قلوب ***لا تعرف الرحمه
الحلقه الثالثه و الثلاثون......
(ياااااااه يا بن آدم ع طمعك... بس انا عايزه افهم لييه كل الحقد ده... عشان الفلوس... ط ما انا كنت زيك.... اااه انا طمعت ف الراجل ده)
شاورت ع صخر كملت
(طمعت فيه وف اخته.... من ست سنين... وهوه هرشني ع طول... ضربني واغتصبني.. او.. كنت فاكره انه اغتصبني.... وطردني عريانه ف الشارع... انا عشت سنين محروقه منه... وكان نفسي ااقتله... ورجعت بعد سنين لقيته تاني... اتعرفت عليه... وحاولت اقتله... ف بدر... لكن استخسرت الموت فيه.... بس نصبت ع اخته.... وسرقت كل املاكها... بس عارف يا عمر... برضو ما حستش برضا... ولا براحه بال... حتي وانا عايشه ف سرايا ياسر أبو أيسر.. اكيد انت عارف قصتي واني انقذته... ف ابوه اتبناني... عشت ف العز اللي حلمت بيه... بس محستش بسعاده... كان دايما ف حاجه ناقصه.... واللي فهمته متأخر اوي... اني كنت انا اللي ناقصه... لما الواحد فينا بيبص للي ف ايد غيره... هيفضل عايش تعبان.. واحساس النقص جواه هيخليه يغلط... غلط كبير أو صغير اهوه غلط وذنب وخلاص... لا وانا اللي كنت زعلانه من صخر ع اللي عمله فيا من سنين... بس بعد ما سمعت كلامك ده.. واللي انت خططت له انت واخوك من زمن عشان تقضوا ع أيسر ... عشان انتوا ناس ناقصه... زيي بالظبط... انا فهمت ان صخر ملاك بجناحين وسطنا.. اللي عمله فيا.. ولا حاجه من اللي انا استهالها... بس انا هقولك ع آخر حاجه... شوف انت واخوك صبرتوا سنين اد ايه عشان اللحظه دي... عشان تدخل تلاقي دم ياسر مغرق أيسر... كنت هتقبض عليه وتحس بأنتصار عمرك.. وانك انت واخوك... حصدتوا ثمار السنين.... بس يا عمر انت نسيت اهم حاجه ف الحوار ده... نسيت ربنا.... ربنا قال
لو اجتمعت الانس والجن ع ان يضروك بشئ لم يضروك إلا بشئ قد كتبه الله عليك..
يعني انت خططت سنين عشان تضره... بس ربنا مش كاتب له يتضر.. ويخسر دنيته واخرته... ف ريح نفسك يا عمر... الحقد والطمع اخرتهم وحشه... انت مش هتقدر تفرق العيله دي... اه نجحت ف كده سنين... بس كلنا لينا معاد نتجمع فيه... وأمر ربنا نفذ... واتجمع أيسر بعيلته... وصاحب عمره اتكشف ع حقيقته... عارف يا عمر انت عملت فينا كلنا ايه... انت حبست اهل صخر... صخر ضاع ومشي ف طريق الفساد واذي ناس كتير وانا من ضمنهم بس دخلت عيله أيسر وشفت غلك وكرهك ليه وصله لأيه... انت لفيت لفه طويله اوي يا عمر... بس خساره نابك طلع ع شونه.... خلصت وكل واحد ظهرت الحقيقه ادامه انا عرفت انا عملت ايه ف نفسي وف صخر وجنه... وايسر ندم ع اللي عمله وصدقه ع أبوه... وأهل صخر رجعوا للعيله من تاني واتجمعنا كلنا بعد فراق سنين... انت فشلت يا عمر... فشلت... اعترف بفشلك وأخرج من حياتنا محدش هنا مستني منك ولا من الكلب اخوك اعتذار... احنا عايزينك تسبنا ف حالنا.... أمشي... اطلع بره)
عمر بص لها بغضب وكره... قالها وهوه بيخرج مسدسه.... ويرفعه ف وش أيسر
(لااااااا.... مش انا اللي فشلت.... مش انا اللي هطلع براااا... أيسر... دلوقتي هتدفع تمن اللي عملته فيا طول السنين دي.... انا هخلص عليك يا أيسر)
(ارمي سلاحك يا عمر)
الكل بص ع القوه اللي جت فجأه....
