#قلوب_لا_تعرف_الرحمه
#فريده _احمد_فريد
الحلقه الثامنه
شمس حطت نضاره ع عنيها قبل ما تدخل لصخر مكتبه كانت فكرت كتير طول الليل
عمرها ما هتقدر تواجه اخواتها قبل ما تاخد حقها من صخر....
وتخليه يعترف بجريمته ف حقها وانه اتبلي عليها زور عشان يذلها
خرج السكرتير وقالها ...تتفضل تدخل ...شكرته ووقفت قصاد الباب
مسحت عينها كويس ....ورسمت ابتسامه بالعافيه ع وشها
فتحت الباب ....ودخلت متحمسه اوي..... جريت ع مكتبه وقالت بسعاده وحماس مزيفين
( استاذ صخر ....بارك لي... بارك لي بسرعه)
صخر وقف وقالها بدهشه
( ابارك لك ع ايه... اهدي وفهميني )
قالت له
(ايمن اخويا قالي ان المشروع كله هيبقي ملكي لوحدي يعني... هروح ع بدر واشتري الارض باسمي... واكتب معاك العقد باسمي انا.... انا مبسوطه اوي اوي... انت وشك حلو اوي عليا )
صخر ابتسم اخيرا ..وقالها
(مبروك يا انسه)
قربت منه ومسكت ايده بحركه تمثيليه... طفوليه... وقالت تترجاه
( استاذ صخر ممكن... بليز.... ارجوك... تيجي معايا اصل ايمن سابلي الجمل بما حمل ....وانا خايفه لابوظ الدنيا او سمسمار يضحك عليا.... صخر انا لسه مبتدئه وده اول مشروع ف حياتي.... وخايفه لاشفل )
صخر بص لها ....وتقريبا تمثيليتها دخلت عليه
ابتسم وقالها
(عيب تقولي كده وانا معاكي... انا عشان خاطر حماسك ده.... هأجل مواعيدي واجي معاكي)
ضحكت اوي وقالتله
(متشكره اوي ....اوي ...كده انا اتاكدت اني هنجح ميه ف الميه ان شاء الله طبعا )
ابتسم لها وناده السكرتير وطلب منه تاجيل مواعيده وطلب منها انهم يمشوا دلوقت
شمس خرجت معاه وركبت عربيته وهيه سعيده بس مش عشان وافق يساعدها
لا عشان اول خطوه ف خطتها نجحت
*"**********************
بدر حضرت بطاقه قمر... وصور قديمه ليها.... قمر فضلت حزينه كانت خايفه من الساعات الجايه
وفعلا زين جه مع اهله وجاب معاه كام واحد من صحابه عشان يشهدوا ع الجواز
بدر قامت معاهم بالواجب مرغمه عشان الجوازه تتم ع خير
لكنها كانت بتعامل زين بجفاء ع اعتبار انه هوه اللي شوهه اختها
كان نفسها تشوهه وتاذيه زي ما عمل ف اختها لكنها حكمت عقلها ومشاعرها
عشان مستقبل قمر ...هوه كمان ما يتشوهش
بدر فكرت للحظه انها تبلغ عنه وتحبسه لكن قمر هتستفاد ايه من حبسه
بدر شافت ان اختها تتجوز من مجرم احسن ما تعيش حزينه وحيده زيها لباقي عمرها
حضر المأذون وطلب قمر العروسه... زينه دخلت مع بدر عشان يجيبوها
زين كان متضايق ومغصوب ع كل ده لكنه استني يشوف البنت اللي اخوه شوهها
بدر وزينه دخلوا اوضه قمر لكنهم اتصدموا لما لقوها لابسه نقاب ع وشها
**********************
امل الممرضه حطت طبق الفراوله قصاد جنه
وقالت لها (كلي يا جنه وانا هرجع لك بعد شويه)
امل رغم ان صخر بيديها فلوس كتير عشان تهتم وتحن ع جنه
الا انها بتعمل كده قصاده وقصاد الدكتور وبس غير كده كانت بتهملها وتسبيها لوحدها
فترات طويله.... سابتها ورجعت ع مبني المستشفي....... جنه كانت قاعده ف الجنينه
