻭﻛﺎﻟﻮ ﺑﻴﻬﻦ ﻣﺎ ﺭﺍﺡ ﻳﺠﻦ ﻭﻓﺪﻭﺓ ﻋﻮﻓﻲ ﻭﺃﺗﻨﺎﺯﻟﻲ ﻭﺭﺑﺞ ﻳﺎﺧﺬ ﺣﻘﺞ ﻛﺸﻲ ﺍﻟﺴﺎﻟﻔﻪ
ﻛﺘﻠﻬﻢ ﻛﻴﻔﻲ ﻋﺎﺩ ﻭﺍﻟﻠﻪ ﺍﺫﺍ ﺍﺟﻦ ﺍﻋﺘﺬﺭﻥ ﺍﺭﻭﺡ ﺃﺗﻨﺎﺯﻝ ﻣﺎ ﺍﺟﻦ ﻳﺒﻘﻮﻥ ﺑﺎﻟﺴﺠﻦ ﺭﺍﺩﻭ ﻋﺎﻟﺠﻮ ﻣﻘﺒﻠﺖ
ﻣﺮ ﺍﺳﺒﻮﻉ ﻭﻣﺎ ﺍﺟﻮ ﻭﺭﺍﻫﺎ ﺧﺎﺑﺮﻧﻲ ﺍﺑﻦ ﻋﻤﺔ ﻟﻔﻬﺪ ﻭﻛﺎﻝ ﻓﺪﻭﺓ ﻭﻣﺪﺭﻱ ﺷﻨﻮ ﻭﻛﺘﻠﻪ ﺍﻧﻲ ﻛﻠﺖ ﻭﻫﺬﺍ ﺍﺧﺮ ﻛﻼﻡ ﻋﻨﺪﻱ
ﺳﺪﻳﺘﻪ ﻭﻛﻠﺖ ﻳﻌﻨﻲ ﻣﺘﻘﺒﻠﻦ ﺗﺠﻦ ﻣﻮ ﺑﺴﻴﻄﻪ ﻟﻌﺪ ﻟﻮ ﺍﻧﻲ ﻟﻮ ﺍﻧﺘﻦ
ﻭﺩﺍﺷﻮﻑ ﻭﻣﺮ ﺍﺳﺒﻮﻉ ﺛﺎﻧﻲ ﻭﻣﺎ ﺍﺟﻦ ﻭﺑﺎﻻﺳﺒﻮﻉ ﺍﻟﺜﺎﻟﺚ ﺧﺎﺑﺮﻧﻲ ﺍﺑﻦ ﻋﻤﺔ ﻟﻔﻬﺪ ﻛﺎﻝ ﻗﺒﻠﻦ ﻻﻥ ﻓﻬﺪ ﻣﺘﻤﺮﺽ ﻭﺣﺎﻟﺘﻪ ﺣﺎﻟﻪ
ﻛﺘﻠﻪ ﺍَﻱ ﻳﺠﻦ ﻛﻠﻬﻦ ﺍﻡ ﻓﻬﺪ ﻭﺧﻮﺍﺗﻪ ﻭﺳﻬﻴﻠﻪ ﻭﺍﻡ ﺳﻬﻴﻠﻪ ﻭﺣﺘﻰ ﺍﻟﻌﺠﻮﺯ ﺟﺪﻳﺘﻚ ﻭﺗﻌﻤﺪﺕ ﺍﻛﻮﻝ ﻫﻴﺞ ﻭﺍﻟﻠﻪ ﺍﻻ ﺃﺫﻟﻜﻢ ﻣﺜﻞ ﻣﺎ ﺫﻟﻴﺘﻮﻧﻲ
ﻣﻘﺒﻞ ﻭﻛﺎﻝ ﻋﻮﻓﻲ ﺟﺪﻳﺘﻲ ﻫﺴﻪ ﻛﺘﻠﻪ ﺍﻻ ﻫﻴﻪ ﻫﻢ
