فصلية لظالم وحش

31

#فصلية_لظاام_وحش
بارت٣١
ﺍﻟﺴﻼﻡ ﻋﻠﻴﻜﻢ
ﻓﺼﻠﻴﻪ ﻟﻈﺎﻟﻢ ‏( ﻭﺣﺶ ‏)
ﺑﻘﻠﻤﻲ ‏( ﺳﻘﻴﻦ ﺍﻟﺸﻤﺮﻱ ‏)
ﻻ ﻳﺴﻤﺢ ﺍﻭ ﻳﺤﻠﻞ ﻧﺸﺮ ﺍﻟﻘﺼﻪ ﺑﺪﻭﻥ ﺫﻛﺮ ﺍﺳﻤﻲ
&
............
ﺯﻣﺮﺩ : ﺧﻠﺺ ﺍﻟﻠﻴﻞ ﻭﺑﻴﺒﻲ ﻧﺎﻣﺖ ﻭﺍﻧﻲ ﺑﻘﻴﺖ ﻋﺎﻟﺘﻴﻠﻔﻮﻥ ﺍﺭﺗﺒﻪ ﻭﺍﻧﺰﻝ ﺍﻟﺒﺮﺍﻣﺞ ﻭﺍﻓﻌﻠﻬﺎ ﻭﺃﺭﺍﻗﺐ ﻣﺎﻣﺎ
ﻟﻠﻔﺠﺮ ﺗﻌﺒﺖ ﻛﻠﺶ ﻭﻗﻔﻠﺖ ﻋﻴﻮﻧﻲ ﻧﻤﺖ ﻛﻌﺪﺕ ﻋﻠﻰ ﺣﺠﻲ ﺍﻟﺪﻛﺘﻮﺭ ﺩﻳﻔﺤﺺ ﻣﺎﻣﺎ
ﻓﺰﻳﺖ ﻋﺒﺎﻟﻲ ﺑﻴﻬﺎ ﺷﻲ ﻃﻠﻊ ﻓﺤﺺ ﻳﻮﻣﻲ ﻭﻋﺎﺩﻱ
ﻛﻤﺖ ﻋﺎﺩ ﺳﻠﻤﺖ ﻋﺎﻟﺪﻛﺘﻮﺭ ﻭﺳﺄﻟﺘﻪ ﺍﺫﺍ ﺍﻛﻮ ﺗﺤﺴﻦ ﺑﻮﺿﻊ ﻣﺎﻣﺎ
ﺑﻌﺪﻫﺎ ﺭﺣﺖ ﻟﻠﺤﻤﺎﻡ ﺍﻛﻮ ﺑﺪﺍﺧﻞ ﺍﻟﻐﺮﻓﻪ ﺻﺤﻴﺎﺕ ﻏﺴﻠﺖ ﻭﺟﻬﻲ ﻭﻟﻤﻴﺖ ﺷﻌﺮﻱ ﻭﻃﻠﻌﺖ
ﻧﺰﻟﺖ ﻟﻠﻜﺎﻓﺘﺮﻳﺎ ﺍﺧﺬﺕ ﺭﻳﻮﻙ ﻭﺻﻌﺪﺕ ﻟﺒﻴﺒﻲ ﺗﺮﻳﻜﻨﺔ ﻻﻥ ﺻﺎﺭ ﻫﻮﺍﻱ ﻣﻤﺎﻛﻠﻪ ﻭﺟﻌﺖ ﻭﻭﺭﺍﻱ ﻃﻠﻌﻪ
ﻛﻤﻠﺖ ﻭﻛﻠﺖ ﻟﺒﻴﺒﻲ ﺗﺒﻘﻰ ﻳﻢ ﻣﺎﻣﺎ ﻋﻨﺪﻱ ﺷﻐﻞ ﺍﺭﻳﺪ ﺍﻛﻀﻲ ﻭﺍﺟﻲ
ﻛﺎﻟﺖ ﺭﻭﺣﻲ ﻳﻤﺔ ﺑﺲ ﺩﻳﺮﻱ ﺑﺎﻟﺞ ﻋﻠﻰ ﻧﻔﺴﺞ ﺗﺮﻩ ﺍﻧﺘﻲ ﺑﻌﺪﺝ ﺑﺨﻄﺮ
ﻭﺫﻭﻟﻪ ﻣﻴﻌﻮﻓﻮﻧﺞ ﺑﻌﺪ ﻛﺘﻠﻬﺎ ﻣﻦ ﺩﺍﻡ ﺻﺮﺕ ﺑﻐﺪﺍﺩ ﺍﻧﺸﺎﻟﻠﻪ ﻣﺎﻛﻮ ﺷﻲ ﻛﺎﻟﺖ ﺃﻣﻴﻦ ﺣﺒﻴﺒﺘﻲ
ﻃﻠﻌﺖ ﺭﺣﺖ ﻟﻠﺴﻴﺎﺭﻩ ﺟﺎﻧﺖ ﻣﻨﻘﺼﻪ ﺑﺎﻧﺰﻳﻦ ﺭﺣﺖ ﻓﻮﻟﺘﻬﺎ
ﻭﺭﺩﻳﺖ ﻃﻠﻌﺖ ﻟﺼﺪﻳﻘﺘﻲ ﻣﺤﺎﻣﻴﻪ ﻋﻠﻤﻮﺩ ﺍﻟﻤﺴﺘﻤﺴﻜﺎﺕ ﺣﺘﻰ ﺗﺸﻮﻓﻠﻲ ﺷﻨﻮ ﺍﺳﻮﻱ
ﻛﻤﻠﺖ ﻣﻨﻬﺎ ﻭﻃﻠﻌﺖ ﺭﺣﺖ ﻟﻠﺼﻴﺮﻓﺔ ﺷﻔﺘﻬﺎ ﻃﺒﻌﺎ ﺍﻟﺼﻴﺮﻓﺔ ﻫﻴﻪ ﻣﺎﻝ ﺟﺪﻭ ﻭﻣﺎﻣﺎ ﺍﺧﺬﺗﻬﺎ ﺑﻤﺮﻭﺭ ﺍﻟﻮﻗﺖ ﺍﺷﺘﺮﺗﻬﺎ ﻣﻦ ﺟﺪﻭ ﻭﺻﺎﺭﺕ ﺑﺎﺳﻤﻬﺎ ﻭﻫﻴﻪ ﻣﺎﻟﻜﺘﻬﺎ
ﻫﻢ ﺳﻼﻡ ﻭﻛﻼﻡ ﻭﺳﺄﻟﻮﻧﻲ ﻋﻠﻰ ﻭﺿﻌﻲ ﻣﺎ ﺗﻌﻤﻘﺖ ﻭﻳﺎﻫﻢ ﺑﺎﻟﺤﺠﻲ ﻣﺠﺮﺩ ﺷﻲ ﺻﻄﺤﻲ ﻛﻠﺖ ﺍﻟﻬﻢ ﻣﺎ ﺍﺣﺐ ﺍﺣﺪ ﻳﺘﺪﺧﻞ ﺑﺸﻲ ﺧﺎﺹ ﺑﻴﻪ
ﻭﻻ ﺍﺣﺐ ﺍﺷﻮﻑ ﺍﻟﺸﻔﻘﻪ ﺑﻌﻴﻮﻥ ﺍﺣﺪ ﻋﻠﻴﻪ ﻭﺍﻧﻲ ﻣﻮ ﻣﻦ ﺍﻟﻨﻮﻉ ﺍﻟﻀﻌﻴﻔﺔ ﻭﺍﺳﺘﺴﻠﻢ ﺑﺴﺎﻉ
ﻛﻤﻠﺖ ﻃﻠﻌﺖ ﻻﺑﻮ ﺍﻟﺬﻫﺐ ﻃﺒﻌﺎ ﻣﺤﻞ ﺍﻟﺬﻫﺐ ﻣﻮ ﻣﺎﻟﺘﻨﻪ ﻛﻠﻪ ﻻ ﻣﺎﻣﺎ ﺩﺍﺧﻠﻪ ﺷﺮﻳﻜﺔ ﻭﻳﻪ ﺯﻭﺝ ﺻﺪﻳﻘﺘﻬﺎ ﻭﻫﻢ ﻣﺎ ﺻﺎﺭ ﻫﻮﺍﻱ ﻣﺜﻞ ﺍﻟﺼﻴﺮﻓﺔ
ﻣﻦ ﺟﺎﻥ ﻣﺎ ﻋﺪﻧﻪ ﺷﻲ ﺑﺲ ﺭﺍﺗﺐ ﻣﺎﻣﺎ ﻭﺭﺍﺗﺐ ﺑﺎﺑﺎ ﻭﺟﺎﻥ ﻣﻴﻜﻔﻲ ﻭﺍﻫﻞ ﺑﺎﺑﺎ ﻣﻨﻄﻮ ﺷﻲ ﻻ ﺍﻟﻲ ﻭﻻ ﻟﻤﺎﻣﺎ ﻣﻦ ﺍﻟﻮﺭﺙ ﻣﺎﻝ ﺑﺎﺑﺎ ﻭﺍﺣﻨﺔ ﺍﺻﻼ ﻣﻮ ﺑﻌﺎﺯﺗﻬﻢ ﻭﺍﻱ ﺷﻲ ﻣﻨﻬﻢ ﻣﻨﺮﻳﺪ ﻋﺴﺎﺱ ﺍﻧﻲ ﻣﻦ ﺍﺯﻭﺝ ﻳﻨﻄﻮﻧﻲ ﺑﺲ ﺍﺻﻼ ﻣﺎ ﺍﺭﻳﺪ
ﻋﺎﺩ ﺟﺎﻥ ﺟﺪﻭ ﻫﻮ ﻳﻌﻴﻠﻨﻪ ﻭﻳﺼﺮﻑ ﻋﻠﻴﻨﻪ ﻟﺤﺪ ﻣﺎ ﺻﺪﻳﻘﻪ ﻣﺎﻣﺎ ﺍﻗﺘﺮﺣﺖ ﻋﻠﻴﻬﺎ ﻫﺬﺍ ﺍﻻﻗﺘﺮﺍﺡ ﻭﻓﻌﻼ ﺻﺎﺭ
ﻭﻣﺤﻼﺕ ﺍﻟﻤﻮﻝ ﺍﻧﻲ ﺍﻗﺘﺮﺣﺖ ﻋﻠﻰ ﻣﺎﻣﺎ ﻫﻨﻪ ٢ ﻣﺤﻠﻴﻦ ﻭﻓﺘﺤﻨﺎﻫﻦ ﻣﻼﺑﺲ ﻧﺴﺎﺋﻴﻪ ﺑﺲ ﺭﺑﺤﻬﻦ ﻣﻮ ﻛﻠﺶ ﻻﻥ ﺍﻧﻲ ﺍﺧﺬ ﺑﻼﺵ ﻭﺑﺖ ﺧﺎﻟﺘﻲ ﻭﺻﺪﻳﻘﺎﺗﻲ ﻛﺬﻟﻚ 😆
ﺑﻮﻛﺘﻬﺎ ﻣﺎﻣﺎ ﻛﺎﻣﺖ ﺧﻄﻴﻪ ﺗﺸﺘﻐﻞ ﻟﻴﻞ ﺑﻨﻬﺎﺭ ﻭﺍﻧﻲ ﺟﻨﺖ ﺻﻐﻴﺮﻩ ﻭﻃﺎﻟﺒﻪ ﻛﺎﻟﺖ ﻣﺎ ﺍﺭﻳﺪ ﺍﻣﺪ ﺍﻳﺪﻱ ﻻﺣﺪ ﻭﻣﺎ ﺍﺭﻳﺪ ﺍﺧﻠﻲ ﺷﻲ ﺑﻨﻔﺴﺞ ﺍﺑﺪ
