قلوب ***لا تعرف الرحمه
الحلقه السابعه والعشرين..................
شمس صحيت واستغربت انها ع السرير.... قلبها انقبض لما حست ان صخر هوه اللي شالها
حست بالقرف من نفسها... دخلت الحمام... خدت دوش دافئ... ونزلت .... خرجت من غير ما تفطر
مش عايزه تشوفه او تتكلم معاه...... راحت ع جامعتها....
خلصت كل محاضرتها... وخرجت تركب عربيتها ... لكن سمعت صوت بيناديها
(انسه شمس... آنسه)
لفت وبصت... لقته راجل ... لابس بدله شكلها غاليه... قرب منها ومد إيده
بصت له بغضب... متعرفش ليه... لكنه ابتسم بحرج.. رجع إيده وقالها
(آسف معرفتكيش بنفسي.... انا حسن ياسين المحمدي.... اكيد سمعتي عن مجموعه المحمدي جروب للإنشاءات والتعمير)
(اااه طبعآ سمعت عنها.... بس ممكن اعرف حضرتك ناديتني ليه)
(انا عايز اتكلم معاكي ف مكان هادي... انا عرفت انك سيده أعمال صاعده... وعايز يكون ف بينا شغل... إيه رأيك... ممكن اعزمك ع فنجان قهوة ف كافيه قريب من هنا.... لو سمحتي مش هأخرك...)
هزت رأسها موافقه... وقالت له
(ط اتفضل وانا هأجي وراك بعربيتي)
(ماشي تمام)
ركبت شمس العربيه.... ومشيت وراه... وصلوا لكافيه قريب... نزلوا ودخلت معاه الكافيه
طلب قهوه وسألها تشرب إيه قالتله
(قهوه مظبوط.... ممكن تقولي شغل إيه اللي عايزني فيه يا استاذ حسن)
ولع سيجاره وعزم عليها بواحده... رفضت بآدب.... وبصت له مستنيا كلامه
قالها بثقه
(انا هكون معاكي صريح.... وهتكلم ف المفيد ع طول... وانتي شكلك بنت ذكيه... وهتبصي للمصلحه.... من غير ما أطول عليكي.... انا عرفت من مصدر موثوق فيه... انك بقيتي شريكه صخر الرواي ... ده صحيح)
وشها اتغير لما سمعت إسمه... مزاجها اتعكر ردت عليه بخنقه... وهوه لاحظ ده
(ايوااا... ليه)
(تمام اوي... يبقي اللي سمعته من مصدري كان صح)
(سمعت ايه ومصدر مين.. انت عايز ايه بالظبط يا استاذ حسن)
(عايز نحط ايدينا ف ايد بعض... انتي زي مانا عارف وشايف ع وشك دلوقتي... انتي بتكرهي صخر... صح)
ردت تلقائي من غير ما تفكر
(بكرهه.... بكرهه وبس... انا عرفت الكره ع ايديه... انا مبكرهش ف حياتي اده)
(ممتاز اوي)
(ايه هوه اللي ممتاز)
(كرهك ليه.... لأني انا كمان بكرهه... انتي ما تتخيليش صخر أذاني إزاي... ونفسي تيجي الفرصه اللي ارد له فيها الجميل.... وانتي الفرصه دي يا شمس)
