#فصليه_لظالم_وحش
١٧_____١٨
ﻓﺼﻠﻴﻪ ﻟﻈﺎﻟﻢ ( ﻭﺣﺶ )
ﺑﻘﻠﻤﻲ ( ﺳﻘﻴﻦ ﺍﻟﺸﻤﺮﻱ )
""" ﻭﺻﻠﺖ ﻟﻠﻤﺴﺘﺸﻔﻰ ﻭﺭﺣﺖ ﻟﻠﻐﺮﻓﻪ ﺍﻟﻲ ﻫﻤﺔ ﺑﻴﻬﺎ ﻟﻜﻴﺖ ﻭﻟﺪ ﻋﻤﻲ ﺑﺎﻟﺒﺎﺏ ﻭﺷﻜﻠﻬﻢ ﺑﺎﻳﻦ ﻋﻠﻲ ﺍﻟﻘﻠﻖ ﻭﺍﻡ ﻋﻠﻲ ﺗﺨﻤﻂ ﺑﺨﺪﻭﺩﻫﺎ ﻭﺗﺒﺠﻲ ﻭﺗﻨﺤﺐ
ﻭﺍﻟﻤﻤﺮﺿﻴﻦ ﻳﻄﺒﻮﻥ ﻭﻳﻄﻠﻌﻮﻥ
ﻣﺎ ﺍﻧﻜﺮ ﻭﺍﺟﺬﺏ ﻭﺍﻛﻮﻝ ﻣﺤﺴﻴﺖ ﺑﺸﻲ
ﻻ ﺑﺎﻟﻌﻜﺲ ﺍﻧﺨﻤﺶ ﻛﻠﺒﻲ
ﻛﻠﺖ ﺧﺎﻑ ﺻﺎﺭ ﺑﻴﻬﺎ ﺷﻲ
ﻭﺍﻟﻠﻪ ﻭﺻﻠﺖ ﻟﺒﺎﺏ ﺍﻟﻐﺮﻓﻪ ﺍﺭﻛﺾ
ﻭﺟﺎﻥ ﺃﻃﺐ ﻭﺍﻟﻜﻲ ﺯﻣﺮﺩ ﺻﺎﻳﺮ ﻭﺟﻬﺎ ﻟﻮﻧﻪ ﺃﺯﺭﻙ ﻭﺷﻜﻠﻬﺎ ﻣﺜﻞ ﺍﻟﻲ ﺩﺗﻄﻠﻊ ﺭﻭﺣﻪ
ﻭﺣﺎﻃﻴﻦ ﻗﻨﻴﻨﻪ ﺍﻭﻛﺴﺠﻴﻦ ﻭﻣﻠﺒﺴﻴﻬﺎ ﺍﻟﻜﻤﺎﻣﺔ ﻣﺎﻝ ﺍﻻﻭﻛﺴﺠﻴﻦ ﻭﺍﻟﻤﻤﺮﺿﺔ ﺷﻮﻱ ﻓﺎﺗﺤﺔ ﺍﻟﺸﺎﻝ ﻣﻦ ﻳﻢ ﺭﻛﺒﺘﻬﺎ ﻭﺗﻔﺮﻙ ﺑﻴﻬﺎ
ﻭﺍﻟﺪﻛﺎﺗﺮﺓ ﻣﺨﺒﻮﺻﻴﻦ ﺧﺒﺺ
ﻳﻌﻨﻲ ﺣﺎﻟﺘﻬﺎ ﺣﺎﻟﻪ
ﺣﺘﻰ ﺣﻴﻠﻲ ﺑﺎﺩ
ﻛﺘﻠﻬﻢ ﺷﻜﻮ ﺷﺒﻴﻬﺎ ﻟﻴﺶ ﻫﻴﺞ
ﻛﺎﻟﻮ ﻣﻨﺪﺭﻱ ﻛﺎﻋﺪﻳﻦ ﻫﻨﺎ ﺑﺮﻩ ﻭﺳﻤﻌﻨﺎ ﺻﻮﺗﻬﺎ ﺟﻮﺓ ﺗﺒﺠﻲ ﻭﺗﻜﺴﺮ ﺍﻟﻐﺮﺍﺽ ﻭﺗﻌﻴﻂ
ﺩﻛﻴﻨﻪ ﺍﻟﺒﺎﺏ ﻋﻠﻰ ﺍﻡ ﻋﻠﻲ ﻓﺘﺤﺘﻬﺎ ﺗﻜﻮﻝ ﺍﻟﺒﻨﻴﻪ ﻛﻌﺪﺕ
ﻭﺗﻬﺴﺘﺮﺕ ﺗﻜﻮﻝ ﺍﺭﻳﺪ ﺍﺭﻭﺡ ﻻﻣﻲ
ﺍﺣﻨﺔ ﺍﺳﺘﺤﻴﻨﺎ ﻧﻄﺐ
ﺑﺲ ﻭﻛﻔﻨﻪ ﺑﺎﻟﺒﺎﺏ
ﻭﻛﻠﻨﻪ ﻻﻡ ﻋﻠﻲ ﺗﺮﻭﺡ ﻋﻠﻴﻬﺎ ﻭﺍﺫﺍ ﺍﻋﺘﺎﺯﺕ ﺷﻲ ﺗﻜﻮﻝ
ﺣﺘﻰ ﺍﺫﺍ ﺍﻟﺪﻛﺘﻮﺭ ﺍﻭ ﺍﻟﻤﻤﺮﺿﺔ
ﻣﺎﻛﻮ ﺩﻗﻴﻘﺘﻴﻦ ﻭﺳﻤﻌﻨﻪ ﺍﻡ ﻋﻠﻲ ﺗﻌﻴﻂ
ﺩﺧﻠﻨﻪ ﻋﺒﺎﻟﻨﻪ ﺍﻧﺘﺤﺮﺕ
ﻟﻜﻴﻨﺎﻫﺎ ﻣﺨﺘﻨﻜﺔ ﻭﺣﺘﻰ ﻭﺟﻬﺎ ﻣﺰﺭﻙ ﻃﻠﻊ ﻣﻨﺬﺭ ﻳﺼﻴﺢ ﻟﻠﺪﻛﺘﻮﺭ ﻫﻴﻪ ﻭﻛﻌﺖ ﻓﺪﻧﻮﺏ
ﺍﺟﺎ ﺍﻟﺪﻛﺘﻮﺭ ﻳﺮﻛﺾ
ﺷﺎﻓﻬﺎ ﻭﺻﺎﺡ ﻋﺎﻟﻘﻨﻴﻨﻪ ﺍﻻﻭﻛﺴﺠﻴﻦ
ﻭﺍﻟﺪﻛﺎﺗﺮﻩ ﻫﻢ ﻭﻫﺎﻱ ﺷﻮﻑ ﺣﺎﻟﻬﺎ
ﻛﺘﻠﻬﻢ ﺷﻮﻛﺖ ﺻﺎﺭ ﻫﻴﺞ ﻛﺎﻟﻮ ﻣﻦ ﺭﺑﻊ ﺳﺎﻋﻪ
ﻋﻄﺖ ﻟﻴﺶ ﻣﺨﺎﺑﺮﺗﻮ ﻛﺎﻟﻮ ﺩﻛﻴﻨﻪ
ﻭﺗﻠﻔﻮﻧﻚ ﻣﻐﻠﻖ
ﺃﺫﻛﺮﺕ ﺧﻠﺺ ﺷﺤﻦ ﺻﺪﻙ
ﺍﺳﺘﻐﻔﺮﺕ ﺍﻟﻠﻪ
ﺍﻛﺜﺮ ﻣﻦ ﻧﺺ ﺳﺎﻋﻪ ﺍﻟﺪﻛﺎﺗﺮﻩ ﻋﻠﻰ ﺭﺍﺳﻬﺎ
ﻭﻳﻌﺎﻟﺠﻮﻥ ﺣﺎﻟﺘﻬﺎ ﻭﺯﻣﺮﺩ ﺑﺎﻟﻠﺤﻀﺎﺕ ﺍﻷﺧﻴﺮﺓ ﻳﻠﻪ
ﺻﺎﺭ ﻭﺟﻬﺎ ﻟﻮﻧﻪ ﻃﺒﻴﻌﻲ ﻭﺭﺟﻊ ﺍﻟﺪﻡ ﺑﻲ
ﺗﺎﻟﻲ ﻃﻠﻊ ﻋﺪﻫﺎ ﺭﺑﻮ
ﻭﺍﻧﻲ ﺍﻛﻮﻝ ﻟﻴﺶ ﺍﻟﺪﻛﺎﺗﺮﻩ ﻳﻜﻮﻟﻮﻥ ﺍﺧﺘﻨﻜﺖ ﺑﺎﻟﻌﻤﻠﻴﺔ
ﻳﻌﻨﻲ ﻛﻤﺖ ﻛﻞ ﺷﻮﻱ ﻭﺍﻛﻮﻝ ﻫﺴﻪ ﻳﻜﻮﻟﻮﻥ ﻣﺎﺗﺖ
ﻳﺮﺑﻲ ﺍﻧﺘﻪ ﺣﻠﻬﺎ
ﻋﻴﻨﻲ ﻫﺎﻱ ﺑﺲ ﺗﺮﺟﻊ ﺍﺧﻠﻴﻬﺎ ﺗﻨﺎﻡ ﺑﻐﺮﻓﺘﻲ ﻋﻠﻤﺎ ﺗﺼﻴﺮ ﺯﻳﻨﻪ
ﺍﻟﻠﻪ ﺷﺎﻫﺪ ﺍﻣﻲ ﻭﺧﻮﺍﺗﻲ ﻭﺣﺘﻰ ﺣﺒﻮﺑﺘﻲ ﻫﻢ ﻳﺠﻮﺯ ﻳﻤﻮﺗﻨﻬﺎ
ﺑﻨﺺ ﻳﻮﻡ ﺣﺘﻰ ﻣﻮ ﻳﻮﻡ
ﺧﻄﻴﻪ ﻭﻟﺪ ﻋﻤﻲ ﻣﻘﺒﻠﻮ ﻳﺮﻭﺣﻮﻥ ﺗﻮﺳﻠﺖ ﺑﻴﻬﻢ
ﻛﺘﻠﻬﻢ ﺍﻧﺘﻮ ﻫﻢ ﻋﺪﻛﻢ ﺷﻐﻞ ﻣﻦ ﺍﻟﺼﺒﺢ
ﺍﺫﺍ ﺍﺣﺘﺎﺟﻴﺖ ﺷﻲ ﻋﻮﺩ ﺍﺩﻙ ﻋﻠﻴﻜﻢ
