قلوب***لا تعرف الرحمه
الحلقه الثامنه عشر...........
زينه كانت ف اوضتها....مقدرتش تستني لبكره عشان تقول لأيسر ع اللي وصلت له بعد تفكير طويل
طلعت رقمه الخاص من ع تلفونها واتصلت عليه...رد عليها بعد كام رنه
(ألو مين)
ارتبكت عشان معرفش صوتها ردت
(استاذ ايسر....انا زينه)
( اه ايه يا زينه ف حاجة ولا ايه)
(اااه الصراحه فيه يا استاذ ايسر)
قاطعها
(خليها ايسر بس استاذ دي ادام الناس بس ماشي ها ...قوليلي ف ايه)
(ايسر انا فكرت ف كلامك كتير......ووصلت لحل لمشكلتك...ااقصد حل يمكن يخليك تمسك دليل ع ابوك...ااقصد ياسر بيه)
(حل وايه هوه الحل ده)
(بص يا ايسر...ف مثل قديم بيقولك الايد اللي ما تعرفش تعضها....بوسها.....ف ليه انت ما تطبقش المثل دا ع ياسر بيه...يعني تروح الحفله بكره..... وتعيد عليه وتجيب له هديه كمان..... وتفهمه انك ندمان ع ظنك فيه...وانك رجعت لعقلك...وترجع تعيش ف السرايا كمان...وهناك اللي ما تعرفهوش ...ه تعرفه...واللي ما بتسمعهوش عشان انت بعيد تسمعه ....اطلب من ايمن ف الحفله انه يصالحك عليه وايمن اخوك ما هيصدق...ف بكده ترجع تعيش معاهم بكرامتك....وكمان تطلب منه انك تشتغل معاهم بس مش علطول طبعا....يعني شويه كده بعد كام يوم....وبكدا تبقي معاهم زي ما بيقولوا يعني تبقي ف قلب الحدث...واكيد اكيد هتلاقي ورق مستندات...تسمع كلام....هتلاقي حاجات تفتح ليك طريق وتلاقي خيط تمشي عليه ...فكر ف كلامي كويس ورد عليا بس سيب كرامتك وكرهك ع جمب اذا كنت عايز تنقذ الناس بجد من ابوك واللي زيه)
ايسر كان بيسمع لها ومتنح اوي قالها
(انا ازاي غاب عن بالي كلامك ده من سنين...صح عندك حق ...انا فعلا لازم اعمل كده...بس ...بس انا محرج اقف قصاده)
(لأ اتشجع...روح الحفله بس متأخر شويه...عشان ابوك ما يلاحظش وجودك وتقدر انت تاخد ع الحفله والناس وتتشجع تكلمه وطبعا تكلم اخوك الاول....خليه يظن انك مش هتيجي وطب عليهم فجأه...هتبقي مفاجأه حلوه اوي ليهم هما الاتنين وخصوصا ايمن)
(صح برضو عندك حق .....ماشي ..ط اقولك ع حاجه...ينفع تيجي معايا)
زبنه اتجمدت...معرفتش ترد عليه ارتبكت تاني ردت عليه بشرود
(انا...انا مش عارفه يا ايسر...ممكن اهلي ما يوافقوش)
(يا ستي قولي لهم انك جايه معايا اجتماع مع ناس مهمين...حاجه تخص الشغل ولو تحبي انا هأجي اكلم والدك بنفسي ايه رايك)
