#قلوب_لا_تعرف_الرحمه
#فريده _احمد_فريد
الحلقه الثالثه.............................
تاني يوم بدر وشمس كل واحده فيهم كانت متحمسه اوي ،،،النهارده المفروض اجازه بدر وقمر
لكن بدر قالت لهم انها عندها شغل،،،،خرجت شمس بلبس المدرسه كأنها رايحه عادي
لكنها ركبت تاكسي بمصروفها،،،وصلت العماره خدت نفس طويل وطلعت خبطت وهيه متردده خافت لتكون جنه موجوده
لكن فتح لها صخر ابتسم ابتسامه شيطانيه وقالها
(كنت متأكد انك هتيجي تعالي ادخلي)
دخلت شمس وهيه مكسوفه اوي منه،،،،قعدت ف الصالون ،،،صخر قعد جمبها وحط إيده ع كتفها
لكن شمس اتنفضت خافت ليفهمها غلط قالتله بسرعه وهيه بتبعد
(صخر انا مش عايزاك تفهمني غلط،،،،انا جايه عشان اقعد معاك ونتعرف ع بعض بس مش اكتر)
صخر بص لها اوي وقال ف سره
(وحياه أمك، ،انتي هتعملي عليا شريفه ،،،مش مشكله انا عامل حسابي كويس )
ضحك بصوت عالي وقالها
(انتي عبيطه يابت انتي فاكراني جيبك هنا عشان استفرد بيكي ،،،لا طبعاً يا عبيطه ،،،انا كمان عايز ااقرب منك واتعرف عليكي،،،،ها تحبي تشربي ايه عصير شاي قهوه اي حاجه )
ضحكت بخجل وقالتله
(قهوه انا بحب القهوه )
قالها (عز الطلب انا كمان هشرب قهوه ،،،هروح للشغاله اقولها تحضر لنا اتنين اووووك)
ضحكت شمس وهزت رأسها بخجل،،،،،صخر دخل المطبخ وطلع كيس صغير عمل القهوه بنفسه وحط ف الفنجان بتاعها ماده مخدره خرجها من الكيس
رجع لها بالفناجين قامت خدتها منه ،،،حطتها ع الترابيزه وقعدت قصاده ،،،قعد وقالها
(ها يا ستي كلميني عن نفسك شويه بس،،،،بصراحه ).
شمس ما صدقت،،،اتفتحت ف الكلام وهيه بتشرب القهوه المخدره وهوه كمان كان بيشرب قهوته
لكن تلفونه رن خرج التلفون بص فيه ،،،اعتذر لها وقام يرد عليه ،،،شمس بصت عليه لما دخل البلكونه عشان يتكلم براحته
رجعت بصت للفناجين ،،،،مسكت الفنجان بتاعه وشربت منه قالت ف سرها
،،،،عشان تجري ورايا يا صخر،،،
حطت الفنجان مكانه ،،،رجعت فكرت قالت
،،ايه الغباء دا دا هوه المفروض اللي يشرب من الفنجان بتاعي ،،،،عملت ايه
شربت باقيه الفنجان بتاعه وحطت قهوتها ف فنجانه هوه،،،،،رجع صخر قعد مكانه ضحك لها وقال
(معلش كانت مكالمه مهمه،،،ها يا ستي كملي )
شمس فضلت ترغي ترغي وتتكلم عن نفسها،،،صخر خلص فنجانه وفضل باصص لها مستني انها تنام عشان يغتصبها زي ما كان عايز
لكن شمس ما بطلتش رغي،،،،صخر زهق منها وقف مره واحده وقالها
(تعالي ،،،قومي تعالي عايز افرجك ع حاجه )
ضحكت وقامت،،،،لكنها حست ان دماغها بتلف،،،،صخر ابتسم وخد ايدها وقالها
(ايه هتقعي ولا ايه،،،،اسندي عليا وتعالي )
خدها صخر للدور التاني،،،،شمس كانت سانده عليه ومكنتش شايفه ادامها بسبب مفعول المخدر
وصل صخر لاوضه نومه ، ،،شمس شافت سرير ادامها،،،بصت له وهيه بتحاول تركز قالتله