ﻭﻻ ﺍﺧﻠﻴﺞ ﺗﺸﻮﻓﻴﻦ ﻭﺣﺪﺓ ﺍﺣﺴﻦ ﻣﻨﺞ ﺍﻧﺘﻲ ﺑﺲ ﻫﺎﻟﻮﺣﺪﻩ ﻋﻨﺪﻱ ﺍﻻ ﺍﻋﻴﺸﻴﺞ ﺃﻣﻴﺮﻩ
ﺟﻨﺖ ﺍﺷﻮﻓﻬﺎ ﺗﺸﺘﻐﻞ ﻟﻴﻞ ﺑﻨﻬﺎﺭ ﻭﺗﺘﻌﺐ ﺑﺲ ﻣﺘﺸﻜﻲ ﻭﻻ ﺗﺤﺠﻲ ﻭﺟﺪﻭ ﻳﺤﺠﻲ ﻋﻠﻴﻬﺎ ﻳﻜﻮﻟﻠﻬﺎ ﺍﻧﻲ ﺩﺍﺻﺮﻑ ﻋﻠﻴﻜﻢ ﻣﻘﺼﺮ ﺑﺸﻲ ﻋﻠﻴﺠﻦ
بيج قصص عراقيه حقيقيه من واقعنا.روعه الطائي
ﺗﻜﻮﻟﺔ ﺣﺸﺎﻙ ﻣﻦ ﺍﻟﺘﻘﺼﻴﺮ ﺑﺲ ﻫﻴﻪ ﺑﻨﺘﻲ ﻭﻭﺣﻴﺪﺗﻲ ﻭﻫﺬﺍ ﻭﺍﺟﺒﻲ ﺗﺠﺎﻫﻪ ﻻﺯﻡ ﺍﺳﻮﻱ
ﺍﺫﻛﺮ ﻛﻞ ﻋﻴﺪ ﻣﻴﻼﺩ ﻳﺼﻴﺮ ﻋﻨﺪﻱ ﺗﻜﻮﻥ ﻫﺪﻳﺘﻲ ﻗﻄﻌﻪ ﺫﻫﺐ ﺍﻭ ﺳﻔﺮﻩ ﻟﻠﺨﺎﺭﺝ ﻧﺘﻔﻖ ﺍﺣﻨﻪ ﻭﺑﻴﺖ ﺧﺎﻟﺘﻲ ﻭﻧﺮﻭﺡ ﻻﻥ ﺯﺣﻤﻪ ﻧﺮﻭﺡ ﻭﺣﺪﻧﻪ ﻭﻟﻮ ﻫﻮ ﻋﺎﺩﻱ ﺑﺲ ﺍﺣﺴﻦ ﻭﺍﻟﻠﻤﺔ ﺣﻠﻮﻩ ﻭﻳﺔ ﺑﻴﺖ ﺧﺎﻟﺘﻲ
ﻳﻌﻨﻲ ﺭﺑﻲ ﻧﺎﻃﻴﻨﻲ ﺍﻡ ﻭﻧﻌﻢ ﺍﻻﻡ ﻗﻠﻴﻞ ﺑﺤﻘﻬﺎ ﺍﻣﻠﻜﻬﺎ ﺍﻟﺪﻧﻴﺎ ﻭﺍﻫﻠﻬﺎ ﺟﻨﺖ ﺑﻴﻮﻡ ﺍﻟﻲ ﺃﻃﺐ ﻟﻠﺒﻴﺖ ﻭﺍﻟﻜﻴﻬﺎ ﺑﻌﺪﻫﺎ ﺑﺸﻐﻠﻬﺎ ﻣﺎ ﺟﺎﻳﻪ ﺍﺿﻮﺝ ﻭﺍﺭﻭﺡ ﺍﻃﻠﻊ ﻣﻼﺑﺴﻬﺎ ﻭﺃﺿﻞ ﺍﺷﻢ ﺑﻴﻬﻦ ﻟﺤﺪ ﻣﺘﺮﺟﻊ
ﺟﺎﻧﺖ ﻣﺘﻘﺒﻞ ﺗﺎﻛﻞ ﺍﻻ ﺍﺭﺟﻊ ﻧﺎﻛﻞ ﺍﻧﻲ ﻭﻳﺎﻫﺎ ﺳﻮﻩ ﺍﻧﻮﺍﺏ ﺍﻛﻞ ﺑﺮﻩ ﻭﻳﻪ ﻣﺼﻄﻔﻰ ﺍﻭ ﺻﺪﻳﻘﺎﺗﻲ ﺍﺩﺭﻱ ﺑﻴﻬﺎ ﺗﻀﻞ ﻣﺘﺂﻛﻞ ﺍﻻ ﺍﺭﺟﻊ ﻓﺎﺧﺎﺑﺮﻫﺎ ﻭﺍﻛﻠﻠﻬﺎ
ﻳﻌﻨﻲ ﺍﻣﻲ ﺩﻧﻴﺘﻲ ﻭﻛﻠﺸﻲ ﺑﺎﻟﻨﺴﺒﻪ ﺍﻟﻲ ﻟﻴﺶ ﺟﻨﺖ ﺍﻛﻮﻝ ﻣﻦ ﺟﻨﺖ ﻳﻢ ﻓﻬﺪ ﻭﺍﻛﻌﺪ ﺍﻓﻜﺮ ﺍﻛﻮﻝ ﺍﻣﻲ ﻣﺘﻌﻮﻓﻨﻲ ﺍﺩﺭﻱ ﺑﻴﻬﺎ ﻻﻥ ﺍﻋﺮﻑ ﻣﺎﻣﺎ ﺷﻨﻮ ﻭﺍﻧﻲ ﺣﺴﻴﺖ ﺑﻴﻬﺎ ﺷﻲ ﻣﻦ ﺩﺍﻡ ﻣﺎ ﺍﺟﺘﻲ ﻭﺃﺧﺬﺗﻨﻲ
ﻛﻤﻠﺖ ﺷﻐﻠﻲ ﻭﻛﻤﻠﺖ ﻛﻢ ﺷﻐﻠﻪ ﻫﻢ ﺭﺣﺖ ﻋﻠﻴﻬﻦ ﻭﻛﻠﻬﻢ ﻭﻳﻦ ﻫﺎﻟﻐﻴﺒﺔ ﻭﻣﺸﺘﺎﻗﻴﻦ ﻭﻳﺘﻔﺎﺟﺆﻭﻥ ﻣﻦ ﻳﺸﻮﻓﻮﻧﻲ
ﻛﻤﻠﺖ ﻭﻃﻠﻌﺖ ﻟﻠﻜﺎﺿﻤﻴﻪ ﺍﺭﻳﺪ ﺍﺯﻭﺭ ﻭﺍﺑﺠﻲ ﺑﺤﻀﺮﺗﻪ ﻭﺍﺭﺗﺎﺡ ﻭﺍﺩﻋﻲ ﻻﻣﻲ
ﻭﺻﻠﺖ ﻭﻧﺰﻟﺖ ﺍﺷﺘﺮﻳﺖ ﺟﺎﺩﺭ ﻣﺎﻝ ﺻﻼﻩ ﻭﺳﺘﺮﺕ ﻧﻔﺴﻲ ﺻﺢ ﺍﻧﻲ ﻻﺑﺴﻪ ﺑﻨﻄﺮﻭﻥ ﻭﺑﺪﻱ ﺑﺲ ﻣﻮ ﺩﻟﻊ ﻭﻣﺎﻝ ﻭﺣﺪﻩ ﻣﻮ ﻣﺆﺩﺑﻪ ﻻ ﻟﺒﺲ ﻣﺤﺘﺮﻡ
ﻟﺒﺴﺖ ﺍﻟﺠﺎﺩﺭ ﻭﻏﻄﻴﺖ ﻧﻔﺴﻲ ﺯﻳﻦ ﻭﺭﺣﺖ ﻃﺒﻴﺖ ﻟﻠﻤﻐﺎﺳﻞ ﺗﻮﺿﻴﺖ ﻭﻛﻤﻠﺖ ﻃﻠﻌﺖ ﺳﻠﻤﺖ ﺍﻟﺘﻴﻠﻔﻮﻥ ﻟﻸﻣﺎﻧﺎﺕ ﻭﻃﺒﻴﺖ ﻟﻠﺘﻔﺘﻴﺶ
ﻛﻠﻬﺎ ﺻﺎﻓﻨﻪ ﺑﻮﺟﻬﻲ ﻭﺗﺒﺎﻭﻉ ﻫﺴﻪ ﻫﻮ ﺍﻧﻲ ﺑﺎﻗﻴﻪ ﺟﻠﺪ ﻭﻋﻀﻢ ﺑﺲ ﺍﺩﺭﻱ ﺍﻟﺴﺒﺐ ﺍﻟﺮﺋﻴﺴﻲ ﻟﻮﻥ ﻋﻴﻮﻧﻲ ﻻﻥ ﻟﻮﻧﻬﻦ ﺻﺎﺭﺥ ﺣﺘﻰ ﺑﻴﻬﻢ ﻋﺒﺎﻟﻬﻢ ﻋﺪﺳﺎﺕ ﺷﻐﻠﻪ ﺍﻫﻞ ﻓﻬﺪ ﻣﻦ ﺭﺣﺖ ﻋﺒﺎﻟﻬﻢ ﻻﺑﺴﻪ ﻋﺪﺳﺎﺕ
ﻭﺻﻠﻨﻲ ﺍﻟﺪﻭﺭ ﻭﻛﻔﺖ ﻋﺎﻟﻤﺼﻄﺒﻪ ﻭﺟﺎﻥ ﺗﺒﺎﻭﻉ ﺍﻟﻲ ﺍﻡ ﺍﻟﺘﻔﺘﻴﺶ ﻭﺗﻌﻴﻂ ﺑﻮﺟﻬﻲ ﻫﺎﻱ ﺷﻤﺴﻮﻳﻪ ﺑﺮﻭﺣﺞ ﺑﺎﻭﻋﺖ ﻋﻠﻰ ﺭﻭﺣﻲ ﻣﺎﻛﻮ ﺷﻲ ﺑﻴﻪ ﻏﻠﻂ
ﻛﺘﻠﻬﺎ ﺧﻴﺮ ﺷﻜﻮ ﻛﺎﻟﺖ ﻭﻳﻦ ﺟﺎﻳﻪ ﺍﻧﺘﻲ ﻟﺤﻔﻠﻪ ﻣﻮﺭﺩ ﺍﻟﺨﺪﻭﺩ ﻭﺍﻟﺸﻔﻪ ﺣﻤﺮﻩ ﻭﺍﻟﻌﺪﺳﺎﺕ
ﻛﺘﻠﻬﺎ ﺍﺧﺘﻲ ﺑﺪﻭﻥ ﻋﻴﺎﻁ ﺍﻧﻲ ﻣﻼﺑﺴﻪ ﻋﺪﺳﺎﺕ ﻭﻻﻣﺘﻤﻜﻴﺠﺔ ﻛﺎﻟﺖ ﺷﻨﻮ ﺷﻔﺘﻴﻨﻲ ﺯﻋﻄﻮﻁ ﻛﺪﺍﻣﺞ ﻭﺗﻘﺸﺮﻳﻦ ﻋﻠﻴﻪ
ﻛﺘﻠﻬﺎ ﺣﺸﺎﺝ ﺑﺲ ﺍﻧﻲ ﻣﻤﺴﻮﻳﻪ ﻫﺬﺍ ﺍﻟﺸﻲ ﻟﻴﺶ ﺍﻗﺸﻤﺮ ﻛﺎﻣﺖ ﺗﻌﻴﻂ ﺭﻭﺣﻲ ﻏﺴﻠﻲ ﻭﺟﻬﺞ ﺟﺎﻳﺔ ﺗﺰﻭﺭﻳﻦ ﺍﻧﺘﻲ ﺣﺘﻰ ﺯﻳﺎﺭﺗﺞ ﻣﺘﻨﻘﺒﻞ