بصت لطبق الفراوله من غير نفس ......دخلت عربيه للمستشفي نزل منها ست وطفلين
الاطفال جريوا ورا بعضهم....... امهم نادت عليهم لكنهم فضلوا يجروا ويلعبوا ف جنينه المستشفي
لكن طفل فيهم خبط ف زيد ....الطفل اتأسف وجري من اخوه
زيد بص لهم وضحك ع شقاوتهم خصوصا انهم شبه بعض
فكروه بيه هوه وزين ف سنهم.... لكن طفل منهم خبط ف ترابيزه جنه وقع طبق الفراوله ع الارض
جنه بصت لهم.... سابوها وجريوا ....زيد شاف الموقف راح ع جنه بصفته عامل النضافه
بص لها لقاها اتضايقت..... بص لها بقرف قال ف سره
"ايه العبط ده.... هيه زعلت من لعب العيال عشان وقعوا شويه فراوله.... فعلا عالم نتنه "
لم الفراوله ف الطبق تاني وقالها بجفاء
( هغسلها وارجعها لك ع طول يا انسه)
زيد قال ف نفسه انها هتقوله ارميها لكنها بصت له وسكتت
زيد رفع حواجبه بدهشه وراح ع مبني المستشفي غسل الفراوله باهمال
ورجع لها قالها وهوه بيمد ايده بالطبق
( اتفضلي غسلتها كويس)
لكنها ما مدتش ايدها زيد استغرب قالها
(حضرتك عايزه الطبق ولا ارميه ف الزباله)
لكنها هزت راسها نفي بسرعه... زيد لاحظ انها بتحرك صوابعها بصعوبه
زيد حس ان جردل ميه ساقعه اتدلق ع دماغه... لما فهم انها عاجزه ...مشلوله
زيد عمل حاجه غريبه نزل ع ركبته وقرب منها قالها بهمس
( حضرتك مشلوله )
بصت له وفرت دمعه من عينيها ....زيد بسرعه مسح دمعتها وقالها
( انا مقصدش اعيطك... معلش انا اسف انا بس بحسدك)
جنه بصت له بدهشه بص ف الارض وقالها
(ايوا يا انسه... انتي عاجزه صحيح ....بس ف ناس بتهتم بيكي .....والدليل انهم جايبينك مستشفي غاليه زي دي.... انا بقي سليم ميه ف الميه ....لكن معنديش اللي يهتم بيا وع فكره انا عاذر اهلي انهم يكرهوني عشان انا ما استاهلش اتحب من كلب حتي..... انا غلطت كتير ف حياتي.... واللي انا متاكد منه ان ربنا عمره ما هيسامحني ولا اهل الناس اللي انا اذتهم ....ولا اهلي كمان... انا منبوذ من الدنيا كلها.... وحق الكل يكرهني)
زيد من غير ما يقصد عيط وهوه بيكلمها اتفاجاء بدموعه ع خده
مسك دمعته بصباعه ...وبص لها مستغرب ...ضحك بسخريه وقالها
(معلش انا طولت عليكي بس انا قلت ان اكيد معندكيش مانع تسمعي بلاوه من بلاوي الناس السليمه كلنا عاجزين ف حاجه فينا ....انا عن نفسي عاجز ف عقلي دايما بتصرف غلط...... وفيا انانيه وغرور مالهومش اي اساس انا اسف عمال ارغي ارغيي وما سالتكيش حتي عن اسمك)
بص لها لقاها بتحاول تتكلم لكنها مش قادره زيد حس بحزن شديد قالها
( خلاص ماتقوليش اسمك... هزي بس دماغك لما اسالك ماشي)
هزت دماغه موافقه قالها
( انتي متضايقه اني بكلمك)
هزت راسها لا قالها
(كويس اوي ط انتي حصلت لك حادثه عملت فيكي كده)
جنه دمعت وهزت راسها نفي .. استغرب وقالها
(اومال ايه انتي مولوده كده )
برضو هزت راسها نفي ...استغرب اكتر لكنه قالها بحنيه
(ط ممكن بلاش عياط )
مسح دمعتها ....هزت راسها موافقه ....قالها بضحك
( ط ممكن نكون صحاب ...يعني تسمحي لي ابقي اجي ارغي معاكي كل شويه اصل انا ماليش صحاب يعني بقيت مقطوع من نخله)