ﺑﺎﻟﻜﻮﺓ ﻳﻠﻪ ﺭﺍﺣﻮ
ﻭﺭﺍﺣﻮ ﻫﻢ ﻓﺎﻳﺖ ﻭﻛﺖ
ﻃﺒﻴﺖ ﻟﻠﻐﺮﻓﻪ ﻭﻛﻠﺖ ﻻﻡ ﻋﻠﻲ ﺻﺪﻙ ﺃﺫﻛﺮﺕ
ﺍﻧﺘﻲ ﻣﻨﻮ ﺑﻘﻰ ﻳﻢ ﺑﻨﺎﺗﺞ ﻛﺎﻟﺖ ﺭﺍﺣﻦ ﻳﻢ ﺑﻴﺖ ﻋﻤﻬﻦ ﻳﺒﺎﺗﻦ ﺍﻟﻴﻮﻡ
ﺧﺎﺑﺮﺗﻬﻦ ﻭﻛﺘﻠﻬﻦ
ﻛﺘﻠﻪ ﺍﻋﺬﺭﻳﻨﻲ ﺑﺲ ﺩﺷﻮﻓﻴﻦ ﺍﻟﻮﺿﻊ ﻭﻣﺎﻛﻮ ﺑﺲ ﺍﻧﺘﻲ
ﻛﺎﻟﺖ ﻻ ﻳﻤﻪ ﺍﻟﻠﻪ ﺷﺎﻫﺪ ﻫﻴﻪ ﻣﺜﻞ ﺑﻨﺎﺗﻲ
ﻭﻫﻢ ﻳﺘﻴﻤﺔ ﻭﻣﺎ ﺍﻟﻬﺎ ﺍﺣﺪ
ﻣﻨﻮ ﻳﺠﻲ ﻭﻳﺎﻫﺎ ﻭﺍﻧﺘﻪ ﻣﺘﻜﺪﺭ ﻭﺣﺪﻙ ﻻﻥ ﻻﺯﻡ ﻣﺮﻩ ﻭﻳﺎﻫﺎ
ﻫﺰﻳﺖ ﺭﺍﺳﻲ ﺑﻤﻌﻨﻰ ﺍَﻱ
ﺭﺩﻳﺖ ﻛﺘﻠﻬﺎ ﺍﻧﺸﺎﻟﻠﻪ ﺑﺲ ﻧﻄﻠﻊ ﻣﻦ ﺍﻟﺼﺒﺢ
ﺍﻭﺩﻳﺞ ﻟﺒﻴﺘﺞ ﻭﺭﻭﺣﻲ ﻋﻜﺐ ﺑﺎﺟﺮ ﻳﻠﻪ ﺗﺠﻴﻦ
ﻫﻢ ﺍﺳﺒﺤﻲ ﻭﺍﺭﺗﺎﺣﻲ ﻭﺷﻮﻓﻲ ﺑﻴﺘﺞ ﻭﺑﻨﺎﺗﺞ
ﻭﻋﻮﺩ ﺗﻌﺎﻱ ﺛﺎﻧﻲ ﻳﻮﻡ
ﻋﺎﺩﺕ ﺳﺎﻟﺘﻬﺎ ﻛﺘﻠﻬﺎ ﻛﻮﻟﻲ ﺑﺎﻟﺘﻔﺼﻴﻞ ﺍﻟﻤﻤﻞ ﺷﻨﻮ ﺻﺎﺭ
ﻭﺳﻮﻟﻔﺘﻠﻲ ﻧﻔﺲ ﺣﺠﻲ ﺍﻟﻮﻟﺪ
ﺑﺲ ﻛﺎﻟﺖ ﺗﺨﺒﻠﺖ ﺭﺳﻤﻲ ﻣﻦ ﻛﻌﺪﺕ ﻭﺑﺲ ﺗﻌﻴﻂ
ﻭﺍﻟﻐﺮﺍﺽ ﺍﻟﻲ ﻳﻤﻬﺎ ﻋﺎﻟﻤﻴﺰ ﻛﻠﻪ ﺷﻤﺮﺗﻪ ﻭﻛﺴﺮﺗﻪ
ﻭﺗﻜﻮﻝ ﺍﺭﻳﺪ ﺍﻣﻲ
ﻣﻮ ﻗﺎﺑﻠﻪ ﺗﻜﻌﺪ ﻭﻻ ﺗﺒﻘﻰ
ﺍﻧﻲ ﺣﺎﻳﺮﻩ ﺍﺫﺍ ﻛﻌﺪﺕ ﺍﻧﻮﺏ ﺷﻠﻮﻥ
ﻛﺘﻠﻬﺎ ﻭﺍﻟﻠﻪ ﻣﺎ ﺍﺩﺭﻱ ﻋﻠﻤﻲ ﻋﻠﻤﺞ
ﺍﻟﻠﻪ ﻛﺮﻳﻢ ﺭﺑﺞ ﻳﺤﻠﻬﺎ
ﻛﺎﻟﺖ ﻳﻤﺔ ﻓﺪﻭﺓ ﻭﻟﻴﺪﻱ ﻭﺍﻟﻠﻪ ﻭﺭﺑﻲ ﺷﺎﻫﺪ ﺃﺣﺴﺒﻚ ﺍﺑﻨﻲ ﺍﻧﺘﻪ ﺍﻧﻲ ﻣﺎ ﻋﻨﺪﻱ ﻭﻟﺪ
ﻭﺍﻋﺘﺒﺮﻙ ﻭﻟﻴﺪﻱ
ﻛﺘﻠﻬﺎ ﺗﺴﻠﻤﻴﻦ ﺧﺎﻟﻪ ﻭﺍﻟﻠﻪ ﺍﻧﻲ ﻫﻢ ﺍﻋﺘﺒﺮﺝ ﻣﺜﻞ ﺍﻣﻲ
ﻛﺎﻟﺖ ﻟﻌﺪ ﺍﺫﺍ ﺻﺪﻙ ﺗﻌﺘﺒﺮﻧﻲ ﺍﻣﻚ
ﻻ ﺗﺄﺫﻱ ﺯﻣﺮﺩ
ﺳﻜﺘﺖ ﻣﺎ ﺭﺩﻳﺖ
ﻛﺎﻟﺖ ﻳﻤﺔ ﻭﺍﻟﻠﻪ ﻣﺎ ﻋﻠﻴﻬﺎ ﻫﻴﻪ
ﺍﻧﺘﻪ ﺍﺣﺴﺐ ﻭﺷﻮﻑ
ﻳﻌﻨﻲ ﻫﻴﻪ ﺷﺪﺧﻠﻬﺎ
ﺗﺪﺭﻱ ﻣﻦ ﺳﺎﻟﺘﻬﺎ ﺷﻠﻮﻥ
ﺩﺭﺕ ﻭﻛﺎﻟﻮﻟﻬﺎ
ﻛﺎﻟﺖ ﺍﻧﻮ ﻣﺘﺪﺭﻱ ﻣﺘﻌﺎﺭﻛﺔ ﻫﻴﻪ ﻭﺍﺑﻦ ﻋﻤﻬﺎ
ﻭﻛﺎﻳﻤﺔ ﺩﺗﺮﺟﻊ ﻟﺒﻐﺪﺍﺩ
ﻭﻣﻦ ﺩﺗﻄﻠﻊ ﻃﺎﺑﻴﻦ ﺍﻧﺘﻮ
ﻭﺟﺪﻫﺎ ﻫﺬﺍﻙ ﺍﻟﻮﻛﺖ ﻳﻠﻪ
ﻛﺎﻳﻞ ﺟﺪﻫﺎ ﺍﻟﺴﺎﻟﻔﻪ
ﻭﺍﻧﺘﻪ ﺗﺪﺭﻱ ﺍﻟﻲ ﻣﺴﻮﻳﺘﻪ
ﻛﺪﺍﻣﻜﻢ
ﺻﺪﻣﺔ ﻭﺣﺪﻩ ﺑﺖ ﺑﻐﺪﺍﺩ ﻭﺑﺖ ﻋﺰ ﻭﺩﻻﻝ
ﻭﻭﺣﺪﻩ ﻣﻦ ﺫﻧﻲ ﺍﻟﻔﺮﻱ ﺣﻴﺎﺗﻬﻦ
ﺗﺠﻲ ﺗﺼﻴﺮ ﻓﺼﻠﻴﻪ
ﺑﺪﻭﻥ ﻋﻘﺪ ﻣﺤﻜﻤﺔ ﻭﺑﺪﻭﻥ ﺣﻘﻮﻗﻬﺎ
ﻭﻓﻮﻛﺎﻫﺎ ﺗﻨﺎﻡ ﺑﻜﺘﻠﻪ
ﻭﺗﻜﻌﺪ ﺑﻜﺘﻠﻪ
ﺿﻠﺖ ﺗﺤﺠﻲ ﻭﻳﺎﻱ ﻭﺍﻧﻲ ﺑﺲ ﺍﺳﻤﻊ
ﻣﺎ ﺍﺩﺭﻱ ﺷﻨﻮ ﺍﻛﻮﻝ ﻭﺷﻨﻮ ﺍﺣﺠﻲ
ﻭﻫﻮ ﺣﺠﻴﻬﺎ ﺻﺪﻙ
ﺑﺲ ﺟﻴﺐ ﺍﻟﻲ ﻳﺎﺧﺬﻩ ﻭﻳﻜﻮﻝ ﺣﻚ ﺍﻟﻠﻪ ﻋﺪﻧﻪ
ﺛﺎﻧﻲ ﻳﻮﻡ ﺍﻟﺼﺒﺢ
ﺍﻟﺪﻛﺘﻮﺭ ﻛﺎﻝ ﻻ ﻃﻠﻌﻬﺎ
ﻣﻮ ﺯﻳﻦ ﻋﻠﻴﻬﺎ ﺑﺴﺒﺐ ﺍﻟﺼﺎﺭ ﺍﻟﺒﺎﺭﺣﺔ
ﺑﺲ ﺍﻧﻲ ﻭﻗﻌﺖ ﻋﻠﻰ ﻣﺴﺆﻭﻟﻴﺘﻲ ﻭﻃﻠﻌﺘﻬﺎ
ﻭﻫﻴﻪ ﻣﻦ ﻛﻌﺪﺕ ﺗﺒﺠﻲ ﻭﻣﺘﻬﺴﺘﺮﻩ
ﺧﻠﻴﺖ ﺍﻡ ﻋﻠﻲ ﻳﻤﻬﺎ ﺗﺴﻜﺘﻬﺎ
ﻭﺍﻧﻲ ﻃﻠﻌﺖ