ﺳﺪﻩ ﻭﺻﺎﺭ ﺛﺎﻧﻲ ﻳﻮﻡ ﻭﻣﺎ ﺍﺟﻮ ﻭﺭﺍﻫﺎ ﺑﺎﻟﻴﻮﻡ ﺍﻟﻲ ﺑﻌﺪﻩ ﺍﻧﺪﻛﺖ ﺍﻟﺒﺎﺏ ﺟﻨﺖ ﻣﺒﺪﻟﻪ ﺩﺍﻃﻠﻊ ﺍﻟﺴﻮﻳﺞ ﺑﻴﺪﻱ ﻻﻥ ﺩﺍﺭﻭﺡ ﺍﺟﻴﺐ ﻋﻼﺝ ﻟﻤﺎﻣﺎ ﻭﺟﺪﻭ
ﻃﻠﻌﺖ ﺍﺷﻮﻑ ﻣﻨﻮ ﻭﻃﻠﻌﻮ ﻭﻟﺪ ﻋﻢ ﻓﻬﺪ ﺑﻮﺟﻬﻲ ﻭﻭﻟﺪ ﻋﻤﺘﺎﺗﻪ ﻫﻢ ﻭﺍﻟﻨﺴﻮﺍﻥ ﻛﻠﻬﻦ
بيج قصص عراقيه حقيقيه من واقعنا.روعه الطائي
ﺿﺤﻜﺖ ﺑﻤﻜﺮ ﺑﺪﺍﺧﻠﻲ ﻫﻨﻪ ﺿﻠﻦ ﺻﺎﻓﻨﺎﺕ ﻋﻠﻴﻪ ﻭﻋﻠﻰ ﺷﻜﻠﻲ ﺟﻨﺖ ﻣﺴﺮﺣﺔ ﺷﻌﺮﻱ ﻭﻻﺑﺴﻪ ﺑﻨﻄﺮﻭﻥ ﻭﺑﺪﻱ ﻭﺍﻟﺒﺪﻱ ﻧﺺ ﺭﺩﻥ
ﻭﻣﺨﻠﻴﻪ ﻣﺎﺳﻜﺎﺭﺍ ﻭﺣﻤﺮﻩ ﻭﺭﺍﺳﻤﺔ ﺣﻮﺍﺟﺒﻲ ﻭﺧﺎﻓﻲ ﻋﻴﻮﺏ ﺑﻠﻮﻥ ﺑﺸﺮﺗﻲ ﻛﻠﺶ ﺧﻔﻴﻒ ﺑﺤﻴﺚ ﻋﺒﺎﻟﻚ ﻣﻤﺨﻠﻴﻪ
ﻭﻫﻨﻪ ﺑﺎﻟﻐﻠﻂ ﺟﺎﻳﺎﺕ ﺗﺨﺒﻠﻦ ﻣﻦ ﺷﺎﻓﻨﻲ ﺑﺲ ﻭﺣﺪﺗﻬﻦ ﺗﺮﻳﺪ ﺗﺎﻛﻠﻨﻲ ﺳﻠﻢ ﺍﺑﻦ ﻋﻤﺔ ﻟﻔﻬﺪ ﺭﺩﻳﺖ ﺍﻟﺴﻼﻡ ﻫﻨﻪ ﻣﺎ ﺳﻠﻤﻦ ﻭﻻ ﺍﻧﻲ ﺳﻠﻤﺖ