ابتسمت وهزت راسها موافقه... قالها بضحك
(ط اطير انا دلوقت لحسن حد يشوفني ويعلقني اووك هبقي ارجع لك كمان شويه )
ابتسمت اكتر وهزت راسها ....زيد وقف ع رجله ومسك فراولايه.... وحطها ف بقها
وقالها بهزار
(كليها بسرعه ...قبل ما حد يقفشنا )
ضحكت وهيه بتاكل الفراولايه..... زيد مسك كف ايدها وسلم عليها جامد
ضحكت قالها
( سلام مؤقت )
هزت راسها ...مشي وهوه بيبص لها ويبتسم هيه كمان فضلت باصه عليه لحد ما اختفي ودخل مبني المستشفى
*************************
قمر كانت بتعيط من تحت النقاب وهيه راجعه ع بيت زين
حزنت ع فراق اختها ....وجوازها بالشكل ده ....وخصوصا ان زين متجاهلها من اول ما شافها
وصلوا البيت اخيرا ....زينه هيه اللي رحبت بيها اوي خدتها من ايدها وهيه بتقولها
( تعالي يا قمر دي اوضتك انتي وجوزك )
زين بص لها بغضب لكن قمر ما شافتش بصته دخلت قمر معاها الاوضه
زين دخل شنطه هدومها بعصبيه زينه ابتسمت وقالت لهم (هسيبكوا تغيروا هدومكوا ...وتتعرفوا ع بعض ماشي ومبروك تاني )
الاتنين بصوا لها بغضب المره دي.... زينه خرجت وقفلت الباب وراها قمر بصت له بغضب
وقالتله
( اختك بتبارك لي المفروض انها تعزيني ع جوزاتي المهببه منك.... مش عايز تشوف وشي اللي انت دمرته)
قمر خلعت النقاب زين اتصدم وقرف من شكل الجرح ف وشها
الجرح كان لسه مفتوح وفعلا شكله مقزز ووحش اوي قمر بصت له وضحكت بسخريه وقالتله
( اهوه انت تستاهل انك تصطبح كل يوم ع الوش اللي قرفت منه ده..... كده احسن ولا... احبسك احسن)
زين جاب اخره مشي ناحيتها ومسكها من ايدها بعنف وقالها بقرف واشمئزاز
( اسمعي يا روح امك اوعي تفتكري انك تعرفي تهدديني عشان عرفتي بيتنا وعيليتنا..... اولا مش انا اللي شوهت الوش المقرف ده..... دا اخويا تؤامي زيد اللي عمل كده ولو عايزه تروحي تشتكيه اتفضلي ...روحي القسم عندك بس انا يا حلوه عندي مليون شاهد اني كنت ف مكان تاني وقت ما زيد عمل فيكي كده... وهوه هربان دلوقتي يعني اخبطي دماغ امك ف الحيطه.... واوعي تفكري انك هنا هتبقي ست بيت ....انا عصرت ع نفسي مزرعه لمون وقبلت اتجوزك عشان زينه باست ايدي ورجلي.... بس انتي هنا هتبقي خدامه مش اكتر ...وما تفكريش انك هتنامي جمبي ع سريري.... انتي مكانك ع الارض ولو فكرتي تعلي صوتك او تقرفيني.... هتاخدي باوسخ جزمه فاهمه يا زباله ......واحمدي ربنا ان ف حد قبل بيكي اصلا انتي شكلك يقرف حتي من غير الجرح ده.... يلا غوري من خلقتي .....حطي هدومك وغوري اطلعي بره اوضتي وطول ما انا فيها رجلك ما تعتبهاش ابدا فاهمه ولا تحبي افهمك بالضرب ......غوري بشكلك اللي يقرف ده)
زين زقها ع الارض وسابها وخرج.... قمر فضلت باصه ع الباب اللي رزعه وراه
وافتكرت كلام اختها.... وفضلت تعيط بهستريا ع حظها الهباب
يعني بدر كان عندها حق لما قالت لها ان عمر ما ف ناس كويسه كانوا هيبقلوا بواحده فيهم التفكير ده خلاها تنفجر اكتر ف العياط
يتبع ف الحلقه 9