فصلية لظالم وحش

7-9

السلام عليكم

فصليه لضالم (وحش)

البارت (٧)

دخلنه للبيت الي هو مثل بناء بيت جدي بيت عالي كلش وجبير وكدامه للبيت ممر يطلع طوله ١٠٠متر اكثر ومن الجانبين حديقه جان حلو همة هذولي بيوت الشيوخ

طبك السايق السياره ونزل هذا الي بصفي بساع وجرني

ويعت بايدي ويكول انزلي داشوف نزلي

من نزلت ردت افلت ايده وانهزم اروح على ماما وصلت بيه حتى بجيت عليها لان اتخبل اذا يصير عليها شي

بس هيهات هو الي يكول صمغ ولازك مو أيد عبالك

جرني دخلني للاستقبال واذاني كلش
عبالك حيوان عده ويجر بي
دخلني وشمرني بالكاع
ودخلو همة محضر الشيخ
حتى يعقد مجهز كلشيت
كلت فوكاها هذا يمكن هو حيصير
الله لا يكولها زوجي
اني اريد انهزم وبس اعيط وهو مجلب بيه ويغرز اضافره بايدي

حيل توجعت بس كلبي وجعني على ماما اكثر

بدة السيد بالعقد سال على اسمي مقبلت اكولة وهمة ما انتبهو من صاحتني ماما باسمي
وهمة ميعرفون اسمي
ضَل يلحون عليه ويعيطون
واني معاندة ومصرة ما اكول اسمي
هذا الي كامشني خنكني والشيخ كله ابني ميصير خلي بلكت تلين مو هذا غصب هيج يصير
رديت عالشيخ كتله من تدري غصب لعد
ليش كاعد تزوجني وتعقدلي على واحد ما أريده
سكت رد هذا ضربني راشدي وكال شنو هالصلافه هاي ها
بس خلي يعقد واني الج
ان ما خليتج تكرهين روحج
وتتمنين الموت اوكفيلي
ضلو يلحون وهذا كلش آذاني
واني مصرة ومعانده ما اكول اسمي
تقريبا ساعه الا واني معانده
تالي كله لابو شيخ دك على اهلها جدها
او عمامها خلي يكولون اسمها
تره حطلع بروحها
بس خلي تصير على ذمتي
واشوفها العناد شلونه
صدك دك على واحد من عمامي
وكلة يابه هاي العرمة الي منطيها النه نريد نعقد الهم ومتقبل
تكول اسمها شنو كله اسمها زمرد احمد
سده منه كل للشيخ اسمها زمرد احمد
كتبه السيد وكال لازم ترددين وراي وكلي وعاد اكثر من الف مرة واني معانده
ما اكول وراه
كله شيخ هسه شلون
والله عندي شغل وهاي شوفه عينك كلساع يدكون علي
خلي احد يصير وكيل عنها ويكفلها يصير ولي امرها ويقبل واعقدلهم هسه
استغفر الله كال تعالو خلي واحد يكفلها كله ميصير لازم
من اهلها استغفر الله انعل روحه لابوج
على هذا شلعان الكلب
تخبلت كتله احترم نفسك
لنسب أبويه لو قسم بالله اطلع بروحك لتجيب طاريه
على لسانك
شو ذوله تخبلو
ادري جاوزت حدي
بس من قهري والتغير والانقلاب الي صار بحياتي فجاه وبيوم واحد
ما حس غير هذا شحطني بالكاع واكو غرفه اصغر من الي احنه بيها بصفها حتى باب مفتوحة على باب
طببني سحل بيها وشمرني للكاع
وأجا ما اعرف من تجيني الراشديات
وخشمي كام يجري دم اول مره بحياتي
انضرب وانوب ضرب بقساوه
كال شلون هيج تحجين ويه أبويه
وكدام العالم وج شيخ عشيره
وحدة دايحة ممربايه تجي تكوله
احترم نفسك كدام الزلم
وج اليوم اطلع بروحج
كتله متربيه احسن منك
ضربني راشدي وخنكني كال اني اعلمج اوكفي بس خلي يخلص العقد الأكشر على راسج
واني الج كام قفل البوب ثنينهن واخذ المفتاح وطلع
للغرفة الي بيها جنت قبل شوي
شكد بيه وجع ما همني
بكد منضر امي من وكعت
نوب خرب بالحظ حتى موبايلي ما جبته بقى بالسياره
وره شوي سمعت صوت جدي وعمامي وصوت عالي
ويكولن منطيني وحده بت شوارع مو بن اوادم
الي عرفته من مصايحهم انو
جوي حتى يتكفلوني وياخذون
الموافقه منهم علمود العقد
كمت ادك عالباب وأصيح جدو
عليك الله لتعرفني طلعني منا
جدو الله يخليك لتعوفني ذوله وحوش
جدو شلونها ماما خومو مو زينه فدوة جدو
بس جاوبني امي خومو بيها شي
لا حياه لمن تنادي
عبالك ميسمعني حتى ما حاجاني
عقدو سمعتهم واني تخبلت
وكمت اضرب عالباب وأصيح جدو لتعوفني
ذوله ضلام لتخليني وحدي هنا اريد اروح على ماما أخذني وياك
سمعت الشايب الجبير (الشيخ)
يكول ان كملتو توكلو بالله تراكم عدويني ودايسين بساطي
سمعت جدي يكلة مو انه الانطرد خوش وانتو دكيتو عليه وردتوني اجي
كلة حكنة منطينه وحدة عرمة مدري شعجب طلعت من جدي احترم تره هواي جاوزت مهما يكون حتى لو نطيتها فصليه هاي بت ابني سمعت دخل الشيخ بينهم حلال وسط وهداهم وراحو جدو وعمامي اني انجنيت كمت اعيط فدوه جدولتعوفني بداعه بابا عليك ولا عبالك يمة
اصلا طلعو لان ما سمعت حسهم وراها باقل الخمس دقايق اشتغلت الجبهه هنا بالبيت عبالك خفت هاي اول مره اسمع هيج طلق
خليت أيديه على اذاناتي وضمير راسي بين رجليه من الخوف
يا ربي دخيلك شنو هاي
وره شوي بعد ما هده صرت الطلق
انفتحت الباب رفعت راسي باوعت هذا نفسه الي ضربني وصار زوجي لحد الان ما اعرف اسمه شنو سد الباب وكال ايييه هسه جا وكت الحساب
باوعت عليه نزع عكاله  من راسه وكام يتقرب عليه واني ازحف على أيديه وارجع ليوره احجي وَيَا واباوع عليه ماكو رحمةبكلبه مبين من عيونه
كتله شدددسوي لخاطر الله
عوفني اروح شتريد مني وهو ولا يمه الحجي
عبالك حتى كمت اخاف لان آذاني بالضرب قبل شوي  واني هاي اول مرة انضرب وشكلي من دامي باقيه هنا راح اشبع كتل 😞😓

                     تصويت حبيبات كلبي حتى اذا منا لليل هواي

              حصلت تصويت انزل بارت ثاني

                     🌹🌹🌹