ﻭﺍﻟﺤﻠﻮ ﻋﺠﻮﺯ ﺍﻟﺒﻴﻦ ﻫﻢ ﺟﺎﻳﻪ ﺑﺲ ﺗﻀﺮﺏ ﺑﻌﺼﺎﺗﻬﺎ ﺑﺎﻟﻜﺎﻉ ﻓﺘﺤﺖ ﺍﻟﺒﺎﺏ ﻭﻃﺒﻴﺖ ﻭﺻﺤﺖ ﺑﺎﺟﻲ ﻭﺟﻨﻪ ﺍﻛﺜﺮ ﺷﻲ ﻧﻜﻮﻝ ﻟﺒﻴﺒﻲ ﺑﺎﺟﻲ ﺑﺖ ﺧﺎﻟﺘﻲ ﺍﺻﻼ ﻣﺘﺼﻴﺢ ﻟﺒﻴﺒﻲ ﻏﻴﺮ ﺑﺎﺟﻲ
ﻫﺎﻱ ﺍﻟﻜﻠﻤﺔ ﺍﻫﻞ ﺑﻐﺪﺍﺩ ﻳﻜﻮﻟﻬﺎ ﻟﻠﻤﺮﻩ ﺍﻟﺠﺒﻴﺮﻩ ﺍﻭ ﺍﻟﺠﺪﺓ ﻫﻨﻪ ﻳﺒﺎﻭﻋﻦ ﻋﻠﻴﻪ ﻭﻋﻠﻰ ﺣﺮﻛﺎﺗﻲ ﻭﺷﻠﻮﻥ ﺃﺗﻤﺸﻰ ﺻﺪﻙ ﺷﻮﻱ ﻭﺍﻧﻔﺘﺤﺖ ﺍﻟﺒﺎﺏ
ﺻﺤﺖ ﺍﺑﻦ ﻋﻢ ﻓﻬﺪ ﻛﺘﻠﻪ ﺍﺗﻔﻀﻠﻮ ﺧﻮﻳﺔ ﻃﺒﻮ ﻭﺑﻴﺒﻲ ﻛﺎﻟﺖ ﺧﻴﺮ ﻣﻨﻮ ﺫﻭﻟﻪ ﻣﺎﻣﺎ
ﻛﺘﻠﻬﺎ ﺍﻫﻞ ﻓﻬﺪ ﺗﺨﺒﻠﺖ ﺭﺍﺩﺕ ﺗﻤﻮﺗﻬﻦ ﺑﺲ ﺑﻌﺪﻳﻦ ﻛﺎﻟﺖ ﻣﻬﻤﺎ ﻛﺎﻥ ﺧﻠﻲ ﻧﺼﻴﺮ ﺍﺣﺴﻦ ﻣﻨﻬﻦ ﻭﻫﻨﻪ ﺩﺍﺳﻦ ﺑﺴﺎﻃﻨﻪ
ﺭﺍﺣﺖ ﻛﻌﺪﺕ ﻳﻤﻬﻦ ﻭﺍﻧﻲ ﺭﺣﺖ ﺍﻗﺪﻡ ﻣﻲ ﻋﺎﺩ ﺍﺧﺬﺕ ﻛﺎﺳﺎﺕ ﻣﻲ ﻋﻠﻰ ﻋﺪﺩﻫﻢ ﻭﺭﺣﺖ ﻗﺪﻣﺖ ﻟﻮﻟﺪ ﻋﻤﺔ ﻟﻔﻬﺪ ﻭﻟﻌﻔﺮﺍﺀ ﻭﺭﺟﻌﺖ ﺍﻟﺼﻴﻨﻴﻪ ﻋﺎﻟﻄﺒﻠﻪ
ﻭﻣﺎ ﻗﺪﻣﺖ ﻟﻠﺒﺎﻗﻴﺎﺕ ﺣﺘﻰ ﻋﺠﻮﺯ ﺍﻟﺒﻴﻦ ﻛﻠﻬﻢ ﺍﻧﺘﺒﻬﻮ ﻭﺑﺎﻭﻋﻮ ﻭﺳﻬﻴﻠﻪ ﺗﺮﻳﺪ ﻃﻚ ﺑﻴﻮﻣﻬﺎ ﺍﻟﻠﻪ ﺧﻠﻪ ﺑﻜﻠﺒﻲ ﺣﻘﺪ ﻭﻛﺮﻩ ﻭﺣﻘﺎﺭﺗﻪ ﻣﻮ ﻃﺒﻴﻌﻲ
