شقة رقم ٧

الفصل السابع و العشرون

[ مـن وفّـق راسـيـن فـي الـحـلال ]
- يـونـغـي حـلّال الـمـشـاكـل -

_________

صوت جين بيصدو في البيت و الحي كله اصلا من كتر ما هو عالي : كووووييييييااااااا

جت كويا جرى وققت قصاده و هم كانو في الصاله اصلا : اجل اجل سيدي

يونغي دور عينه و رفع الجرنان لوشه : رجعنا لسبيس تون تاني

جين بيزعق في وشها و بيشاور على فاظه في آخر الصاله : مين الي حرك الفاظه دي من مكانها؟؟؟

اتلبكت و اترددت : لـ لقد كنت انظف سيدي

جين سرخ في وشها تاني : بلا كنت بلا مكنتش كفايه اني مستحملك لحد دلوقتي اصلا

كويا فصلت تنحني مرارا و تكرارا كـ اعتذار : اسفه اسفه سـ سيدي

جين نفخ و سخط : سوسته لما تقفل على وشك
كويا : ماذا أفعل الان؟؟

جين بأمر شاور : ولا حاجة.. انصرفي !

نامجون بسخريه على جين : قاعدين مع اهل قريش؟ ايه انصرفي دي؟؟

جين لفله و اتجنن : بقولك ايه اخرج عن دماغي احسنلك انا عفاريت الدنيا بتتنطط قصاد خلقتي دلوقتي! كفايه الوكسه الي عندنا دي كفايه اوي فعلا بجد

يونغي قفل الجرنان و سخر : يعني انت مثلا متعرفش تتصل بأمك دي و تقولها تبطل تجيب حاجات مالهاش فيها و تتدخل في إلى مالهاش فيه؟ ولا هي علشان دخلت الشقه مره بقت ملاهي هي!!

جين ضرب ايده في بعض و قرب يردح : و الله عندك التليفون اهو اتصل قولها الكلمتين دول في وشها

تاي بيتذمر و لسه صاحي من النوم خارج من الطورقه : يا كوسا انتي ولا كويا ولا ايانا يكن.. انا عاوز مكرونه مسلوقه دلوقتي حالا

اومأت و انحنت بخفه : اجل سيدي

و لفت راحت المطبخ و هو وقف يهرش في رأسه في نص الصاله جاله جيمين حط ايده على كتفه من ورا و سند راسه على كتفه الناحيه التانيه :مكرونه على الصبح و احنا نازلين الجامعه بعد شويه يا تاي؟؟

تاي بصله من الطرف بعين نص مغمضه : اه صح انا نسيت ان في جامعه اصلا - اتاوب و هرش في رأسه قال بصوت عالي - سُكّي على المكرونه لما ارجع اعمليها

حاله صوتها من المطبخ : حسناً سيدي
تاي بيتمتم :ايه سيدي دي؟ ده انا محدش بيحترمني!

يونغي ضربت بالجرنان بخفه على راسه و معدي من جنبهم : كويس انك معترف انك مهزق طول عمرك

جيمين ابتسم بوسع لحد ما عينه اختفت فجأه في وش يونغي : صباح الخير هيونغ

يونغي بصله بشك و خاف من الابتسامه دي فـ فضل ساكت بعدها سخر و ضربه على راسه بالجرنان هو واخر فـ جيمين عبس و حط ايده على الضربه : بطل سخافه على الصبح ها

جيمين بيراقبه و هو داخل جوه بعبوس و هو بيمشح على مكان الضربه في رأسه بعدها طلع صوت ساخر و لسه هيلف علشان يكلم تاي فجأه نط جونغكوك عليه هو وتاي كان هياخدهم و يحضنوا الأرض سوا وهو بيسرخ : أقف معاكو

.
.

- الساعة ١٢:٣٠ الظهر
# في الكافية

هوسوك بيشرب اخر شويه في كوبايه العصير العملاقه و نزلها على الطربيزه بص للي واقف جنبه : واحد كمان

روبن سخر : ده انت لو بتسكر مش هتعمل كده

هوسوك بنبره تحذير : هتجيب الكوبايه ولا اقول لعمك ولا عم ابوك الي جوه ده على إلى عملته امبارح ها

روبن اتوتر و نفى : لا لا بلاش

هوسوك زقله الكوبليه على الطربيزه بإبتسامه خبيثه : يبقى تملاها وانت ساكت و اه هاتلى قطعه تشيز كيك و انت جاي امسح الطربيزات كلها بالمره بس بعد طبعا ما تجيبلي الحاجات الي انا طالبها فهمت ولا اشرح تاني ها - ضربه بالقلم مرتين بخفه - ها يا بابا ها ها ها ها ها

و مع كل ها بتتقال في قلم بيتاخد و هو ماسك نفسه بالعافية لحد ما سرخ في وشه : خلاص فهمت!!!