قبل دقايق&&&&
ياسر بص لشمس... هيه الوحيده اللي كانت بصه له
شاور لها .. وف إيده تلفونه
فهمت فوراً... انه محتاج وقت... ف اول ما عمر خلص كلامه... اتكلمت هيه... وطولت ف الكلام
لحد ما الحكومه تيجي.... اتصل ياسر ع غفله من الكل ع اللواء محمد صاحبه
سمع اللوا كلام عمر كله... واعترافه الصريح المباشر بجرايمه هوه وامجد اخوه
حضر عناصر الشرطه بسرعه... قبل ما تقع كارثه ف فيلا الفرماوي
وأخيراً ظهروا.... قال تاني بصرامه اكبر اللوا محمد
ارمي سلاحك وسلم نفسك انت واخوك... كلامك واعترافك كله اتسجل... انت مقبوض عليك يا حضره الظابط انت وامجد أخوك)
عمر اتجنن... قاله
(لااا.. لااااا مش مستقبلي انا اللي يضيع... انا هضيعك يا أيسر قبل نا اضيع انا.....)
زينه جريت وقفت قصاد أيسر... عمر ضغط الزناد... طاااااااااااااااخ
اللوا محمد.... ضرب النار ع عمر... ف السلاح ف ايد عمر اترفع لفوق... ف الطلقه ضربت ف السقف
البنات صرخوا.... أمجد حاول يهرب... لكن اتقبض عليه... وعمر اترمي قتيل ف الأرض
********************
ف مستشفى المروه التخصصي للأمراض النفسيه
وصل زين.. وسأل ع قمر... كانت ف اوضه مريضه بتنضف لها
زين دخل يجري عليها ف الاوضه... شافها بتفرش السرير.. والمريضه قاعده ف بلكونه الاوضه
(قمر)
اتنفضت... لفت شافته برقت.... قلبها انقبض... اتحبس الهوا ف صدرها... قالت له مش مصدقه انه واقف ادامها
(زين... انت... انت هنا ليه... انت جاي ليه)
(قمر انا جاي ارجعك معايا)
(زين لو سمحت... سبني ف حالي انا عندي شغل)
(شغل يا قمر... انا بقولك ارجعي معايا... انا عايزك انا رديتك لذمتي)
(وانا مش لعبه ف إيدك... انا مش عايزاك.. افهم بقاااا انا تعبت... تعبت منك... ابعد عني بقا)
(انتي يا قمر اللي بتقولي كده... ط وابننا اللي ف بطنك)
قمر فهمت أخيراً هوه جاي لها ليه... بصت له وقالت بسخريه وحسره.. ومراره
(ااااه... قول كده بقا... ليه بس يا زيد... اسمع يا زين... اللي ف بطني ده ملكي انا وبس... انا مش هنزله رغم اني فكرت كتير اقتله عشان ما يبقاش ف اي حاجه تربطني بيك.... انا مش عايزاك ولا عايزه اشوف وشك تاني ف حياتي.... انا عارفه انك مستغرب... بس انا اتحملتك .. واتحملت ضربك وشتمتك فيا... وخيانتك ليا... اتحملت كل ده.. عشان افتكرت.. اني هموت من غيرك... مش هعرف اعيش ولا هلاقي حد يشغلني عنده بوشي ده... بس اديك شايف اهوه... انا عايشه و شغاله والحمد لله.... انا حاليا سعيده ف حياتي اوي... بلاش والنبي بقا ترجع تقف ف طريقي... انا مستحيل ارجع لك يا زين... ارجع لأيه... للتهزيق والشتيمه... كل شويه امك وابوكي واللي جابوكي... كل شويه ضرب... كل شويه إهانه.. وانا ايه اللي يجبرني ع كده... عشان افتكرت اني بحبك... ملعون ابو الحب اللي يذلني ويكسر قلبي كل ساعه والتانيه... امشي يا زين... ولو لسه عندك ذره كرامه ... طلقني)
زين بص لها والغضب ملي قلبه وعينه... ازاي تهينه بالشكل ده... رد عليها بغضب