ﺍﻧﺘﻲ ﺟﺎﻳﻪ ﺗﺰﻭﺭﻳﻦ ﻟﻮ ﺗﺸﻮﻓﻴﻦ ﺭﻭﺣﺞ ﻟﻠﺸﺒﺎﺏ ﻛﺘﻠﻬﺎ ﻟﻬﻨﺎ ﻭﺣﺪﺝ ﺍﺣﺘﺮﻣﻲ ﻧﻔﺴﺞ ﻻ ﻗﺴﻢ ﺑﺎﻟﻠﻪ ﻫﺴﻪ ﺍﻃﻠﻊ ﺍﺷﺘﻜﻲ ﻋﻠﻴﺞ ﻳﻢ ﺍﻟﻌﺘﺒﻪ ﻭﺍﻟﻠﻪ ﺩﺍﻛﻮﻝ ﻣﻤﺨﻠﻴﻪ ﻣﻜﻴﺎﺝ ﻭﻣﺎ ﻻﺑﺴﻪ ﻋﺪﺳﺎﺕ ﺷﻨﻮ ﺍﺟﺬﺏ ﻋﻠﻴﺞ
ﻟﻮ ﻣﻮ ﻃﻬﺎﺭﻩ ﺍﻟﻤﻜﺎﻥ ﻭﻗﺪﺳﻴﺘﻪ ﺟﺎﻥ ﻋﺮﻓﺖ ﺷﺴﻮﻳﺖ ﺑﻴﺞ ﺍﻧﺘﻲ ﺩﺗﻔﺘﺸﻴﻦ ﻟﻮ ﺗﺘﻌﺎﺭﻛﻴﻦ ﻟﻮ ﻃﺎﺑﻪ ﺷﺎﻳﻠﻪ ﻣﻔﺨﺨﺔ ﻣﺎ ﺳﻮﻳﺘﻲ ﺑﻴﻪ ﻫﻴﺞ
ﻛﺎﻣﺖ ﺗﻌﻴﻂ ﻭﺗﺼﻴﺢ ﻭﺗﻘﺸﺮ ﻭﻻ ﻋﺒﺎﻟﻚ ﻛﺎﻋﺪﻩ ﺑﺤﻀﺮﻩ ﻭﺍﻟﻨﺴﻮﺍﻥ ﻛﻠﻬﺎ ﺗﺒﺎﻭﻉ ﺍﺟﺘﻲ ﻭﺣﺪﺓ ﺛﺎﻧﻴﻪ ﻛﺎﻟﺖ ﺷﺒﻴﺠﻦ ﺗﺘﻌﺎﺭﻛﻦ ﻭﻓﺮﺟﺘﻦ ﺍﻟﻨﺎﺱ ﻋﻠﻴﺠﻦ
ﻛﺘﻠﻬﺎ ﺑﺮﺑﺞ ﺧﺎﻟﻪ ﺍﻟﻲ ﺟﺎﻳﻪ ﺗﺰﻭﺭ ﻣﺎﻝ ﻣﻜﻴﺎﺝ ﻭﻋﺪﺳﺎﺕ ﺻﺢ ﺍﻛﻮ ﻳﺠﻦ ﻫﻴﺞ ﻣﺴﻮﻳﺎﺕ ﺑﺲ ﺍﻧﻲ ﻣﻤﺨﻠﻴﻪ
بيج قصص عراقيه حقيقيه من واقعنا.روعه الطائي
ﻭﻫﻴﺔ ﻟﺰﻣﺘﻨﻲ ﺣﺎﺻﻞ ﻓﺎﺻﻞ ﻋﺒﺎﻟﻚ ﻛﺎﺗﻠﻪ ﺍﺑﻮﻫﺎ ﻛﺎﻟﺖ ﺍﻟﻬﺎ ﻋﻠﻰ ﻛﻴﻔﺞ ﺣﺘﻰ ﻟﻮ ﺣﺎﻃﻪ ﺭﺯﻟﻴﻬﺎ ﺑﺤﺴﻦ ﺃﺩﺏ ﻧﻄﻴﻬﺎ ﺍﻟﻜﻠﻴﻨﻜﺲ ﻭﺧﻠﻲ ﺗﻤﺴﺢ ﻭﺟﻬﺎ ﻣﻮ ﻓﺮﺟﺘﻲ ﺍﻟﻨﺎﺱ
ﺻﻮﺗﺞ ﻭﺻﻞ ﺟﻮﻩ ﻟﻠﺤﻀﺮﻩ ﻭﺍﻟﻤﺮﻩ ﺻﻮﺗﻬﺎ ﻋﻮﺭﻩ
ﻛﺎﻟﺖ ﻫﺎﺝ ﻣﺎﻣﺎ ﺍﺧﺬﻱ ﻛﻠﻴﻨﻜﺲ ﻭﺍﻣﺴﺤﻲ ﻭﺟﻬﺞ ﻭﺧﻠﻲ ﻧﺸﻮﻑ ﻛﺘﻠﻬﺎ ﺟﻴﺒﻲ ﺧﺎﻟﻪ ﻭﺍﺗﺎﻛﺪﻱ ﺑﻨﻔﺴﺞ
ﻣﺴﺤﺖ ﻭﺟﻬﻲ ﺑﺎﻟﻜﻠﻴﻨﻜﺲ ﺍﻟﻤﺮﻃﺐ ﻛﻞ ﻗﻮﺗﻲ ﻣﻄﻠﻊ ﺷﻲ ﻣﻦ ﻭﺟﻬﻲ ﺍَﻱ ﻣﻜﻴﺎﺝ ﻭﺭﺩﻳﺖ ﺣﺮﻛﺖ ﻋﺪﺳﻪ ﻋﻴﻨﻲ ﻣﺎ ﻃﻠﻊ ﻻﺑﺴﻪ ﻋﺪﺳﺎﺕ ﻛﻠﻬﻦ ﺗﻔﺎﺟﻦ ﻭﺿﻠﻦ ﻳﺒﺎﻭﻋﻦ ﻛﺘﻠﻬﺎ ﻫﺎ ﻫﺴﻪ ﺗﺎﻛﺪﺗﻦ
ﻛﺎﻟﺖ ﺍﺳﻔﻴﻦ ﺧﺎﻟﻪ ﻭﻧﻌﺘﺬﺭ ﺑﺲ ﻣﺎ ﺷﺎﻟﻠﻪ ﺗﺒﺎﺭﻙ ﺍﻟﺮﺣﻤﻦ ﺍﻟﻠﻪ ﻳﺨﻠﻴﺞ ﻻﻫﻠﺞ ﻋﺒﺎﻟﻚ ﻟﻌﺎﺑﻪ ﻭﺍﻟﻠﻪ ﺣﺘﻰ ﺍﻧﻲ ﺣﺴﺒﺎﻟﻲ ﻣﺨﻠﻴﻪ ﺑﺲ ﻣﺎ ﺷﺎﺀﺍﻟﻠﻪ ﺭﺑﻲ ﻳﺤﻔﻀﺞ ﻭﻳﺤﻤﻴﺞ ﻭﻳﺤﺮﺳﺞ ﻣﻦ ﺃﻭﻻﺩ ﺍﻟﺤﺮﺍﻡ
ﻛﺘﻠﻬﺎ ﺗﺴﻠﻤﻴﻦ ﻭﻫﺴﻪ ﺍﺳﻤﺤﻴﻠﻲ ﺍﺭﻳﺪ ﺃﻓﻮﺕ ﺍﺯﻭﺭ ﻛﺎﻟﺖ ﺗﻔﻀﻠﻲ ﻳﻤﺔ
ﻃﺒﻴﺖ ﻟﻠﺤﻀﺮﻩ ﻭﺍﺩﺭﺩﻡ ﺍﻛﻮﻝ ﺣﺘﻰ ﺑﺤﻀﺮﻩ ﻏﺮﻳﺐ ﺑﻐﺪﺍﺩ ﻣﺎ ﺧﻠﺼﺖ ﻣﻦ ﺍﻟﻐﻠﻂ ﻭﺍﻟﻔﺸﺎﺭ
ﺍﺷﺘﻤﻴﺖ ﺭﻳﺤﺔ ﺍﻟﺤﻀﺮﻩ ﺃﻓﻴﺶ ﻳﺎ ﻫﺎﻟﺮﻳﺤﺔ ﺷﻜﺪ ﺍﺣﺒﻬﺎ ﺍﻋﺸﻘﻬﺎ ﻋﺸﻖ
ﺣﺘﻰ ﺭﻳﺘﻲ ﺗﺮﺗﺎﺡ ﻣﻦ ﺍﺷﻤﻬﺎ ﻛﻤﺖ ﺍﻣﺸﻲ ﻋﻠﻤﻮﺩ ﺍﻭﺻﻞ ﻟﻠﺸﺒﺎﺝ ﺍﻣﺸﻲ ﻭﺍﺑﺠﻲ ﺩﻣﻮﻋﻲ ﺗﻨﺰﻝ ﻧﻬﺮ ﻭﺍﻟﻌﺎﻟﻢ ﺗﺒﺎﻭﻉ
ﻭﺻﻠﺖ ﻟﻠﺸﺒﺎﺝ ﻭﺩﺣﺴﺖ ﺭﻭﺣﻲ ﺑﻴﻦ ﺍﻟﻨﺴﻮﺍﻥ ﻭﺍﺑﺠﻲ ﺑﻴﻬﺎ ﺍﻟﻲ ﻣﻦ ﺷﺎﻓﺘﻨﻲ ﻭﺧﺮﺕ ﻭﺑﻴﻬﺎ ﺍﻟﻲ ﻣﺘﻨﻄﻲ ﻣﻜﺎﻧﻬﺎ ﻭﺗﺪﻓﻊ
ﻭﺻﻠﺖ ﻟﻠﺸﺒﺎﺝ ﺑﺼﻌﻮﺑﻪ ﺟﺎﻧﺖ ﺍﻟﺰﻳﺎﺭﺓ ﺛﻜﻴﻠﻪ ﻫﻮﺍﻱ ﻧﺎﺱ ﺟﺎﻳﻪ ﻟﺰﻣﺘﻪ ﻭﻛﻄﻴﺖ ﺭﻭﺣﻲ ﻋﺎﻟﺸﺒﺎﺝ
ﻭﻛﻤﺖ ﺍﺑﺠﻲ ﻭﺍﻧﺤﺐ ﺑﻌﻠﻮ ﺻﻮﺗﻲ ﻭﺍﻟﻨﺴﻮﺍﻥ ﺗﺒﺎﻭﻉ ﻋﻠﻴﻪ ﻛﻌﺪﺕ ﻟﻠﻜﺎﻉ ﻭﻻﺯﻡ ﺍﻟﺸﺒﺎﺝ ﻭﺍﺑﺠﻲ ﻭﺍﺣﺠﻲ ﺍﻟﻤﺮﻩ ﺍﻟﻲ ﻭﺍﻛﻔﻪ ﺗﻤﺸﻲ ﺑﺎﻟﻨﺴﻮﺍﻥ ﻛﺎﻟﺖ ﻳﻠﻪ ﺯﺍﻳﺮﻩ ﺗﺤﺮﻛﻲ
ﻏﻴﺮﺝ ﻳﺮﻳﺪ ﻳﺰﻭﺭ ﻣﻬﺘﻤﻴﺖ ﺍﻟﻬﺎ ﺿﻠﻴﺖ ﺑﻤﻜﺎﻧﻲ ﻛﺎﻋﺪﻩ ﻭﺍﺑﺠﻲ ﻭﺍﺣﺠﻲ ﻣﻦ ﺷﺎﻓﺘﻨﻲ ﻋﺎﻓﺘﻨﻲ ﻣﺤﺠﺖ ﻭﻳﺎﻱ ﺑﻌﺪ
ﺣﺠﻴﺖ ﺍﻟﻲ ﺑﻜﻠﺒﻲ ﻛﻠﻪ ﻟﻐﺮﻳﺐ ﺑﻐﺪﺍﺩ ﻛﺘﻠﻪ ﻳﺎ ﺍﺳﺪ ﺑﻐﺪﺍﺩ ﻫﺬﺍ ﻛﻠﻪ ﺍﻟﺘﻌﺐ ﻭﺍﻟﻀﻴﻢ ﻳﻬﻮﻥ ﺑﺲ ﺷﺎﻓﻴﻠﻲ ﺍﻣﻲ ﺩﺧﻴﻠﻚ ﻳﺎ ﻏﺮﻳﺐ ﺑﻐﺪﺍﺩ