ابتسم هوسوك بخبث و ريح على الكرسي حط رجل على رجل : و بعد ما تخدم في الزباين عندك كوم مواعين جوه أعملهم قبل ما تسيق المكان و تمسحه

روبن ماسك نفسه : الاستاذ مش عاوزني اروح اكنس شقه الجيران بالمره؟؟

عمل نفسه انه بيفكر : هممم لا تعال امسح الشقه عندي احسن من كويا اليابانيه دي ايه رايك؟

نفخ بقوه و دبدب في الأرض : يا باااي عليك هو انت هتفضل تذلني كده كتير!! مكنش مساعده يعني يا أخي الله!!!

هوسوك بصله بتكبر مصطنع : اعترف انك اصلا من غيري كان زمانك متعلق من صوابع رجليك في نجفه بيتكو و نادي بقى علشان حد ينزلك و محدش هيعبرك اصلا

طلع صوت ساخر و ربع ايده : علي فكره مش للدرجادي يعني!

طلع لقدام و ضيقله عينه : يعني عاوز تفهمني انك كنت هتبيع الكفايه لواحد حرامي ده مش للدرجادي!!

تصنع عدم الاهتمام : مش للدرجادي يعني عادي

رفع كتافه و اتنهد عمل نفيه هيقوم يقف : بدام عادي يبقى انا هروح اقول للمديـ..

سرخ بإعتراض : لا!!! - شاورله يقعد - انا هروح اعمل إلى انت قولته خلاص اوك؟؟

ابتسم بخبث داخلي و ريح على الكرسي بتكبر مصطنع شاورله بأيده يمشي : و متنساش إلى طالبه يلا هوينا

دبدب في الأرض و ضغط على الصينيه إلى فى حضنه و لف فضل يمشي و هو بيدبدب فجاله زعيقه المدير :براحه على الأرض هتتكسر من مشيتك!!!

سرخ كـ رد : انا حر!!!

هوسوك حرك راسه بيأس من حاله و اتنهد : هيطقله عرق و الله طول ما هو بيسرخ كده - طلع موبايله من جيبه - اما اشوف هتصل ازعج مين بما اني فاضي النهارده و مواريش حاجة

اول ما فتح الموبايل لقى رساله من رقم مش مسجله عنده فـ استغرب و فتحها عينه وسعت و بؤه فتح لتحت من الصدمه و هو بيقرأ محتواها

< نرجو ان نعلمكم ان معياد امتحان شهادة الدكتوراه سيبدأ الاسبوع القادم يوم الخميس في تمام الساعة الـ ١٠ صباحاً و نرجو تواجدكم في هذا الوقت في مبنى الكليه و شكرا، مع تحيات عميد الكلية >

لطم على وشه بأيده : احمس ده انا لسه مخلصتش نص المنهج حتى!!

.
.

- في الجامعه

المحاضر بيلم حاجته و المحاضره خلصت : زي ما قولتلكوا تذاكروا كويس علشان امتحانات اخر الترم الاسبوع الجاي اللهم بلغت

طبعا كانو الطلاب ولا هنا و بيتكلمو مع بعض بس سامعين المحاضر بيقول ايه و كان تاي بيتكلم مع جيمين و مينجي و بيتفقوا على خروجه قطع عليهه صوت المحاضر إلى قال : تاي تعال عاوزك

تاي بص للمحاضر إلى كان ماسك شنطته و على وشك انه يخرج من المكان فـ شاورله المحاضر بأيده انه ييجي و خرج فبلع ريقه و مرتحش يعني هيكون دكتور الماده عاوزه بشكل خاص في ايه مثلا غير مصيبه كبيره و هتحل على راسه اكيد!

دخل المحاضر مكتب المعلمين و وراه دخل تاي الي وقف على الباب بصدمه لما لقى مكتب مليان دكاتره و للي على مكتبه الخاص بيشتغل والي واقف و يرغي مع إلى جنبه و حس انه محاصر فجأه

شاورله يدخل بعد ما حط حاجته على مكتبه : تعال انت واقف بعيد كده ليه هم هياكلوك؟؟

بلع ريقه و دخل جوه وقف قصاده : ا ا ايوه.. حضرتك عاوزني في ايه؟؟

اتنهد المحاضر و قعد على الكرسي : درجه امتحانك بتاعه الميد ترم سيئه جدا و ممكن متدخلش تدخل امتحاني بتاع اخر الترم بالشكل ده

بؤه فتح من الصدمه و فقد النطق تقريبا : طـ طب اعمل ايه انا؟؟

رفع كتافه بعدم معرفه : مش عارف بس انا بقولك علشان تاخد بالك في المواد التانيه بدل ما تعيد السنه انت عارف ان الاعاده على مادتين

