قلوب***لاتعرف الرحمه
الحلقه التاسعه عشر...................
صخر قضي صباحه مع جنه.....جنه نفذت تعليمات زيد لما قال لها
(ما تخليش حد يحس انك زعلانه او مش عايزه تمشي....وخصوصٱ صخر اخوكي)
جنه نفذت كلام زيد بصعوبه....حست انه زعلت من صخر تاني
رغم انها كانت سامحته....كانت سامحت الدنيا كلها...حب زيد أداها أمل وفرحه
عمرها ما عرفتهم ف حياتها.....جنه انتبهت ع كلام صخر
ابتسمت ف وشه...وسألته قال إيه....ضحك هوه كمان واتكلموا سوا طول فتره الصبح
فطر معاها ف الجنينه....وطلب منها تطلع ترتاح. ف اوضتها...وهوه هيمشي عشان شغله
شاور لآمل تيجي تساعدها وتطلعها اوضتها...جت تسلم عليه
قرب منها وقال لها بسعاده
(صح ازاي نسيت اقولك...انا خلاص حجزت لك ف مستشفي كبيره في لندن...هنسافر اول الاسبوع الجاي..يكون المحامي وقتها خلص لك جواز السفر...واكون انا ظبطت شغلي هنا....عشان انا ناوي.....اننا نكمل حياتنا هناك...هخليكي تلفي اوروبا كلها اول ما تقفي ع رجلك تاني إن شاء الله)
وطي باسها من دماغها ومشي.....جنه تعبت من الصدمات غمضت عينها بقسي لكنها افتكرت
كلام زيد
(ثقي فيا شويه بقا...وعدتك يا جنه محدش هيفرق بينا...مش هقعد اعيد لك الموال ده كل شويه...انتي بتاعتي انا وبس...انتي حقي انا يا جنه)
حست بقلبها بيدق بعنف ....دق وقتها وبيدق تاني دلوقتي لمجرد انها افتكرت
اتنفست براحه...لأنها بتثق ف زيد اوي....فضلت تبص عليه وهيه داخله مبني المستشفي
لمحته...رفعت إيدها تلقائي ...وشاورت له
لكن ....آمل شافت الحركه
بصت بعيد مكان ما جنه شاورت....شافت ناس كتير...لكن اللي باصص لهم...هوه..زيد وبس
*********************
قمر خافت ليحصل اللي حصل قبل كده....صحيت وخرجت من الاوضه
كانت الساعه ٨ الصبح.....حضرت فطار ليها ولحماتها اللي بتصحي من بدري
لقوا زينه صحيت كمان....كان شكلها مبسوطه ع الصبح...قمر ضحكت ف وشها
حست انها بتضحك للعالم كله....ما تعرفش ليه لما زين بيلمسها بتنسي اي وجع عاشته
او حزن شافته...بتنسي حياتها المؤقته معاه...بتنسي كل حاجه..إلا...حضنه
لمسته....شفايفه ع وشها...جرحها...رقبتها...وجسمها