(ايه دا انا ايه اللي جابني هنا انت هتعمل فيا ايه )
صخر نفد صبره مسكها من كتافها وقالها
(انتي هتعملي شريفه عليا يا روح امك. ...انتي جايه هنا عشان كده ،،،،فكك بقي من الشغل ده )
صخر رماها ع السرير بمنتهي العنف،،،،لكن شمس كانت بتفوق ،،،،فهمت صخر عايز منها ايه،،،،وفهمت ان دا غرضه منها من الأول
رجعت بضهرها ع السرير،،،،هوه كان بيقلع هدومه ويرميها ع الأرض، ،،هيه بصت حواليها عايزه تهرب،،او تمسك حاجه تدافع بيها عن نفسها
مسكت طفايه سجاير كانت ع الكومدينو جمب السرير، ،،صخر فهم هيه هتعمل ايه هجم عليها وضربها
كان بيحاول ياخد من ايدها الطفايه،،،،لكن الطفايه الازاز الضخمه اتخبطت ف خشبه السرير واتكسرت ع السرير
صخر ضحك وقالها
(مفيش حاجه هتمنعني اني انام معاكي يا شمس ،،،انا لما اعوز حاجه بأخدها حتي لو ف بق الأسد )
شمس بصت له وكانت عايزه تعيط عايزه تترجاه يرحمها ،،،لكن مفعول المخدر اشتغل وشمس لقت نفسها بتغيب عن الوعي
فتحت عينها لقت نفسها عريانه خالص،،،والدم مغرق رجلها،،،،قامت قعدت وفضلت تصرخ وتلطم ع وشها
لقت صخر خارج من الحمام وهوه صدره عريان ولابس بنطلون جينز بس،،،كان جسمه كله ميا
قمت تجري عليه وضربته بالألم ع وشه،،،،لكنه فاق تماماً، ،،بصلها اوي وبرق لها مكنش مصدق انها عملت كده وضربته
قرب عليها خافت منه جريت ع هدومها مسكت الجيبه وحاولت تغطي نفسها لكنه جري مسكها من شعرها
ونزل فيها ضرب ...وهيه تصرخ وتحاول تبعده عنها لكنه اقوي منها بكتير
سابها بعد ما الدم غرق وشها صرخت فيه وقالتله
(مش هسيبك يا صخر واللهي لاقتلك يا كلب يا حيوااااااان )
لكنه ضحك اوي وقالها
(ها،،،،وانتي كنتي فاكره ايه يا حلوه،،اني انا صخر الراوي هبص لحته بت زباله زيك انتي،،،انتي فاكره يابت اني مكنتش فاهمك من الاول وعارف انتي صاحبتي اختي ليه،،،اللي زيك بتصاحب اي واحده غنيه عشان تاخد منها ،،،، انتي بقي لما عرفتي ان ليها اخ،،،افتكرتي انها باضت لك ف القفص يا روح امك، ،،لكن لأ دا انا تربيه شوارع يا بت واشكالك ياما عدوا عليا والسرير دا بيشيل من امثالك كل يوم )
شمس كانت زي جمره من نار قالت له وهيه بتجز ع سنانها
(انا مش من الاشكال الحقيره اللي انت تعرفها يابن الرواي،،،، وانا هعرفك انا هعمل فيك ايه،،،وديني وما اعبد لافضحك ف كل حته يا صخر،،،هخليك ما تعرفش ترفع عينك ف الناس تاني،،،،انا بقي هعرفك الزباله دي هتعمل فيك إيه،،انا هنزل من هنا ع القسم واعملك محضر وقضيه اغتصاب وهخليك زي الجزمه تصلح غلطتك انا هوريك انا هقدر اعمل ايه )
صخر بص لها واتجنن ازاي بت زي دي بتهدده وتقوله كده صخر الغضب عما عينه جري مسكها من شعرها
وضربها ع وشها،،،،وجرها من شعرها وهوه بيقولها