عبس بشده و فضل يفكر فـ المحاضر اردف : يلا روح بقى عاوز اشوف شغلي

تاي سخر جواه
'يعني جايبني علشان يحبطني و كمان بيمشيني على مزاج اهله ده ايه الراجل العره ده صحيح هه'

شد رجله بره المكتب و فضل يتنهد و يفكر لحد ما ظهر مينجي و جيمين في وشه إلى كانو رايحين يشوفوه عمل ايه و لقوه بالمشهد ده فـ سأله جيمين : في ايه يا تاي مالك؟؟

رفع راسه و عبس في وشه : مش هيدخلني امتحاني بتاع اخر الترم

مينجي بصدمه : ايه ليه؟؟

عبس اكتر و كمل : بيقولي درجه الميد ترم وحشه! يعني انا ذنبي ايه اذا كان شرحه زي وش رجله!!- انفعل - لا و جايبني كل المسافه دي علشان بقول البؤين دول الله يخرب بيته!!!

جيمين ربت على كتفه بخفه : أهدى شويه
مينجي سأله :طب و هتعمل ايه دلوقتي؟؟

تاي بعبوس و بص في الأوض : معرفش انا كده ضعت اصلا قالي و ماده كمان كده هعيد و انا مش عاوز اعيد ابدا

جيمين نزل راسه و بصله من تحت : مفيش إعاده ولا حاجة متقلقش انا هتصرف

تاي رفع راسه و بصله : هتتصرف ازاي يعني؟؟

جيمين ابتسمله بخفه : متشغليش بالك و انا هتصرف و هتدخل الامتحان كمان بتاعه

تاي : بس ازاي؟؟
جيمين : هتشوف

مينجي : طب ما تشوفوني معاكو!

.
.

- في الشركه

يونغي بيدوس على زراير اللابتوب إلى قصاده وهو بيتمتم بصوت واطي : صرافه الخزنه تم، ٣٥٠ جنيه تحويل تم، رفد نامجون من الشركه تم، تدبيس المدير في قضيه مخدرات تم

جه نوظف سند على الازاز بتاع مكتب يونغي الي بيفصل بين المكاتب : انت بتعمل ايه؟؟

يونغي بتركيز : بلبس المدير قضيه رأى عام عاوز ايه أنجز!

الموظف همهم و اردف : طب انا كنت عاوز منك خدمه كده علشان عارف انك هتبقى قدها و قدود

يونغي همهم بتركيز : و المطلوب؟؟
الموظف : عاوزك تيجي معايا و انا بقدم لوحده

يونغي ساب إلى فى ايده و بصله بشبه صدمه بعدها سخر : ليه شايفني خاطبه مثلا!!

الموظف بيشرح : انا هفهمك اصل ابويا مسافر هجره غير شرعيه بقاله زمن و انا ا..

قاطعه بسخريه : و انت عاوز تبقى هجرتك شرعيه مش كده؟!

بصله بصدمه : ايه ده انت عرفت منين؟؟
اتهجم في وشه : بينك اتجننت يا جدع انت

رجع للشغل بس الموظف مسكتش : انا عارف ان عندك قدره اقناع للي قصادك رهيبه

يونغي انفعل : و انا اعملك ايه يعني؟؟ كنت خلفتك و نسيتك!!! امشي من وشي يا ابراهيم مش ناقصه تخلف!! كفايه أن كل ما اشوف وشك افتكر جارنا الله يحرقه إلى فى الدور الأرضي!!

إبراهيم الموظف بعين ضيقه و مال ناحيه : و ماله جاركو إلى فى الدور الأرضي؟؟

انفعل تاني و كان هيحدف عليه الدباسه : مجنون و متخلف زيك يا ابراهيم ارتحت!!

خد خطوه لورا دفاع : ايه يا عم براحه علينا
هدده بالدباسه : في دماغك المره الجايه

الموظف غير الحوار و هو بيبص حواليه : امال صاحبك ده فين ؟

يونغي : تلاقيه في الحمام ولا في اي داهيه

الموظف : انا مش عارف انت مش طايق نفسك النهارده ليه؟؟

يونغي ببرود : انا مش طايق نفسي على طول انت جاي ليه دلوقتي خلص و امشي من وشي بذل ما اعمل في وشك زفه و اعزم قرايبك عليها

كش على نفسه و مثل انه بيترعش : ييي مرعب - سأله تاني - ايوه يعني هتيجي معايا ولا لا؟؟

يونغي ضرب راسه في المكتب بيأس كزه مره بخفه فـ الموظف قال : يبقى انا اكيد كده موافق

.
.

- في المدرسة
كلاس ٣/١

لوكاس ماسك العصايه و بيعلم على السبوره : دي يعني كلب.. دي يعني ايه؟؟

الطلاب مع بعض : كلب

لوكس ضرب العصايه على الأرض : غلط!! دي يعني قطه انا كنت بختبركو بس طلعتو اغبيه!!

