فصلية لظالم وحش

1-4

#فصليه_لظالم_وحش

بقلم سقين الشمري

قصة حقيقيه عن بنت يتيمه من بغداد تذهب فصليه لشخص ظالم عن ابن عمها القاتل
راح انشرها ابهالنهار حد اخر بارت منشور وبعدين انكملها يوميا بارت
١_______٤
#البارت١

السلام عليكم اني زمرد من بغداد بنيه شابه حالي حال البنات  وجميلة بمعنى الكلمة كلمن شافني يكول ايه من الجمال نيال الي ياخذج لون عيوني يسموهن لون البحر لان زرك كلش حلوات لون شعري لا هو اسود ولا هو اشقر كلش حلو اصلا من جنت صغيرة جان بلون الذهب بس من كبرت تغير صار  اشقر فاتح كلش الحمدلله والشكر ربي الله منطيني جمال كلش حلو اني وحيده اهلي بابا متوفي عايشه بغداد ويه اهل ماما لان هيه بغدادية وأهل بابا ناس من ذولي اهل العشاير وعايشين بالجنوب

راح احجيلكم نبذه عن قصه اهلي بابا ابن شيوخ واهله ناس معروفين وعشيرتهم قويه بس معروفين بالقساوة كلش بابا جان يحب التحضر والثقافة عكس أهله وخوانه فجان طالب هندسه وقبوله طالع على بغداد فمداوم بكليه بغداد وهناك متعرف على ماما وحلو بعض وراها من راد يخطبها أهله ما وافقو لان يريدون بت عمة اله وعدهم ماكو ياخذ غريبه لازم من كرايبهم وبابا مقابل وصايرة مشكلة ضلو سنه أهله يكولوله تاخذ بت عمة وهو يكول لو نورهان (ماما)لو ما اخذ وابقى طول عمري بدون زواج وباقي مبتعد عن أهله وكرايبه ومعتكف لحد ما قابلين بشرط

انو تعيش عدهم ما تسكن بغداد هذا الحجي وانو همة ميريدوهة ماما ما جانت تدري بي بس كم كايللها انو ماخر الخطوبة لان عمة هادي بته اله هديه وعلما يشوف حل ويجون يخطبون عاد بابا قابل لا ما صدك يوافقون بقت ماما خاف متقبل المهم صايره المشيه ورايحين ومشين على ماما وقابله بس ما كايليلهم انو تعيش عدنه بالجنوب بابا كايل اني اكوللها وأقنعها عاد وراها بفتره من الخطوبة كايل لماما ومتخبله كايلتله اني شلون أعيش بالقرية ما اعرف كلشيت كايللها مجرد  وقت ونرجع نعيش بغداد بالكوة قانعها وراها صاير الزواج بسرعه لان بابا خايف أهله يبطلون وبعدها عاشت بالقريه اها بابا يضوجون من عدها وميحبوها ودوم يعزلونها عنهم وعمتها الي هيه جديتي شاده وياها هيه وبناتها ونسوان ولدها وهيه نازكة متتحمل بعدها صارت حامل بيه خمس اشهر ومتوفي بابا اثر مشكله عشائرية صايره عدهم

والعشيرة الثانيه مسوين هجوم عليهم وبوقتها كاتلين ن عدهم هواي غدر وبابا واحد من عدهم ماما متخبلة وهيه جانت تموت على بابا كلش تحبه بعد الفاتحة مال بابا ماما رايده ترجع لبغداد ويه أهلها واهل بابا ما قابلين لان جانت حامل بيه كايليلها جيبي وانطينا البنيه ودرب السد لا رد بعدها ماما متخبلة كايلتلهم بتي اني والي ولو تموتون ما تأخذوها من عندي وممخليها تطلع متصله على أهلها وكايلتلهم وجاين وياهم الشرطة وكايليلهم انو محتجزين بتهم عدهم بالقوة وبعد مشاكل بيت جدي والشرطة كادرين يأخذون ماما وهذا الشي زادهم كره لماما وكالو عليها العرمة والوكحة واشكال لان جابت الشرطة بعدها وره خمسه اشهر جابتني وسمتني زمرد
وهنا هم انفتح موضوع انو يأخذوني عدهم وماما ما قابله ومتعاركين وماما مشتكيه عليهم بالمحكمة وفاتحين دعوى والقاضي بعد حجي ماما اله والإثباتات منطي الوصاية لماما لحد ما يصير عمري ١٨سنه وأبلغ سن الرشد اني اختار ويه منو ابقى
وهم ما عايفين ماما وكايلين انو اذا ماما ازوجت اني ارجع عد اهل بابا وماما متعهده تبقى بدون زواج تبقى تربيتي الي عاد هم ما كدرت يسوون هذا الشي وجان الهم كل فتره وقت مخصص يشوفوني بي ورغم هذا من اروح ماما متخليني اروح وحدي تروح هيه وياي رغم الي تسمعه والي يصير بيها من تروح بس تكول لخاطرج كلشي أتحمل وفعلا بقت بدون زواج عامودي وكبرت وفات يوم وراح يوم وصار عمي ١٨لازم اقرر وية منو ابقى