(انتي بتهدديني انا يا****طب يلا ع بره يا بنت ال****)
جرها وهيه عريانه زي ما هيه ،،،كانت ماسكه الجيبه بتاعتها بس،،،،جرها ع السلم ،،،فضلت تصرخ السلم بيكسر لها ضهرها
لكنها مش خايفه ع ضهرها ولا بتصرخ ع وجع شعرها هيه بتصرخ ع اللي عايز يعمله وفعلاً صخر فتح باب الشقه ورماها عريانه زي ما هيه قصاد الباب
تف عليها وقالها
(انتي بتهدديني طب وشرف امك الناقصه لاوديكي ورا الشمس ومش انتي بس لأ دا انا هضيعك انتي واخواتك كمان انا هندمك ع الساعه السودا اللي بصيتي فيها لاسيادك يا شمس الكلب انتي)
دخل ورزع الباب ف وشها
قامت وهيه بتداري جسمها فضلت تخبط،،،وترزع ع الباب وتقوله
(افتح يا صخر،،،افتح حرام عليك ،،،ازاي همشي كده،،،طب ارميلي هدومي ،،،يا صخر افتح،،،افتح ابوس رجلك )
لكن الباب اللي وراها هوه اللي فتح،،،،كان شاب ف سن صخر بص ع جسمها العريان وبلع ريقه قرب عليها
لكن شمس صرخت ونزلت تجري ع السلم،،،وقفت ع اخر درجات ولبست الجيبه الطويله ودارت جسمها
لكنها برضو لسه عريانه،،،هتعمل ايه،،،،نزلت للدور الأرضي بصت حواليها لقت اوضه البواب مفتوحه
بصت جواها كانت فاضيه،،،دخلت وخطفت عبايه وطرحه كانوا مرمين ع غساله قديمه،،،،رجعت وقفت ع السلم ولبستهم بسرعه
خرجت من العماره،،،،البواب كان واقف مع واحد لكنه شافها وهيه خارجه ،،،بص لها واستغرب افتكرها مراته عشان الهدوم
نادي عليها،،،لكن شمس خافت وطلعت تجري وهيه بترفع العبايه من ع الأرض
**************************
بدر وصلت سرايا الفرماوي....البواب. دخلها. بعد ما قالت له ع اسمها
وصلت. للبوابه الرئيسيه
بصت للسرايا. بإعجاب كبير....كانت مكسوفه ...محرجه انها. هتخدم ف بيت الراجل اللي بتحبه....لكنها. سعيده. انها. هتشوفه. وتقضي معاه. اطول وقت ممكن
رنت الجرس ....فتحت لها. ست كبيره ف السن. بصت لها. بدر قالت
(سلاموا عليكوا....انا بدر استاذ. ايمن. قالي. اجي)
ام كريم(ايوا. ايوا. البيه. قالي عليكي امبارح. وكنت. مستنياكي من. بدري. يلا. عشان عندنا. شغل كتير)
دخلت. بدر. ام كريم. خدتها ع المطبخ تفطرها. ف الاول
خلصت اكل مع ام كريم ...وقامت اشتغلت ف البيت ......كانت عايزه تسأل ع ايمن لكنها اتحرجت من ام كريم
ام كريم كانت بتنظر عليها اكتر ما كانت بتساعدها....بدر اشتغلت لساعات طويلة خلصت الدور الاول وجه وقت تنضيف الدور التاني
كان سعيده عشان اخيرا هتشوفه خبطت على اوضته زي ما ام كريم قالت لها استاذني منه الاول ايمن كان واقف عند بلكونه اوضته
كان زعلان ومهموم، ،،، بيفكر في الكلام اللي ايسر قاله علي ابوه وخاله امبارح كان لابس هدوم خفيفه
الباب خبط فجاه وتفتح
دخلت بدر.... ايمن بص لها وبرق اوي زعق لها
( انت ازاي تدخليا على كده يا بدر انت متخلفه مش تخبطي و تستاذني الاول)