جين إلى واقف عند الباب لسه جاي مستغرب : كلب ايه و قطه ايه؟ انت مدرس ايه بالضبط انا معدتش فاهملك حاجة!!

لوكاس : بس انت و سيبني اكمل تدريسي للعيال الـ ستوبيدو دول

جين : ستوبيدو اه.. طب يا استوبيدو لما تخلص انا في الفصل بتاعي عندي حصه احتياطي

خلص جملته و لف علشلن يخرج بره و لوكاس كمل شرح : ذي يعني ايه؟؟ يعني سلم.. دي يعني ايه؟؟

الطلاب : سلللمممم

لوكاس : لما يركبكو ان شاء الله - شاور بالعصايه على واحد من الطلاب - انت يا ولا يا ابو شعر اكرت انت تعال هنا عندي

الطالب قام بكسل و وقف قصاده فـ لوكاس حركله شعره بالعصايه و عدد وشه علامات اشمئزاز : شعر ده ولا سلك مواعين؟؟ بكره يتحلق بدل ما احرقهولك و اخليك شبه سوكه الحزينه فاهم! .. المهم قولي ايه هي نظريه فيثاغورس يا فهيم

الطالب هرش في شعره بعدم فهم : مين فيثاغورس ده يا مستر.. ده الي عمل لعبه فورت نايت؟؟

لوكاس : لا يا روح خالتك ده إلى هيحطك في الغساله و ينشرك مع غسيل بيتهم

طالب : طب هو مين ده؟؟

لوكاس مسك ودنه و شده لفوق : ازاي واحد في سنك مش عارف مين هو فيثاغورس ها؟؟؟

الطالب بيحاول يفك ودانه منه : و انا اشغرفني يا مستر هو انا كنت في مدرسه نوبل

لوكاس ساب ودنه : حصل! ما انت لو تحلق السلك ده كان زمانك عارف حاجة في حياتك - زقه ناحيه الدسكات - روح اقعد مكانك تتك خيبه

ضرب بالعصايه على السبوره مرتين : نرجع للدرس يا ولاد و انت بقولكو اهو الي مش هيجاوب معايا هعلقه في المروحه و ادورها عليه اوك؟؟ يلا نبدأ من جديد.. ده يعني ايه ؟؟ يعني حوت، إلهي حوت يبلعكو يا بعدا

.
.

- في الجيم

عند جونغكوك إلى معندوش جامعه فـ قرر انه يروح الجيم إلى قدم في اشتراكه من اسبوعين و مرحش فْحسب شيون معاه إلى مالوش في الرياضه غصب و اقتدار و اديه قاعدله على الأرض مربع بيراقبه بتملل و هو بيشيل حديد في دراع واحد كـ نوع تمرين معين

كل واحد معدي يشوفه يقوله : عاش

عدي ييجي خمسه لحد دلوقتي و شيون بيراقبهم بعينه : هي الناس دي مش حافظه غير الكلمه ذي ولا ايه؟؟

جونغكوك و هو بيتمرن : خليك ساكت احسن
شيون دور عينه بيتذمر : انت جايبني صوره مش صوت

جونغكوك : انا عاجباني الصوره

شيون طلع صوت ساخر وبعد راسه، عقد حواجبه بتساؤل لما عرف هويه إلى لسه داخل الجيم : مش ده ابن جاركو بردو؟؟

جونغكوك ساب الحديد و حطه على الأرض و بص ناحيه ما شيون بيبص : ده ابن جارنا البرتغالي ولا النيجيري ولا مش عارف جنسيته ايه اصلا ايانا يكن

شيون بصله : و بعدين؟
جونغكوك رفع كتافه بعدم معرفه : و لا قابلين

كيفن أتقدم منهم و لمح جونغكوك : اوه انت جارنا
جونغكوك : ايوه انا جاركو

كيفن سأل : امال بتعمل ايه هنا؟؟
جونغكوك : بلعب رياضه زي ما انت شايف! و انت؟؟

كيفن حط ازازته على الأرض و قعد : هلعب!
جونغكوك بتفكير : ايه رأيك في تحدي

كيفن : تحدي ايه؟

جونغكوك : نشوف مين اكتر واحد هيجتبب في تمرين الباي اكتر من التاني و الي هييخسر ليه عقاب

كيفن ابتسم بخفه : موافق بس طبعا انا الي هفوز
جونغكوك ابتسم بثقه : ده ببعدك

شيون إلى بقى اكبر مزهريه بينهم كان بيراقبهم في صمت و هم بينقلوا نظرات التحدي ما بينهم و حس بخطر و انه عاوز يروح

.
.

