#ﻓﺼﻠﻴﻪ_ﻟﻈﺎﻟﻢ_ﻭﺣﺶ
ﺑﻘﻠﻤﻲ ( ﺳﻘﻴﻦ ﺍﻟﺸﻤﺮﻱ )
ﻻ ﻳﺴﻤﺢ ﺍﻭ ﻳﺤﻠﻞ ﻧﺸﺮ ﺍﻟﻘﺼﻪ ﺑﺪﻭﻥ ﺫﻛﺮ ﺍﺳﻤﻲ
&
#بارت٢٢
.............
ﻛﺎﻟﺖ ﺍﻧﺘﻲ ﻓﺎﻳﺘﺞ ﻳﻌﻨﻲ ﻛﺘﻠﻬﺎ ﻫﻮ ﺍﻧﻲ ﻣﻦ ﺍﺟﻴﺖ ﻟﺤﺪ ﺍﻻﻥ ﻣﺎ ﺍﺟﺘﻨﻲ ﺑﻌﺪ ﻻﻥ ﻗﺒﻞ ﻻ ﺍﺟﻲ ﺑﻜﻢ ﻳﻮﻡ ﺍﻧﻲ ﻏﺴﻠﺖ
ﻛﺎﻟﺖ ﺍَﻱ ﻭﺍﻧﺘﻲ ﻗﺮﺍﺑﻪ ﺍﻟﻌﺸﺮ ﺍﻳّﺎﻡ ﻭﺍﺟﻴﺘﻲ ﻭﻫﺴﻪ ﻃﻠﻊ ﺍﻷﺭﺑﻌﻴﻦ ﻳﻌﻨﻲ ﺻﺎﺭﻟﺞ ﻛﻮﻣﺔ ﻟﻌﺪ ﻫﺎﻱ ﺣﺎﻣﻞ
ﻛﺘﻠﻬﺎ ﺑﺨﻮﻑ ﻻ ﺧﺎﻟﻪ ﻓﺪﻭﺓ ﻟﺘﻜﻮﻟﻴﻬﺎ ﻛﻮﻟﻲ ﻏﻴﺮﻫﺎ
ﻛﺎﻟﺖ ﻟﻴﺶ ﻛﺘﻠﻬﺎ ﻣﻦ ﻛﻞ ﻋﻘﻠﺞ ﺍﻧﻲ ﺍﺭﻳﺪ ﺍﻧﻬﺰﻡ ﻭﺍﺧﻠﺺ ﺍﻧﻮﺏ ﺍﻃﻠﻊ ﺣﺎﻣﻞ ﻳﻌﻨﻲ ﺍﻛﻌﺪ ﻭﺍﻧﺠﺐ
ﻛﺎﻟﺖ ﺍﻧﺘﻲ ﺍﺫﺍ ﺣﺎﻣﻞ ﺑﻌﺪ ﻣﺎ ﻣﻨﻬﺎ ﻣﻔﺮ ﺣﺒﻴﺒﻪ ﺧﻮﺏ ﺟﻴﺒﻲ ﻭﺍﻧﻄﻴﻬﻢ ﺍﻟﻄﻔﻞ ﻭﻳﻌﻮﻓﻮﺝ ﺑﺤﺎﻝ ﺳﺒﻴﻠﺞ
ﻛﺘﻠﻬﺎ ﻭﺷﻜﻠﻮﻟﺞ ﻛﺎﻋﺪﻩ ﺃﻭﺯﻉ ﺍﻃﻔﺎﻝ ﺛﻮﺍﺏ ﻭﻓﻮﻛﺎﻫﺎ ﺍﻭﻝ ﻃﻔﻞ ﻳﻌﻨﻲ ﻫﺎﻱ ﺑﻴﺎ ﻗﺎﻧﻮﻥ ﺻﺎﻳﺮﻩ ﻟﺨﺎﻃﺮ ﺍﻟﻠﻪ
ﻛﺎﻟﺖ ﻟﻌﺪ ﺷﻠﻮﻥ ﺍﺫﺍ ﻣﺎ ﺟﺒﺘﻲ ﻃﻔﻞ ﺍﻟﻬﻢ ﻣﻴﻌﻮﻓﻮﺝ
ﻛﻌﺪﺕ ﺑﺎﻟﻜﺎﻉ ﺍﺑﺠﻲ ﺑﻌﻠﻮ ﺣﺴﻲ ﻻﻥ ﻣﺎﻛﻮ ﺍﺣﺪ ﺑﺎﻟﺒﻴﺖ ﻟﺪﺭﺟﺔ ﺍﺗﻬﺴﺘﺮﺕ ﺭﺳﻤﻲ
ﺭﺩﺕ ﻛﺎﻣﺖ ﺗﻠﻌﺐ ﻧﻔﺴﻲ ﺍﺧﺮ ﺷﻲ ﺍﺳﺘﻔﺮﻏﺖ ﻣﺘﺤﻤﻠﺖ ﺑﺲ ﺣﺘﻰ ﺭﻭﺣﻲ ﻃﻠﻌﺖ ﻻﻥ ﺍﻟﺘﻘﻲﺀ ﻛﻠﺶ ﻳﺄﺫﻱ ﻣﻦ ﺍﺭﺩ ﻋﻠﻰ ﺭﺍﺳﻲ ﺍﺣﺲ ﺭﺍﺡ ﺍﺭﺩ ﺭﻭﺣﻲ ﻫﻢ ﻭﺗﻄﻠﻊ
ﺍﺧﺮ ﺷﻲ ﻛﺎﻟﺖ ﺍﻡ ﻋﻠﻲ ﺗﺮﻳﺪﻳﻦ ﺍﺟﻴﺒﻠﺞ ﺗﺤﻠﻴﻞ ﺑﻴﺘﻲ ﺑﺎﻭﻋﺖ ﻋﻠﻴﻬﺎ ﻣﺘﺮﺩﺩﻩ