بصت ليه بدر وهي محرجه قالت له
( انا انا اسفه اوي يا ايمن بيه بس انا)
زعق لها تاني (خلاص خلصنا يلا اطلعي بره مش عايز حد ينضف لي حاجه يلا امشي )
بدر خرجت من اوضته تجري نزلت بسرعه ع المطبخ تغير هدومها،،،،ام كريم دخلت عليها لقتها بتعيط وبتغير هدومها
قالت لها
(مالك يا بدر يا بنتي بتعيطي ليييه،،،، وبتغيري هدومك وراحه ع فين )
بدر(ايمن بيه قالي مش عايز حد ينضف لي حاجه انا ماشيه يا ام كريم )
ام كريم( طب استني خدي فلوسك انت تعبتي يا بنتي )
بدر بصت لها وقالت (مش عايزه حاجه منه)
خرجت بدر وهيه بتعيط،،،،وبتلعن حظها ونصيبها اللي جبروها تتذل بالشكل ده،،،وتحب راجل عمره ما هيبص لها ابدا
*******************
وصلت شمس البيت ....جت تخبط لقت الباب مفتوح...سمعت صوت قمر ع السلم ...كانت بتكلم واحده جارتهم...دخلت شمس تجري ع اوضتها
فتحت دولابها بسرعه عشان تغير قبل ما قمر تشوفها لكنها اتفاجئت بقمر بتقول لها
(شمس....انتي شمس....دا انا افتكرتك حراميه .....انتي ايه اللي انتي عملاه ف نفسك ده....و فين هدوم المدرسه...وانتي اصلا مش ف المدرسة ليه)
شمس لفت بصت لها وانهارت ف العياط...لكن قمر جريت مسكتها من ايدها وهزتها اوي وقالتلها بصريخ
(انتي بتعيطي لييييه....حصل اييييه انطقي فين هدومك يا شمس)
شمس حاولت تهديها مسحت دموعها وقالت لها
(اصبري بس انا هفهمك يا قمر...انا انا هربت من المدرسه وخرجت مع بنات صحابي ...لكن عربية خبطتني وانا ماشيه بهدلت هدومي...جت ست طيبه حدفت لي الهدوم دي)
طاااااااخ....قمر رزعت شمس بالألم ع وشها وصرخت فيها
(وحياه امك...عليا انا يا بت الكلام ده...هربتي من مدرستك عشان تخرجي مع بنات صحابك ولا واحد صاحبك....وهوه اللي عمل فيكي كده....هوه اللي قلعك هدومك يا بنت الكلب.....فرطتي ف نفسك يا شمس....فرطتي ف شرفنا....ليييه حرام عليكي ليه دا انا وبدر شقيانين عشانك عملتي فينا كده ليا يا شمس )
شمس فضلت تعيط...قمر نزلت فيها ضرب....فجأه اتفتح باب الشقه...قمر خرجت لقتها بدر ....جريت عليها وهيه بتلطم ع وشها
(ألحقيني يا بدر....ألحقيني ياختي شمس اختك شمس فجرت يا بدر....شمس فرطت ف نفسها...هربت من المدرسه وراحت قابلت واحد وبصي راجعه لنا لابسه اييييه....ألحقيني يا بدر هنعمل ايه ف الفاجره دي)
بدر برقت عينها وبصت ع شمس وع الهدوم الغريبه اللي لابساها....كانت لسه هتصرخ فيها...اتفجئوا التلاته بباب الشقه بيتكسر عليهم
البنات اتفزعوا....دخلت الحكومه عليهم...الظابط بص لهم هما التلاته وقالهم
(انتوا بدر وقمر وشمس محمد)
بدر قربت منه وهيه بتترعش وقالت
(ايوا يا باشا ف ايييه احنا ما عملناش حاجه وربنا)
الظابط(ما عملتوش يا روح امك....فاتحين شقتكم للدعاره وتقولي ما عملتوش ....يا احمد اقبض لي ع البنات الشمال دول وارميهم ف البوكس)