# بعد الظهر

يونغي ضارب نفسه ميت جزمه انه وافق على طلبه فهو حاليا قاعد في بيت الناس اياهم و معاه الموظف ابراهيم إلى ابتسامته قربت توصل لودانه من السعادة فـ يونغي بصله بطرف عينه بإنزعاج باين عليه و اتنهد

قاعد قصادهم راجل مات خمس مرات قبل كده من كتر ما هو كبير في السن و خلاص التربه قريبه منه و ساكت مش بيعمل حاجة باصصلهم بس فـ يونغي نغز زميله في دراعع و قرب بهمس و هو بيبص للراجل إلى بيبصلهم : هو مين ده ؟؟

بصله و همس : ده ابو العروسه
يونغي : ده ميت قبل كده سبع مرات

زميله بص للراجل العجوز و اردف بصوت عالي : منور يا عمي

الراجل العجوز خالص مد ودنه لقدام : ايه.. بتقول ايه يا ابني؟؟

بصوت تعالي عاد الجمله : بقولك منور يا عممااي
الراجل العجوز : اه.. ده نورك يا ابني

يومغي شده من دراعه و همس بانفعال : هو كمان مبيسمعش!! - سخر من انفعاله - مقولتليش ليييه كنت جبتلك مكبر صوت معايا في ام قاعده الخرس دي

بصله بابتسامته و همس : لا متخفش عامل حسابي

خرج من اللامكان من جنبه مكبر صوت صغير بتاع الأعياد و ابتسم بوسع فـ يونغي حرك راسه بيأس و سخر : طب ايه لازمتها الوشوشه ما نتكلم عادي بقي

همسله : احتياطي بردو

يونغي بصله بصمت و كلم نفسه : انا استاهل ضرب ميت جزمه اني اصلا واقفت اجي مع المتخلف ده

يونغي بذا يبص حواليه و لاحظ قد ايه الشقه دي مهترقه حتى الحيطان تحسها قربت تبوش و تقع من مكانها فـ مال على زميله و سأله تاني : هي الشقه دي اتحرقت قبل كده ولا ايه؟؟ هي العمارة دي بقالها كام سنه واقفه على حيلها ؟؟

زميله اردف اكنها حاجة تفرح مثلا : لا سنه ايه قصدك كام قرن! اصل العماره دي شارك في بنائها هتلر

يونغي بصله و عقد حواجبه : و هتلر ساب العمارة دي ليه ما كان هدها مع إلى هدهم و خلاص!

زميله : انا هفهمك اصل هتلر كام ساكن في الشقه الي قدام شقتهم و كانت العمارة دي عزيزه عليه اوي فـ الوحيده الي امر انها متتهدمش و اهي موحوده لحد دلوقتي اهي

يونغي : همم لا مهو واضح فعلا - شده من هدومه بعنف - انت بتشتغلني!!!

الراجل العجوز بصوت ميت : اهدو يا ولاد عيب متتخانقوش لتعوروا بعض

يونغي : أركن انت يا عم الحج بدل ما تيجي الضربه فيك و انت اصلا قدامك نص ساعه و تموت

زميله بيحاول يفك قبضه يونغي من عليه : خلاص بقى اسف اسف سيبني!

يونغي سابه و نفض ايده بوهيمه : اهو ارتحت!!

قطعت عليهم ام البنت دخلت بإبتسامه كبيره و هي اصلا ميته عندها ستميت سنه بردو و بتجر في روحها بعصايه : اهلا اهلا بيكو في شقتنا المتواضعه

يونغي رد على الام إلى كانت بتقعد بصعوبه على الكرسي : متقوليش كده يا حجه هي دي شقه اصلا

زميله اداله كوع فـ يونغي سأله : و مين دي كمان؟؟
زميله : دي ام العروسه

يونغي : هي ميته هي راخره ولا ايه؟؟
زميله : أعملهم ايه يعني!!

يونغي بص قصاده و تمتم : هي بينها ليله سودا انا عارف - بص للأم و ابتسم بتكلف - منوره يا حجه

الام بإبتسامه : ده نورك يا ابني، انت صاحبه؟؟
يونغي : اه للأسف

الام العجوزه للعريس المختار : و انت اخبارك ايه يا حبيبي و اخبار امك ايه كويسه؟؟

اومأ بإبتسامه : اه كويسه و بتسلم عليكي بتقولك انها مقدرتش تيجي و كده انتي عارف المشاغل بس هتيجي المره الجايه، امال فين ابتسام مطلعتش معاكي ليه؟؟

الام : جايه حالا اهي ورايا - ندت بصوت عالي - بت يا ابتسام.. انتي يا بت يا ابتسام تعالي بسرعه

صوت بنت من جوه : حاضر ياااماا جايه اهو اصبري الله!!