ﻋﺎﺩ ﻛﺎﻣﺖ ﺑﻴﺒﻲ ﻗﺪﻣﺖ ﺍﻟﻬﻦ ﺍﻟﻤﻲ
ﻭﺭﺍﻫﺎ ﻃﺒﺖ ﺧﺎﻟﺘﻲ ﻻﻥ ﺩﺯﻳﺖ ﺍﻟﻬﺎ ﻣﺴﺞ ﻭﺑﻠﻐﺘﻬﺎ
ﺃﺟﺖ ﻭﻛﺎﻟﺖ ﺭﻭﺣﻲ ﻛﻌﺪﻱ ﺍﻧﻲ ﺍﻗﺪﻡ ﺭﺣﺖ ﻛﻌﺪﺕ ﻭﺑﻠﺸﻮ ﺑﺎﻟﺤﺠﻲ
ﻭﻛﺘﻠﻬﻢ ﺷﺮﻃﻲ ﻳﻌﺘﺬﺭﻥ ﻭﻫﺴﻪ ﺍﺳﻤﻊ ﺍﻻﻋﺘﺬﺍﺭ ﻣﻨﻬﻦ ﻭﺣﺪﻩ ﻭﺣﺪﻩ ﻣﺎ ﻋﺪﺍ
ﺍﻡ ﻋﻠﻲ ﻋﻔﺮﺍﺀ
ﻭﺻﺪﻙ ﻛﺎﻣﻦ ﻳﻌﺘﺬﺭﻥ ﻭﺍﻧﻲ ﺍﺑﺎﻭﻉ ﺍﻟﻬﻦ ﺑﻨﻀﺮﺓ ﻣﺎﻛﻮﻩ ﻭﺣﻘﻴﺮﻩ ﺑﺲ ﻳﻜﺰﻥ ﻋﻠﻰ ﺳﻨﻮﻧﻬﻦ ﻣﻦ ﻳﻌﺘﺬﺭﻥ
ﻭﺍﻟﻲ ﺗﻌﺘﺬﺭ ﻣﻦ ﻭﺭﺓ ﺧﺸﻤﻬﺎ ﻭﺻﻞ ﺍﻟﺪﻭﺭ ﻟﻌﺠﻮﺯ ﺍﻟﺒﻴﻦ ﻭﺿﻠﺖ ﺗﺮﺍﻭﻍ ﺑﺎﻟﺤﺠﻲ ﻋﺴﺎﺱ ﺩﺗﻀﻴﻊ ﺍﻟﺴﺎﻟﻔﻪ ﻭﻣﺘﻌﺘﺬﺭ
ﻛﺘﻠﻬﺎ ﺣﺠﻴﻪ ﻭﻳﻦ ﺍﻋﺘﺬﺍﺭﺝ ﺗﺎﻟﻲ ﺑﺎﻭﻋﺖ ﺑﻨﻔﺎﺫ ﺻﺒﺮ ﻭﻧﻀﺮﻩ ﻛﺮﻩ ﻭﺣﻘﺪ ﻭﻛﺎﻟﺖ ﺑﻨﺘﺮ ﺍﺳﻔﻪ ﻭﻧﻌﺘﺬﺭ ﻋﺎﻟﻲ ﺳﻮﻳﻨﺎﻩ
ﺍﺑﺘﺴﻤﺖ ﺍﺑﺘﺴﺎﻣﻪ ﺍﻟﻨﺼﺮ ﻭﺍﺿﺤﻚ ﻭﺍﺑﺎﻭﻉ ﻋﻠﻴﻬﻦ
ﻋﺎﺩ ﻭﺭﺍﻫﺎ ﺍﺗﻔﻘﻨﻪ ﺷﻮﻛﺖ ﺍﺭﻭﺡ ﺃﺗﻨﺎﺯﻝ ﻋﻦ ﺍﻟﺸﻜﻮﺓ ﻭﺭﺍﺩﻭ ﺍﻟﻴﻮﻡ ﻻﻥ ﺣﺎﻟﺘﻪ ﻣﺘﺴﻤﺢ ﻳﺒﻘﻰ ﺍﻛﺜﺮ