(كفايه يا مدام... مكنتش اعرف انك كنتي عايشه ف جحيم معايا... مكنتش اعرف انك كارهني اوي كده... خلاص انا هطلقك... بس اللي ف بطنك ده لو حصله اي حاجه... انا مش هحبسك وبس... لا دا انا هقتلك)
بص لها بغضب وسابها ومشي... قمر بصت عليه... رفعت المخده وحدفتها بقوه ع الباب
كانت عايزه تصرخ... عايزه تقطع اللي عليها... الغضب ملاها هيه كمان
لكن اتفجئت بلي بيقول لها من وراها
(شكلك بتحبيه اوي... ط ليه قولتي له كده)
بصت لها قمر بصدمه... كانت المريضه... المفروض انها مجنونه... ردت عليها وهيه بتمسح دموع الغضب واليآس
(ايوا بحبه... بعبده... بعشق التراب اللي بيدوس عليه... بس انا تعبت ... تعبت منه ومن عمايله... تعبت من قسوته عليا... هوه جه عشان ابنه وبس ما انتي سمعتيه... هوه أصلا بيحب واحده تانيه وهيتجوزها خلاص هما مخطوبين من فتره... يعني يمكن اتجوزوا... وجاي ياخدني اخدمها زي ما كنت بخدم امه.... هوه قال لصاحبه عليا كده انه مخليني ع ذمته عشان بخدم امه وعيلته.... انا تعبت يا أمي... تعبت اوي... تعبت واللهي)
بصت لها الست وقالت لها بهدوء
(ولما هوه اتجوز واحده بيحبها جالك ليه... عشان اللي ف بطنك... لا يا عبيطه... الراجل لما بيكره الست... ما بيفرقش معاه اللي ف بطنها... بيرميها ولا يسأل عنها.. ولو ف بينهم عشر عيال.... يا بنتي الواد ده بيحبك.... وكان باين عليه اوي.... اديله يا بنتي فرصه تانيه... عشان خاطر ابنكم حتي)
(فرصه تانيه... دا ما صدق مشي يا امي... زين مش هيرجع تاني... مش هيسأل فيا تاني... دا اكيد اهله اللي جبروه يجي يقولي كده... زي ما جبروه عليا من الأول.... زين ما بيحبنيش يا أمي اكيد انتي غلطانه)
قمر خرجت تجري من عندها... رجعت ع الاوضه بسرعه... اترمت ع السرير... وانهارت من البكا
*******************'****
ف جنينه سرايا الفرماوي.... رجعت العيله كلها سوا
زينه قالت لأيمن انها هتمشي
أيسر كان مشغول مع ابوه.... ايمن شكرها اوي... وطلب منها تبقي تيجي تزورهم بأستمرار
شمس خدت أختها ع جنب.... قالت لها
(بصي يا بدر... انا معلش مضطره امشي من هنا... مش عايزه اعيش هنا تاني.... بعد اللي حصل النهارده... انا اكتشفت حاجات كتيره... حاجات ربنا قسملي اشوفها واعرفها دلوقتي عشان افوق لنفسي... بدر انا مش عايزه المشروع... انا هتنازل لأيمن عنه... هوه اصلآ يعتبر بتاعه... لأنها فلوسه كلها... انا بس هديكي مفتاح دولابي... هتلاقي فيه الورق اللي مضيت جنه عليه ونصبت عليها... خرجيه واديه لصخر ... واطلبي منه يسامحني... ماشي.... ايه ده... جنه)
بصوا لقوا جنه جايه .. مع... زيد... لكنهم استغربوا؟.. افتكروه زين بس ليه
جنه شابكه دراعها ف دراع زين اخو جوزها كده..... صخر وقف وبص لها بدهشه
جنه قربت هيه وزيد.... مخدتش بالها من الاغراب اللي قاعدين
وصلت وسلمت عليهم... حكت لهم ع اللي حصل ..... كانت صدمه وفرحه كبيره لصخر... ولكل الموجودين... خصوصا شمس
ياسر هوه اللي اتولي يحكي الحقيقه لجنه وجوزها... كانت صدمه كبيره عليها
بكت لكن بسعاده... حضنت اهلها وهيه بتبكي وتحمد ربنا... ف وسط كل ده
شمس قررت تنسحب من حياتهم.... مشيت وبصت عليهم نظره اخيره....