ﻣﺎ ﻛﺎﺩﺭﻩ ﺗﺴﻜﺘﻬﺎ ﺍﻡ ﻋﻠﻲ ﺍﻻ
ﻛﺎﻳﻠﻪ ﺍﻟﻬﺎ ﻳﺎﺧﺬﺝ ﻳﻮﺩﻳﺞ ﻻﻣﺞ
ﺍﺣﺴﻬﺎ ﻣﻦ ﻛﻌﺪ ﻣﺎ ﺗﻌﺒﺎﻧﻪ ﺗﺮﻳﺪ ﺇﻱ ﺷﻲ
ﻳﺴﻜﺘﻬﺎ ﺣﺘﻰ ﻟﻮ ﺟﺬﺏ
ﺍﺧﺬﺗﻬﺎ ﻭﻃﻠﻌﺖ ﻛﻮﺓ ﺗﻤﺸﻲ ﺩﺍﻳﺨﺔ
ﻭﻣﻼﺑﺴﻬﺎ ﺻﺎﻳﺮ ﺑﻴﻬﺎ ﺩﻡ ﺭﺩﺕ ﺗﻜﻌﺪ ﻋﺎﻟﻜﺮﺳﻲ
ﻣﻘﺒﻠﺖ ﺗﺎﻟﻲ ﺃﻧﺘﺠﺖ ﻋﻠﻰ ﺍﻡ ﻋﻠﻲ ﻭﺍﻡ ﻋﻠﻲ ﻛﺎﻳﺪﺗﻬﺎ
ﻭﻃﻠﻌﻨﻪ ﺭﺣﺖ ﺍﻣﺸﻲ ﻛﺪﺍﻣﻬﻦ
ﻭﺟﺒﺖ ﺍﻟﺴﻴﺎﺭﻩ ﻭﺭﻛﺒﺘﻬﻦ
ﻭﺻﻠﻨﻪ ﻟﻠﺒﻴﺖ
ﻭﻧﺰﻟﻨﻪ ﻃﺒﻴﻨﻪ ﻟﻴﺠﻮﻩ
ﺑﻌﺪﻧﺎ ﺑﺲ ﻋﺒﺮﻧﺎ ﺑﺎﺏ ﺍﻟﻤﻄﺒﺦ
ﻭﺩﺧﻠﻨﺎ ﻟﻠﺼﺎﻟﻪ
ﺟﻔﺘﺖ ﺍﻣﻲ ﻋﻠﻰ ﺯﻣﺮﺩ ﺗﺮﻳﺪ ﺗﻜﺘﻠﻬﺎ
ﻫﻴﻪ ﺧﻄﻴﻪ ﺭﺃﺳﺎ ﻣﻦ ﺧﻮﻓﻬﺎ ﺧﺘﻠﺖ ﻭﺭﻩ ﺍﻡ ﻋﻠﻲ
ﻭﺗﺒﺠﻲ
ﻭﻛﻔﺖ ﻛﺪﺍﻡ ﺍﻣﻲ
ﻛﺘﻠﻬﺎ ﻳﻤﻪ ﺍﺭﻭﺣﻠﺞ ﻓﺪﻭﺓ
ﻣﻮﻫﺴﻪ ﺗﻮﻧﻲ ﺟﺒﺘﻬﺎ ﻣﻦ ﺍﻟﻤﺴﺘﺸﻔﻰ
ﻭﻣﺎ ﺑﻴﻪ ﺍﺭﺟﻊ ﺍﻟﻬﺎ ﺍﻧﻮﺏ ﺑﺆ ﺍﻧﺎﻡ ﺑﻴﻬﺎ
ﻭﺍﻟﻠﻪ ﺍﻟﺒﺎﺭﺣﺔ ﺗﻜﺴﺮﺕ ﻣﻦ ﻧﻮﻣﺔ ﺍﻟﻤﺴﺘﺸﻔﻰ
ﺍﻧﻮﺏ ﻳﺎ ﺭﻳﺖ ﻣﺤﺠﻴﺖ
ﺗﺨﺒﻠﺖ ﺍﻣﻲ ﺑﺎﻟﺰﺍﻳﺪ
ﻭﺩﻙ ﻭﻟﻄﻢ
ﻭﺻﻴﺎﺡ ﻭﻋﻴﺎﻁ
ﻭﺗﻜﻮﻝ ﺍﺧﺬﺗﺔ ﻣﻨﻲ ﺍﻟﻔﺼﻠﻴﻪ
ﻭﻋﻠﻤﻮﺩﻫﺎ ﻧﺎﻳﻢ ﺑﺎﻟﻤﺴﺘﺸﻔﻰ
ﻭﻭﻭﻭﻭ ﻛﻮﻣﺔ ﺣﺠﻲ
ﻭﻫﻴﻪ ﺑﺲ ﺗﺒﺠﻲ ﻭﻣﺠﻠﺒﻪ ﺑﺜﻮﺏ ﺍﻡ ﻋﻠﻲ
ﺍﺷﺮﺕ ﻻﻡ ﻋﻠﻲ ﻭﻛﺘﻠﻬﺎ ﺻﻌﺪﻳﻬﺎ ﻟﻐﺮﻓﺘﻲ
ﺟﺮﺗﻬﺎ ﺍﻡ ﻋﻠﻲ ﺩﺗﺼﻌﺪﻫﺎ
ﻃﻠﻌﺖ ﺍﻣﻲ ﺗﺮﻛﺾ ﻭﻭﻛﻔﺖ ﻋﺎﻟﺪﺭﺝ
ﻣﺘﻘﺒﻞ ﻳﺼﻌﺪﻥ
ﻛﺎﻟﺖ ﺍﻣﻲ ﺍﻧﻮﺏ ﺗﺮﻳﺪ ﺗﺼﻌﺪﻫﺎ ﻟﻐﺮﻓﺘﻚ ﻓﻬﺪ
ﺭﺣﺖ ﻋﻠﻴﻬﺎ ﺟﺮﻳﺘﻬﺎ ﻭﺍﺑﻮﺱ ﺑﺮﺃﺳﻬﺎ ﺑﺲ ﺗﻬﺪﺍ
ﻭﺃﺷﺮﺕ ﻻﻡ ﻋﻠﻲ ﻣﻦ ﻭﺭﺓ ﺍﻣﻲ ﺑﻤﻌﻨﻰ ﺗﺼﻌﺪ
ﻭﺟﺮﻳﺖ ﺍﻣﻲ ﻟﻠﻐﺮﻓﻪ ﻛﻮﺓ
ﻭﻫﻴﻪ ﺗﺒﺠﻲ ﻭﺻﻠﺖ ﻟﻠﻐﺮﻓﻪ ﻃﺒﺒﺘﻬﺎ
ﻭﺟﺎﻥ ﺗﻄﻠﻌﻨﻲ ﻭﺗﺴﺪ ﺍﻟﺒﺎﺏ
ﺯﻋﻠﺖ ﻋﻠﻴﻪ
ﻃﻜﺖ ﺭﻭﺣﻲ ﻭﻫﺎﻱ ﺍﻟﺒﺪﺍﻳﻪ ﺍﻭﻑ ﻳﺮﺑﻲ
بيج قصص عراقيه حقيقيه من واقعنا.روعه الطائي
ﺯﻣﺮﺩ : ﺑﻌﺪ ﻣﺎ ﻭﺻﻠﻨﻪ ﻟﻠﺒﻴﺖ ﻭ
ﺍﻟﺤﻔﻠﻪ ﺍﻟﻲ ﺳﻮﺗﻬﺎ ﺃﻣﺔ
ﻭﺍﻡ ﻋﻠﻲ ﺻﻌﺪﺗﻨﻲ ﻓﻮﻙ
ﻃﺒﺒﺘﻨﻲ ﻟﻐﺮﻓﻪ ﻓﻬﺪ
ﺟﺮﻳﺖ ﻧﻔﺴﻲ ﻭﻃﻠﻌﺖ
ﻛﺎﻟﺖ ﺧﻴﺮﺝ ﻳﻤﺔ ﺷﺒﻴﺞ
ﻛﺘﻠﻬﺎ ﺍﺧﺎﻑ ﺧﺎﻟﻪ ﻫﺴﻪ ﻳﺠﻲ
ﻭﺍﻧﻲ ﺍﺧﺎﻑ ﻣﻨﻪ
ﻛﺎﻟﺖ ﻻ ﻣﻴﺠﻲ ﻳﻤﺔ
ﻛﺘﻠﻬﺎ ﺍﺭﺟﻊ ﺍﻧﺎﻡ ﺑﺎﻟﻤﺨﺰﻥ
ﻛﺎﻟﺖ ﻣﺘﻜﺪﺭﻳﻦ ﻳﻤﺔ ﺭﺃﺳﺎ ﻳﻄﺒﻦ ﻋﻠﻴﺞ
ﻭﻳﻤﻮﺗﻨﺞ ﺑﺴﺎﻉ ﺫﻧﻲ ﻣﻴﺮﺣﻤﻦ
ﻭﺑﻌﺪﻳﻦ ﻣﻮ ﺯﻳﻦ ﻋﻠﻴﺞ
ﻭﺍﻧﺘﻲ ﻣﺴﻮﻳﻪ ﻋﻤﻠﻴﻪ
ﻭﻟﺮﺍﺳﺞ ﻫﻢ
ﻻﺯﻣﺞ ﺭﺍﺣﺔ
ﻭﺍﻟﻤﺨﺰﻥ ﺣﺎﺭ
ﺳﻜﺘﺖ
ﻛﺘﻠﻬﺎ ﻓﺪﻭﻩ ﺧﺎﻟﻪ ﺍﺭﻳﺪ ﺍﺳﺒﺢ
ﻛﺎﻟﺖ ﻫﺴﻪ ﺑﺲ ﺍﻧﺰﻝ ﺍﺟﻴﺒﻠﺞ ﻣﻼﺑﺲ
ﻛﺘﻠﻬﺎ ﻓﺪﻭﺓ ﺧﺎﻟﻪ ﺑﺴﺎﻉ
ﻻﻥ ﺗﻌﺒﺎﻧﻪ ﻛﻠﺶ
ﺍﻡ ﻋﻠﻲ : ﻛﺘﻠﻬﺎ ﺻﺎﺭ ﺗﺪﻟﻠﻴﻦ ﻣﻦ ﻋﻴﻮﻧﻲ
ﻧﺰﻟﺖ ﺍﺟﻴﺐ ﺍﻟﻬﺎ ﻣﻼﺑﺲ ﻣﻦ ﺍﻟﻲ ﺟﺎﺑﻬﻦ ﻓﻬﺪ
