#قلوب_لا_تعرف_الرحمه
#فريده _احمد_فريد
الحلقه الرابعه......................
انفجرت العربيه وشمس قريبه جدا منها.....النار طالت المسكينه....واتحرق جزء كبير من جسمها
ايسر قام جري عليها زي المجنون.......زقها بعيد بالعافيه وطفي النار اللي ع هدومها
****************
ف المستشفى......ايمن واقف جنب اخوه والدكتور بيجبس دراعه
ايسر بص لاخوه وقاله بنفاذ صبر
(انا مش فاهم انت واقف معايا بتعمل ايه....روح اتطمن ع البت يا ايمن)
ايمن(يا ايسر وربنا لسه ف العمليات...هوه انا هسيبها برضو د انت عايش بسببها...ماتخافش هروح أسال عليها وارجع لك)
.........................................
عدي حوالي الشهريين....الوضع بين ايسر وابوه ما اتغيرش رغم ان ياسر حاول كتير مع ابنه خصوصا بعد الحادثه
لكن ايسر رفض يتكلم مع ابوه او يسمع منه اي تبرير.......لكنه كان بيزور شمس وهيه لسه ف الغيبوبه
.شمس فضلت ف المستشفى ف غيبوبه
لكنها لما فاقت اتفجئت ب3 رجاله غرب جمبها.... واتفجئت برضو
انها مش هيه....الشباب وابوهم كلفوا دكتور تجميل يعمل لها عمليه تجميل ف وشها وجسمها اللي اتشوه
وهيه ف الغيبوبه.....شمس خدت وقتها من الصدمه.. ..واضطرت انها تكذب عليهم
لما سألها ياسر الفرماوي عن أهلها....قالت انها يتيمه ووحيده ف الدنيا
ف قرر ياسر الفرماوي انها تعيش معاهم....ايمن اتضايق لأنه ماصدقهاش
ايسر فرح ومكنش عارف السبب....إنما ياسر كان ممتن ليها عشان انقذت ابنه اللي كان هيموت بسببه
******************
بدر وقمر بعد بهدله اسابيع طويله ما بين القسم والنيابه
تم الإفراج عنهم....لكن بدر مقدرتش ترجع المنطقة ولا الشغل تاني....خدت اختها
وسابوا المنطقه كلها.....وراحوا ع اكتوبر يعيشوا وسط ناس تانيه ف المنطقه الشعبيه البسيطه اللي هناك
*************************
صخر ما اتغيرش.. ....ولا ضميره أنبه للحظه .. .تابع قضيه البنات
ومفكرش حتي يدور ع شمس اللي دمر حياتها ف لحظه
جنه حزنت ع فراق شمس....سألت عنها واتصدمت لما سمعت باللي حصل وأنها وأخواتها
بيشتغلوا ف الدعاره وهيه هربت من عربيه الحكومه....طبعا صخر
طلب ان اسمه ما يجيش ف القضيه عشان سمعته وبنفوذه عمل كل اللي كان عايزه