شكلهم حلو اوي وهما كلهم متجمعين كده.... دموعها نزلت... كان نفسها تكون واحده من العيله دي
كان نفسها تكون مرات صخر الراوي.... لكن بعد تصريحها النهارده.... اتأكدت ان صخر
عنده حق ف كل اللي عمله.. فيها... وهيه تستحق عقاب حقيقي ع عملتها فيه وف جنه
قربت من عربيتها.... لكنها بصت للعربيه بحزن قالت لها بس بصوت عالي
(حتي انتي انا ماليش اي حق فيكي)
رمت المفتاح ع الأرض... ولفت تمشي... لكنها خبطت فيه... اتفزعت... بصت له اوي
مد إيده مسح دموعها برقه غريبه عليه.... قال لها
(راحه فين)
(صخر.... انت.. انت سبت الجماعه ليه... ااااه فهمت ما تخافش... انا عرفت بدر مكان ورق اختك... خده منها انا قلتلها تديهولك)
(ومين قالك اني عايز منك.. حاجه.... إذا كنت هاخدك كلك ع بعضك... يبقي الورق هعمل بيه إيه)
شمس برقت له... حاولت تتكلم لكنها مش عارفه... الكلام مش عايز يخرج منها... قال لها بضحك
(اييييه... نسيتي اني عرضت عليكي الجواز... وانتي وافقتي)
شمس عينها دمعت تاني... قالت له.. لكن الدموع خنقتها... اتكلمت بصعوبه من بين دموعها
(صخر ... صخر... انت... لسه عايز تتجوزني... حتي ... حتي بعد)
(ايييه.... بعد ايه.... ايه اللي جد يعني عشان ضربتك ف لحظه غضب... ما انتي قلتي بنفسك انك تستاهلي اكتر من كده.. واني ملاك بجناحين... ولا نسيتي)
شمس شايفه صخر بيضحك.... واخد الموضوع تريقه... بصت له دموعها لمعت ف عينها تاني
مبقتش فاهمه هوه بيهزر ولا عايزها بجد ولا إيه
(صخر انت عايز مني إيه.... عايز تذلني بطريقتك دي... ولا انت عايز إيه)
(أذلك..... أذلك يا شمس.... شمس انتي بتحبيني لسه ولا بتحبي أيسر)
شمس بصدمه
(أيسر.... طبعاً بحب أيسر... أيسر أخويا... أيسر صاحبي صديقي... أيسر غالي عندي اوي يا صخر... دا وقف جمبي كتير لو ليا اخ بجد مكنش هيقف جمبي كده... صخر... انا ف حياتي كلها حبيت وكرهت شخص واحد بس.... هوه انت يا صخر... انا بحبك وبكرهك اوي... بحبك عشان بعشق كل حاجه فيك... كلامك اسلوبك وقفتك... مشيتك...طريقه اكلك.... حتي عجرفتك وغرورك بحبهم.... وبكرهك... عشان بتعذبني... بتقربني منك اوي... وترميني بكل قسوه... بتلعب بيا يا صخر... انت عارف اني يتيمه.. وضعيفه.. ووحيده.. وماليش غيرك... انت... انت يا صخر قدري ونصيبي... انت كل حاجه وعكسها... مستحيل تعرف انت تبقا ايه بالنسبه ليا... يا صخر)
صخر رجع خطوه لورا... وبص لها اوي... وقال لها بذهول
(ايييه ده يابت... انتي اتعلمتي التمثيل ده كله فين... ايه الكلام الكبير ده... بقيتي فيلسوفه ع اخر الشهر... يخربيت أهلك.. دا انا صدقتك... لا واللهي ليكي مستقبل... برافو)
شمس ضحكت بدموع... قربت منه شدها عليه... مسك رأسها بقوه حدفها ع صدره كأنها كره بلاستيك
ضمها بين إيده اوي... قالها بصدق لأول مره
(انا عارف... عارف اللي عملته فيكي... وندمان يا شمس... واللهي ندمان... بس النهارده انا حياتي اتغيرت خالص... لقيت اهلي بعد سنين وطلعوا مظلومين... واختي رجع لها جوزها من الموت ... انا حاسس انها هتطير من السعاده... والجواسيس اللي ف بيتي وشغلي عرفتهم بفضلك... بس لسه حاسس اني ناقص.... انا مش هكمل من غيرك... انتي عند ي اهم منهم كلهم...)