ﻃﺒﻴﺖ ﻟﻠﻤﺨﺰﻥ ﻭﺍﻟﻜﻲ ﻛﻠﻪ ﻣﻜﺼﻜﺺ
ﻭﻣﺸﻜﻚ ﻭﻣﺸﻜﻮﺭ ﺑﺎﻟﻜﺎﻉ
ﻛﺎﻟﺖ ﻳﺎ ﻋﺰﺍ ﻫﺎﻱ ﻣﻨﻮ ﻫﻴﺞ ﻣﺴﻮﻱ
ﻃﻠﻌﺖ ﻋﻠﻰ ﻓﻬﺪ ﺟﺎﻥ ﻣﺘﻤﺪﺩ ﺑﺎﻟﻬﻮﻝ
ﻛﺘﻠﻪ ﻳﻤﻪ ﻓﻬﺪ
ﺭﻓﻊ ﺭﺍﺳﻪ ﻛﺎﻝ ﻫﺎﻱ ﺧﺎﻟﻪ
ﻛﺘﻠﻪ ﺯﻣﺮﺩ ﺗﺮﻳﺪ ﺗﺴﺒﺢ
ﻛﺎﻝ ﺍَﻱ ﺧﻠﻲ ﺗﺴﺒﺢ ﻏﺮﻓﺘﻲ ﻣﻮ ﺑﻴﻬﺎ ﺣﻤﺎﻡ
ﻛﺘﻠﻪ ﻣﻮ ﺗﺮﻳﺪ ﻫﺪﻡ ﺷﻠﻮﻥ
ﻛﺎﻝ ﺷﺒﻴﺞ ﺧﺎﻟﻪ ﻣﻮ ﺟﺒﺘﻠﻬﺎ ﻭﺷﻔﺘﻴﻬﺎ ﺍﻟﺒﺎﺭﺣﺔ
ﻛﺘﻠﻪ ﻣﻮ ﻣﺪﺭﻱ ﻣﻨﻮ ﻣﺸﻜﻜﻬﻦ
ﻛﺎﻝ ﺷﻨﻮ
ﻛﺘﻠﻪ ﺍَﻱ ﻭﺍﻟﻠﻪ
ﻛﺎﻡ ﺭﺍﺡ ﻟﻠﻐﺮﻓﻪ ﺷﺎﻓﻬﻦ ﺷﻠﻮﻥ ﻣﺴﻮﻳﺎﺕ ﺑﻴﻬﻦ
ﺍﺳﺘﻐﻔﺮ ﺍﻟﻠﻪ
ﻛﺎﻝ ﻫﺴﻪ ﻓﺪ ﺷﻮﻱ
ﻣﺘﻜﺪﺭ ﺗﻨﺘﻀﺮ
ﺍﻃﻠﻊ ﻭﺍﺟﻴﺐ ﺍﻟﻬﺎ
ﻛﺘﻠﻪ ﻳﻤﻪ ﻫﻴﺔ ﺣﺘﻰ ﺍﻟﺪﻡ ﻳﺎﺑﺲ ﻋﻠﻰ ﺟﺴﻤﻬﺎ
ﻭﺑﻌﺪﻳﻦ ﻣﺎ ﺗﻌﺮﻑ ﻗﻴﺎﺳﻬﺎ
ﺍﺫﺍ ﺗﻘﺒﻞ ﻣﻦ ﺗﻮﺩﻳﻨﻲ ﻓﺪ ﺷﻮﻱ ﻟﺒﻴﺘﻲ
ﻗﺒﻠﻬﺎ ﻧﻤﺮ ﺍﺷﺘﺮﻱ ﺍﻟﻬﺎ ﻻﻥ ﺍﻧﻲ ﻋﺮﻓﺖ ﻗﻴﺎﺳﻬﺎ
ﻭﺍﺭﺟﻊ
ﻛﺎﻝ ﻣﻴﺨﺎﻟﻒ ﺑﻌﺪ ﺍﺣﺴﻦ
ﻻﻥ ﻣﺎ ﺍﻋﺮﻑ ﻗﻴﺎﺳﻬﺎ ﺍﻧﻲ
ﻭﺧﺎﻑ ﺗﺮﻳﺪ ﺷﻐﻼﺕ ﻧﺴﺎﺋﻴﻪ ﻭﺍﻧﻲ ﻣﺎ ﺍﻋﺮﻑ
ﻛﺘﻠﻪ ﺍَﻱ ﻳﻤﺔ ﻓﺪﻭﺓ
ﻫﺰ ﺭﺍﺳﻪ
ﻛﺘﻠﻪ ﺧﻠﻲ ﺍﺻﻌﺪ ﻋﻠﻴﻬﺎ
ﺍﺷﻮﻓﻬﺎ ﻣﻮ ﻛﺎﻋﺪﻩ ﺗﻨﺘﻀﺮ
ﺧﻠﻴﺖ ﻭﺻﻌﺪﺕ ﺍﻟﻬﺎ
ﻟﻜﻴﺘﻬﺎ ﻧﻔﺲ ﻣﻜﺎﻧﻬﺎ ﻛﺎﻋﺪﻩ ﻭﻻﺯﻣﺔ ﺭﺍﺳﻬﺎ
ﻛﺎﻟﺖ ﻫﺎ ﺧﺎﻟﻪ ﻭﻳﻦ ﺍﻟﻤﻼﺑﺲ
ﻛﺘﻠﻬﺎ ﻣﺎ ﺑﻴﺞ ﺗﻨﺘﻀﺮﻳﻦ ﻓﺪ ﺳﺎﻋﻪ
ﻋﻠﻤﺎ ﺍﺟﻴﺒﻠﺞ
ﻛﺎﻟﺖ ﻟﻴﺶ
ﻛﺘﻠﻬﺎ ﻣﻮ ﻣﺸﻜﻜﺎﺕ ﻣﻼﺑﺴﺞ
ﺑﺎﻭﻋﺖ ﻋﻠﻴﻪ ﻛﺎﻟﺖ ﺻﺪﻙ ﻛﺘﻠﻬﺎ ﺍَﻱ ﻭﺍﻟﻠﻪ
ﻛﺎﻟﺖ ﻭﻫﺴﻪ ﻣﻨﻴﻦ ﺣﺠﻴﺒﻴﻦ
ﻛﺘﻠﻬﺎ ﻣﻮ ﺍﻧﻲ ﺭﺍﺡ ﺍﺭﺟﻊ ﻟﺒﻴﺘﻲ
ﻻﻥ ﻳﻤﺔ ﻭﺍﻟﻠﻪ ﻣﻦ ﺍﻟﺒﺎﺭﺣﺔ ﻣﺎ ﺭﺣﺖ
ﻭﺑﻨﺎﺗﻲ ﺑﺎﺗﻦ ﻳﻢ ﺑﻴﺖ ﻋﻤﻬﻦ
ﻭﻓﻬﺪ ﺣﻴﻮﺩﻳﻨﻲ
ﻭﻛﺘﻠﻪ ﺍﻧﻲ ﺍﺭﻭﺡ ﺍﺷﺘﺮﻳﻠﺞ
ﻻﻥ ﻋﺮﻓﺖ ﻗﻴﺎﺳﺞ
ﻛﺎﻟﺖ ﺍَﻱ ﻓﺪﻭﺓ ﺧﺎﻟﻪ ﺑﺮﻭﺡ ﻣﻮﺗﺎﺝ ﺍﺭﻳﺪ ﺗﺮﺍﻛﺎﺕ
ﻣﻼﺑﺲ ﻣﺎﻝ ﻧﻮﻡ ﻳﻌﻨﻲ ﺩﺷﺎﺩﻳﺶ ﻗﺼﻴﺮﻩ
ﻭﺑﺮﻣﻮﺩﺍﺕ ﻻﻥ ﺍﻧﻲ ﻣﺎ ﺍﻋﺮﻑ ﺍﻧﺎﻡ ﺑﺬﻧﻲ
ﻫﺰﻳﺖ ﺭﺍﺳﻲ ﺍﻟﻬﺎ ﻭﺭﺩﺕ ﻛﺎﻟﺖ ﺑﺲ ﻫﺎ ﻣﻮ ﺟﻴﺒﻴﻬﻦ
ﻟﻮﻥ ﺍﺳﻮﺩ ﻻﻥ ﻣﺎ ﺍﻟﺒﺴﻬﻦ
ﻛﺘﻠﻬﺎ ﻣﻴﺨﺎﻟﻒ
ﻛﺎﻟﺖ ﻭﺍﻟﺒﺎﻗﻲ ﺍﺣﺘﻴﺎﺟﺎﺕ ﻣﺮﻩ ﺍﻧﺘﻲ ﺗﻌﺮﻓﻴﻦ ﻛﺘﻠﻬﺎ ﺍَﻱ ﻳﻤﺔ ﻣﻴﺨﺎﻟﻒ
ﻛﺘﻠﻬﺎ ﺍﻭﻛﻔﻲ ﺧﻠﻲ ﺍﺟﻴﺒﻠﺞ ﺭﻳﻮﻙ ﻗﺒﻞ ﻻ ﺍﺭﻭﺡ
ﺯﻣﺮﺩ : ﻛﺘﻠﻬﺎ ﻻ ﺗﺴﻠﻤﻴﻦ ﺭﻭﺣﻲ ﻣﺎ ﺍﺭﻳﺪ ﻣﺠﻮﻋﺎﻧﻪ
ﻭﺭﺍﺳﻲ ﻳﻮﺟﻌﻨﻲ ﻣﻮ ﻣﺎﻝ ﺍﻛﻞ
ﻛﺎﻟﺖ ﺍﻧﺒﻠﻪ ﻳﻤﺔ ﺍﻧﺘﻲ ﺳﻮﻳﺘﻲ ﻋﻤﻠﻴﻪ
ﻭﻋﻨﺪﺝ ﻓﻘﺮ ﺩﻡ ﻻﺯﻡ ﺗﺎﻛﻠﻴﻦ ﻫﺴﻪ ﺗﻮﻛﻌﻴﻦ
ﻛﺘﻠﻬﺎ ﻣﺎ ﺍﻟﻲ ﻧﻔﺲ ﻭﺍﻟﻠﻪ
ﻣﻮ ﻛﺎﺩﺭﺓ ﻣﻮ ﺑﻴﺪﻱ
ﺗﻮﺳﻠﺖ ﻛﺎﻟﺖ ﻋﻨﺪﺝ ﻋﻼﺝ
ﻣﻘﺒﻠﺖ ﻛﺘﻠﻬﺎ ﻣﺎ ﺍﻛﺪﺭ