ﺑﻌﺪﻳﻦ ﻛﺘﻠﻬﺎ ﺍَﻱ ﻓﺪﻭﻩ ﻣﻦ ﺩﺍﻡ ﻫﻤﺔ ﻣﻤﻮﺟﻮﺩﻳﻦ ﻋﻠﻤﻮﺩ ﺍﻋﺮﻑ ﺷﻨﻮ ﺍﻟﻨﺘﻴﺠﺔ
ﻛﺎﻟﺖ ﻫﺴﻪ ﺍﺭﻭﺡ ﺍﺟﻴﺐ ﺍﻟﺞ ﻣﻦ ﻫﺎﻱ ﺍﻟﺠﺪﻩ ﺍﻟﻲ ﻭﺩﻳﻨﺎﺝ ﻋﻠﻴﻬﺎ ﺷﻮﻱ ﻗﺮﻳﺒﻪ
ﻛﺘﻠﻬﺎ ﻛﻴﻔﺞ ﺍﻟﻤﻬﻢ ﺑﺲ ﺟﻴﺒﻴﻠﻲ
ﻭﺍﻟﻠﻪ ﺭﺍﺣﺖ ﻭﺍﻧﻲ ﻣﺪﺩﺕ ﻋﺎﻟﺘﺨﻢ ﺍﻟﻲ ﺑﺎﻟﺼﺎﻟﻪ ﻻﻥ ﺩﺍﻳﺨﺔ ﻭﺗﻌﺒﺎﻧﺔ ﻛﻠﺶ
ﻭﺭﻩ ﻧﺺ ﺳﺎﻋﻪ ﻳﻠﻪ ﺃﺟﺖ ﻛﺘﻠﻬﺎ ﺗﺎﺧﺮﺗﻲ
ﻛﺎﻟﺖ ﻳﻤﻌﻮﺩﻩ ﻋﻠﻤﺎ ﻭﺩﺍﻧﻲ ﺍﻟﺤﺎﺭﺱ
ﻣﻘﺒﻞ ﺍﻻ ﻛﺘﻠﻪ ﻣﺮﺕ ﺷﻴﺦ ﻓﻬﺪ ﻣﺮﻳﻀﻪ ﺑﺲ ﺍﺟﻴﺐ ﺍﻟﻬﺎ ﺩﻭﻩ ﻣﻦ ﺍﻟﺠﺪﻩ ﺭﺩ ﺧﺎﺑﺮ ﻓﻬﺪ ﻳﻜﻠﻪ ﻳﻠﻪ ﻳﻮﺩﻳﻨﻲ ﺑﺲ ﺭﺑﺞ ﺣﻀﺞ ﻋﺪﻝ ﻫﻤﺰﻳﻦ ﻣﺠﺎﻭﺑﻪ ﻛﻮﻩ ﻗﻨﻊ ﻭﺭﺣﺖ ﻭَﻳَﺎ ﻭﺟﺒﺘﻪ ﻭﺍﺟﻴﺖ ﻛﺘﻠﻬﺎ ﻗﺼﺪﺝ ﺍﻟﻔﺼﻠﻴﻪ ﻣﺎﻝ ﻓﻌﺪ ﻛﺎﻟﺖ ﺩﻛﻮﻣﻲ ﻳﻠﻪ ﺑﺴﺎﻉ ﺳﻮﻱ ﻋﻮﻓﺞ ﻣﻦ ﺍﻟﺤﺠﻲ
ﺍﺧﺬﺗﻪ ﻭﺭﺣﺖ ﻟﻠﺤﻤﺎﻡ ﺍﻟﺠﻮﺓ ﺳﻮﻳﺘﻪ ﺻﺎﺭ ﻣﻦ ﻧﺰﻟﺖ ﺟﻮﺓ ﻣﺎ ﺍﺳﺒﺢ ﺑﻲ ﺧﻮﺍﺗﻪ ﻭﺃﻣﻪ ﻣﻴﻘﺒﻠﻦ ﻋﺎﺩ ﻛﻠﺖ ﻟﻔﻬﺪ ﻭﺧﻼﻧﻲ ﺍﺳﺒﺢ ﺑﺎﻟﺤﻤﺎﻡ ﺍﻟﻲ ﺑﻐﺮﻓﺘﻪ
ﻭﺭﻩ ﺷﻮﻱ ﻃﻠﻌﺖ ﺍﻟﻨﺘﻴﺠﺔ ﻟﻄﻤﺖ ﻋﻠﻰ ﺧﺪﻭﺩﻱ ﻭﻃﻠﻌﺖ ﺍﺭﻛﺾ ﻭﺃﺻﻴﺢ ﻭﺝ ﺧﺎﻟﻪ ﻟﺤﻜﻴﻠﻲ ﺟﺘﻲ ﺗﺮﻛﺾ ﻛﺎﻟﺖ ﻭﻟﺞ ﺷﻜﻮ ﺧﻴﺮ
ﻛﺘﻠﻬﺎ ﻟﺞ ﺧﺎﻟﻪ ﻃﻠﻌﺖ ﺣﺎﻣﻞ ﺟﺎﻥ ﺗﻜﻮﻝ ﻃﺎﺡ ﺣﻀﺞ ﻋﺒﺎﻟﻲ ﺑﻴﺞ ﺷﻲ ﺍَﻱ ﺑﺎﻟﺨﻴﺮ ﻳﻮﻡ ﻧﻔﺎﺳﺞ ﻭﺗﻜﻮﻣﻴﻦ ﺑﺎﻟﺴﻼﻣﺔ ﻭﺍﻧﺸﺎﻟﻠﻪ ﻭﻟﺪ ﺍﻟﺼﺎﻟﺢ
ﺻﺮﺕ ﺍﻋﺼﺎﺏ ﺷﻤﺮﺕ ﺣﺘﻰ ﺍﻟﺘﺤﻠﻴﻞ ﻣﻦ ﺍﻳﺪﻱ ﻭﻛﻤﺖ ﺍﻋﻴﻂ ﻛﺘﻠﻬﺎ ﺧﺎﻟﻪ ﻳﺎ ﺧﻴﺮ ﻳﺎ ﺧﻴﺮ ﻛﻮﻟﻴﻠﻲ ﺍﻧﻲ ﺗﻌﺰﻳﺖ ﻭﺗﺼﺨﻤﺖ ﺗﺪﺭﻳﻦ ﺍﺫﺍ ﺩﺭﻭ ﺷﻨﻮ ﺣﻴﺼﻴﺮ ﻛﺎﻟﺖ ﻋﻠﻰ ﻛﻴﻔﺞ ﻳﻤﺔ ﻓﺪﻭﺓ ﺍَﻱ ﺷﺴﻮﻳﻦ ﻣﺘﻜﻮﻟﻴﻠﻲ ﻟﺨﺎﻃﺮ ﺍﻟﻠﻪ