بصت له اوي... وقالت بتريقه
(لا واللهي... بقا انا اهم منهم.... ط هتقولي اهلك ممكن اصدقك... لكن جنه انا اهم من جنه عندك يا صخر)
(ليكي حق ما تصدقيش... بس دي الحقيقه... لما شفت حزن جنه ع زيد... وشفت اني مقدرتش انسيها... او أخرجها من حزنها... فهمت... زيد هوه اللي رجعها تتكلم... رجعها تضحك... قدر يآثر عليها وخلاها تهرب مني وتتجوزه.... حتي بعد ما افتكرناه مات... خلاها تقف ع رجلها... ودلوقتي بصي عليهم)
بصت شمس مع صخر عليهم كلهم وهما قاعدين هناااك بعيد ف عالم تاني... كمل صخر
(فهمت يا شمس ان القلب له أحكام... انا اخوها صحيح... وهيه بتحبني... لكن القلب له
مفعول تاني... ليه قوه خاصه... قوه الحب قادره تغيير مش بس القلوب... لا تغير الإنسان نفسه.... واختي وجوزها اكبر دليل حي انا شفته.... ف يا شمس اختي غاليه عليا صحيح... بس السعاده هيه مش هتعرف تديهالي..... السعاده انا شفتها معاكي... واحنا ف الشغل... واحنا بنتكلم.... وإحنا سوا مع بعض... شمس انا عارف اني قاسي أحيانا عليكي... بس صدقيني من هنا ورايح... مش هزعلك تاني ابدا... ولا هظلمك ف حياتي.... انت غيرتي لي حياتي... وانا جه دوري اني اغيرلك مصيرك.... هتدخلي الامتحانات.. وهتنجحي وهنفتح المول بتاعك انتي.... وهتسميه زي ما انتي عايزه.... وهتجوزك يا شمس وفرحنا كلنا هيبقي ف يوم واحد.... اكيد دلوقتي زين رجع قمر اختك يبقا خلاص مفيش داعي نأجل حاجه تاني)
شمس ردت عليه بفرحه
(يعني هنتجوز... دلوقتى يا صخر... هيتقفل علينا باب أخيراً... هتبقى ملكي يا صخر)
(حلوه هتبقي ملكي دي... انتي اللي ملكي من الأول... من زمان اوي... بس انا كنت غبي لما ضيعتك من ايدي ف يوم... انا آسف يا شمس ... يا شمس عمري وحياتي.... بحبك يا شمس)
(وانا... انا بعشقك يا صخر.. يا صخر قلبي وحياتي)
(مش ليقا يا شمس بقولك انتي شمس عمري .. تقولي لي صخر قلبي... ايه البواخه بتاعتك دي)
شمس ضحكت من كل قلبها.... صخر رفعها بين إيده ولف بيها.... أخيراً
العيله لاحظتهم.. ووقفوا يبصوا عليهم من بعيد... زيد خد جنه تحت دراعه
ايمن حضن بدر بقوه... وبص لها بسعاده... دفنت وشها فيه كالعادة من كسوفها ... ضحك من قبله وضمها اكتر
#ملحوظه بس... عشان الناس ما تتهش مني
شمس بعد موت زيد.. وبعد رجوعها للسرايا... شافت كارت حسن المحمدي صدفه بين حاجتها
ف اتصلت بيه.. وقابلته... وخليته يعترف.. زي ما صخر كان عايز
سجلت له ف تلفونها... اتفقت معاه ع صخر... وودعته ع امل انهم يتقابلوا تاني
وبعتت كارت الميموري اللي عليه التسجيل... لصخر وهيه مش بتكلمه
لكن صخر عرف انها هيه.. من صوتها طبعا ف التسجيل... ورغم كده
مفكرش يتصل بيها يشكرها حتي.. وده اللي كان مجننها.. ومحسرها ع نفسها
#انتهت الملحوظه
***************************
ف بيت زين..زين.. ماسك زينه من شعرها بقوه... ونازل فيها ضرب