ﺧﻠﺖ ﻭﺭﺍﺣﺖ ﻛﺘﻠﻬﺎ ﻓﺪﻭﺓ ﻛﻮﻟﻴﻠﻪ ﻟﻴﺘﺄﺧﺮ
ﻛﺎﻟﺖ ﺩﻛﻮﻣﻲ ﻗﻔﻠﻲ ﺍﻟﺒﺎﺏ ﻛﺘﻼ ﻟﻴﺶ
ﻛﺎﻟﺖ ﻋﻠﻤﻮﺩ ﻟﻴﺴﻮﻥ ﻫﺠﻮﻡ ﻋﻠﻴﺞ ﻭﺭﺓ ﻣﻴﻄﻠﻊ ﻓﻬﺪ
ﻛﺎﻟﺖ ﺍﻭ ﺍﻭﻛﻔﻲ ﺍﻧﻲ ﺣﻘﻔﻠﻬﺎ ﻭﺍﻧﻄﻲ ﺍﻟﻤﻔﺎﺗﻴﺢ ﻟﻔﻬﺪ
ﻛﺘﻠﻬﺎ ﺗﻤﺎﻡ ﻣﻴﺨﺎﻟﻒ
ﻛﺎﻟﺖ ﺑﺲ ﺍﺳﺒﺤﻲ ﺣﺘﻰ ﺿﻤﺎﺩ ﺭﺍﺳﺞ ﺳﻮﻭ ﺑﺎﻟﻤﺴﺸﺘﻔﻰ
ﻭﺑﺪﺃﻭ ﺍﻟﺸﺎﺵ ﻟﺘﻠﻌﺒﻴﻦ ﺑﻲ
بيج قصص عراقيه حقيقيه من واقعنا.روعه الطائي
ﺯﻣﺮﺩ : ﺭﺍﺣﺖ ﺍﻡ ﻋﻠﻲ
ﻭﺍﻧﻲ ﻛﻮﺓ ﻛﺎﺩﺭﻩ ﺃﺟﺮﻉ ﺭﻭﺣﻲ ﻣﻦ ﺭﻳﺤﺔ ﺍﻟﺰﻓﺮﻩ ﻣﺎﻝ ﺍﻟﺪﻡ
ﻭﺭﻳﺤﺔ ﺍﻟﻤﺴﺘﺸﻔﻰ ﺍﻟﻲ ﺑﻴﻪ
ﻳﻤﻜﻦ ﻋﺸﺮ ﺩﻗﺎﻳﻖ ﻭﻣﺎ ﻛﺪﺭﺕ ﺍﺟﺮﻉ ﺭﻭﺣﻲ
ﺗﺎﻟﻲ ﻛﻤﺖ ﻣﻜﺪﺭﺕ
ﺭﺣﺖ ﻓﺘﺤﺖ ﺧﺎﻧﻪ ﻓﻬﺪ ﻣﺎﻝ ﺍﻟﻤﻼﺑﺲ
ﻛﻮﺓ ﻋﻠﻰ ﺃﻋﺼﺎﺑﻲ
ﻛﻠﺒﺖ ﺑﻤﻼﺑﺴﻪ
ﻣﻠﻜﻴﺖ ﺷﻲ ﺑﺲ ﺑﻨﺎﻃﻴﺮ ﻭﻗﻤﺼﺎﻥ ﻭﺩﺷﺎﺩﻳﺶ
ﺭﺩﺕ ﺗﺮﺍﻛﺴﻮﺩ ﺍﻭ ﺑﺠﺎﻣﻪ ﻣﺎﻛﻮ
ﺗﺎﻟﻲ ﺟﺮﻳﺖ ﻗﻤﻴﺺ ﻣﻦ ﻣﻸﺗﻪ
ﻭﺣﻄﻴﺘﻪ ﻋﻠﻰ ﺟﺴﻤﻲ ﻛﺪﺍﻡ ﺍﻟﻤﺮﺍﻳﻪ ﺯﻳﻦ ﻳﻮﺻﻞ ﻟﺮﻛﺒﺘﻲ
ﻻﻥ ﻫﻮ ﺿﺨﻢ ﺿﺤﻜﺖ ﻛﻠﺖ ﺣﺴﻮﻱ ﻣﺜﻞ ﺍﻟﻤﺴﻠﺴﻼﺕ
ﺑﺲ ﺷﻨﻮ ﻛﻮﺓ ﺍﺧﺬﺗﻪ ﻻﻥ ﻣﺎﻟﺘﻪ ﻭﺍﻧﻮﺏ ﻛﻠﺖ ﺧﺎﻑ ﻣﻴﻘﺒﻞ
ﻋﺎﺩ ﺗﺎﻟﻲ ﺷﺴﻮﻳﻠﻪ ﻣﻮ ﻛﺎﺩﺭﻩ ﺍﺟﺮﻉ ﺭﻭﺣﻲ
ﺣﺘﻰ ﺷﻌﺮﻱ ﺑﻲ ﺭﻳﺤﺔ ﺩﻡ
ﻛﻤﺖ ﺍﺧﺬﺗﻪ
ﻭﺳﺪﻳﺖ ﺑﺎﺏ ﺍﻟﻜﻨﺘﻮﺭ
ﻭﻃﺒﻴﺖ ﻟﻠﺤﻤﺎﻡ ﻣﺎﻟﺘﻪ
ﺯﻳﻦ ﺣﻠﻮ ﻣﺮﺗﺐ ﺑﺎﻟﻨﺴﺒﻪ ﻟﺸﺎﺏ ﻣﻤﺰﻭﺝ
ﻛﻠﺖ ﺍﻛﻴﺪ ﺍﻡ ﻋﻠﻲ ﺗﺮﺗﺐ ﻣﻮ ﺫﻧﻲ ﺍﻟﺴﻌﺎﻟﻮ
ﻗﻔﻠﺖ ﺑﺎﺏ ﺍﻟﺤﻤﺎﻡ ﻛﻠﺖ ﺧﺎﻑ ﻳﺠﻲ ﻫﻮ ﻭﺍﻧﻲ ﺑﺎﻟﺤﻤﺎﻡ
ﻧﺰﻋﺖ ﻣﻼﺑﺴﻲ ﻭﺫﺑﻴﺖ ﺍﻟﺒﺪﻱ ﺑﺴﻠﻪ ﺍﻟﺰﺑﻞ ﻛﺮﻣﻜﻢ ﺍﻟﻠﻪ ﻭﺍﻟﺒﻄﺮﻭﻥ ﺧﻠﻴﺘﻪ ﻻﻥ ﻣﺒﻲ ﺷﻲ ﺳﺒﺤﺖ ﻭﻏﺴﻠﺖ ﺍﻟﻲ ﺟﻮﺓ ﻣﻦ ﺷﻌﺮﻱ ﺑﺲ ﻣﺎ ﺧﻠﻴﺖ ﻳﻮﺻﻞ ﻣﻲ ﻟﻠﺠﺮﺡ
ﻭﺧﻠﻴﺖ ﺷﺎﻣﺒﻮ ﻣﻦ ﻣﺎﻝ ﻓﻬﺪ ﻟﺸﻌﺮﻱ
ﺗﺎﻟﻲ ﺷﻴﺎﻛﺘﻲ ﻭﺑﺮﻳﺴﺘﻴﺠﻲ ﺍﺳﺒﺢ ﺑﺸﺎﻣﺒﻮ ﺭﺟﺎﻟﻲ 😅
ﺑﺲ ﺷﺴﻮﻱ ﻣﻀﻄﺮﺓ ﻋﻠﻤﻮﺩ ﺭﻳﺤﺔ ﺍﻟﺪﻡ ﺗﺮﻭﺡ ﻣﻦ ﺷﻌﺮﻱ
ﻫﻤﺰﻳﻦ ﺃﻣﻮ ﻏﺴﻮﻝ ﻣﺤﻄﻮﻁ
ﻏﺴﻠﺖ ﺑﻲ ﺟﺴﻤﻲ ﺑﺲ ﺑﺪﻭﻥ ﻟﻴﻔﻪ
ﻛﻤﻠﺖ ﻭﻟﻜﻴﺖ ﻣﻨﺸﻔﻪ ﻣﻌﻠﻜﺔ ﺑﺎﻟﺤﻤﺎﻡ ﺍﻧﺸﻘﺖ ﺑﻴﻬﺎ
ﻭﻳﻦ ﺟﻨﺖ ﻭﻳﻦ ﺻﺮﺕ ﺟﺎﻥ ﻛﻠﺸﻴﺖ ﺍﻟﻲ ﻭﺣﺪﻱ
ﻣﻤﻨﻮﻉ ﺍﺣﺪ ﻳﺴﺘﻌﻤﻠﻪ ﺍﻭ ﻳﻠﺰﻣﺔ ﻭﻫﺴﻪ ﻭﻳﻦ ﺻﺮﺕ
ﻟﺒﺴﺖ ﺍﻟﻘﻤﻴﺺ ﻭﻃﻠﻌﺖ ﺷﻔﺖ ﺭﻭﺣﻲ ﺑﺎﻟﻤﺮﺍﻳﺎ
ﺍﻧﻮﺏ ﺍﻟﺪﺍﺧﻠﻴﺎﺕ ﻣﺎﻛﻮ ﻳﺮﺑﻲ ﻫﻤﺰﻳﻦ ﺍﻟﻘﻤﻴﺺ ﻃﻮﻳﻞ ﺟﺎﻥ ﺍﻧﻔﻀﺤﺖ 😂
ﺿﺤﻜﺖ ﻋﻠﻰ ﻧﻔﺴﻲ ﺟﻨﻲ ﻭﺣﺪﺓ ﻣﻦ ﺫﻧﻲ ﺍﻟﻲ ﺑﺎﻟﻤﺴﻠﺴﻼﺕ ﻳﻠﺒﺴﻦ ﻗﻤﺼﺎﻥ ﺍﻟﺰﻟﻢ
ﻋﺎﺩ ﺷﻔﺖ ﺍﻟﺼﺎﻟﻪ ﻣﺎﻛﻮ ﺍﺣﺪ ﺑﻴﻬﺎ ﻳﻌﻨﻲ ﺑﻌﺪﻩ ﻣﺠﺎﻱ
ﺭﺍﺳﻲ ﺫﺑﺤﻨﻲ ﻣﻦ ﺍﻟﻮﺟﻊ