البنات بدر وقمر فضلوا يصرخوا ويقولوا
(ماعملناش حاجه)
لكن شمس كانت ساكته...كانت بس بتعيط....كانت حاسه ان صخر ورا الموضوع ده....طبعا الجيران شافوا وسمعوا كل حاجه
ف القسم البنات واقفين قصاد الظابط وهما بيعيطوا....بدر فضلت تحلف ليه
(واللهي يا باشا احنا ما عملناش حاجه ... والكلام دا مش صح احنا التلاته بنات وعمر ما ف راجل دخل بيتنا بعد ابويا الله يرحمه طب حضرتك اسأل علينا ف الشارع)
الظابط ولع سيجارته وبص لهم اوي وقال لها بهدوء
(اومال صخر باشا بيقول عليكم كده ليه....هوه كلم الباشا الكبير شخصيا...وبيتهم اللي اسمها شمس انها سرقته....قال انه خدها من كباريه ...وسرقته بعد ما نيلها....وقال انه كان بيسهر عندكم ف شقتكم هوه وصحابه...يعني بالعقل كده هوه هيتبلي ع بنات زيكم ليه يعني)
بدر زادت ف العياط وقالتله
(واللهي ما حصل واللهي العظيم انا معرفش حد اسمه صخر اساسا واللهي ما بكدب عليك يا باشا)
الظابط فكر شويه قام وقف وقالها
(ماشي يا بدر يعني لو حولتكم ع الطب الشرعي وثبت انكم مش بنات او واحده فيكم هتعترفوا وقتها انكم شمال واحبسكم )
بدر ردت بسرعه(ايواااااا ايوا يا باشا حولنا دلوقتي اهوه والطب الشرعي هيثبت اننا بنات شريفه وصخر دا راجل كداب وبيفتري علينا ليه بقي الله اعلم)
الظابط وافق وامر بتحوليهم للطب الشرعي للكشف عليهم....
ركبوا البنات ف البوكس تاني
كانت قمر وبدر ف كلبش واحد وشمس ف كلبش مع امين شرطه....شمس كان كل خوفها ع اخواتها لما يكتشف الدكتور انها مش بنت
اخواتها هيتحبسوا ويتبهدلوا بسببها.....فكرت بسرعه هيه لازم تهرب مش لازم حد يعرف انها مش بنت بنوت
رفعت ايدها بهدوء لشعرها
خدت بنسه شعر من دماغها....وبمنتهي الحذر فكت الكلبش من ايدها الامين حس بيها بص لها لكنها بصت لاخواتها وهمست لهم
(انا اسفه اوي)
قامت بسرعه ونطت من البوكس وهوه بيجري ع الطريق مكنش لسه خرج للطريق السريع كان بين البيوت ف المنطقه اللي فيها القسم
الامين صرخ وهوه بيخبط ع البوكس
(اوقف بسرعه يا ابراهيم)
عقبال ما البوكس وقف ونزل منه الامناء......شمس كانت وقفت ع رجلها بصعوبه وفضلت تجري وهيه بتعرج لحد ما اختفت بين الناس ف زحمه الشارع
وصلت للطريق السريع ....شافت اتوبيس هيئه كان بينزل ناس ع المحطه....جريت ركبته ....مشي الاتوبيس وهربت شمس من الحكومه ومن اخواتها ومن الفضيحه
***************************
ايسر قرر اخيرا انه يرجع البيت....شاف انه مش لازم يخسر اخوه بسبب ابوهم....رجع متأخر متعمد عشان ما يقابلش ايمن ويتكلم معاه وهوه ف الحاله دي
دخل ايسر البيت لكنه استغرب من الصوت العالي اللي ف البيت وف الوقت ده.....مشي ع مصدر الصوت دخل الصالون واتفاجئ ب ياسر الفرماوي......ابوه