ﻣﺎ ﺑﻴﺪﺝ ﺷﻲ ﺍﺭﺿﻲ ﺑﻮﺍﻗﻌﺞ ﺑﻌﺪ
ﻛﺘﻠﻬﺎ ﻭﺍﻟﻠﻪ ﻟﻮ ﺍﻋﺮﻑ ﺍﻣﻮﺕ ﻫﻢ ﻣﺎ ﺍﻗﺒﻞ ﺑﻬﺬﺍ ﺍﻷﻣﺮ ﻭﺍﻛﻌﺪ
ﻛﺎﻟﺖ ﻭﺍﻟﺤﻞ ﻛﺘﻠﻬﺎ ﻣﻮ ﺟﺎﻳﺒﻪ ﺗﻠﻔﻮﻧﺞ ﻛﺎﻟﺖ ﺍَﻱ ﻛﺘﻠﻬﺎ ﺧﻠﻲ ﺍﺭﺟﻊ ﺍﺧﺎﺑﺮﻩ ﻛﺎﻟﺖ ﻣﻮ ﻓﻬﺪ ﺧﻼﻩ ﻋﺪ ﺍﻟﺤﺎﺭﺱ ﻛﺎﻝ ﻣﻦ ﺗﺮﻳﺪﻳﻦ ﺷﻲ ﻃﻠﻌﻲ ﺧﺎﺑﺮﻱ
ﻛﺘﻠﻬﺎ ﺍﻭﻭﻑ ﺍﻭﻭﻑ ﻭﻳﻦ ﺍﻭﻟﻲ ﻫﺴﻪ..بيج قصص عراقيه
حقيقيه من واقعنا.روعه الطائي
ﺯﻳﻦ ﻣﻦ ﺩﺍﻡ ﻫﻤﺔ ﻣﻤﻮﺟﻮﺩﻳﻦ ﺧﻠﻲ ﺍﻧﻬﺰﻡ ﻛﺎﻟﺖ ﻳﻤﺔ ﻣﻨﻴﻦ ﺗﻨﻬﺰﻣﻴﻦ ﻭﻓﻬﺪ ﻣﺤﺴﺐ ﺑﻜﻠﺸﻴﺖ ﻗﻔﻞ ﺍﻟﺒﻮﺏ ﻛﻠﻬﺎ ﻭﺷﺎﻝ ﺍﻟﻤﻔﺎﺗﻴﺢ
ﻭﻭﻛﻒ ﻭﺍﺣﺪ ﻣﻦ ﺍﻟﺤﺮﺍﺱ ﻋﻠﻰ ﺑﺎﺏ ﺍﻟﻤﻄﺒﺦ ﻭﺍﻟﻴﻮﻡ ﺯﻳﺪ ﺍﻟﺤﺮﺍﺱ ﻻﻥ ﻣﻤﻮﺟﻮﺩﻳﻦ ﻭﺑﻌﺪﻳﻦ ﺑﻴﺖ ﻋﻤﺎﻣﺔ ﺑﻴﺖ ﻋﻠﻰ ﺑﻴﺖ ﻣﻔﺘﻮﺣﺎﺕ ﻭﻳﻦ ﺗﻨﻬﺰﻣﻴﻦ ﻛﻌﺪﺕ ﺑﺎﻟﻜﺎﻉ ﺍﻟﻄﻢ ﻭﺍﻛﻮﻟﻠﻬﺎ ﺍَﻱ ﺳﺪﻳﻬﺎ ﺑﻮﺟﻬﻲ ﺳﺪﻳﻬﺎ
ﻛﺎﻟﺖ ﺩﻛﻮﻣﻲ ﻓﺮﻓﺤﺖ ﺭﻭﺣﺞ ﺍﻣﺸﻲ
ﻛﻌﺪﻱ ﻣﺪﺩﻱ ﻣﻮ ﺣﺘﻰ ﺭﻭﺣﺞ ﺭﺍﺣﺖ ﻛﺘﻠﻬﺎ ﻋﺴﺎﻫﺎ ﻛﻮﻥ ﻭﺍﺧﻠﺺ
ﻛﺎﻟﺖ ﺍﺗﻌﻮﺫﻱ ﻣﻦ ﺍﺑﻠﻴﺲ ﻳﻤﺔ ﻭﺍﺳﺘﻐﻔﺮﻱ ﺍﻟﻠﻪ
ﻛﻤﺖ ﺍﺳﺤﻞ ﺑﺮﻭﺣﻲ ﻭﺍﺑﺠﻲ ﺍﺑﺪ ﻣﺎ ﺳﻜﺘﺖ
ﻭﺍﺣﺠﻲ ﻭﻳﻨﺞ ﻣﺎﻣﺎ ﻓﺪﻭﺓ ﺗﻌﺎﻱ ﻟﻴﺶ ﻣﺎ ﺟﻴﺘﻲ ﻟﺤﺪ ﺍﻻﻥ
ﺻﺎﺭ ﻭﻛﺖ ﺍﻟﻐﺪﻩ ﺍﺟﺘﻲ ﺍﻡ ﻋﻠﻲ ﻟﻠﺼﺎﻟﻪ ﺟﺎﻳﺒﻪ ﺍﻟﺼﻴﻨﻴﻪ ﻋﻠﻤﻮﺩﻱ ﺧﻄﻴﻪ ﻛﻤﺖ ﺍﻛﻠﺖ ﺷﻮﻱ ﺗﻤﻦ ﻭﻣﺮﻙ ﻻﻥ ﺍﻟﻴﻮﻡ ﺟﻮﻋﺎﻧﻪ