ﻟﻜﻴﺖ ﺑﺮﺍﺩ ﺻﻐﻴﺮﻭﻧﻲ ﺑﺎﻟﻐﺮﻓﺔ ﻓﺘﺤﺘﻪ ﻟﻜﻴﺖ ﺑﻲ ﻣﻲ ﻭﻋﺼﺎﻳﺮ
ﻭﻓﻮﺍﻛﻪ
ﺟﺮﻳﺖ ﺑﻄﻞ ﻣﻲ ﻭﻃﻠﻌﺖ ﺍﻟﺪﻭﺓ ﻭﺷﺮﺑﺖ ﺍﻟﻤﺴﻜﻦ
ﻭﺭﺣﺖ ﻟﻠﻔﺮﺍﺵ ﻭﺧﺮﺕ ﺍﻟﻠﺤﺎﻑ
ﻭﻣﺪﺩﺕ ﻭﺗﻐﻄﻴﺖ
ﻛﻠﺖ ﻻ ﻟﻌﻨﻪ ﺍﻟﻠﻪ ﻋﻠﻴﻚ ﻣﺮﺗﺎﺡ ﻫﻨﺎ ﻭﻧﺎﻡ ﻭﺍﻧﻲ ﻣﺨﻠﻴﻨﻲ ﻧﺎﻳﻤﺔ ﺑﺎﻟﻤﺨﺰﻥ ﻭﺑﺎﻟﻜﺎﻉ
ﻣﺸﻐﻼ ﺍﻟﺴﺒﻠﺖ ﻛﻠﺖ ﺧﺎﻑ ﻣﻴﻘﺒﻞ
ﺿﻠﻴﺖ ﻋﺎﻟﻤﺮﻭﺣﺔ
ﻭﻓﻜﺮﺕ ﺧﺎﻑ ﻳﺠﻲ ﻭﻳﻄﺐ ﻟﻠﻐﺮﻓﻪ
ﻭﺍﻧﻲ ﺍﺧﺎﻑ ﻣﻨﺔ
ﻭﺧﺎﻑ ﻳﺴﺘﻐﻞ ﺿﻌﻔﻲ ﻭﻳﺴﻮﻱ ﺍﻟﻲ ﻳﺮﻳﺪﻩ
ﻭﺧﺎﻑ ﻳﻨﺎﻡ ﺑﺎﻟﻐﺮﻓﺔ
ﻭﺧﺎﻑ ﻭﺧﺎﻑ ﻭﺧﺎﻑ ﺍﻭﻭﻭ
ﺭﺩﻳﺖ ﻟﻠﺸﻲ ﺍﻟﻲ
ﺣﻴﺮﻧﻲ ﻭﺷﻐﻞ ﺑﺎﻟﻲ ﻭﺍﻓﻜﺮ ﺑﻲ ﻭﻳﺄﻛﻞ ﻭﻳﺸﺮﺏ ﻭﻳﺎﻱ
ﻫﻮ ﺍﻣﻲ ﻟﻴﺶ ﻣﺠﺘﻲ ﻟﻴﺶ ﻣﺤﺪ ﺍﺟﻰ ﻋﻠﻴﻪ
ﻭﺷﻨﻮ ﺍﻟﻲ ﺻﺎﺭ ﺑﻴﻬﺎ ﺑﻌﺪ ﺫﺍﻙ ﺍﻟﻴﻮﻡ
ﺧﺎﻑ ﺑﻌﺪﻫﺎ ﻣﻮ ﺯﻳﻨﻪ
ﺧﺎﻑ ﺑﻴﺖ ﺍﻫﻞ ﺑﺎﺑﺎ ﻣﺎ ﻛﺎﻟﻮ ﻟﺒﻴﺖ ﺟﺪﻭ ﺍﻫﻞ ﺑﻐﺪﺍﺩ
ﺷﻨﻮ ﺍﻟﻲ ﺻﺎﺭ
ﺣﻴﺼﻴﺮﻟﻲ ﺍﺳﺒﻮﻉ
ﻣﺤﺪ ﺍﺟﻪ ﻋﻠﻴﻪ ﻟﻴﺶ
ﺣﺘﻰ ﻟﻮ ﻣﻴﻨﺪﻟﻮﻥ ﻳﺴﺎﻟﻮﻥ ﻭﻳﺪﻟﻮﻧﻬﻢ
ﺍﻛﻴﺪ ﺍﻛﻮ ﺷﻲ
ﻣﺎﻣﺎ ﻣﺘﻌﻮﻓﻨﻲ ﺍﺩﺭﻱ ﺑﻴﻬﺎ
ﻣﺘﺘﺨﻠﻰ ﻋﻨﻲ
ﻫﻴﻪ ﺣﺎﺭﺑﺖ ﺍﻟﻜﻞ ﻋﻠﻤﻮﺩﻱ
ﻣﻤﻌﻘﻮﻟﻪ ﺗﻌﻮﻓﻨﻲ
ﺍﺭﻳﺪ ﺍﻋﺮﻑ ﻭﺍﻓﺘﻬﻢ
ﻛﻮﻥ ﻫﺴﻪ ﺍﻧﻬﺰﻡ ﻭﺍﻃﻠﻊ ﻣﻨﺎ
ﻭﺍﺷﻮﻑ ﺷﻨﻮ ﺍﻟﻲ ﺻﺎﺭ
ﺍﻧﻮﺏ ﻛﻠﺒﻲ ﻳﻢ ﻣﺎﻣﺎ ﺧﺎﻑ ﻣﻦ ﻭﻛﻌﺖ ﺻﺎﺭ ﺑﻴﻬﺎ ﺷﻲ
ﺫﻭﻟﻪ ﺑﺲ ﻻ ﻋﺒﺎﻟﻬﻢ ﺭﺿﺨﺖ ﺍﻟﻬﻢ
ﻭﻛﻌﺪﺕ ﻭﺳﻜﺘﺖ
ﺑﺲ ﺗﺼﺢ ﺍﻟﻲ ﻓﺮﺻﻪ ﺍﻻ ﺍﻧﻬﺰﻡ
ﻭﺑﻴﺖ ﺍﻫﻞ ﺑﺎﺑﺎ ﺍﻭﻑ ﺫﻭﻟﻲ ﺑﺲ ﺍﻟﻠﻪ ﻳﺨﻠﺼﻨﻲ ﻣﻦ ﺍﻟﻤﺸﻜﻠﻪ ﺍﻟﻲ ﺍﻧﻲ ﺑﻴﻬﺎ
ﺍﻻ ﺍﺗﺒﺮﻩ ﻣﻨﻬﻢ
ﺿﻠﻴﺖ ﺍﻓﻜﺮ ﻭﺃﻓﻜﺮ ﻟﺤﺪ ﻣﺎ ﺑﻌﺪ ﻣﺎ ﺩﺭﻳﺖ ﺑﻨﻔﺴﻲ ﻭﻏﻔﻴﺖ
ﺍﻡ ﻋﻠﻲ : ﺭﻛﺒﺖ ﻭﻳﺔ ﻓﻬﺪ
ﻭﻃﻠﻊ ﺑﻴﻨﻪ ﻟﻮﻻﻳﻪ ﺛﺎﻧﻴﻪ ﺗﺒﻌﺪ ﻧﺺ ﺳﺎﻋﻪ ﻛﺎﻝ ﺍﻛﻮ ﺑﻴﻬﺎ ﻣﺠﻤﻊ ﺟﺒﻴﺮ ﻛﻠﺶ ﻭﻛﻠﺸﻴﺖ ﻣﺘﻮﻓﺮ ﺑﻲ
ﻣﻨﺎﻙ ﺍﺣﺴﻦ ﻭﻟﻮ ﺭﺍﺡ ﺃﺃﺧﺮﺝ
ﻛﺘﻠﻪ ﻻ ﻋﺎﺩﻱ
ﻭﺻﻠﻨﻪ ﻭﻧﺰﻟﻨﻪ ﻭﺍﻧﻲ ﺍﻓﺘﺮ ﻭﻫﻮ ﻳﻤﺸﻲ ﻭﻳﺎﻱ
ﻛﺎﻝ ﺷﻨﻮ ﺗﺮﻳﺪﻳﻦ ﺍﺧﺬﻱ ﺍﻟﻬﺎ ﻋﺴﺎ ﻣﺎ ﺑﻤﻠﻴﻮﻥ ﻻﻥ ﺑﻌﺪ ﻣﺎ ﺍﻃﻠﻊ ﺍﺧﺬ ﺍﻟﻬﺎ ﺑﺲ ﺍﺧﺬﻱ ﻟﻮﻥ ﺍﺳﻮﺩ ﻫﺰﻳﺖ ﺭﺍﺳﻲ ﺑﺎﻱ
ﻛﻤﺖ ﺍﺷﺘﺮﻱ ﺍﻟﻬﺎ ﺍﺧﺬﺕ ﺩﺷﺎﺩﻳﺶ
ﻭﺃﺧﺬﺕ ﺗﺮﺍﻛﺎﺕ ﻣﻦ ﺳﺎﻝ ﻟﻴﺶ ﻣﻮ ﺍﺳﻮﺩ ﻭﺫﻧﻲ ﺷﻨﻮ ﺍﺧﺬﺗﻴﻬﻦ
ﻛﺘﻠﻪ ﻳﻤﺔ ﻫﻴﻪ ﺭﺍﺩﺕ
ﻭﺧﻠﻲ ﺗﻠﺒﺴﻬﻦ ﺑﺎﻟﻐﺮﻓﺔ ﻋﻠﻤﺎ ﺗﺘﻌﻮﺩ ﻋﺎﻟﺪﺷﺎﺩﻳﺶ
ﺳﻜﺖ ﻣﺤﺠﺔ ﻛﺎﻝ ﻟﻴﺶ ﻣﻮ ﻟﻮﻥ ﺍﺳﻮﺩ
ﻛﺘﻠﻪ ﻣﺤﺪ ﺣﻴﺸﻮﻓﻬﺎ ﺑﻴﻬﻦ
ﻛﺎﻝ ﻭﺍﻧﻲ ﻣﺎ ﺍﺷﻮﻓﻬﺎ ﻳﻌﻨﻲ
ﻛﺘﻠﻪ ﻳﻤﺔ ﺍﻧﺘﻪ ﻣﻮ ﺗﺮﻳﺪ ﺗﺎﺧﺬﻫﺎ ﻭﺗﺮﻳﺪ ﻣﻨﻬﺎ ﺣﻘﻮﻕ ﺯﻭﺟﻴﻪ ﺍﻧﺘﻪ ﻭﻟﻴﺪﻱ ﺍﺫﺍ ﺣﺠﻴﺖ ﻫﻴﺞ