ﻛﺘﻠﻬﻢ ﻋﻨﺪﻱ ﺷﻐﻞ ﻋﻠﻰ ﺑﺎﺟﺮ ﺍﻻ ﻣﺎ ﻃﻜﻜﺖ ﺭﻭﺣﻬﻢ ﻋﺎﺩ ﺧﻠﻮ ﻭﻛﺎﻣﻮ ﺩﻳﻄﻠﻌﻮﻥ ﺣﺘﻰ ﺍﻟﺠﺎﻱ ﻣﺸﺮﻭﺑﻮ
ﻛﻤﺖ ﻭﺭﺍﻫﻢ ﺭﺃﺳﺎ ﻻﻥ ﺍﻟﺴﻮﻳﺞ ﺑﻘﻪ ﺑﺎﻳﺪﻱ ﻭﺍﻟﺴﻴﺎﺭﺓ ﺑﺮﻩ ﻃﻠﻌﻮ ﻭﺑﻌﺪﻫﻢ ﻳﺮﻛﺒﻮ ﺑﺎﻟﺴﻴﺎﺭﺍﺕ ﺭﺣﺖ ﻟﺴﻴﺎﺭﺗﻲ
ﺿﻠﻮ ﻳﺒﺎﻭﻋﻮﻥ ﻭﺍﺩﺭﻱ ﺷﺤﺠﻮ ﻫﺴﻪ ﺻﻠﻔﻪ ﻣﺴﺘﻬﺘﺮﺓ ﻭﻣﻦ ﻫﺎﻟﺤﺠﻲ
ﻃﻠﻌﻮ ﻭﻃﻠﻌﺖ ﺭﺃﺳﺎ ﻋﺒﺮﺗﻬﻢ ﻭﻃﻠﻌﺖ ﻟﻠﺼﻴﺪﻟﻴﻪ
ﺛﺎﻧﻲ ﻳﻮﻡ ﻳﻠﻪ ﺭﺣﺖ ﺍﺗﻨﺎﺯﻟﺖ ﺑﺲ ﺑﺸﺮﻭﻁ ﻭﺃﺣﺪ ﻣﻦ ﺍﻟﺸﺮﻭﻁ ﺍﻧﻮ ﻳﺪﻓﻌﻮﻥ ﺍﻟﻲ ﻓﺼﻞ ١٠٠ ﻣﻠﻴﻮﻥ ﺻﺢ ﻫﻮﺍﻱ ﺑﺲ ﺑﺎﻟﻘﺎﻧﻮﻥ ﻫﻢ ﻳﻠﺔ ﺣﻜﻲ ﻫﺬﺍ
ﻋﺎﺩ ﻗﺒﻠﻮ ﻭﺳﺤﺒﺖ ﺍﻟﺪﻋﻮﻯ ﻭﻛﻤﻠﺖ ﻭﻃﻠﻌﺖ ﻭﺃﺳﺘﺎﺫ ﻳﻮﺳﻒ ﻛﺎﻟﻌﺎﺩﻩ ﻭﻳﺎﻱ ﻭﻓﻬﺪ ﻣﻦ ﻳﺸﻮﻓﻪ ﻳﺘﺨﺒﻞ
ﻃﻠﻌﺖ ﻭﺟﺎﻥ ﺍﺑﻦ ﻋﻢ ﻓﻬﺪ ﺷﺎﻳﻞ ﺍﻟﻤﺒﻠﻎ ﻛﺎﻝ ﻫﺎﻱ ٥٠ ﻭﺍﻧﺸﺎﻟﻠﻪ ﻛﻢ ﻳﻮﻡ ﺍﺟﻴﺐ ﺍﻝ٥٠ ﺍﻟﺒﻘﺖ