كان ياسر بيصرخ ف ايمن ويقوله
(انا مش فاهم مين دخل ف راسك الكلام الفارغ ده.....انت يا ايمن تصدق عليا انا كده)
ايمن كان شاف ايسر وهوه داخل.....راح عليه وقاله بزعيق
( ادي ابوك اهوه ابوك اللي حاولت تقنعني انه قتال قتله....ابوك معاه ورق يثبت انه ورث وان ثروته دي من الورث.....واتصل لي بالمحامي سمعني منه كل حاجه المحامي اللي كلمه من عشر سنين وسلمه ورث قريبه عشان تعرف انك ظلمت ابوك وان صاحبك واخوه كدابين )
ايسر بص لاخوه بحده ...قال لابوه وهوه بيقرب منه
(لا برافو....ف وقت قليل قدرت تخترع قصه وتجيب شهود عليها كمان.....انت فاكر اني طيب وهصدقك زي ايمن...انت ناسي اني درست القانون...وامثالك قريت عنهم كتير يا ياسر بيه.....قناعك دا اتكشف لي و مفيش اي حاجه تعملها هتغير اللي انا سمعته وصدقته..انت قاتل مجرم ...مكانك السجن وحبل المشنقه يا ياسر بيه...وان شاء الله حبستك هتكون ع ايدي يا باشا)
طااااااااااخ
ياسر ضرب ايسر ع وشه بمنتهي العنف وقاله
(اخرس يا كلب....انت لا ابني ولا اعرفك....ابني اللي من صلبي مستحيل يصدق حاجه زي دي ع ابوه....انت اكيد مش ابني يا ايسر...وبعدين طالما انت شايف ان ابوك مجرم ...عايش ف بيته ليييييه بتأكل وبتشرب من المال الحرام لييييه.....امشي اطلع برا بيتي ومش عايز اشوف خلقتك دي تاني طول ما انا عايش انت فاهم برااااااااااااا)
ايمن جري مسك ايد اخوه وقال لابوه
(لا يابا انت بتقول ايه اخويا مش هيمشي من هنا)
ايسر نطر ايد ايمن....وقال لابوه وهوه بيجز ع سنانه بغل
(عامل فيها راجل شريف ودمك بيتحرق زينا ....انت انسان عديم الضمير واذا كان ربنا سترك سنين طويله...ف انا هفضحك يا ياسر)
سابهم وخرج من السرايا كلها
ايمن بص لابوه وقاله بعتاب وانفعال
(ايه اللي انت عملته ده يا بابا....المفروض انك تصلح الفكره اللي وصلت لابنك عنك...مش تضربه وتأكد له الفكره اكتر...)
ياسر بص لابنه وقاله بزعيق
(بقولك ايه يا ايمن هوه انا خلفتكم عشان تعلموني الادب.....انا ابوكم ولازم تعرفوا حدودكم معايا كويس انت فاهم)
سابه وطلع ع اوضته....ايمن حاول يتصل ع اخوه لكن ايسر ما بيردش عليه
............................
ايسر ساق عربيته زي المجنون....كان بيكلم نفسه او بيتخانق مع نفسه
(انت تستاهل اكتر من كده..انت عشت ف بيته حتي بعد ما عرفت حقيقته....وربنا انت تستاهل اكتر من كده يا ايسر انت سكت عن الحق...انت عارف ان ابوك مجرم قاتل .سفاح.....ورغم كده سكت....تستاهل دلوقتي انك تاخد بالجزمه كمان)
ايسر من ساعه ما عرف حقيقته ابوه وهم بيحلم بحلم واحد بس بيشوفه وهوه صاحي و وهوه نايم
بيحلم بأطفال بيصرخوا بهستريا...و بدم مغرق ايده وهدومه هوه و ايمن .....