ﺑﺲ ﺍﻛﻞ ﻭﺍﺻﻔﻦ ﺍﺧﺮ ﺷﻲ ﻛﻠﺘﻠﻬﺎ ﺧﺎﻟﻪ ﻛﺎﻝ ﻫﺎ ﻋﻴﻨﻲ
ﻛﺘﻠﻬﺎ ﻟﺘﻜﻮﻟﻴﻠﻬﻢ ﺣﺎﻣﻞ ﻛﺎﻟﺖ ﻳﺎ ﻟﻴﺶ ﻭﺝ ﻋﺎﺩ ﻋﺎﻻﻗﻞ ﺷﻮﻱ ﺗﺨﻠﺼﻴﻦ ﻣﻦ ﺍﻟﻀﺮﺏ
ﻛﺘﻠﻬﺎ ﻣﻴﺨﺎﻟﻒ ﻟﺘﻜﻮﻟﻴﻠﻬﻢ ﻫﺴﻪ ﺑﻠﻜﺖ ﺍﻛﺪﺭ ﺍﻧﻬﺰﻡ ﻣﺎ ﺍﺑﻘﻰ ﻭﺍﺫﺍ ﺩﺭ ﺍﻧﻲ ﺣﺎﻣﻞ ﻣﺴﺘﺤﻴﻞ ﺍﻛﺪﺭ ﺍﻃﻠﻊ ﻭﻫﻤﺔ ﺩﺭﻭ ﺑﻴﻪ ﺣﺎﻣﻞ
ﻛﺎﻟﺖ ﻳﻤﺔ ﻟﻮ ﺗﺮﺣﻴﻦ ﻵﺧﺮ ﺍﻟﺪﻧﻴﺎ ﻣﻦ ﺩﺍﻣﺞ ﺣﺎﻣﻞ ﺑﺎﺑﻨﻬﻢ ﻣﺴﺘﺤﻴﻞ ﻳﻌﻮﻓﻮﺝ ﻭﺑﺎﻷﺧﺺ ﻓﻬﺪ ﺑﻌﺪﺝ ﻣﺘﻌﺮﻓﻲ ﻳﻄﻠﻌﺞ ﻣﻦ ﺟﻮﺓ ﺍﻟﻜﺎﻉ ﻣﻮ ﺳﻬﻞ ﺗﺮﻩ
ﻛﺘﻠﻬﺎ ﺍﻧﻲ ﺑﺲ ﺍﻃﻠﻊ ﻣﻨﺎ ﻭﺃﻭﺻﻞ ﺑﻐﺪﺍﺩ ﻳﺼﻴﺮ ﺧﻴﺮ
ﻛﺎﻟﺖ ﻭﺍﻟﻠﻪ ﻳﻤﻪ ﻣﺎ ﺍﺩﺭﻱ ﺷﻨﻮ ﺍﻛﻮﻟﺞ ﺑﺲ ﺧﺎﻑ ﻳﺎﺫﻧﺞ ﻭﺍﻧﺘﻲ ﺣﺎﻣﻞ
ﻛﺘﻠﻬﺎ ﺧﻠﻴﺘﻬﺎ ﻋﻠﻰ ﺍﻟﻠﻪ
ﻛﺘﻠﻬﺎ ﺯﻳﻦ ﺧﺎﻟﻪ ﺍﻧﻲ ﺍﻧﻄﻴﺞ ﺭﻗﻢ ﺍﻣﻲ ﻭﺻﻮﻓﻲ ﻭﺟﺪﻱ ﻭﺩﻛﻲ ﻋﻠﻴﻬﻦ ﺍﻟﻲ ﻣﻴﺠﺎﻭﺏ ﺩﻛﻲ ﻋﺎﻟﺜﺎﻧﻲ
ﻛﺎﻟﺖ ﺍَﻱ ﻭﺍﻟﻠﻪ ﻫﻢ ﺻﺪﻙ ﻣﻴﺨﺎﻟﻒ ﻛﺘﺒﻴﻬﻦ ﻭﺍﻧﻲ ﺍﺩﻙ ﻋﻠﻴﻬﻢ
ﻛﻤﺖ ﺑﻜﻞ ﻗﻮﺗﻲ ﻫﻠﻜﺪ ﻣﺎ ﺭﻭﺣﻲ ﻃﺎﻓﺮﺓ ﻭﺃﺭﻳﺪ ﺑﺲ ﺍﺧﻠﺺ
ﺩﻭﺭﺕ ﻭﺭﻗﻪ ﻭﻗﻠﻢ ﻣﺎﻛﻮ ﺻﻌﺪﺕ ﻟﻐﺮﻓﻪ ﻓﻬﺪ ﻃﻠﻌﺖ ﻭﺭﻗﻪ ﺑﺪﻭﻥ ﻣﺎ ﺍﺧﺮﺑﻂ ﺍﻷﻭﺭﺍﻕ ﻭﻛﺘﺒﺖ ﺍﻷﺭﻗﺎﻡ ﺑﺴﺎﻉ ﻭﺭﺟﻌﺖ ﺍﻟﻘﻠﻢ ﻭﻃﻠﻌﺖ ﻣﻦ ﺍﻟﻐﺮﻓﻪ ﻧﺰﻟﺖ ﺑﺴﺎﻉ ﻭﻧﻄﻴﺖ ﺍﻟﻮﺭﻗﺔ ﻻﻡ ﻋﻠﻲ ﺿﻤﺘﻬﺎ ﺑﺠﺰﺩﺍﻧﻬﺎ ﻛﺘﻠﻬﺎ ﺿﻤﻴﻬﺎ ﺑﺎﻟﺠﻴﺐ ﺍﻟﺼﻐﻴﺮ ﻻ ﻳﺮﻭﺣﻮﻥ ﻳﻠﻜﻮﻧﻬﺎ ﻻﻥ ﺻﺎﺭﺕ ﺑﻴﻪ ﺧﻮﻓﻪ ﻣﻨﻬﻢ ﻛﻠﺶ