ابوه وأمه مش قادرين عليه .... عمال يصرخ فيها
(كنتي فين.. انطقي قبل ما اقتلك)
ماسكها من شعرها بأيد.. وأيده التانيه فيها الحزام... ونازل فيها ضرب ع وشها .. وع جسمها بالحزام
هيه تصرخ وتقوله بعياط وترجي
(كنت مع ايسر... كان عايز يقتل ابوه... والنبي سبني وانا افهمك.. والنبي يا زييييين)
زين يرد عليها بصريخ
(أيسر اييييييييييييه... د*****ام أيسر ع ابوه... ما يولعوا كلهم... انتي ايه اللي يوديكي اسكندريه من غير ما تقولي لي... وايه اللي يوديكي اصلآ يا بنت*****)
رجع يضرب فيها بمنتهي القسوه والعنف... أخيراً جه زيد ومراته... زيد جري عليه
صرخ فيه وخلصها بصعوبه من إيده... صرخ فيها
(امشي ع اوضتك.... ف ايه يا زين... انت هتموتها)
(اختك سافرت اسكندريه من ورانا.... اختك)
قاطعه زيد عشان يهديه
(( اختك لحقت كارثه كانت هتحل ع عيله بحالها... اختك رجعت ابن لابوه... رجعت صخر وجنه لابوهم وامهم... اخت منعت جريمه قتل مؤكده... ومنعت ضياع مستقبل شاب... وكشفت خيانه صاحب لصاحبه.... اختك عملت اللي محدش عرف يعمله ف العيله من سنين مالهاش عدد.... زين.. انت افتريت ع اختك... كنت فهمت منها الأول يا زين... وبعدين انت من أمته بتقسي ع زينه ... دا انت كنت بتتخانق معايا لما اضربها ع حاجه.... اييييه.... حصل ايييه... هيه قمر ما رجعتش معاك)
زين بص له... زيد حس بتؤمه... حس بالوجع جواه... شاف الدموع هتهرب من عينه
شده بسرعه ع اوضته.... وقفل عليهم
وقف ادامه وقاله
(قمر ما رضتش ترجع معاك صح)
زين بص بغضب.... ف الأرض... وقال لاخوه بعصبيه
(إن شاء الله ما عنها رجعت... مش انا اللي أذل نفسي لواحده... خلاص هيه ما تلزمنيش لا هيه ولا اللي ف بطنها)
زيد بص له مصدوم... قاله بزعل
(تغور هيه واللي ف بطنها.... زين انت متأكد انك بتحب قمر... او حتي عايزاها.... ما اعتقدش... عاما انت حر... عايز تطلقها رسمي وتتجوز ست دنيا انت حر برضو... خد)
فتح أيد زين وحط جواها... مفاتيح... وورق خرجهم من جيبه.... بص زين لايده
زيد قاله قبل ما يتكلم
(صخر رجع لي الورق والفلوس والمفاتيح اللي ادتهملوا قبل ما أموت... قصدي قبل اللي حصل... قالي هوه مش عايزهم.... شمس رجعت حاجه جنه ليها.... وأيمن رفض ياخدهم قالي شمس ادتهملك عشان تبدأ حياتك... ودي فلوسها وهيه حره فيها... ف انا بديك حاجتك دي دلوقتي هيه جت ع إسمك.. وفلوسهم مش حرام... عشان ما يبقاش ليك حجه... مش مصدقني اسأل جنه.... انا راجع بيتي مع مراتي.... وياريت انت كمان تشوف حياتك يا زين... طالما انت مش عايز قمر... يبقي شوف لك واحده بنت ناس واتجوز واعملك بيت واسره ياخويا.... يلا انا ماشي... ربنا يهديك يا زين)
خرج زيد وسابه.... زين بص للحاجه ف إيده... دموع عينه نزلت ع كفه
يتبع ف الحلقه٣٤ والاخيره