ﻭﻛﻠﺖ ﺍﻟﻚ ﻭﻛﻠﻨﻪ ﻧﺪﺭﻱ ﺍﻧﺘﻪ ﺣﺘﺎﺧﺬﻫﺎ ﻭﻫﺬﺍ ﺍﻟﻘﺎﻧﻮﻥ ﻫﻨﺎ
ﻗﺎﺑﻞ ﻣﻦ ﺗﺮﻭﺡ ﻋﻠﻴﻬﺎ ﺗﻠﻜﻴﻬﺎ ﺑﺎﻷﺳﻮﺩ
ﻟﻮ ﺑﺎﻟﺪﺷﺎﺩﺷﻪ
ﻫﺰ ﺭﺍﺳﻪ ﻭﻛﺎﻝ ﻛﻴﻔﺞ ﺍﺧﺬﻱ ﺍﻟﻲ ﻳﻌﺠﺒﺞ
ﺍﺑﺘﺴﻤﺖ ﺑﺮﺿﻰ ﺍﻟﻪ
ﻛﻤﺖ ﺍﺧﺬ ﺍﺧﺬﺕ ﺑﺮﻣﻮﺩﺍﺕ ﻭﺩﺷﺎﺩﻳﺶ ﻗﺼﻴﺮﻩ
ﻭﻃﺒﻴﺖ ﻟﻤﺤﻞ ﺍﻟﻤﻜﻴﺎﺝ ﻛﺘﻠﻪ ﺍﺧﺬ ﺷﺎﻣﺒﻮ ﻭﻟﻴﻔﻪ ﻻﻥ ﻣﺎﻟﺘﻬﺎ ﻣﻠﻜﻴﺘﻬﻦ
ﺗﺎﻟﻲ ﻏﺎﻓﻠﺖ ﻓﻬﺪ ﺍﺟﺎ ﺗﻠﻔﻮﻥ
ﻭﺃﺧﺬﺕ ﺍﻟﻬﺎ ﻣﻜﻴﺎﺝ ﻫﻢ ﻣﻮ ﻛﺎﻣﻞ ﺑﺲ ﻛﻠﺖ ﻟﻠﻮﻟﺪ ﻣﻜﻴﺎﺝ ﺑﺴﺎﻉ ﻣﺎﻝ ﻋﺮﻭﺱ
ﺑﺲ ﺃﺣﺴﺒﻬﻦ ﺑﺎﻟﺤﺴﺎﺏ ﺑﺪﻭﻥ ﻣﺘﻄﻠﻌﻬﻦ ﻛﺎﻝ ﻟﻴﺶ
ﻛﺘﻠﻪ ﺍﺣﺴﻦ ﺣﺘﻰ ﻣﺤﺪ ﻳﺸﻮﻓﻬﻦ
ﺿﺤﻚ ﻋﺒﺎﻟﻪ ﺍﻟﻲ
ﺷﻜﺪ ﻓﺸﻠﻪ
ﺧﺮﺏ ﻳﻮﻣﺞ ﺯﻣﺮﺩ ﻭﻟﻮ ﻣﺎ ﺭﺍﺡ ﺗﺮﺿﻴﻦ ﻭﻻ ﺗﻘﺒﻠﻴﻦ ﺗﺨﻠﻴﻦ ﺍﻧﺘﻲ
ﻛﻤﻠﺖ ﺍﺟﺎ ﻓﻬﺪ ﺩﻓﻊ ﺍﻟﺤﺴﺎﺏ ﻭﻃﻠﻌﻨﻪ ﺭﺣﻨﻪ ﻟﻠﻤﺤﻞ ﺍﻟﺜﺎﻧﻲ
ﺟﺎﻥ ﻣﺎﻝ ﻣﻼﺑﺲ ﺩﺍﺧﻠﻴﻪ ﻓﻬﺪ ﻭﻛﻒ ﺑﺮﻩ ﻣﺪﺧﻞ ﺍﺳﺘﺤﻰ
ﺑﺲ ﻣﻦ ﺩﺍ ﺃﻃﺐ ﺻﺎﺡ ﻛﺎﻝ ﺧﺎﻟﻪ ﺍﺧﺬﻱ ﺍﻟﻬﺎ ﻗﻤﺼﺎﻥ ﻧﻮﻡ ﻭﻫﻮ ﻣﺪﻧﻚ ﺭﺍﺳﻪ
ﻭﻭﺟﻬﺎ ﺻﺎﺭ ﻃﻤﺎﻃﺔ ﺿﺤﻜﺖ
ﻭﻛﺘﻠﻪ ﺍَﻱ ﻳﻤﺔ ﺗﺪﻟﻞ
ﻃﺒﻴﺖ ﺍﺷﺘﺮﻳﺖ ﻭﻛﻤﻠﺖ ﺻﺎﺡ ﺍﻟﺤﺴﺎﺏ ﺷﻜﺪ ﻛﺘﻠﻪ ﻫﻠﻜﺪ ﻧﻄﺎ ﺍﻟﻲ ﺩﻓﻌﺘﻪ ﺍﻟﻲ
ﻭﻃﻠﻌﻨﻪ ﻛﺎﻝ ﺍﻭﻛﻔﻲ
ﻧﻄﺎﻧﻲ ﻓﻠﻮﺱ ﻛﺎﻝ ﺍﺷﺘﺮﻱ ﺍﻟﺞ ﻭﻟﻠﺒﻨﺎﺕ ﺑﺴﺎﻉ
ﻣﻘﺒﻠﺖ ﺿَﻞ ﻳﻠﺢ
ﺗﺎﻟﻲ ﺍﺧﺬﺗﻬﻦ ﻭﺍﺷﺘﺮﻳﺖ ﻟﺒﻨﺎﺗﻲ ﺧﻄﻴﻪ ﺷﻜﺪ ﺭﺍﺡ ﻳﻔﺮﺣﻦ
ﻛﻤﻠﺖ ﻭﻃﻠﻌﺖ ﻛﺘﻠﻪ ﺍﻟﻠﻪ ﻳﺮﺿﻰ ﻋﻠﻴﻚ ﻳﺎ ﻳﻤﺔ
ﻛﺎﻝ ﻣﺸﻜﻮﺭﺓ ﻋﻠﻰ ﻫﺎﻱ ﻭﻛﻔﺘﺞ ﻭﻳﺎﻱ
ﻛﻤﻠﻨﻪ ﻛﻠﺸﻴﺖ ﻭﻃﻠﻌﻨﻪ
ﻓﻬﺪ : ﺭﺣﺖ ﻻﺑﻮ ﺍﻟﻤﺨﻀﺮ ﺍﺧﺬﺕ ﺍﻟﻬﺎ ﻣﺴﻮﺍﻙ ﻛﺎﻣﻞ ﺣﺘﻰ ﻓﻮﺍﻛﻪ
ﻭﺑﺼﻔﻪ ﺍﺑﻮ ﺍﻟﻠﺤﻢ ﻫﻢ ﺍﺷﺘﺮﻳﺖ ﺍﻟﻬﺎ
ﻭﺻﻌﺪﺕ ﻫﻴﻪ ﻋﺒﺎﻟﻬﺎ ﻟﻠﺒﻴﺖ
ﻭﺻﻠﺘﻬﺎ ﻭﻧﺰﻟﺖ ﻃﺒﺒﺖ ﺍﻟﻤﺴﻮﺍﻙ ﺍﻟﻬﺎ
ﻣﻘﺒﻠﺖ ﻭﺿﻠﺖ ﺗﺤﻠﻒ ﻣﺘﺎﺧﺬﻫﻦ ﻣﻘﺒﻠﺖ ﺗﺸﻜﺮﺕ ﻛﻮﻣﺔ ﻣﻨﻲ ﻭﺿﻠﺖ ﺗﺪﻋﻴﻠﻲ
ﻭﺗﻮﺳﻠﺖ ﺍﺑﻘﻰ ﺍﺷﺮﺏ ﺟﺎﻱ ﻣﻘﺒﻠﺖ ﻛﺘﻠﻬﺎ ﺃﺭﻭﺡ ﻋﻠﻰ ﺫﻳﺞ
ﺧﻠﻴﺖ ﺑﻴﺪﻫﺎ ﻣﺼﺮﻑ ﻫﻢ ﻣﻘﺒﻠﺖ
ﻭﻛﺎﻟﺖ ﺫﻧﻲ ﻛﺎﻓﻴﺎﺕ ﺧﻠﻴﺘﻬﻦ ﺑﺄﻳﺪﻳﻬﺎ ﻭﻃﻠﻌﺖ
ﺿﻠﺖ ﺗﺪﻋﻴﻠﻲ ﻭﺗﺘﺸﻜﺮ ﻣﻨﻲ
ﺷﻐﻠﺖ ﺍﻟﺴﻴﺎﺭﻩ ﻭﺭﺣﺖ ﺍﺧﺬﺕ ﻏﺪﻩ ﺍﻟﻬﺎ ﻭﺧﻠﻴﺘﻪ ﻭﻳﻪ ﺍﻟﻌﻼﻟﻴﻚ ﻻﻥ ﺍﺩﺭﻱ ﺗﺼﻴﺮ ﺯﻓﻪ ﺍﺫﺍ ﺷﺄﻓﻨﻪ ﻭﺍﺩﺭﻱ ﻣﻴﺴﻮﻥ ﺍﻛﻞ ﺍﻟﻬﺎ ﻭﻻ ﻳﻘﺒﻠﻦ ﻳﺴﻮﻥ ﻭﻻ ﻳﻘﺒﻠﻦ ﻳﻨﻄﻨﻲ ﺍﻭﺩﻱ ﺍﻟﻬﺎ ﺍﺫﺍ ﺳﻮﻥ ﻭﺍﻧﻲ ﻣﻮ ﻣﺎﻝ ﺍﺳﻮﻱ ﺍﻟﻬﺎ ﻭﻻ ﺗﻜﺪﺭ ﺍﺳﻮﻱ ﻭﻭﻳﻦ ﺍﺳﻮﻱ ﻛﺪﺍﻡ ﺍﻫﻠﻲ ﻭﻫﻴﻪ ﻣﺤﺘﺎﺟﺔ ﻟﺤﻢ ﺷﻮﻱ ﻣﻮ ﻣﺎﻝ ﻣﺮﻙ ﺷﻮﻱ ﺍﺣﺴﻦ ﻭﺭﺣﺖ ﻟﻠﺒﻴﺖ
ﻭﺻﻠﺖ ﺗﻠﻜﻨﻲ ﺧﻮﺍﺗﻲ
ﺑﺎﻟﻤﻄﺒﺦ ﺳﺎﻟﻦ ﻋﻠﻰ ﺍﻡ ﻋﻠﻲ
ﻛﺘﻠﻬﻦ ﺭﺍﺣﺖ ﻟﺒﻴﺘﻬﺎ ﻭﺍﻟﻴﻮﻡ ﻣﺘﺠﻲ