طلعت البنت و كام شكلها اكنها خارجه من المغسله وقفت قصاد امها : في ايه ياما بتنادي ليه؟؟

الام : انتي يا بنت يا هناء ايه الي جابك انا بنادي على اختك ابتسام على فين؟؟

البنت شكلها مش طايق نفسها : بتجهز نفسها جوه - بصت للعربس و يونغي إلى مسك في دراعه - منورين يا كباتين

يونغي بتمتمه : كباتن ايه هو احنا في النادي! - شد دراع إلى جنبه و همسله - مين المكنسه إلى واقفه قصادنا دي؟؟

همسله : دي هناء اخت العروسة

يونغي : هى العيله دي كلها كده جايين من التربه.. شكلها كانت بتكنس تربه ابوها شكله اتأخر عن معاده

الام بتعاتب البنت : انتي يا بت يا هناء فين اختك الضيوف قاعدين بقالهم كتير

البنت : بتنشر الغسيل ياما
الام : اندهيلها خليها تسيب الغسيل و تيجي

البنت نفخت بملل : حاضر يا حجه - وقفت عند الطورقه الصغيره و ندهت بصوت عالي - انتي يا بت يا فااررحح سيبي الي في ايدك و تعالى.. يا فااررااحح

الام زعقت : مش فرح يا غبيه ابتسام!!

البنت ندهت : انتي يا بت يا فرح هاتي ابتسام من ايدها و تعالو خلصو امي بقى من الليله دي!!

الام زعقت فيها : اتلمي يا بنت!!!- بصت ليونغي و العريس إلى بقوه مزهريات و ابتسمت بخفه - اقوم اجيبلكو حاجة تشربوها؟؟

يونغي شاور بخفه : لا يا حجه خليكي مكانك احسن لعضمه تقع منك ولا حاجة

جاله كوع من الي جنبه فـ يونغي همسله بعدم فهم : اييه؟؟

الام قامت وقفت بالعافيه و هي بتتسند على الكرسي : انا هقوم اجيبلكو حاجة تشربوها احسن عبال ما الغبيه دي تطلع

يونغي : براحتك احجه

الحجه راحت جوه و يونغي اتشد من كتفه و همسله : الله يباركلك مش عاوزين مصايب

يونغي خلاه يشيل ايده من عليه : اوعى كده، اسكت و هو مش هيبقى في مصايب - بص للحج المتنح لسه - منور احج

الحج الميت حط ايده على ودنه : ايه؟؟ بتقول ايه؟؟
يونغي شوح بأيده و تمتم : بدأنا تاني اوف

دخلت بنتين شبه بعض شويه و قعدو فواحده قالت و هي مش طايقه نفسها تقرييا كده هتقوم تتف في وشهم دلوقتي : منورين

رد صاحب الشأن بأبتسامه : ده نورك

يونغي سرحان و بيكلم نفسه و محدش باله من الثالثه إلى دخلت و قعدت في الكرسي إلى قصادهم : هم العيله دي كانو قرايب الهكسوس ولا ايه

فاق من سرحانه من الي وكزه كوع و شده من كتفه اتكلم بسرعه و همس : يلا يا يونغي اهي جت اهي

يونغي رفع عينه لقى في وشه اثنين شكلهم خارج من الغساله فـ ظهرت تعابير عجيبه على وشه بتعجب من الأمر فـ قرب من الي جنبه و سأله : مين بقى العروسة الي عاوز تتجوزها في الإثنين المزز المستويين زياده دول؟ علشان مجيش على حق حد بس؟

ابتسم بخفه و نطق : الثالثه

يونغي فصل يبص حوليه و بصله : يلا انت يلا أحول يا ابني ثالثه ايه مهم اثنين اهم محروقين قصادك

انفعل بخفه : يوه! الثالثه يا يونغي - شاورله عليها - بص

يونغي بص للي معرفش جت امتى كانت قاعده على الكرسي الي قصادهم بتبتسم بخجل معرفش على ايه فـ لما شافها اتخض و رجع لورا فـ قرب الي جنبه و همسله : ياما!! ايه ده ايه دي؟؟ هي دي؟؟

بمشاعر طالعه عليه جاوبه : اه هي

يونغي خطف بصه سريعه و رجع همسله تاني : تصدق يلا دي شبه البني أدميين بالضبط - كلمه من تحت ضرسه - ايه ده الي بتعمله ده في سنينك السودا دي

همسله بحب في نبرته : بحبها يا يونغي بحبها اوي

يونغي كتم بؤه بأيده : خلاص خلاص عرفت انك بتتزفت تحبها - شال ايده و كمل - بس لازم تضمن حقك

بعدم فهم سأل : ازاي!!

يونغي : اه طبعا حقك متقوليش ازاي مفيش ازاي، انت دلوقتي لازم تضمن حقك و انا كـ واجبي انا عليا كـ صاحب الحقه قبل ما يقع في الخطيئه فلازم اقوله.. إن دي لازم تمضى ابوها على كمبيالات

بتعجب : كمبيالات!! هو انا هشتري ثلاجة!

شده من دراعه : يلا افهم يلا الثلاجة على الاقل ليها ضمان إنما دي شكلها متخزنه بقالها كتير، مالهاش ورق، الجمارك فرقعت مفيش خلصت من زمان ماشي!