ﻛﻤﺖ ﺍﺑﺠﻲ ﺑﻌﻠﻮ ﺻﻮﺗﻲ ﻭﺍﺷﻬﻚ ﻭﺍﻟﻨﺴﻮﺍﻥ ﺗﻜﻮﻝ ﺍﻟﻠﻪ ﻳﻌﻴﻨﺞ ﻳﻤﻪ ﺍﻟﻠﻪ ﻳﺼﺒﺮﺝ ﺑﻌﺪﺝ ﺻﻐﻴﺮﻩ ﻋﺎﻟﻀﻴﻢ
ﺿﻠﻴﺖ ﺳﺎﻋﻪ ﻳﻤﻜﻦ ﻋﻠﻰ ﻛﻌﺪﻩ ﺍﻟﻮﺣﺪﺓ ﻟﺤﺪ ﻣﺎ ﻫﺪﺋﺖ ﻭﺍﺭﺗﺎﺣﻴﺖ ﻛﻤﺖ ﻭﻃﻠﻌﺖ
ﺭﺣﺖ ﺑﺎﻟﻤﻜﺎﻥ ﺍﻟﻤﺨﺼﺺ ﻟﻠﺼﻼﻩ ﻭﻛﻌﺪﺕ ﺻﻠﻴﺖ ﻭﻗﺮﻳﺖ ﺩﻋﺎﺀ ﻭﺍﺭﺗﺠﻴﺖ ﻋﺎﻟﺪﻧﻜﺔ ﻭﺿﻠﺖ ﺑﺲ ﻋﻴﻮﻧﻲ ﺻﺐ
ﺟﺎﻧﺖ ﻣﺮﻩ ﺑﺼﻔﻲ ﻛﺎﻟﺖ ﻳﻤﺔ ﺷﺒﻴﺞ ﻭﺍﻟﻠﻪ ﻛﻄﻌﺘﻲ ﻛﻠﺒﻲ ﺍﺑﺪ ﻣﺎ ﺳﻜﺘﻲ
ﺍﻧﺪﺍﺭﻳﺖ ﺍﻟﻬﺎ ﻭﺑﺎﻭﻋﺖ ﻋﻠﻴﻬﺎ ﺟﺎﻧﺖ ﻣﺮﻩ ﺟﺒﻴﺮﻩ ﺑﺲ ﺷﻜﻠﻬﺎ ﻣﺤﺒﻮﺏ ﻭﺑﻲ ﻧﻮﺭ
ﺍﺣﺲ ﺭﻭﺣﻲ ﻣﺤﺘﺎﺟﺔ ﺍﺣﺠﻲ ﻻﺣﺪ ﻭﺍﻓﺮﻍ ﺍﻟﺒﻜﻠﺒﻲ
ﻭﻫﻴﻪ ﻣﻦ ﺳﺌﻠﺘﻨﻲ ﻣﺎ ﺻﺪﻛﺖ ﺭﺃﺳﺎ ﺍﻧﻔﺠﺮﺕ ﻭﺍﻧﻄﻠﻘﺖ ﺍﺣﺠﻴﻠﻬﺎ
بيج قصص عراقيه حقيقيه من واقعنا.روعه الطائي
ﻛﺘﻠﻬﺎ ﻗﺼﺘﻲ ﻛﻠﻬﺎ ﻛﺎﻣﺖ ﺗﺒﺠﻲ ﻋﻠﻴﻪ ﻛﺘﻠﻬﺎ ﻭﻫﺬﺍ ﻛﻠﺔ ﺑﺠﻬﺔ ﻭﻭﺿﻊ ﺍﻣﻲ ﺑﺠﻬﺔ ﺍﺣﺲ ﺭﻭﺣﻲ ﻫﺴﻪ ﺻﺮﺕ ﻳﺘﻴﻤﺔ
ﺻﺪﺕ ﺍﻟﻴﺘﻴﻢ ﻳﺘﻴﺘﻢ ﻣﻦ ﺃﻣﺔ ﺣﺠﺖ ﻭﻳﺎﻱ ﻭﺻﺒﺮﺕ ﻋﻠﻴﻪ ﻭﻛﺎﻟﺖ ﺣﻘﺞ ﻣﻴﻀﻴﻊ ﻳﻢ ﺭﺑﺞ ﻭﻛﻮﻟﻲ ﻛﺎﻟﺖ ﻓﻼﻧﻪ
ﺷﻮﻓﻲ ﺍﻟﻠﻪ ﺷﻠﻮﻥ ﺭﺍﺡ ﻳﻌﺎﻗﺒﻬﻢ ﻭﺍﺣﺪ ﻭﺍﺣﺪ ﻭﺍﺧﺬﻱ ﻫﺎﻱ ﺍﻟﺴﺘﺎﺭﻩ ﻫﻴﺞ ﻛﺎﻟﺘﻠﻲ ﺍﺳﻤﻬﺎ ﺍﻟﻤﺮﻩ ﺟﺎﻧﺖ ﻗﻄﻌﻪ ﻗﻤﺎﺵ ﺧﻀﺮﺓ ﻛﺎﻟﺖ ﺍﻣﺴﺤﻲ ﺟﺴﻢ ﻭﻭﺟﻪ ﺍﻣﺞ ﺑﻴﻬﺎ ﻭﺧﻠﻴﻬﺎ ﺟﻮﻩ ﺭﺍﺳﻬﺎ ﻭﺍﻧﺸﺎﻟﻠﻪ ﻏﺮﻳﺐ ﺑﻐﺪﺍﺩ ﻣﻴﻘﺼﺮ
ﻛﺘﻠﻬﺎ ﺣﺸﺎﻩ ﻣﻦ ﺍﻟﺘﻘﺼﻴﺮ ﻭﺍﻟﻠﻪ ﻛﻤﻠﺖ ﻭﻃﻠﻌﺖ ﺑﺲ ﺍﺣﺲ ﺍﻛﺜﺮ ﻣﻦ ﻧﺺ ﺍﻟﻬﻢ ﻭﺍﻟﺤﺰﻥ ﺍﻧﺰﺍﺡ ﻣﻦ ﻋﻠﻰ ﺻﺪﺭﻱ
ﺭﺣﺖ ﻟﻠﺴﻴﺎﺭﻩ ﻟﻜﻴﺖ ﺑﻴﺒﻲ ﺩﺍﻛﻪ ﻋﻠﻴﻪ ﺧﺎﺑﺮﺗﻬﺎ ﻛﺎﻟﺖ ﺍﻛﻮ ﺍﺣﺪ ﺍﺟﻰ ﻋﻠﻴﺞ ﻟﻠﻤﺴﺘﺸﻔﻰ ﻭﻳﻨﺘﻀﺮﺝ ﻳﺮﻳﺪ ﻳﺸﻮﻓﺞ ﺍﺳﺘﻐﺮﺑﺖ ﻛﺘﻠﻬﺎ ﻣﻨﻮ ﻛﺎﻟﺖ ﻭﻟﺪ ﺷﺎﺏ ﻳﻜﻮﻝ ﺍﺑﻦ ﻋﻤﺔ ﻟﻔﻬﺪ ﻣﺤﺘﺎﺟﺞ ﺿﺮﻭﺭﻱ ﺗﻌﺎﻱ
ﻛﺘﻠﻬﺎ ﻛﻮﻟﻴﻠﻪ ﻣﺎ ﺍﺟﻲ ﻭﻣﺎ ﺍﺭﻳﺪ ﺍﺷﻮﻑ ﺷﻲ ﺍﻭ ﺍﺣﺪ ﻳﺬﻛﺮﻧﻲ ﺑﻔﻬﺪ ﻣﻊ ﺍﺣﺘﺮﺍﻣﻲ ﺍﻟﻪ ﻛﺎﻟﺖ ﻳﻜﻮﻝ ﺍﻣﺮ ﻃﺎﺭﻯﺀ ﺑﺪﺍﻋﻪ ﺍﻟﻮﺍﻟﺪﻩ ﺗﺠﻲ ﺍﺳﺘﻐﻔﺮﺕ ﺭﺑﻲ
ﺷﻐﻠﺖ ﺍﻟﺴﻴﺎﺭﻩ ﻭﻃﻠﻌﺖ ﻟﻠﻤﺴﺘﺸﻔﻰ ﻭﺻﻠﺖ ﻭﻧﺰﻟﺖ ﻭﺃﺧﺬﺕ ﻭﻳﺎﻱ ﻗﻄﻌﻪ ﺍﻟﻘﻤﺎﺵ ﺍﻭ ﺍﻟﻌﻠﻚ ﺍﻷﺧﻀﺮ ﻟﻤﺎﻣﺎ ﺻﻌﺪﺕ ﻟﻠﻄﺎﺑﻖ ﻭﺭﺣﺖ ﻟﻐﺮﻓﺘﻬﺎ
ﻃﺒﻴﺖ ﻭﻟﻜﻴﺖ ﻭﻟﺪ ﻋﻢ ﻓﻬﺪ ﺛﻨﻴﻨﻬﻢ ﺟﺎﻳﻦ ﻣﻦ ﺷﺎﻓﻮ ﺷﻜﻠﻲ ﺍﺳﺘﻐﺮﺑﻮ
ﻻﻥ ﺍﻧﻲ ﻳﻤﻬﻢ ﺟﻨﺖ ﺩﺷﺪﺍﺷﻪ ﻭﺷﺎﻝ ﺷﺎﻓﻮﻧﻲ ﺑﻬﻴﺞ ﺷﻜﻞ ﺑﺲ ﻣﻦ ﺍﺟﻮ ﻳﺄﺧﺬﻭﻧﻲ ﻓﺼﻠﻴﻪ
ﺳﻠﻤﺖ ﻋﻠﻴﻬﻢ ﻭﻛﻌﺪﺕ ﻭﺳﺎﻟﻮ ﺷﻠﻮﻧﻲ ﻛﺘﻠﻬﻢ ﺍﻟﺤﻤﺪﻟﻠﻪ ﺑﺨﻴﺮ ﻭﺃﺣﺴﻦ ﺣﺎﻝ
ﺑﻌﺪ ﻣﺎ ﺧﻠﺼﺖ ﺍﻟﻤﻘﺪﻣﺎﺕ ﻛﺎﻟﻮ ﺍﻧﻮ ﻫﻤﺔ ﺟﺎﻳﻴﻦ ﻋﻠﻤﻮﺩ ﺳﺎﻟﻔﻪ ﺍﻟﺸﻜﻮﺓ ﻭﺗﻮﺳﻠﻮ ﺍﻧﻮ ﺍﻧﺰﻝ ﺍﻟﺸﻜﻮﺓ ﻛﺘﻠﻬﻢ ﺣﻠﻢ ﺑﻠﻴﺲ ﺑﺎﻟﺠﻨﻪ ﻭﺍﻟﻠﻪ
ﻛﺎﻟﻮ ﺧﻮﻳﻪ ﻧﺘﺮﺟﺎﺝ ﻭﺍﻟﻠﻪ ﺻﺮﻧﻪ ﺣﺪﻳﺚ ﺍﻟﺴﺎﻋﻪ ﺑﺎﻟﻤﻨﻄﻘﺔ ﻭﺍﻟﻌﺮﺏ ﻛﻠﻬﺎ ﺗﺴﻮﻟﻒ ﺑﻴﻨﻪ ﺗﺪﺭﻳﻦ ﻫﺎﻱ ﺷﻠﻮﻥ ﺍﻫﺎﻧﻪ ﺻﺎﺭﺕ
ﻛﺘﻠﻪ ﺍَﻱ ﺍﻟﺤﻤﺪﻟﻠﻪ ﺍﻟﻠﻪ ﺍﺧﺬ ﺣﻘﻲ ﻭﺑﻌﺪﻩ ﺍﻟﺤﺒﻞ ﻋﺎﻟﺠﺮﺍﺭ ﻻ ﺍﻃﻠﻊ ﺍﻟﻀﻴﻢ ﻭﺍﻟﺘﻌﺐ ﻭﺍﻻﻫﺎﻧﻪ ﺍﻟﻲ ﺳﻮﻫﺎ ﺑﻴﻪ ﻛﻠﻬﺎ ﻣﻮ ﺍﻧﻲ ﺍﻟﻲ ﺍﻋﻮﻑ ﺣﻘﻲ
ﻛﺘﻠﻪ ﻣﻦ ﺟﻨﺖ ﺍﻛﻮﻝ ﺍﻟﻬﻢ ﺍﻟﻘﺎﻧﻮﻥ ﻳﺴﺘﻬﺰﺅﻭﻥ ﺑﻴﻪ ﻫﺴﻪ ﺩﺍﺷﻮﻓﻬﻢ ﺍﻟﻘﺎﻧﻮﻥ ﺷﻨﻮ ﻳﺴﻮﻱ
ﻛﺎﻟﻮ ﻣﻮ ﺍﺟﻴﻨﻪ ﺑﺮﺟﻠﻴﻨﻪ ﺍﻟﺞ ﻭﺍﺣﻨﻪ ﻭﻳﺎﺝ ﻭﻣﺎ ﺍﺫﻳﻨﺎﺝ ﻟﺨﺎﻃﺮﻧﻪ
ﻛﺘﻠﻬﻢ ﺟﻴﺘﻜﻢ ﻭﺧﺎﻃﺮﻛﻢ ﻋﻠﻰ ﻋﻴﻨﻲ ﻭﺭﺍﺳﻲ ﺑﺲ ﻣﺎﻝ ﺃﺗﻨﺎﺯﻝ ﺍﻋﺬﺭﻭﻧﻲ
ﻭﺍﻟﻲ ﺍﺗﺮﺟﺎﻩ ﻣﻨﻜﻢ ﺗﻄﻠﻌﻮﻥ ﻣﻦ ﺍﻟﺴﺎﻟﻔﻪ ﻭﺗﻌﻮﻓﻮﻧﻲ ﻻﻥ ﻣﺎ ﺍﺣﺐ ﺍﺛﺨﻦ ﺧﺎﻃﺮﻛﻢ ﻭﺍﻧﺘﻮ ﻋﺰﻳﺰﻳﻦ ﻋﻠﻴﻪ ﻭﺑﺤﺴﺒﻪ ﺧﻮﺍﻧﻲ
ﻛﺎﻟﻮ ﻧﺘﺸﺮﻑ ﻭﺍﻟﻨﻪ ﻛﻞ ﺍﻟﺸﺮﻑ ﺑﺲ ﺧﻮﻳﻪ ﺭﻏﻢ ﻫﻤﺔ ﻏﻠﻄﻮ ﺑﺤﻘﺞ ﻋﺎﺩ ﻭﻟﻮ ﺑﺲ ﺟﺪﻱ ﺧﻠﻲ ﻳﻄﻠﻊ
بيج قصص عراقيه حقيقيه من واقعنا.روعه الطائي
ﻳﻌﻨﻲ ﺷﻜﺒﺮﻫﺎ ﺷﻜﺪﻫﺎ ﺷﻴﺦ ﻋﺸﻴﺮﻩ ﻧﺎﻳﻢ ﺑﺎﻟﺴﺠﻦ ﺗﺪﺭﻳﻦ ﺍﻟﺸﻴﻮﺥ ﻛﻠﻬﺎ ﺍﺗﻌﻨﺖ ﺍﻟﻪ ﻭﺍﺟﻮﻱ ﻭﻫﻮ ﻣﻨﺰﻝ ﺭﺍﺳﻪ ﻭﻳﻜﻮﻝ ﺗﺎﻟﻲ ﻋﻤﺮﻱ ﻭﺷﻴﺒﺎﺗﻲ ﺗﻬﻴﻨﻲ ﻭﺗﺤﺒﺴﻨﻲ ﻓﺼﻠﻴﻪ
ﻛﺘﻠﻪ ﺳﻠﻤﻠﻲ ﻋﻠﻴﻪ ﻭﻛﻠﻪ ﺑﻌﺪﻙ ﻣﺸﻔﺖ ﺷﻲ ﻭﺍﺷﻮﻓﻚ ﺍﻟﻔﺼﻠﻴﻪ ﺷﻨﻮ ﺭﺍﺡ ﺗﺴﻮﻱ ﻭﺍﻟﻠﻪ ﻭﺭﻭﺡ ﺑﺎﺑﺎ ﻭﻏﻼﺓ ﺍﻣﻲ ﺍﻻ ﺍﺧﻴﺴﻬﻢ ﺑﺎﻟﺤﺒﻮﺱ ﺑﺲ ﺧﻠﻲ ﻳﺼﺒﺮﻭﻥ
ﻛﺘﻠﻪ ﺧﻮﻳﻪ ﺗﺮﻩ ﺍﻧﻲ ﺻﺒﺮﺕ ﺻﺒﺮ ﻣﺎ ﺻﺒﺮﻩ ﺃﻳﻮﺏ ﺭﻭﺣﻮ ﻭﻭﺻﻠﻮ ﺍﻟﺤﺠﻲ ﻟﻔﻬﺪ ﻛﻠﻪ ﺳﺒﺐ ﺇﺳﻘﺎﻃﻲ ﻟﻄﻔﻠﻲ ﺍﻻﻭﻝ ﻣﻮ ﺑﺲ ﻫﻮ ﺻﺢ ﻫﻮ ﺻﺎﺣﺐ ﺍﻟﺬﻧﺐ ﺍﻷﻛﺒﺮ ﺑﺲ ﻣﺸﺘﺮﻛﺔ ﻭَﻳَﺎ ﺑﺎﻟﺠﺮﻳﻤﺔ ﺳﻬﻴﻠﻪ
ﺿﻠﻮ ﻳﺤﺠﻮﻥ ﻭﻳﺠﺮﻭﻥ ﻭﻳﻌﺮﻭﻥ ﻛﻮﻣﺔ ﺣﺠﻲ ﺻﺎﺭ ﺑﺲ ﺍﻧﻲ ﻗﺮﺍﺭﻱ ﻭﺍﺣﺪ ﻭﻗﺎﻓﻠﺔ
ﻛﺘﻠﻬﻢ ﻋﺎﺩ ﻣﻦ ﺻﺪﻙ ﺍﻻ ﺍﻧﺪﻣﻬﻢ ﺑﻴﻮﻡ ﺍﻟﻲ ﺍﻧﺪﻛﻮ ﺑﻴﻪ ﻋﺒﺎﻟﻬﻢ ﻣﺎ ﻋﻨﺪﻱ ﺍﺏ ﻭﻳﺘﻴﻤﺔ ﺍﺳﺘﺴﻠﻢ ﻭﻣﺎ ﺍﺧﺬ ﺣﻘﻲ
ﻋﻨﺪﻱ ﺍﻟﻲ ﺍﻗﻮﻩ ﻣﻦ ﺍﺑﻮﻳﻪ ﻭﻫﻮ ﺭﺑﻲ ﻭﺍﻧﺸﺎﻟﻠﻪ ﻭﺑﺤﻴﻞ ﺍﻟﻠﻪ ﻣﺎ ﺍﻗﺼﺮ ﻭﻳﺎﻫﻢ
ﺷﺎﻓﻮﻧﻲ ﻗﺎﻓﻠﻪ ﻭﻣﺎﻛﻮ ﻓﺎﻳﺪﻩ ﻛﺘﻠﻬﻢ ﺍﺫﺍ ﺍﻟﻲ ﻣﻌﺰﺓ ﻋﺪﻛﻢ ﻋﻮﻓﻮ ﺍﻟﺴﺎﻟﻔﻪ ﻭﻟﺘﺨﺮﺑﻮﻥ ﺧﻮﺗﻨﻪ ﻋﺎﺩ ﺗﺎﻟﻲ ﺍﺳﺘﺴﻠﻤﻮ ﻭﺭﺍﺣﻮ
ﺑﻌﺪﻫﺎ ﺍﻧﺪﻛﺖ ﺍﻟﺒﺎﺏ ﻭﺭﻩ ﺷﻮﻱ ﻓﺘﺤﺘﻬﺎ ﺑﻴﺒﻲ ﻭﺍﻧﻲ ﺟﻨﺖ ﻛﺎﻋﺪﻩ ﻭﻣﺨﻠﻴﺔ ﺍﻳﺪﻳﻪ ﻋﻠﻰ ﺭﺍﺳﻲ
ﺳﻤﻌﺖ ﺻﻮﺕ ﻳﻮﺳﻒ ﻳﺴﻠﻢ ﻭﺩﺧﻞ ﺭﻓﻌﺖ ﺭﺍﺳﻲ ﺃﺟﺖ ﻋﻴﻨﻲ ﺑﻌﻴﻨﻪ ﺍﻭﻭ ﺩﺧﻴﻞ ﺍﻟﻠﻪ ﺷﻜﺪ ﻟﺰﻙ ﻫﺬﺍ ﻭﺍﻧﻲ ﻣﻨﺎ ﻃﺎﻓﺮﺓ ﺭﻭﺣﻲ
ﺃﺟﺎ ﺳﻠﻢ ﻭﻛﻌﺪ ﻭﺳﺎﻝ ﻋﻠﻰ ﻭﺿﻊ ﻣﺎﻣﺎ ﻛﺎﻥ ﺟﻮﺍﺑﻲ ﻛﻠﻤﺘﻴﻦ ﺗﻼﺛﻪ ﻭﻣﻦ ﺍﻏﻠﺲ ﺑﻴﺒﻲ ﺟﺎﻭﺏ ﺑﻤﻜﺎﻧﻲ
ﻣﺎ ﺣﺒﻴﺖ ﺍﻧﻄﻲ ﻭﺟﻪ ﺍﺻﻼ ﻛﺮﻫﺖ ﺻﻨﻒ ﺍﻟﺮﺟﺎﻝ ﺑﺴﺒﺐ ﻓﻬﺪ
ﻋﺎﺩ ﻛﺎﻝ ﺍﻟﺒﺎﺭﺣﺔ ﺍﺟﻴﺖ ﻭﻣﺠﻨﺘﻲ ﻣﻮﺟﻮﺩﻩ ﻛﺘﻠﻪ ﺍَﻱ ﻋﻨﺪﻱ ﺷﻐﻞ
ﻗﺎﺑﻞ ﺃﺿﻞ ﻛﺎﻋﺪﻩ ﺍﻛﻤﻞ ﺷﻐﻠﻲ ﻭﺍﺟﻲ ﻳﻢ ﻣﺎﻣﺎ ﻣﻦ ﺷﺎﻑ ﺟﻮﺍﺑﻲ ﺳﻜﺖ
ﻫﻮ ﺩﺧﻞ ﺑﺲ ﻫﻮ ﻣﺎﻛﻮ ﺍﺣﺪ ﻭَﻳَﺎ ﺷﺎﻓﻨﻲ ﻭﺣﺲ ﻣﺎ ﻧﻄﻴﺘﻪ ﻭﺟﻪ ﻭﻫﻮ ﺍﻋﺘﺒﺮﻫﺎ ﺭﺍﻓﻌﻪ ﺧﺸﻢ
ﺑﺲ ﺍﻧﻲ ﻣﻨﻄﻴﺘﻪ ﻭﺟﻪ ﻭﺛﻜﻠﺖ ﻭﺟﻬﻲ ﻋﻠﻴﻪ ﻋﻠﻤﻮﺩ ﻣﻴﺎﺧﺬ ﻣﻴﺎﻧﻪ ﻋﺎﺩ ﻣﺎ ﻃﻮﻝ ﻳﻤﻨﺔ ﻻﻥ ﺷﺎﻓﻨﻲ ﻣﺎ ﺷﺎﺭﻛﺖ ﺑﺎﻟﺤﺪﻳﺚ ﻭﻋﺎﻗﺪﻩ ﺣﻮﺍﺟﺒﻲ
