قلوب ***لا تعرف الرحمه
الحلقه السادسه عشر
صخر كان شارد.... لأول مره ف حياته كلها يراجع حساباته
كان ف صراع مع نفسه كأن ف اتنين جواه بيتخانقوا
الأول
(لو سمش مكنتش واقفه كان زماني اتدفنت تحت الطوب والرمل)
التاني بعصبيه
(انت بتخرف ولا إيه... مين ده اللي يتدفن... هيه اول مره تحصل حوادث زي دي ولا إيه يا صخر)
الأول
(لأ مش اول مره... بس اول مره اكون انا اللي ف الموقف ده.. وبرضو اول مره ألاقي حد يدافع عني ويحميني)
التاني
(بقولك إيه يا عم الحنين... بلا تدافع بلا تهاجم... انت عايز توصل لإيه بالظبط... احنا قلنا سكه البنات نفكنا منها خالص... الجنس دا يتحرم علينا السبع حرمات... سامع يا صخر... حتي لو نجدتك من الموت... دا مش مبرر يخليك تفكر فيها ولو لثانيه... انت كل اللي تعمله دلوقتي انك تروح تحقق ف اللي حصل وتعرف حصل ليه وازاي والإهمال ده جه من مين بالظبط فاهم.... امين..... مات الكلام يا عمنا)
صخر فاق من الخناقه الحاميه دي.... ع رنه تلفونه اتنفض مكانه
كأنه كان نايم وحد فزعه... رد بشرود
(مين)
(استاذ صخر انا امل من المستشفي)
(امل امل ف ايه... اختي جرالها حاجه اتكلمي)
(اختك دي جرالها وجرالها كتير اوي كمان)
(اييييييييييييه... جنه مالها حصل لها ايه)
امل كانت بتتكلم بجديه... لكنها ضحكت اوي وقالت له
(استاذ صخر مش هتصدق)
(ما تخلصي وتقولي اختي حصل لها ايييه)
(انا اسفه بس مش عارفه اقولك ع المفاجأة دي إزاي لازم تيجي وتسمع بنفسك)
(اسمع اسمع إيه بالظبط)
(تسمع اختك جنه هانم.... انسه جنه النهارده صدمت الكل... كانت بتتكلم وبتضحك... ناقص لها بس انها تقوم ترقص ع رجلها ودا هيحصل قريب اوي بإذن الله طول ماهي ف الحاله دي)
(انتي بتهزري صح.... جنه... جنه رجعت تتكلم... رجعت تضحك)
أمل فضلت ترغي كعادتها.... لكن صخر التلفون وقع من إيده ع رجله
وهوه قاعد ع كرسي مكتبه... مكنش قادر يستوعب الكلام
فجأه رجعت ذكري اليوم الأسود دا ف دماغه.... دموعه نزلت
حس انه خايف يواجهها بعد ما رجعت تتكلم من تاني... لكن بعد فتره صمت
وحزن وتفكير... قرر انه يواجهها... حتي لو هتشتمه وتضربه