ﻋﺎﺩ ﺍﺧﺬﺗﻬﻦ ﻭﻃﻠﻌﺖ ﺑﻮﺟﻬﻲ ﻟﻠﻤﻴﺘﻢ ﺗﺒﺮﻋﺖ ﺑﻴﻬﻦ ﻳﻮﺳﻒ ﻛﺎﻝ ﻭﺍﻟﻠﻪ ﻋﺠﺒﺘﻴﻨﻲ ﻛﺘﻠﻪ ﻟﻌﺪ ﻗﺎﺑﻞ ﺍﺧﺬﻫﻦ ﺷﺴﻮﻱ ﺑﻴﻬﻦ
ﻭﺭﺍﻫﺎ ﻣﻦ ﺩﺯﻭ ﺍﻟﺒﺎﻗﻲ ٢٥ ﺗﺒﺮﻋﺖ ﻟﻠﺤﺸﺪ ﺍﻟﺸﻌﺒﻲ ﻭ٢٥ ﻟﺪﺍﺭ ﺍﻟﻌﺠﺰﺓ
ﻭﺭﺍﻫﺎ ﺣﺠﺰﺕ ﻭﻃﻠﻌﺖ ﺑﻤﺎﻣﺎ ﻟﻠﺨﺎﺭﺝ ﺳﺎﻓﺮﺕ ﺃﻋﺎﻟﺠﻬﺎ ﺍﺧﺬﺗﻬﺎ ﻟﻠﻬﻨﺪ
ﻋﺎﻟﺠﺘﻬﺎ ﻭﻣﺮﺕ ﺍﻷﻳﺎﻡ ﻭﺍﻟﺤﻤﺪﻟﻠﻪ ﻭﺍﻟﺸﻜﺮ ﻛﺎﻣﺖ ﺗﺘﺤﺴﻦ ﻭﻣﻦ ﺗﺸﻮﻓﻨﻲ ﺑﺲ ﺗﻀﺤﻚ ﻛﺎﻣﺖ ﺗﺤﺮﻙ ﺑﺎﻳﺪﻫﺎ ﻭﺭﺟﻠﻬﺎ ﺗﻜﺪﺭ ﺷﻮﻱ ﻧﻜﻮﺩﻫﺎ ﻭﻧﻤﺸﻴﻬﺎ ﺑﺲ ﺍﻟﺤﺠﻲ ﺑﻌﺪ ﺷﻮﻱ
ﻭﻃﻮﻝ ﺳﻔﺮﺗﻲ ﻣﻮﺑﺎﻳﻠﻲ ﻣﺎ ﺳﻜﺖ ﻣﻦ ﻳﻮﺳﻒ ﺑﺎﻟﻴﻮﻡ ﻛﺎﻣﺮﺓ ﻳﺨﺎﺑﺮ ﻭﺍﻧﻮﺍﺏ ﺍﻏﻠﺲ ﻭﻣﺎﺍﺟﺎﻭﺑﻪ
ﻣﺪﺭﻱ ﺷﺒﻲ ﻭﺷﻨﻮ ﻗﺼﺘﻪ ﺑﺪﻳﺖ ﺃﺗﻀﺎﻳﻖ ﻭﻻﺯﻡ ﺍﺳﻮﻳﻠﻪ ﺣﻞ ﻣﻦ ﻳﻮﻡ ﺍﻟﺴﺎﻟﻔﻪ ﻭﻫﻮ ﻣﺎ ﻋﺎﻓﻨﻲ
ﺃﺧﺬﻧﺎ ﻣﺎﻣﺎ ﻷﺧﺼﺎﺋﻲ ﺍﻟﻨﻄﻖ ﻭﺍﻟﺤﻨﺠﺮﺓ ﻭﻫﺎﻱ ﺍﻟﺴﻮﺍﻟﻒ ﻭﻧﻔﺲ ﺍﻟﻜﻼﻡ
ﻻﻥ ﺍﻟﺪﻛﺘﻮﺭ ﻛﺎﻝ ﺿﺎﺭﺑﺘﻬﺎ ﺟﻠﻄﻪ ﺩﻣﺎﻏﻴﻪ ﻛﻠﺶ ﻗﻮﻳﻪ ﺯﻳﻦ ﻭﺍﻟﻠﻪ ﻭﻋﺪﺕ