ﻣﻦ ﺩﻳﻄﻠﻊ ﻛﺎﻝ ﺯﻣﺮﺩ ﺑﻠﻪ ﺯﺣﻤﺔ ﻋﻠﻴﺞ ﺗﻌﺎﻱ ﺍﺭﻳﺪﺝ ﺑﺸﻐﻠﻪ ﺭﻓﻌﺖ ﺭﺍﺳﻲ ﻭﺑﺎﻭﻋﺘﻠﻪ ﺻﻔﺢ ﻛﺘﻠﻪ ﺧﻴﺮ ﻋﻨﺪﻙ ﺷﻲ ﻛﻮﻟﺔ ﻫﻨﺎ ﻣﺎﻛﻮ ﻏﺮﻳﺐ
ﻛﺎﻝ ﻻ ﻣﺎﻛﻮ ﻏﺮﻳﺐ ﺍﻻ ﺍﻟﺸﻴﻄﺎﻥ ﺑﺲ ﺭﺩﺗﺞ ﺑﺸﻲ ﻋﻠﻤﻮﺩ ﺍﻟﻮﺍﻟﺪﻩ ﻻ ﺍﻛﺜﺮ
ﺑﻴﺒﻲ ﻛﺎﻟﺖ ﺭﻭﺣﻲ ﻣﺎﻣﺎ ﻭﻳﺔ ﺍﻟﺮﺟﺎﻝ ﺷﻮﻓﻲ ﺷﻴﺮﻳﺪ ﻛﻤﺖ ﻭَﻳَﺎ ﺑﺎﻧﺰﻋﺎﺝ ﻃﻠﻌﺖ ﻭﻛﺎﻡ ﻳﻤﺸﻲ ﺑﺎﻟﻤﻤﺮ ﻭﻳﺤﺠﻲ ﻭﻳﺎﻱ
ﻭﻳﻜﻮﻝ ﻭﺍﻧﻲ ﻭﺻﻴﺖ ﻣﺪﻳﺮ ﺍﻟﻤﺴﺘﺸﻔﻰ ﻭﺍﻟﻤﺴﺘﺸﻔﻰ ﻛﻠﻬﺎ ﻋﻠﻰ ﺍﻣﺞ ﻭﻫﺬﺍ ﺭﻗﻤﻲ ﺍﻟﺸﺨﺼﻲ ﺍَﻱ ﺷﻲ ﺗﺤﺘﺎﺟﻲ ﺍﻧﻲ ﺣﺎﺿﺮ
بيج قصص عراقيه حقيقيه من واقعنا.روعه الطائي
ﺑﺎﻭﻋﺖ ﻋﻠﻴﻪ ﻭﻛﺘﻠﻪ ﺗﺴﻠﻢ ﻣﺘﻘﺼﺮ ﻭﻣﻤﺤﺘﺎﺟﻴﻦ ﺷﻲ ﻭﺍﻟﻤﺴﺘﺸﻔﻰ ﺍﻫﻠﻲ ﻳﻌﻨﻲ ﺍﻟﻌﻨﺎﻳﻪ ﻛﻠﺶ ﺯﻳﻨﻪ ﺑﻴﻬﺎ
ﻛﺎﻝ ﺍَﻱ ﺭﻏﻢ ﻫﺬﺍ ﻭﺻﻴﺖ ﻋﻠﻴﻬﺎ ﻣﺎ ﺭﺩﻳﺖ ﻋﻠﻴﻪ ﺭﺩ ﻛﺎﻝ ﻭﺍﻱ ﻣﺒﻠﻎ ﺗﺤﺘﺎﺟﻲ ﺍﻧﻲ ﺣﺎﺿﺮ ﻭﺍﻧﻲ ﺟﺒﺖ ﻭﻳﺎﻱ ﻣﺒﻠﻎ ﺑﺎﻟﺴﻴﺎﺭﻩ ﺧﺎﻑ ﻣﺤﺘﺎﺟﻴﻦ
ﺣﺠﻴﺖ ﻭَﻳَﺎ ﺑﻨﻔﺎﺫ ﺻﺒﺮ ﻛﺘﻠﻪ ﺗﺴﻠﻢ ﺧﻴﺮﻙ ﺧﻠﻲ ﻟﻨﻔﺴﻚ ﻣﻤﺤﺘﺎﺟﻴﻦ ﺧﻴﺮﻧﺎ ﺍﻋﻠﻰ ﻣﻦ ﺭﺍﺳﻨﺎ ﺍﻟﺤﻤﺪﻟﻠﻪ ﺍﺫﺍ ﺍﺣﺘﺎﺟﻴﺖ ﺭﺑﻲ ﻣﻮﺟﻮﺩ
ﺍﺭﺗﺒﻚ ﻛﺎﻝ ﻣﻮ ﻗﺼﺪﻱ ﺷﻲ ﺑﺲ ﺣﺒﻴﺖ ﺍﺳﺎﻋﺪ ﻛﺘﻠﻪ ﺗﺴﻠﻢ ﻣﺘﻘﺼﺮ
ﻛﺎﻝ ﺷﺒﻴﺞ ﺷﻮ ﻣﻮ ﻋﻠﻰ ﺑﻌﻀﺞ ﻭﻛﻮﺓ ﺗﺤﺠﻴﻦ ﻭﻣﺒﻴﻦ ﺑﺎﺟﻴﺔ ﻛﺘﻠﻪ ﻻ ﻣﺒﻴﻪ ﺑﺲ ﺭﺍﺳﻲ ﻳﻮﺟﻌﻨﻲ
ﺿَﻞ ﻳﺤﺠﻲ ﻭﺍﻧﻲ ﻟﻮ ﺍﻏﻠﺲ ﻟﻮ ﺃﻫﺰ ﺑﺮﺍﺳﻲ ﺍﺧﺮ ﺷﻲ ﻣﻦ ﺩﻳﺮﻭﺡ ﻣﺪ ﺍﻳﺪﻩ ﺩﻳﺴﻠﻢ
ﺟﺘﻔﺖ ﺍﻳﺪﻳﻪ ﻟﺼﺪﺭﻱ ﻭﺭﻓﻌﺘﻠﻪ ﺗﻚ ﺣﺎﺟﺐ ﻭﺑﺎﻭﻋﺘﻠﻪ ﺑﻤﻌﻨﻰ ﺁﻧﻮ ﺍﻧﺰﻋﺠﺖ ﻫﻮ ﺿَﻞ ﺑﻔﺸﻠﺘﻪ
ﺗﺎﻟﻲ ﺭﺟﻊ ﺍﻳﺪﻳﻪ ﻭﺳﻮﺓ ﺭﻭﺣﺔ ﻳﺤﻚ ﺑﺮﺍﺳﻪ ﻭﺿﺤﻚ ﺿﺤﻜﺔ ﻭﺍﺣﺪ ﻣﺘﻔﺸﻞ ﺗﺎﻟﻲ ﻛﺎﻝ ﺍﻟﻴﻮﻡ ﺍﻧﺘﻲ ﺍﺑﺪ ﻣﻮ ﺯﻳﻨﻪ ﻭﻣﺰﺍﺟﺞ ﻣﺪﺭﻱ ﺷﺒﻲ
ﻣﺎ ﺭﺩﻳﺖ ﺍﺧﺮ ﺷﻲ ﻛﺎﻝ ﻳﻠﻪ ﻣﻊ ﺍﻟﺴﻼﻣﺔ ﻭﺭﺍﺡ
ﺭﺟﻌﺖ ﻟﻠﻐﺮﻓﻪ ﺑﻴﺒﻲ ﻛﺎﻟﺖ ﺷﻴﺮﻳﺪ ﻛﺘﻠﻬﺎ ﻟﻮﺍﻛﻪ ﻻ ﺍﻛﺜﺮ ﻣﻴﺮﻳﺪ ﺷﻲ ﺿﺤﻜﺖ
ﺍﺟﺔ ﻣﺼﻄﻔﻰ ﺳﻠﻢ ﻭﺿﻞ ﻳﻤﻨﺔ ﻛﺎﻋﺪ ﻛﻠﺖ ﻟﺒﻴﺒﻲ ﺍﺭﺟﻌﻲ ﻟﻠﺒﻴﺖ ﺍﻧﻲ ﺑﺎﻗﻴﻪ ﻫﻨﺎ ﻣﻘﺒﻠﺖ ﻛﻮﺓ ﻗﻨﻌﺘﻬﺎ ﻭﻭﺩﺍﻫﺎ ﻣﺼﻄﻔﻰ ﻭﺭﺟﻊ
ﺍﻧﻲ ﻃﻠﻌﺖ ﺍﻟﻌﻠﻚ ﻭﻣﺴﺤﺖ ﺑﻲ ﻛﻞ ﺟﺴﻢ ﻣﺎﻣﺎ ﻭﻭﺟﻬﺎ ﻭﻛﻤﺸﺖ ﺃﻳﺪﻫﺎ ﻭﺣﻀﻨﺘﻬﺎ ﻭﺧﻠﻴﺖ ﺭﺍﺳﻲ ﻋﻠﻴﻬﺎ ﻭﺿﻠﻴﺖ ﻫﻴﺞ ﻛﺎﻋﺪﻩ ﺑﺤﻴﺚ ﺭﺍﺡ ﻣﺼﻄﻔﻰ ﻭﺟﻊ ﻭﺍﻧﻲ ﻋﻠﻰ ﻧﻔﺲ ﻛﻌﺪﺗﻲ
ﺑﻌﺪﻫﺎ ﻛﻌﺪ ﻣﺼﻄﻔﻰ ﻳﺴﻮﻟﻒ ﻭﻳﺎﻱ ﻭﺣﺎﻭﻝ ﻳﻔﺘﺢ ﻣﻮﺍﺿﻴﻊ ﻭﻳﺎﻱ ﺗﺨﺺ ﻓﻬﺪ ﺍﺧﺮ ﺷﻲ ﻋﻄﺖ ﺑﻲ ﻭﻛﺘﻠﻪ ﺷﻜﺪ ﺗﺤﺠﻲ ﻭﺷﻜﺪ ﺣﺠﻴﺖ ﺍﺳﻜﺖ
ﺿَﻞ ﺻﺎﻓﻦ ﻋﻠﻴﻪ ﺭﺩ ﻛﺎﻝ ﻣﺘﻐﻴﺮﻩ ﺯﻣﺮﺩ ﻣﻮ ﺍﻧﺘﻲ ﻧﻔﺴﺞ ﻗﺒﻞ ﻫﻮﺍﻱ ﻣﺘﻐﻴﺮﻩ ﺣﺘﻰ ﺗﺼﺮﻓﺎﺗﺞ
ﻣﺮﺩﻳﺖ ﻋﻠﻴﻪ ﻭﻻ ﺣﺠﻴﺖ ﻭَﻳَﺎ ﺿﻠﻴﺖ ﺍﻛﻠﺐ ﺑﺎﻟﺘﻴﻠﻔﻮﻥ ﻫﻮ ﻫﻢ ﻣﺤﺠﺔ ﺑﻌﺪ ﺳﻜﺖ
ﺑﻌﺪﻫﺎ ﺧﻠﻴﺘﻪ ﻳﻢ ﻣﺎﻣﺎ ﻭﻛﺘﻠﻪ ﻫﺴﻪ ﺍﺟﻲ ﺳﺌﻞ ﻭﻳﻦ ﻣﺠﺎﻭﺑﺘﻪ ﺭﺣﺖ ﻟﻠﺪﻛﺘﻮﺭﻩ ﺍﻟﻨﺴﺎﺋﻴﺔ ﺷﺮﺣﺘﻠﻬﺎ ﺣﺎﻟﺘﻲ ﻭﺍﻧﻮ ﺳﻘﻄﺖ ﺗﻮﻡ
ﻭﺳﻮﺗﻠﻲ ﻓﺤﻮﺻﺎﺕ