ﻛﺎﻟﻦ ﻟﻴﺶ ﻣﺮﺩﻳﺖ
ﺷﺎﻓﻦ ﺍﻟﻌﻼﻟﻴﻚ ﺑﺎﻳﺪﻱ ﻛﻮﻣﺔ
ﻛﺎﻟﻦ ﺫﻧﻲ ﺷﻨﻮ ﻣﺠﺎﻭﺑﺘﻬﻦ
ﺧﻠﻴﺖ ﻭﺻﻌﺪﺕ ﻻ ﺗﻄﻠﻊ ﺍﻣﻲ
ﻭﺗﺴﻮﻳﻠﻲ ﺯﻓﻪ
ﻃﻠﻌﺖ ﺍﻟﻤﻔﺘﺎﺡ ﻭﻓﺘﺤﺖ ﺍﻟﻘﻔﻞ
ﻭﻃﺒﻴﺖ ﺍﻟﺴﻮﻳﺖ ﻫﺪﻭﺀ
ﻃﺒﻜﺖ ﺍﻟﺒﺎﺏ ﻋﻠﻰ ﻛﻴﻒ
ﻭﺭﺣﺖ ﻟﻠﻐﺮﻓﻪ ﻟﻜﻴﺘﻬﺎ ﻧﺎﻳﻤﺔ
ﺫﺑﻴﺖ ﺍﻟﻌﻼﻟﻴﻚ ﻭﺻﻠﺖ ﻟﻴﻤﻬﺎ
ﺍﺭﻳﺪ ﺃﻛﻌﺪﻫﺎ ﺷﻠﻮﻥ ﻫﺴﻪ ﺗﺼﺮﺥ
ﺗﺎﻟﻲ ﻭﺭﻩ ﺧﻤﺲ ﺩﻗﺎﻳﻖ ﻛﻌﺪﺗﻬﺎ ﻋﻠﻰ ﻛﻴﻒ ﺑﺪﻭﻥ
ﻣﺎ ﺍﻟﺰﻣﻬﺎ ﻻ ﺗﺮﻭﺡ ﺗﺼﺮﺥ
ﻛﺘﻠﻬﺎ ﺯﻣﺮﺩ - ﺯﻣﺮﺩ - ﺯﻣﺮﺩ
ﻛﺎﻟﺖ ﻫﻤﻤﻢ ﻫﻴﺔ ﻭﻧﺎﻳﻤﻪ
ﻛﺘﻠﻬﺎ ﻛﻮﻣﻲ ﺍﺳﺒﺤﻲ ﻳﻠﻪ
ﺑﻌﺪ ﻣﺎ ﺍﺳﺘﻮﻋﺒﺖ ﺻﻮﺗﻲ
ﻭﻋﺮﻓﺖ ﺍﻧﻲ
ﻛﻤﺰﺕ ﻣﻦ ﻣﻜﺎﻧﻬﺎ
ﻭﻣﻦ ﺷﺎﻓﺘﻨﻲ ﺭﺟﻌﺖ ﻏﻄﺖ ﺣﺘﻰ ﺃﻳﺪﻳﻬﺎ
ﺷﻌﺮﻫﺎ ﻣﺒﻠﻞ ﻛﺘﻠﻬﺎ ﺳﺎﺑﺤﺔ ﻣﺎ ﺟﺎﻭﺑﺘﻨﻲ
ﺑﺲ ﻣﻦ ﺷﻜﻠﻬﺎ ﺧﺎﻳﻔﻪ ﻣﻨﻲ
ﻛﺘﻠﻬﺎ ﺫﻧﻲ ﻣﻼﺑﺲ ﻭﻏﺮﺍﺽ ﺍﻟﺞ
ﻭﺍﻛﻮ ﻏﺪﺓ ﻫﻢ ﺍﻟﺢ ﺭﻭﺣﻲ ﺍﻛﻠﻲ
ﻣﺎ ﺣﺠﺖ ﺷﻲ ﻭﻻ ﻧﻄﺖ ﺭﺩﺕ ﻓﻌﻞ
ﺑﺲ ﻋﻴﻮﻧﻬﺎ ﺑﻴﻬﻦ ﺧﻮﻑ
ﻛﺘﻠﻬﺎ ﺍﻧﻲ ﺭﺍﺡ ﺍﻃﻠﻊ
ﺑﺪﻟﻲ ﺍﻭ ﺍﺳﺒﺤﻲ
ﻋﺠﻴﺐ ﺍﻧﻲ ﻛﺎﻋﺪ ﺍﺣﺠﻲ ﻭﻳﺎﻫﺎ ﺑﻬﺪﻭﺀ
ﺧﻠﻴﺖ ﻭﻃﻠﻌﺖ
ﻧﺰﻟﺖ ﺟﻮﺓ ﺭﺩﺕ ﺍﺧﺎﺑﺮ ﺍﺑﻦ ﻋﻤﻲ
ﺍﺳﺎﻟﻪ ﺭﺍﺡ ﻟﻠﻤﻌﻤﻞ ﺑﺪﺍﻟﻲ ﺍﻟﻴﻮﻡ
ﺍﺗﺬﻛﺮﺕ ﻧﺴﻴﺖ ﺗﻠﻔﻮﻧﻲ ﻓﻮﻙ
ﺻﻌﺪﺕ ﺃﺟﻴﺒﻪ
ﻓﺘﺤﺖ ﺃﻟﺒﺎﺏ ﻭﻟﻦ ﺍﺷﻮﻑ ﺯﻣﺮﺩ
ﻭﺍﻛﻔﻪ ﻭﻻﺑﺴﻪ ﺍﻟﻘﻤﻴﺺ ﻣﺎﻟﺘﻲ
ﻭﺭﺟﻠﻴﻬﺎ ﻃﺎﻟﻌﻪ ﺟﻨﻬﻦ ﻛﻴﻤﺮ
ﻣﻦ ﻛﺪ ﻣﺎ ﺑﻴﺾ
ﻫﻴﻪ ﺷﺎﻓﺘﻨﻲ ﺷﻬﻜﺖ ﻭﻃﻠﻌﺖ ﺗﺮﻛﺾ ﻟﻠﺤﻤﺎﻡ
ﺍﻧﻮﺏ ﺷﻜﻠﻬﺎ ﻏﻴﺮ ﻣﻐﺮﻱ
ﺍﻟﻘﻤﻴﺺ ﻟﺤﺪ ﺭﻛﺒﻬﺎ ﻭﺍﺻﻞ
ﻭﺍﻟﺸﻌﺮ ﺍﻟﻤﺒﻠﻞ
ﺍﻟﻘﻤﻴﺺ ﻣﻬﺪﻝ ﻋﻠﻴﻬﺎ
ﺿﻠﻴﺖ ﻭﺍﻛﻒ ﻭﻣﺘﺼﻨﻢ ﺑﻤﻜﺎﻧﻲ
ﻣﻦ ﺍﻟﻤﻮﻗﻒ
ﺗﺎﻟﻲ ﻭﺭﺓ ﺷﻮﻱ ﺗﺬﻛﺮﺕ ﻧﻔﺴﻲ
ﻭﺍﺳﺘﺠﻤﻌﺖ ﻗﻮﺗﻲ
ﺍﺧﺬﺕ ﺍﻟﻤﻮﺑﺎﻳﻞ ﻭﺍﻟﺴﻮﻳﺞ ﻫﻢ ﻭﻃﻠﻌﺖ
ﺑﺲ ﺷﻨﻮ ﻋﺮﻛﺖ ﺍﺣﺲ ﻧﺎﺭ ﺻﺎﺭﺕ ﺑﺠﺴﻤﻲ
ﻭﻛﻤﺖ ﺍﻫﺬﺭﻱ ﻭﻳﻪ ﻧﻔﺴﻲ
ﺻﻮﺭﺗﻬﺎ ﻣﺘﺮﻭﺡ ﻣﻦ ﺑﺎﻟﻲ
ﺣﺘﻰ ﺍﻟﻤﺤﺠﺮ ﻣﺎﻝ ﺍﻟﺪﺭﺝ ﺩﻋﻤﺘﻪ ﺍﻧﻲ ﻭﺃﻣﺸﻲ
ﺧﺮﺏ ﻫﺒﻞ ﻫﺎﻱ ﺷﺴﻮﺕ ﺑﻴﻪ
ﺍﻟﻠﻪ ﻻ ﻳﻮﻓﻘﻬﺎ
ﺍﻧﻮﺏ ﺛﺎﺭﺗﻨﻲ ﺑﻬﺬﺍ ﺷﻜﻠﻬﺎ
ﻳﺘﺒﻊ .....
YOU ARE READING
فصلية لظالم وحش
Romance#فصليه_لظالم_وحش بقلم سقين الشمري قصة حقيقيه عن بنت يتيمه من بغداد تذهب فصليه لشخص ظالم عن ابن عمها القاتل اكو ولد مخنزر عليه همة كلهم بس هذا بالذات كال نزلي عدي حجي وياج اتفضلو بالشيوخ دخلو جوة للمضيف هسه جاي وراكم مشو همة واني تافافت ونزلت كتله...