ﺧﻄﻴﻪ ﺍﺑﺪ ﻣﺨﻠﺘﻨﻲ ﺍﺷﺘﻐﻞ ﺍﻟﻴﻮﻡ ﻛﻠﺔ ﺿﻠﻴﺖ ﻛﺎﻋﺪﻩ ﻟﺤﺪ ﻣﺎ ﺳﻤﻌﻨﻪ ﺻﻮﺗﻬﻢ ﺑﻠﻴﻞ ﺭﺟﻌﻮ ﻭﺍﻟﺒﺠﻲ ﻭﺍﻟﻨﻮﺡ ﻣﻦ ﺍﻟﺒﺎﺏ ﺑﺪﻩ ﻣﻦ ﺍﻭﻝ ﻣﻨﺰﻟﻮ
ﻭﺍﻡ ﻓﻬﺪ ﻣﺘﺨﺮﺑﻄﻪ ﻋﻠﻰ ﻛﺒﺮ ﺍﺑﻨﻬﺎ ﻛﺪ ﻣﺎ ﻹﻃﻤﺔ ﻭﻣﻮﺩﻳﻬﺎ ﻟﻠﻤﺴﺘﺸﻔﻰ
ﻭﺧﻮﺍﺗﻨﻪ ﻳﺘﺒﺎﺟﻦ ﺍﻧﻮﺏ ﺣﺘﻰ ﺍﻟﻤﺰﻭﺟﺎﺕ ﻳﺒﻘﻦ ﺍﻟﻴﻮﻡ ﻫﻨﺎ ﺍﻭﻑ ﻳﺎﺑﻪ ﺍﻭﻳﻠﻲ
ﺍﻡ ﻋﻠﻲ ﻣﻦ ﺳﻤﻌﺖ ﺍﺟﻮﻱ ﻛﺎﻟﺖ ﻛﻮﻣﻲ ﺍﻭﻛﻔﻲ ﺑﺎﻟﻤﻄﺒﺦ ﺳﻮﻱ ﺭﻭﺣﺞ ﺗﺸﺘﻐﻠﻴﻦ ﻋﺴﺎﺱ ﻋﻠﻤﻮﺩ ﻟﻴﻠﺰﻣﻮﻥ ﺣﺠﺔ ﻋﻠﻴﺞ
ﺍﻧﻲ ﻣﻦ ﺻﺪﻙ ﻛﻤﺖ ﻣﺎ ﺑﻴﻪ ﺣﻴﻞ ﻛﺘﻠﻪ ﺑﺲ ﺭﻏﻢ ﻫﺬﺍ ﻛﻠﻪ ﻣﺨﻠﺼﺖ
ﺍﻭﻝ ﻣﻄﺒﺖ ﺍﻡ ﻓﻬﺪ ﻭﻫﻴﻪ ﻣﻨﺎ ﻣﺘﻤﺮﺿﺔ ﻋﻠﻰ ﺍﺑﻨﻬﺎ ﻭﺗﺒﺠﻲ ﻣﺎ ﺳﻜﺘﺖ
ﺷﺎﻓﺘﻨﻲ ﺍﻧﻲ ﺻﺮﺕ ﻛﺪﺍﻣﻬﺎ ﻭﺍﺟﺖ ﺗﺮﻛﺾ ﻋﻠﻴﻪ ﻟﺰﻣﺘﻨﻲ ﻣﻠﺨﺘﻨﻲ ﺗﻤﻠﺦ ﻭﺗﻌﻴﻂ ﻣﻦ ﻭﺭﺍﻛﻢ ﺭﺍﺡ ﺍﺑﻨﻲ ﺍﻟﻠﻪ ﻻ ﻳﻮﻓﻘﻜﻢ ﺍﻧﺸﺎﻟﻠﻪ ﺭﺍﺡ ﻭﻟﻴﺪﻱ ﻭﺍﻧﻲ ﺍﻋﻴﻂ ﺟﻮﻩ ﺃﻳﺪﻫﺎ ﻭﻓﻬﺪ ﻳﺒﺎﻭﻉ ﻣﺒﻴﻦ ﺣﺘﻪ ﺑﺎﺟﻲ ﻋﻴﻮﻧﻪ ﺣﻤﺮ ﻭﻣﻬﻤﻮﻡ ﻳﻌﻨﻲ ﺭﺟﻊ ﺍﺫﻛﺮ ﺍﺧﻮﻩ ﻭﺭﺍﺡ ﻳﺰﻳﺪ ﺍﻟﻌﺬﺍﺏ
ﻳﺒﺎﻭﻉ ﻋﻠﻪ ﺃﻣﻪ ﻭﻳﺪﻳﺮ ﻭﺟﻬﺎ ﻭﺍﻧﻲ ﻫﺎﻱ ﺍﻟﺒﻘﺮﻩ ﺧﻠﺼﺖ ﻋﻠﻴﻪ ﻭﺍﻧﻲ ﺍﺑﺠﻲ ﻭﺍﻡ ﻋﻠﻲ ﺗﺠﺮ ﺗﻜﻮﻟﻠﻬﺎ ﻓﺪﻭﻩ ﻋﻮﻓﻴﻬﺎ ﺑﺪﺍﻋﺘﻪ ﻟﻠﻤﺮﺣﻮﻡ
ﺭﺩﺕ ﻋﻠﻴﻬﺎ ﺍﻟﺸﻴﺨﺔ ﺗﻜﻮﻟﻠﻬﺎ ﻋﻮﻓﻴﻬﺎ ﻳﻢ ﻋﻠﻴﻮﻱ ﻻ ﺗﺪﺧﻠﻴﻦ ﺧﻠﻴﻬﺎ ﺗﺒﺮﺩ ﻧﺎﺭ ﻛﻠﺒﻬﺎ ﺭﺩﺕ ﺍﻡ ﻋﻠﻲ ﺑﻌﻴﻄﻪ ﻛﻠﺘﻠﻬﺎ ﻣﻮ ﺷﻴﺨﻪ ﺯﻣﺮﺩ ﺣﺎﻣﻞ ﻫﻨﺎ ﺍﻟﻜﻞ ﺳﻜﺖ ﻭﺧﻨﺲ ﺣﺘﻰ ﺍﻡ ﻓﻬﺪ ﻭﻓﻬﺪ ﺑﺲ ﺳﻤﻊ ﻫﺎﻱ ﺇﻟﻜﻠﻤﻪ ﺭﺃﺳﺎ ﺍﻧﺪﺍﺭ ﻣﺘﻔﺎﺟﺊ ﻭﻣﺼﺪﻭﻡ ﻭﺷﻜﻠﺔ ﻣﺎ ﺻﺪﻙ ﻣﻦ ﺳﻤﻌﻬﺎ ﺑﻨﺖ ﺍﻟﻠﺬﻳﻦ ﺍﻟﻠﻪ ﻻ ﻳﻮﻓﻘﻬﺎ ﺍﻧﺸﺎﻟﻠﻪ ﺩﻣﺘﻨﻲ ﺧﺸﻤﻲ ﻛﺎﻡ ﻳﺬﺏ ﺩﻡ ﻣﻦ ﻭﺭﺍﻫﺎ ﻭﺭﻩ ﻛﺘﻠﻬﺎ ﺧﻠﺼﺖ ﺭﻭﺣﻲ ﻣﻦ ﺃﻳﺪﻫﺎ ﺑﺎﻟﻜﻮﺓ ﻭﺍﻧﻬﺰﻣﺖ ﻟﻠﻤﺨﺰﻥ ﻃﺒﻴﺖ ﺍﺭﻛﺾ ﻭﻗﻔﻠﺖ ﺍﻟﺒﺎﺏ ﻭﻛﻌﺪﺕ ﺍﺑﺠﻲ ﻃﻜﻴﺖ ﻣﻦ ﺍﻟﺒﺠﻲ ﺍﻭﻑ ﻳﺎ ﺧﺎﻟﻪ ﻣﻮ ﻛﺘﻠﺞ ﻻ ﺗﻜﻮﻟﻴﻦ ﻭﻻ ﺗﺤﺠﻴﻦ ﺷﺤﺠﺎﺝ ﻣﺘﻜﻮﻟﻴﻠﻲ ﺷﺮﺍﺡ ﻳﺨﻠﺼﻨﻲ ﻫﺴﻪ
ﺿﻠﻴﺖ ﺑﺎﻟﻤﺨﺰﻥ ﻣﺎ ﻃﻠﻌﺖ ﻭﻣﺤﺪ ﺍﺟﺔ ﻭﺳﺌﻞ ﻋﻠﻴﻪ ﺑﺲ ﺍﻡ ﻋﻠﻲ ﻭﺗﻮﺳﻠﺖ ﺍﻓﺘﺢ ﺍﻟﺒﺎﺏ ﻛﺘﻠﻬﺎ ﺧﺎﻟﻪ ﻋﻮﻓﻴﻨﻲ ﻻ ﺍﻛﺘﻞ ﻧﻔﺴﻲ ﻫﺴﻪ ﻭﺍﻟﻠﻪ ﺻﺪﻙ ﻋﺎﻓﺘﻨﻲ ﻭﺭﺍﺣﺖ ﻭﺑﻘﻴﺖ ﺑﺪﻭﻥ ﻻ ﻋﺸﻪ ﻭﻻ ﺑﺪﻟﺖ ﻣﻼﺑﺴﻲ
ﻟﺤﺪ ﻧﺺ ﺍﻟﻠﻴﻞ ﻭﺍﻧﻲ ﻛﺎﻋﺪﻩ ﻭﺍﺑﺠﻲ ﺑﻠﻜﺖ ﺑﺎﺟﺮ ﺧﺎﻟﻪ ﺍﻣﺮﻫﺎ ﺗﺠﻴﺒﻠﻲ ﺧﺒﺮ ﻋﻦ ﺍﻣﻲ ﺳﻤﻌﺖ ﺍﻟﺒﺎﺏ ﻣﺎﻝ ﺍﻟﻤﺨﺰﻥ ﺍﻧﻔﺘﺤﺖ ﺑﺲ ﺍﻧﻲ ﻗﺎﻓﻠﺘﻬﺎ
ﻋﺮﻓﺘﻪ ﻓﻬﺪ ﺟﺎﻥ ﻳﻜﻮﻝ ﺯﻣﺮﺩ ﺍﻓﺘﺤﻲ ﺍﻟﺒﺎﺏ ﻫﺎﻱ ﺍﻧﻲ ﻟﺘﺨﺎﻓﻴﻦ ﺿﺤﻜﺖ ﺑﻴﻨﻲ ﻭﺑﻴﻦ ﻧﻔﺴﻲ ﻳﻌﻨﻲ ﻋﻮﺩ ﻣﺎ ﺍﺧﺎﻑ ﻣﻨﻪ ﻫﻮ ﺳﺎﺱ ﺍﻟﺒﻠﻪ ﺍﻧﺘﻪ ﺷﻜﺪ ﺣﻘﻴﺮ ﻭﻛﺮﻫﺘﻚ ﻳﺮﺑﻲ
ﻣﺎ ﺭﺩﻳﺖ ﻋﻠﻴﻪ ﻭﻻ ﺟﺎﻭﺑﺘﻪ ﻭﻻ ﺳﻮﻳﺖ ﺻﻮﺕ ﻋﻠﻤﻮﺩ ﻋﺒﺎﻟﻪ ﻧﺎﻳﻤﻪ
ﺗﺎﻟﻲ ﺭﺍﺡ ﻣﻦ ﺷﺎﻑ ﻣﺎﻛﻮ ﺟﻮﺍﺏ ﻻﻥ ﻋﺒﺎﻟﻪ ﻧﺎﻳﻤﻪ ﻻﻥ ﺟﺎﻥ ﻧﺺ ﺍﻟﻠﻴﻞ
ﺛﺎﻧﻲ ﻳﻮﻡ ﺩﻛﺖ ﺍﻟﺒﺎﺏ ﺍﻡ ﻋﻠﻲ ﺍﻧﻲ ﻛﺎﻋﺪﻩ ﺍﺑﺪ ﻣﻨﻤﺖ ﻭﻻ ﻛﺪﺭﺕ ﺍﻧﺎﻡ