ﻭﺷﺎﻓﺖ ﺟﺮﻭﺣﻲ ﻭﻓﺤﺼﺘﻨﻲ ﻛﺎﻟﺖ ﻋﻨﺪﺝ ﻛﻢ ﺟﺮﺡ ﻣﻠﺘﻬﺒﺎﺕ ﻭﺷﻮﻱ ﺳﻮﺍﻟﻒ ﻧﺴﺎﺋﻴﻪ ﻛﺘﺒﺘﻠﻲ ﻋﻠﻰ ﻋﻼﺝ ﻭﻧﺰﻟﺖ ﺍﺧﺬﺗﻪ ﻣﻦ ﺍﻟﺼﻴﺪﻟﻴﺔ ﻭﺭﺟﻌﺖ
ﺿﻠﻴﺖ ﻫﻴﺞ ﻭﻋﺒﺮ ﺍﻟﻴﻮﻡ ﻭﺧﻠﺺ ﻭﺍﺟﻰ ﻳﻮﻡ ﺛﺎﻧﻲ ﻭﺛﺎﻟﺚ ﻭﻧﻔﺲ ﺍﻟﺮﻭﺗﻴﻦ ﻳﺠﻮﻥ ﺑﻴﺖ ﺟﺪﻭ ﺧﻮﺍﻟﻲ ﻭﺧﺎﻟﺘﻲ ﻳﺸﻮﻓﻮﻫﺎ ﻭﻳﺮﻭﺣﻮﻥ ﻭﺍﻧﻲ ﺍﺭﻭﺡ ﺍﺳﺒﺢ ﻭﺍﺭﺗﺎﺡ ﺷﻮﻱ ﻭﺃﺧﻠﻲ ﺍﺣﺪ ﻳﻢ ﻣﺎﻣﺎ ﺑﻴﻦ ﻣﺎ ﺍﺭﻭﺡ ﻭﺍﺭﺟﻊ
ﺻﺎﺩﻓﺖ ﻭﻳﺎﻳﻪ ﻣﺸﺎﻛﻞ ﺍﻫﻞ ﺑﺎﺑﺎ ﺍﺟﻮ ﻋﻠﻴﻪ ﻭﺷﺴﻮ ﻟﻌﺒﻮ ﻓﻠﻚ ﻭﻳﻜﻮﻟﻮﻥ ﻋﻠﻴﻪ ﻣﺎ ﻣﺮﺑﺎﻳﻪ ﻭﺍﺷﻜﺎﻝ ﺣﺠﻲ ﻭﻏﻠﻂ ﻏﻄﻲ ﺍﻟﻮﺟﻪ ﺍﺣﺴﻦ ﻻﻥ ﻣﺸﺘﻜﻴﻪ ﻋﻠﻴﻬﻢ ﻭﺫﺍﺑﺘﻬﻢ ﺳﺠﻦ ﻭﻭﻟﺪ ﻋﻤﻲ ﺭﺍﺩﻭ ﻳﻀﺮﺑﻮﻧﻲ
بيج قصص عراقيه حقيقيه من واقعنا.روعه الطائي
ﻛﺘﻠﻬﻢ ﺯﻟﻤﺔ ﻭﻃﺎﻟﻊ ﻣﻦ ﺿﻬﺮ ﺯﻟﻤﺔ ﺍﻟﻲ ﻳﺴﻮﻳﻬﺎ ﻭﻳﻤﺪ ﺍﻳﺪﻩ ﺍﺷﻮﻓﻪ ﺍﻟﺒﻐﺪﺍﺩﻳﺎﺕ ﺷﻴﺠﻴﺒﻦ ﻋﻠﻰ ﻛﻮﻟﺘﻜﻢ
ﻭﺍﻫﻞ ﻓﻬﺪ ﺩﺯﻭ ﻧﺎﺱ ﻫﻢ ﻭﻣﺎﻛﻮ ﻓﺎﻳﺪﻩ ﻣﻦ ﺻﻌﺪﺕ ﻗﻀﻴﺘﻲ ﻟﻠﻤﺤﻜﻤﺔ ﻃﻠﺐ ﺍﻟﻘﺎﺿﻲ ﻓﺤﺺ ﺟﺴﺪﻱ ﻋﻠﻰ ﺃﻳﺪ ﺍﻟﺪﻛﺘﻮﺭﻩ ﻟﺠﺴﻤﻲ ﻳﺒﻴﻦ ﺍﺛﺎﺭ ﺍﻟﻀﺮﺏ ﻭﺍﻟﺘﻐﺬﻳﺐ ﻟﺠﺴﻤﻲ
ﺻﺎﺭﺕ ﺍﻭﻝ ﺟﻠﺴﻪ ﻭﺃﺳﺘﺎﺫ ﻳﻮﺳﻒ ﻫﻢ ﺣﻀﺮ ﻫﻮ ﺍﺟﻰ ﺑﻨﻔﺴﻪ ﺍﺻﻼ ﺍﻧﻲ ﻣﺎ ﺑﻠﻐﺘﻪ ﻭﻻ ﻛﻠﺘﻠﻪ ﺑﺲ ﺷﻜﻠﺔ ﻣﺘﺎﺑﻊ ﺍﺧﺒﺎﺭﻱ ﻭﻳﻌﺮﻑ
ﻭﻣﺎ ﺃﻭﺻﻒ ﺷﻨﻮ ﺷﻌﻮﺭﻫﻢ ﻣﻦ ﺷﺎﻓﻮﻧﻲ ﻭﺷﺴﻮﻭ ﻭﻋﻮﺩ ﻓﻬﺪ ﻳﻤﺔ ﻭﺍﻧﻮﺏ ﻃﻠﻌﺖ ﻛﺪﺍﻣﻪ ﺑﺸﻜﻠﻲ ﺍﻟﺠﺪﻳﺪ ﻭﺍﻧﻲ ﻋﻠﻰ ﺫﻣﺘﻪ ﺑﻌﺪﻧﻲ ﺗﺨﺒﻞ
ﺑﻌﺪ ﺍﻟﻜﻼﻡ ﻭﺍﺳﺘﻤﺎﻉ ﺍﻟﻘﺎﺿﻲ ﻭﺍﻧﺘﻬﺎﺀ ﺍﻟﺠﻠﺴﻪ ﺑﻘﻮ ﺑﺎﻟﺴﺠﻦ ﻭﺗﻘﺮﺭ ﺍﻟﺤﻜﻢ ﻛﻞ ﺷﺨﺺ ﺍﻟﺴﺠﻦ ﻣﺪﻩ ٨ﺳﻨﻮﺍﺕ ﻻﻥ ﺍﻧﻀﺎﻑ ﺍﻟﻪ ﺍﻟﺘﻌﺬﻳﺐ ﺍﻟﻤﺘﻌﻤﺪ ﻭﻛﻞ ﺍﻟﻲ ﺻﺎﺭ ﺑﻴﻪ
ﺑﺲ ﺷﻨﻮ ﺗﺨﺒﻠﻮ ﺑﻴﺖ ﺍﻫﻞ ﺑﺎﺑﺎ ﺟﺪﻱ ﺗﺨﺒﻞ ﻭﻋﺎﻁ ﻭﻳﻜﻮﻝ ﻳﺎ ﺣﻴﻒ ﺍﻧﺘﻲ ﺑﺖ ﺍﺑﻨﻲ ﻭﺟﺪ ﻓﻬﺪ ﻳﻌﻴﻂ ﻭﻳﻜﻮﻝ ﻣﻮ ﻛﻠﺖ ﺍﻧﺘﻲ ﻭﺣﺪﺓ ﺑﻼ ﺷﺮﻑ ﻭﺍﺩﺑﺴﺰ ﻭﺩﺍﻳﺤﺔ ﻟﻮ ﻣﺮﺑﺎﻳﻪ ﻣﺎ ﺳﻮﻳﺘﻲ ﻫﻴﺞ
ﻭﻓﻬﺪ ﻳﺸﻴﻞ ﻭﻳﺮﻛﻊ ﺑﺮﻭﺣﺔ ﻋﺎﻁ ﺑﻴﻬﻢ ﺍﻟﻘﺎﺿﻲ ﻭﻛﻠﻠﻬﻢ ﻛﺪﺍﻣﻲ ﻭﺗﺠﺎﻭﺯﻭﻥ ﻭﺃﺯﻳﺪ ﻋﻘﺎﺑﻜﻢ ﺳﺖ ﺍﺷﻬﺮ ﻓﻮﻙ ﺍﻝ٨ﺳﻨﻴﻦ ﺑﺴﺒﺐ ﺗﺠﺎﻭﺯﻛﻢ ﻫﺬﺍ ﻭﻛﺪﺍﻣﻲ
ﺍﺑﺎﻭﻉ ﻋﻠﻰ ﻓﻬﺪ ﻳﺒﺎﻭﻋﻠﻲ ﻣﺎ ﺭﻑ ﻛﻠﺒﻲ ﺍﻟﻪ ﻭﻻ ﺷﻮﻱ ﻭﻻ ﺣﺒﻴﺖ ﺍﺗﺬﻛﺮ ﺟﻨﺖ ﺑﻴﻮﻡ ﺍﻧﻲ ﻭَﻳَﺎ ﻧﻔﺲ ﺍﻟﺒﻴﺖ ﻭﺍﻧﻲ ﻋﻠﻰ ﺫﻣﺘﻪ
ﻭﻃﻠﺒﺖ ﺃﻣﺎﻡ ﺍﻟﻘﺎﺿﻲ ﻳﺤﻀﺮ ﺷﻴﺦ ‏( ﺳﻴﺪ ﺩﻳﻨﻲ ‏)
ﻳﻄﻠﻘﻨﺔ ﻭﺍﺧﻠﺺ ﻣﻦ ﻓﻬﺪ ﻻﻥ ﺍﻋﺮﻑ ﺍﺫﺍ ﻃﻠﻊ ﻣﺴﺘﺤﻴﻞ ﻳﻄﻠﻜﻨﻲ
ﻭﻓﻌﻼ ﺑﺲ ﺷﻨﻮ ﻣﻘﺒﻞ ﻓﻬﺪ ﻳﻄﻠﻚ ﻭﺳﺎﻋﻪ ﻭﻫﻮ ﻣﻘﺒﻞ ﺗﺎﻟﻲ ﺍﻧﺠﺒﺮ ﺗﺤﺖ ﺍﻟﻀﻐﻮﻃﺎﺕ
ﻋﺎﺩ ﻛﻤﻠﻨﻪ ﻛﻠﺸﻴﺖ ﻭﻃﻠﻌﺖ ﺑﻌﺪ ﻣﺎ ﺣﺴﻴﺖ ﺑﺎﻟﻨﺼﺮ
ﻃﻠﻌﺖ ﻟﻠﻤﺴﺘﺸﻔﻰ ﻭﺍﻧﻲ ﺑﺤﺎﻟﻪ ﺍﻛﺜﺮ ﺣﺘﻰ ﻣﻦ ﺍﻧﻮ ﺍﺣﺲ ﺭﻭﺣﻲ ﺻﺮﺕ ﻃﻴﺮ ﺍﺣﺲ ﻧﻔﺴﻲ ﺻﺮﺕ ﻓﻮﻙ ﺍﻟﻐﻴﻮﻡ
ﻭﺻﻠﺖ ﻟﻠﻤﺴﺘﺸﻔﻰ ﻭﺑﺸﺮﻭﻧﺎ ﺑﻤﺎﻣﺎ ﺍﻧﻮ ﻣﺤﺮﻛﺔ ﺃﻳﺪﻫﺎ ﻭﻓﺎﺗﺤﺔ ﻋﻴﻨﻬﺎ ﺑﻴﻮﻣﻬﺎ ﺑﺠﻴﺖ ﺩﻣﻮﻉ ﺍﻟﻔﺮﺡ