الواد بشحتفه : انا بحبها اوي يا يونغي، لو ماخدتهاش هموت نفسي

يونغي انفعل بخفه : يا ابني انتي كده كده متنيل على عينك ميت الله! انا عندي كنت تتجوز ابن عمك يا اخي ارحم

اصطنع البكاء : علشان خطري يا يونغي بحبها بحبها

يونغي حط ايده على وشه علشان يسكته : خلاص اتنيلت عرفت اوف أخرس بقى انا هتصرف

يونغي حمحم و بص للراقدون تحت التراب الي قصاده و اردف : احنا النهاردة جايين علشان نخطب لاخونا إبراهيم لبنتكو المحروقه قصدي المحروسه ابتسام و ربنا يسامحنا على الجريمة إلى هنعملها دي بس خير و ربنا هيكرم ان شاء الله.. ها قولت ايه يا حج؟؟

بص لأبوها إلى اردف : ايه ايه مش سامع يا ابني

يونغي شوح و تمتم : اعملها فيها اطرش بقى في ام الليله الطين دي

بصوت عالي اتكلم : بيقولك يا عمي اني عاوز أتقدم لبنتك

ابوها : ايه؟ بتقول ايه؟؟ مش سامع

يونغي جاب آخره و نفخ خبط على رجله : ابو كده بقى في الراجل ده.. يلا نمشي يا ابني

مسكه من دراعه بيترجاه : استنى بس ابوس ايدك استحمله شويه علشان خطري يا يونغي ابوس ايدك يا يونغي علشان خطري

يونغي اتخنق بيحاول يبعد ايد الزنان ده عنه : يا ابني خلاص بقى ازفت اوعى كده ده انت غتت اوي

زقه بعيد عنه نفخ و عدل شعره و بدلته اكنه كان طالع من خناقه، بص للي جنبه بقرف بطرف عينه و رجع بص للحج الميت : بقولك يا عم المرحوم - بيحاول يشرحله مش لاقي كلام بيطلع - بص يعني احنا عندنا - شاور على إلى جنبه - غطاء و الغطاء لازمله حله فـ كنا عاوزين نلبس الغطاء في الحله إلى هي بنتك - خبط بأيديه الاثنين في بعض - في قلب بعض انت فاهم كويس ولا اشرح تاني من الاول

ابوها سكت شويه بيبصله بصمت فـ يونغي اردف : وصلت؟؟

ابوها بعد صمت نطق : ايه؟؟

يونغي ضرب ايده على راسه بقوه قربت تعلم في جبهته مهو جاب اخره فمسك دراع إلى جنبه بإنفعال : قوم بينا نمشي يا ابني في ام قاعده المحرومين دول بقالي ساعه بعيد و ازيد في نفس الجمله لما طهقت!!!

مسك فيه علشان ميقومش : عبشان خطري يا يونغي اخر مره استحمله انا بحبها اوي و لو متجوزتهاش هنتحر

يونغي سكب دراعه منه بعنف : ما تتنيل ولا ننتحر انت و الحله إلى عاوز تتجوزها دي الله وانا مالي انا!!

مسك في دراعه تاني : اخر مره آخر مره و الله

يونغي سحب دراعه منه تاني : ابو شكلك!! و ابو معرفتك السودا اوف!

رجع بص لأبوها و اردف من انفعاله : هنجوز بنتك دي لقرطاس الذره إلى جنبي و ياريت يبقى الفرح في أقرب وقت علشان انا زهقت، انت فاهمني كويس ولا ايه فاهم كويس؟؟

أبوها نطق اخيرا : كويس من انهي اتجاه؟
يونغي : نعم ؟؟

ابوها كرر بنبره أعلى : كويس من انهي اتجاه!

يونغي بص للي جنبه و اردف من انفعاله : يا عم يلا يا عم يعني يوم ما نطق كمان معترض ذي حاجة تفلق على ايه يعني محسسني انها مش بنته مثلا و تقرييا كده بتكلم على واحده تانيه غيرها، ده بيحلم و هو قاعد مش كفايه انه مش بيسمع كمان.. ابو اشكاكلو في ليليتكو الطيبين

هيبدا بعيط بإصطناع : معلش يا يونغي علشان خطري

يونغي : يونغي ايه و زفت ايه يا ابني الجوازه دي لعنه كونيه هتنزل على دماغنا كلنا، طب تخيل كده انت و هي اتتجوزوا بص انت عامل ازاي و هي عامله ازاي هتخلفو فرده جزمه

قطع كلامه العمارة الي اتهزت فجأه فـ يونغي مسك في الكنبه بأيده : ايه ده ايه ده! في ايه؟ زلزال؟؟

ام البنت ظهرت اخيرا بتحط الشاي على الطربيزه و قالت بإبتسامه : لا زلزال ايه كفالله الشر ده تلاقي ام خليل إلى فى الرابع شغلت الغساله على العصر بس مش اكتر

يونغي و قلبه متوغوش : همم غساله و عصر كمان لا خير خير الله يطمنكو - شد إلى جنبه من هدومه و همس بإنفعال - خلص امي من المقابله دي بقي قبل ما العمارة تقع على دماغنا لحسن و رحمه امي ادفنك جنب المومياوات إلى قاعده معانا دي!!