ﻛﻤﺖ ﻓﺘﺤﺘﻪ ﺍﻟﻬﺎ ﺷﺎﻓﺘﻨﻲ ﻋﻴﻮﻧﻲ ﻣﻮﺭﻣﻪ ﻣﺤﺠﺖ ﺷﻲ ﺑﺲ ﺗﻬﻮﻥ ﻋﻠﻴﻪ ﺭﺣﺖ ﻏﺴﻠﺖ ﻭﺟﻬﻲ ﻋﺎﻟﻤﻐﺴﻠﻪ ﺍﻟﻲ ﻳﻢ ﺍﻟﺤﻤﺎﻡ ﺑﺎﻟﺨﺘﻠﻪ ﻻﻥ ﺣﺘﻰ ﻫﺎﻱ ﻣﻤﺴﻤﻮﺡ ﺍﻟﻲ ﺍﻭﺻﻞ ﻳﻤﻬﺎ
ﺭﺣﺖ ﻟﻠﻤﻄﺒﺦ ﺑﻠﺸﻨﻪ ﺍﻧﻲ ﻭﺍﻡ ﻋﻠﻲ ﻫﻴﻪ ﺗﺴﻮﻱ ﺭﻳﻮﻙ ﻭﺍﻧﻲ ﺍﺣﻈﺮ ﺍﻟﻐﺮﺍﺽ ﻭﺍﻟﻤﻮﺍﻋﻴﻦ ﻻﻥ ﻣﻤﻨﻮﻉ ﻋﻠﻴﻪ ﺍﻧﻲ ﺍﻃﺒﺦ ﺍﻭ ﺍﺳﻮﻱ ﺍﻛﻞ ﻳﻠﻪ ﺑﻌﺪ ﺍﺣﺴﻦ ﺑﻬﻮﺍﻱ ﺃﻭﻟﻬﻦ ﻣﺎ ﺍﻛﺪﺭ ﺍﺳﻮﻱ ﻻﻥ ﻧﻔﺴﻲ ﺗﻠﻌﺐ
ﻛﻤﻠﻨﻪ ﻭﺭﺣﻨﻪ ﺣﻄﻴﻨﺎ ﺑﺎﻟﺼﺎﻟﻪ ﻭﻃﺒﻴﺖ ﻟﻠﻤﻄﺒﺦ ﻭﻫﻤﺔ ﻛﻌﺪﻭ ﻳﺘﺮﻳﻜﻮﻥ
ﺍﻧﻲ ﺑﺲ ﺻﺒﻴﺖ ﺟﺎﻱ ﻭﻛﻌﺪﺕ ﺍﺷﺮﺏ ﻣﺎ ﺍﻟﻲ ﻧﻔﺲ ﻛﻠﺸﻴﺖ ﺣﺘﻰ ﺍﻟﺠﺎﻱ ﻭﺍﺻﻼ ﺍﻧﻲ ﻣﺎ ﺍﺣﺒﻪ ﺑﺲ ﺭﺩﺕ ﺷﻲ ﻳﻄﺐ ﺑﻤﻌﺪﺗﻲ ﻋﻠﻤﻮﺩ ﺍﻛﺪﺭ ﺍﻭﻛﻒ ﺣﺘﻰ ﻟﻮ ﺑﺲ ﻣﻲ
ﺍﻡ ﻋﻠﻲ ﻣﻘﺒﻠﺖ ﻛﺎﻣﺖ ﺗﺤﺠﻲ ﻋﻠﻴﻪ ﻭﺍﻧﺘﻲ ﺣﺎﻣﻞ ﻭﺷﺎﻳﻠﻪ ﺭﻭﺡ ﺍﺛﻨﺎﺀ ﻫﺬﺍ ﺍﻟﺤﺠﻲ ﻃﺐ ﻟﻠﻤﻄﺒﺦ ﻓﻬﺪ ﺩﻳﻄﻠﻊ ﻟﻠﺸﻐﻞ ﺑﺪﻭﻥ ﻣﺎ ﺍﺑﺎﻭﻉ ﻋﻠﻴﻪ ﻭﺍﺷﻮﻓﻪ ﻛﺘﻠﻬﺎ ﻣﺎ ﺍﺷﺘﻬﻲ ﺷﻲ ﻣﺎ ﺍﻟﻲ ﻧﻔﺲ
ﺑﺎﻭﻉ ﻋﻠﻴﻪ ﻭﺧﻠﻪ ﻭﻃﻠﻊ
ﻛﻤﺖ ﻛﻮﺓ ﺍﺳﺤﻞ ﺑﺮﻭﺣﻲ ﺣﻴﻞ ﺗﻌﺒﺎﻧﻪ ﺍﻧﻲ ﺻﺎﺭﻟﻲ ﺍﺳﺒﻮﻉ ﻫﺎﻱ ﺣﺎﻟﺘﻲ ﻭﺗﺎﻟﻲ ﻃﻠﻊ ﺳﺒﺒﻪ ﺍﻟﺤﻤﻞ ﻻﻥ ﺍﻧﻲ ﻋﻨﺪﻱ ﻓﻘﺮ ﺩﻡ
ﺍﻟﺤﻤﺪﻟﻠﻪ ﻣﻦ ﻃﻠﻌﻦ ﺧﻮﺍﺗﻪ ﻟﻔﻬﺪ ﻣﺎ ﺿﺮﺑﻨﻲ ﺑﺲ ﻟﻮ ﻳﺤﺠﻦ ﻋﻠﻴﻪ ﻭﻳﺬﺑﻦ ﺣﺠﻲ ﻟﻮ ﻳﺘﺎﻣﺮﻥ ﻣﻦ ﻳﺮﻳﺪﻥ ﺷﻲ ﻭﻣﻴﺼﻴﺤﻦ ﺑﺎﺳﻤﻲ ﻛﻠﻪ ﺍﻟﻔﺼﻠﻴﻪ ﻟﻮ ﻳﺘﻔﻠﻦ ﻋﻠﻴﻪ
ﺃﻣﻪ ﻟﻔﻬﺪ ﺍﻟﻴﻮﻡ ﻣﺎ ﻃﻠﻌﺖ ﻣﺮﻳﻀﺔ ﻭﻧﺎﻳﻤﺔ ﻣﻦ ﻭﺭﻩ ﺍﺑﻨﻬﺎ ﺍﻟﺒﺎﺭﺣﺔ ﻣﻦ ﺭﺍﻳﺤﺔ ﻋﻠﻴﻪ ﻟﻠﻤﻘﺒﺮﺓ ﻟﻠﻴﻞ ﺩﺍﺭﻳﺪ ﺍﺳﺒﺢ ﻻﻥ ﺍﻟﻴﻮﻡ ﻣﺴﺒﺤﺖ ﺍﺑﺪ ﻭﻫﻨﺔ ﻣﻴﺨﻠﻴﻨﻲ ﺍﺳﺒﺢ ﺑﺎﻟﺤﻤﺎﻡ ﺍﻟﺠﻮﻩ