ﺍﻟﺤﻤﺪﻟﻠﻪ ﺭﺑﻲ ﺍﻟﻴﻮﻡ ﻓﺮﺣﺘﻴﻦ ﻭﺣﺪﻩ ﺍﻗﻮﺓ ﻣﻦ ﺍﻟﺜﺎﻧﻴﻪ ﺑﻌﺪﻫﺎ ﻛﻠﺖ ﻋﻠﻰ ﻫﺎﻱ ﺍﻟﺒﺸﺎﺭﺓ ﺍﺫﺑﺢ ﺧﺮﻭﻑ ﻭﺍﻭﺯﻋﻪ ﻟﻠﻔﻘﺮﺍﺀ
ﺩﺍﻃﻠﻊ ﻣﻦ ﺍﻟﻤﺴﺘﺸﻔﻰ ﺻﺎﺭ ﺑﻮﺟﻬﻲ ﻳﻮﺳﻒ ﻛﺎﻝ ﺣﺒﻴﺖ ﺍﺟﻲ ﺍﺑﺎﺭﻛﻠﺞ ﻛﺘﻠﻪ ﺗﺴﻠﻢ ﻣﻮ ﺑﺎﺭﻛﺘﻠﻲ ﻛﺎﻝ ﻻ ﻫﻨﺎ ﺗﺨﺘﻠﻒ ﻭﺟﺎﻳﺐ ﺍﻟﻲ ﻫﺪﻳﻪ
ﻛﺎﻝ ﻳﻤﻜﻦ ﻃﺎﻟﻌﻪ ﻛﺘﻠﻪ ﺍَﻱ ﻛﺎﻝ ﻭﻳﻦ ﻛﺘﻠﻪ ﻫﻴﺞ ﻭﻫﻴﺞ ﺍﻟﺴﺎﻟﻔﻪ ﻛﺎﻝ ﻳﻠﻪ ﺍﻧﻲ ﻫﻢ ﺍﺟﻲ ﻭﻳﺎﺝ
ﻛﺘﻠﻪ ﺧﻴﺮ ﻛﺎﻝ ﻛﻞ ﺍﻟﺨﻴﺮ ﺑﺲ ﺣﺒﻴﺖ ﺍﺷﺎﺭﻛﺞ ﻓﺮﺣﺘﺞ ﻭﺃﺧﺬﺕ ﺍﺟﺎﺯﺓ ﺍﻟﻴﻮﻡ
ﺿﺤﻜﺖ ﻛﺘﻠﻪ ﻋﻔﻴﻪ ﺣﺘﻰ ﻟﻮ ﻣﻦ ﻛﺮﺍﻳﺒﻚ ﻣﺴﻮﻳﺖ ﺍﻟﻲ ﻫﻴﺞ ﻛﺎﻝ ﻫﺴﻪ ﻭﺍﺣﺪ ﻳﺠﻲ ﻭﻳﺘﻌﻨﺔ ﺑﺮﺟﻠﻴﻪ ﻟﻴﺶ ﺗﻔﺸﻠﻴﻨﻪ ﺿﺤﻜﺖ ﻛﺘﻠﻪ ﻳﻠﻪ ﺍﻟﻴﻮﻡ ﻣﺎ ﺍﻭﻳﺪ ﺍﺧﺮﺏ ﻓﺮﺣﺘﻲ
ﻭﺍﻧﺘﻪ ﻭﺍﺣﺪ ﻟﺰﻛﺔ ﺷﺴﻮﻳﻠﻚ ﻭﻳﻦ ﺗﺮﻳﺪ ﺗﺮﻭﺡ ﺭﻭﺡ ﻛﺎﻝ ﺁﻓﺎ ﺍﻧﻲ ﺍﻟﻀﺎﺑﻂ ﻳﻮﺳﻒ ﻣﺮﻛﺺ ﺍﻟﻤﺮﻛﺰ ﺗﺠﻴﻦ ﺗﻜﻮﻟﻴﻠﻲ ﻟﺰﻛﺔ
ﺿﺤﻜﺖ ﻛﺘﻠﺔ ﻟﻴﺶ ﺷﻨﻮ ﻓﺎﺗﺢ ﺩﻳﺴﻜﻮ ﻟﻮ ﻣﺮﻛﺰ ﺿﺤﻚ ﻛﺎﻝ ﻻ ﻭﺍﻟﻠﻪ ﻭﻃﻠﻌﺘﻲ ﺣﺸﺎﺷﺔ
ﻛﺘﻠﻪ ﻳﻠﻪ ﻛﺎﻓﻲ ﺍﻣﺸﻲ ﺩﺍﺭﻭﺡ ﺍﺭﻳﺪ ﺍﺭﺟﻊ ﻟﻤﺎﻣﺎ
ﻛﺎﻝ ﻳﻠﻪ ﺍﻣﺸﻲ ﺩﺍﺻﻌﺪ ﻛﺎﻝ ﺍﻧﺘﻲ ﻣﻮ ﺗﺮﺟﻌﻴﻦ ﻟﻠﻤﺴﺘﺸﻔﻰ ﻛﺘﻠﻪ ﺍَﻱ ﻛﺎﻝ ﺧﻠﻲ ﺍﺟﻲ ﻭﻳﺎﺝ ﻟﻌﺪ ﻭﻣﻦ ﻧﺮﺟﻊ ﺍﺧﺬ ﺳﻴﺎﺭﺗﻲ
ﻭﺍﺫﺍ ﺗﺄﺧﺮﺕ ﺍﺧﺎﺑﺮ ﺍﻟﺴﺎﻳﻖ ﻳﺠﻲ ﻳﺎﺧﺬﻫﺎ
ﻛﺘﻠﻪ ﻭﺑﺼﻔﺘﻚ ﺷﻨﻮ ﺩﺗﺼﻌﺪ ﻭﻳﺎﻱ ﺍﺧﻮﻱ ﺍﻣﻲ ﺃﺑﻮﻱ ﺍﺑﻦ ﻋﻤﻲ ﺍﺑﻦ ﺧﺎﻟﻲ ﺷﻴﻜﻮﻟﻮﻥ ﺍﻟﻨﺎﺱ ﻋﻠﻴﻪ
ﻟﻮ ﺧﻮﺍﻟﻲ ﻛﺎﻝ ﻫﺴﻪ ﻫﻮ ﺍﻧﺘﻮ ﻋﺎﺋﻠﻪ ﻓﺮﻱ ﻣﻨﻮ ﻳﺤﺎﺳﺒﺞ ﻭﺍﻧﺘﻲ ﻣﺘﻬﺘﻤﻴﻦ ﻟﻜﻼﻡ ﺍﻟﻨﺎﺱ ﻟﻴﺶ ﺗﺤﺒﻴﻦ ﺗﻔﺸﻴﻠﻴﻨﻲ ﻛﺘﻠﺔ ﻣﻮ ﻗﺼﻪ ﺍﻓﺸﻠﻚ ﺑﺲ ﺳﺎﻟﻔﻪ ﻣﺎ ﺭﺍﻫﻤﺔ ﻳﻌﻨﻲ
ﻋﺎﺋﻠﻪ ﻓﺮﻱ ﻗﺎﺑﻞ ﻃﺎﻟﻌﻴﻦ ﻣﻦ ﺍﻟﻄﺮﻳﻖ ﺭﻏﻢ ﺣﺮﻳﻪ ﻋﺪﻧﻪ ﺑﺲ ﺑﺤﺪﻭﺩ
ﺍﺫﺍ ﺍﻧﺘﻪ ﻣﺘﺤﺴﺐ ﺍﻧﻲ ﺍﺣﺴﺐ ﻛﺎﻝ ﺍﻫﻮ ﻃﻠﻌﺘﻲ ﺑﻴﻬﺎ ﻋﺎﺭﺽ ﻋﻤﻲ ﺭﺍﺡ ﺍﻟﺤﻜﺞ ﺑﺴﻴﺎﺭﺗﻲ ﺑﺲ ﻟﺘﻀﻠﻴﻦ ﺗﺤﺠﻴﻦ ﻃﻠﻌﺘﻴﻬﺎ ﻫﺎﻟﺠﻴﺔ ﻭﻳﺎﺝ ﺳﻢ
ﻛﺘﻠﻪ ﻭﺍﻟﻠﻪ ﻣﺎ ﺿﺮﺑﺘﻚ ﻋﻠﻰ ﺍﻳﺪﻙ ﻭﻛﺘﻠﻚ ﺗﻌﺎﻝ ﺍﻧﺘﻪ ﺍﺟﻴﺖ ﺷﺴﻮﻳﻠﻚ ﺑﻌﺪ ﻛﺎﻝ ﺷﻜﺪ ﺧﺒﻴﺜﻪ ﻳﻌﻨﻲ ﺍﺑﺪ ﻣﺘﺴﺘﺤﻴﻦ ﺑﺎﻟﻜﺼﺔ ﺗﻨﻄﻴﻬﺎ
ﻛﺘﻠﻪ ﻃﺒﻌﺎ ﻣﺎ ﺍﺣﺐ ﺍﺣﺠﻲ ﻭﺟﻬﻴﻦ ﻛﺎﻝ ﻳﺎﺑﻪ ﺍﻟﻴﻮﻡ ﻟﻮ ﻣﻮ ﺗﻄﺮﺩﻳﻨﻲ ﻫﻢ ﺍﺟﻲ ﻭﻳﺎﺝ
ﻛﺘﻠﻪ ﻛﻴﻔﻚ ﺍﺫﺍ ﺍﻧﺘﻪ ﻟﺰﻛﺔ ﺷﺴﻮﻳﻠﻚ ﺍﻧﻲ ﺿﺤﻚ ﻭﻛﺎﻝ ﺿﺎﺑﻂ ﺷﻜﺒﺮﻧﻲ ﺷﻜﺪﻧﻲ ﺍﻧﺘﻲ ﺗﻔﺸﻠﻴﻨﻲ ﻭﻟﺞ
ﻛﺘﻠﻪ ﺭﺍﺣﺖ ﺍﻟﻬﻴﺒﻪ ﻫﻬﻬﻬﻬﻬﻬﻪ ﺧﺮﺏ ﺿﺤﻚ
ﻋﺎﺩ ﺻﻌﺪﺕ ﺑﺎﻟﺴﻴﺎﺭﻩ ﻭﻫﻮ ﺻﻌﺪ ﺑﺴﻴﺎﺭﺗﻪ ﻭﻃﻠﻌﺖ ﻟﻠﺒﻴﺖ ﺍﺧﺬ ﻓﻠﻮﺱ
ﻭﺻﻠﺖ ﻭﻧﺰﻟﺖ ﻛﺘﻠﻪ ﺗﻔﻀﻞ ﺍﺷﺮﺏ ﻣﻲ ﺟﺎﻱ ﻛﻬﻮﻩ ﻻ ﻣﺜﻞ ﺫﻳﺞ ﺍﻟﻤﺮﺓ ﺗﻜﻮﻝ ﺑﺨﻴﻠﻪ
ﺿﺤﻚ ﻛﺎﻝ ﻣﺎ ﺍﺭﻳﺪ ﻫﺴﻪ ﺍﻟﻒ ﺳﻢ ﺗﺨﻠﻴﻦ ﺑﻴﻬﺎ
ﻛﺘﻠﻪ ﻛﻴﻔﻚ ﺑﻌﺪ ﻭﺿﺤﻜﺖ ﻃﺒﻴﺖ ﺍﺧﺬﺕ ﻓﻠﻮﺱ ﻭﻃﻠﻌﺖ ﺷﺎﻳﻠﻪ ﻛﺎﺳﺔ ﻣﻲ ﺍﻟﻪ
ﻧﻄﻴﺘﻬﺎ ﺍﻟﻪ ﻭﻛﺘﻠﻪ ﻋﻠﻤﻮﺩ ﻟﺘﻜﻮﻝ ﺑﺨﻴﻠﻪ
ﺿﺤﻜﻨﺔ ﺛﻨﻴﻨﻪ ﻭﺍﺣﻨﻪ ﺑﻬﺬﺍ ﺍﻟﻤﻨﻀﺮ ﻃﺒﻜﺖ ﺳﻴﺎﺭﻩ ﻳﻤﻨﻪ
ﺑﺎﻭﻋﺖ ﻭﺟﺎﻧﺖ ......
ﻳﺘﺒﻊ ............
🌺🌺🌺🌺