وابوهم....ماسك حته لحم نيئ بياكل فيها والدم مغرق وشه زي مصاصين الدماء ف افلام الرعب الهابطه
لكن الحلم مرعب ومعناه واضح .....ايسر كان متأكد انه هوه وايمن اللي هيعانوا ف حياتهم بسبب ياسر ابوهم...وهما اللي هيدفعوا تمن جرايمه.عشان ربنا يمهل ولا يهمل
رجع الحلم ادام عينه...لكن بقسوه ووحشيه اكتر..خصوصا بعد ما ابوه اتجرأ وكذب بالشكل ده.
..ايسر شاف ان ابوه شيطان متنكر ف جسد انسان ....بني آدم معدوم الضمير والرحمه.....
ايسر تقريبا مكنش شايف ادامه حاجه ولا عارف رايح فين ولا العربيه واخداه ع فين...لكن حصل المتوقع.....ف شارع تمثال النهضه
جمب حديقه الحيوانات عجله القياده فلتت من ايده ...عينه زاغت شمال ويمين....شاف ان الشارع قصاده زحمه مليان ناس اوخيالات لناس واقفه ادامه
ايسر اتوتر اعصابه سابت.....وفجأه...العجلات لفت ع الاسفلت....وانقلبت العربيه كذا مره....واستقرت ع ضهرها.....
شمس اتنفضت مكانها كانت نايمه ف الجنينه....اتفزعت لما سمعت صوت الحادثه...وقفت ع رجلها وبصت حواليها شمال ويمين
شافت عربيه ايسر مقلوبه ع ضهرها كتمت صرختها بأيدها....جريت ع العربيه تشوف ف حد فيها ولا لأ....وطت ع شباك العربيه شافت ايسر مغمي عليه ف العربيه
حاولت تفتح باب العربيه طبعا ما فاتحش......ايسر مكانش حاطط حزام الامان....ف كان مرمي راسا ع عقب بين الكرسيين....شمس دخلت دماغها من شباك العربيه وحاولت تصحيه
لكنه كان شبه الميت...شمس شدته من كتافه...كان تقيل ومحشور بين الكراسي وصفيح العربيه المطبق....لكن شمس سمعت صوت رعبها
فعلا العربيه كانت مولعه نار...يعني ثواني وهتنفجر زي ما بتشوف ف الافلام......شمس خافت ...فكرت للحظه
انقذه واعرض نفسي للموت معاه ولا اسيبه واجري وانفد بجلدي.....لكن للحظات معدوده...مرت ادام عينها الساعات اللي فاتوا الساعات اللي غيروا حياتها وخلوها مشرده ف الشوارع
فضلت انها تنقذه ولو هتموت معاه هيكون دا احسن شئ حصل لها ف حياتها......فعلا شمس ما فكرتش كتير...دخلت العربيه بنص جسمها
وفضلت تشد فيه وتخرج رجله من تحت الكرسي المتطربق عليها.....شمس كان جواها غل وحقد وكره ع الدنيا والناس كلها وطبعا صخر هوه السبب ف كل المشاعر البغيضه دي
لكن كل مشاعر الكره دي كفيله تديها وتدي اي انسان طاقه وقوه غريبه....ف شمس بكل قوتها قدرت تشد ايسر وتخرجه من حطام العربيه
جرته ع الارض بصعوبه....بعدته عن العربيه....ايسر فتح عينه بص لها ....هيه بصت له.....سألته
( انت كويس.)
ايسر بص ع عربيته المقلوبه...والنار مولعه فيه.... برق اوي...رجع بص لشمس وبص للعربيه تاني
شاور بإيده...ع العربيه بمعني ازاي حصل ده....لكن شمس برقت له اوي وقالت بتوتر وهيه بتقف ع رجلها
(اييييه لسه ف حد ف العربيه)
شمس ما استنتش رده....جريت ع العربيه...لكن ايسر صرخ فيها قبل ما توصل للعربيه
(لاااااااااااااااااااااااااا)
شمس بصت له ...ورجعت بصت للعربيه بتوهان مش فاهمه هوه يقصد ايييه لكن فجأه
بووووووووووووووووووووووووووووم
يتبع ف الحلقه٤