ﺍﺧﺬﺕ ﻣﻼﺑﺲ ﻭﺻﻌﺪﺕ ﺍﺳﺒﺢ ﻓﻮﻙ ﻛﻤﻠﺖ ﻭﻃﻠﻌﺖ ﺟﺎﻥ ﻫﻮ ﻣﻮﺟﻮﺩ ﺛﺎﺭﻱ ﻃﻠﻊ ﻣﺮﺍﻗﺒﻨﻲ ﺍﻟﺨﺒﻴﺚ ﻭﻣﻨﺘﻀﺮ ﺍﺻﻌﺪ ﻋﻠﻤﻮﺩ ﻳﻠﺤﻜﻨﻲ
ﻃﻠﻌﺖ ﺍﺗﺤﺎﺷﻴﺖ ﺍﻟﻨﻀﺮ ﺍﻟﻪ ﻭﻣﺎ ﺑﺎﻭﻋﺖ ﺍﺻﻼ ﺑﺲ ﻫﻮ ﺣﺎﺟﺎﻧﻲ ﺟﺎﻭﺑﺘﻪ ﻋﻠﻰ ﻛﺪ ﺍﻟﺴﻯﺆﺍﻝ ﻭﺧﻠﻴﺖ ﺩﺍﻃﻠﻊ ﻟﺰﻣﻨﻲ ﻣﻦ ﺍﻳﺪﻱ
ﻛﺎﻝ ﺍﻭﻛﻔﻲ ﺍﺭﻳﺪ ﺍﺣﺠﻲ ﻭﻳﺎﺝ ﻣﺮﺩﻳﺖ ﺑﺲ ﺍﻧﺘﻀﺮﺗﻪ ﻳﺤﺠﻲ ﻭﻳﻜﻤﻞ ﺍﺭﻳﺪ ﺍﻃﻠﻊ
ﺧﻠﻪ ﺍﻳﺪﻩ ﻋﻠﻰ ﺑﻄﻨﻲ ﻭﺟﺎﻥ ﻳﻜﻮﻝ ﻳﻌﻨﻲ ﻫﺴﻪ ﺍﺑﻨﻲ ﻫﻨﺎ ﺑﻴﻦ ﺍﺣﺸﺎﺋﺞ ﺻﺎﺭ
ﻳﻌﻨﻲ ﺍﻧﺘﻲ ﺷﺎﻳﻠﻪ ﺍﺑﻨﻲ ﻫﺴﻪ ﻳﻌﻨﻲ ﺍﻧﺘﻲ ﺷﺎﻳﻠﻪ ﺭﻭﺡ ﻣﻨﻲ ﺑﻄﻨﺞ ﺑﺎﻭﻋﺖ ﻋﻠﻴﻪ ﻫﺬﺍ ﺷﺒﻲ ﺧﺒﻞ ﻳﺮﺑﻲ
ﻛﺎﻡ ﻳﺒﻮﺱ ﺑﺮﻛﺒﺘﻲ ﻭﻳﻬﻤﺲ ﺍﺣﺲ ﻧﻔﺴﻲ ﻟﻌﺒﺖ ﻭﻛﺰﺑﺮ ﺟﺴﻤﻲ
ﺭﺩﺕ ﺍﻭﺧﺮ ﻣﻘﺒﻞ ﺗﺎﻟﻲ ﻫﻮ ﻓﻘﺪ ﻭﺍﻧﻲ ﺟﺮﻳﺖ ﺍﻳﺪﻱ ﻭﻃﻠﻌﺖ ﺑﺴﺎﻉ
ﻛﺎﻝ ﻭﻳﻦ ﺗﺮﺣﻴﻦ ﺍﻟﻴﻮﻡ ﺗﻌﺒﺎﻥ ﺑﺲ ﺍﻧﻲ ﺍﻟﺞ ﺑﺎﺟﺮ
ﻳﺘﺒﻊ ......
YOU ARE READING
فصلية لظالم وحش
Romance#فصليه_لظالم_وحش بقلم سقين الشمري قصة حقيقيه عن بنت يتيمه من بغداد تذهب فصليه لشخص ظالم عن ابن عمها القاتل اكو ولد مخنزر عليه همة كلهم بس هذا بالذات كال نزلي عدي حجي وياج اتفضلو بالشيوخ دخلو جوة للمضيف هسه جاي وراكم مشو همة واني تافافت ونزلت كتله...