ﺑﻌﺪ ﻣﺎ ﻛﻤﻠﻨﻪ ﻛﻠﺸﻴﺖ ﻭﻃﻮﻟﻮﻧﻪ ﺷﻮﻱ ﺑﺎﻟﺴﻔﺮﺓ ﺭﺟﻌﻨﻪ ﻟﻠﻌﺮﺍﻕ ﻭﺑﻴﻮﻣﻬﺎ ﺑﻴﺒﻲ ﻣﺴﻮﻳﻪ ﻋﺰﻳﻤﺔ ﻭﻋﺎﺯﻣﺔ ﺑﻴﺖ ﺧﻮﺍﻟﻲ ﻭﺧﺎﻟﺘﻲ ﻭﺧﻮﺍﺗﻬﺎ ﻭﺑﻨﺎﺗﻬﻢ ﺍﻭﻭ ﻫﻮﺳﻪ
ﻭﺍﺣﻨﻪ ﻭﺻﻠﻨﻪ ﺗﻌﺒﺎﻧﻴﻦ ﺍﻭ ﺷﺤﺠﻲ ﻭﺍﻟﻠﻪ ﻛﻮﺓ ﺍﺳﻠﻢ ﻭﺍﺳﻮﻟﻒ ﻭﻣﻨﺎ ﺿﻠﻴﺖ ﺣﺎﻳﺮﻩ ﺑﻤﺎﻣﺎ ﻋﻠﻤﻮﺩ ﻟﺘﺘﻌﺐ
ﻳﺘﺒﻊ ..........
ﺗﺮﻩ ﻭﺍﻟﻠﻪ ﻛﻮﺓ ﻗﻨﻌﺖ ﺯﻣﺮﺩ ﻭﺣﺘﻰ ﺯﻋﻠﺖ ﻋﻠﻴﻬﺎ ﻛﺘﻠﻬﺎ ﺷﻴﻜﻮﻟﻮﻥ ﻛﺎﺗﺒﻪ ﻭﻋﺮﻓﺖ ﺍﻟﻘﺼﻪ ﻋﺎﻟﻨﺺ ﻭﺑﺄﻟﻒ ﻳﺎ ﻋﻠﻲ ﻗﻨﻌﺖ
ﻭﻫﻲ ﻣﻦ ﺍﻟﻨﻮﻉ ﺍﻟﻌﻨﻮﺩﻳﺔ ﻭﻛﺘﻠﻬﺎ ﺍﺭﻳﺪ ﺍﺧﺘﺼﺮ ﻫﻮﺍﻱ ﺍﺣﺪﺍﺙ ﻣﻘﺒﻠﺖ ﻛﺎﻟﺖ ﻣﺜﻞ ﻣﺎ ﻧﻘﻠﺘﻬﺎ ﺍﻟﺞ ﺍﻧﻘﻠﻴﻬﺎ ﻟﻠﻤﺘﺎﺑﻌﻴﻦ ﺍﻟﻲ ﻳﺤﺒﻮﻧﻲ ﺍﺭﻳﺪ ﺃﺷﺎﺭﻛﻬﻢ ﺍﻟﻲ ﻋﺸﺘﻪ ﻟﺤﻀﻪ ﺑﻠﺤﻀﻪ ﻭﺗﺮﺓ ﺍﻛﻮ ﻫﻮﺍﻱ ﺃﻣﻮﺭ ﺩﺍﺧﺘﺼﺮﻫﺎ ﺭﻏﻢ ﺯﻣﺮﺩ ﻣﺘﻘﺒﻞ ﻭﺭﺑﻲ
ﻓﻼ ﺗﺬﺑﻮﻥ ﺍﻟﻠﻮﻡ ﺑﻴﻪ
ﻏﻠﺴﻮ ﺑﺪﻭﻥ ﻣﺮﺍﺟﻌ