شال ايده من على هدومه و اوماله بسرعه : حاضر حاضر سيبني بس هتصرف - بص لام البنت - منوره يا حماتي

ام البنت العجوزه : ده نورك يا ابني مش هتقولنا بقى ناوين تتجوزوا امتى عاوزين نفرح بيها انا و ابوها قبل ما تموت

يونغي : انتوا ده مش هتلحقو قرايه الفتحه حتى يا حجه
زميله اداله كوع فـ عدل كلامه : الخطوبه

اداله كوع تاني : الشبكه
اداله كوع ثالث : خلاص الحنه

اداله كوع رابع : يبقى الكوشه
اداله كوع خامس : ربنا يطول في عمركوا يا حجه

زميله اتنهد و بص لأهلها بإبتسامه : ايه رايكو الاسبوع الجاي ببقى الخطوبه

الام : يبقى على بكره الله - زعرتت زغروته ميته - الف الف مبروك يا حبايبي مبروك قومي يا ابتسام وزعي الشربات

قام وقف بغايه انه يساعدها : اساعدك؟؟

يونغي رجعه مكانه و انفعل : تساعد مين اترزع بقى لحد ما نشوف آخره الزفت ده ايه!

.
.

- الساعة ٤:٢٥ العصر

يونغي لسه راجع خلصان خالص و لسه هيطلع السلم لقى ابواهيم في وشه و كان ناوي يرخم باين فـ يونغي نفخ و اردف بعد ما رفع ايده في وشه : وحيات الـ 3d الي انت متجوزها انا ما ناقص

عداه قبل ما يقول حاجة و طلع السلم زي الكهول و اخيرا وصل الدور بتاعهم، بيفتح باب الشقة و بيخرج أصوات متألمه اكنه كان بيحارب و شايل جكيت بدله الشغل في ايده و الشنطه و الايد التانيه بيفتح الباب بالمفتاح : اااه يانا ياما ايه الي بيحصلي ده بس

جيمبين فجأه ظهر قصاده خد منه الشنطه و الجاكيت : اساعدك هيونغ

خد منه الحاجات و دخل جوه، يونغي فصل لحظات بيستوعب سحب المفتاح من الباب و دحل قفل وراه رمي نفسه على الكنبه فك اول زارين من القميص و بيهوي بأيده من الحر

جيمين جه و مسك مجله في ايده بيهوي ناحيته : افتحلك التكيف شويه؟؟

يونغي مستغرب من الاهتمام المفاجيء ده فـبصله بشك و اومأ بتردد فـ راح جيمين بسرعه لريموت التكيف و فتحه فـ يونغي شاورله : هم فين الباقي؟؟

وقف جنبه و اردف : تاي نايم و جونغكوك بيستحمى، جين و نامجون هيونغ خرجو يشترو حاجات من السوبر ماركت و هوسوك هيونغ حابس نفسه في الاوضه بيذاكر جوه لانه اكتشف ان امتحاناته اخر الاسبوع

يونغي بسخريه : جريده الاسبوع دي ولا ايه؟؟
جيمين ابتسم بخفه : اجيبلك تاكل؟؟

يونغي بصله بشك اكبر : انت عامل مصيبه ولا مخبي حاجة او عاوز تطلب حاجة؟؟

جيمين نفى بخفه و ابتسم : هوانا لازم يعني علشان اخدمك يبقى عاوز حاجة؟!

يونغي : اكيد، ده شيء مفروض منه
جيمين : هجيبلك تاكل

جيمين مشي من وشه قبل ما يندرج معاه في الاسئله و يونغي استغرب من الي بيحصل بس مداش اهتمام بعد لحظات و قام جر نفسه الاوضه بالعافيه علشان يغير هدومه لهدوم البيت

دخل الاوضه بتنهد وقف مكانه متصنم من منظر الاوضه كتب في كل مكان و أوراق ماليه سريره و سرير هوسوك ده غير الكتب و الأقلام و أكن في دوده كتب عملت إعصار في المكان

همس لنفسه بتساؤل : هو ايه الي بيحصل؟؟

هوسوك فجأه عدى من قصاده و هو ماسك كتاب في ايديه و قلم في بؤه : يبقى نظريه العدو ليها ثلاث فروع ايوه ثلاث فروع - قلب في الصفحات بسرعه بأيده و وقف عند صفحه معينه - هي فين هي فين.. اه اهي - خرج القلم من بؤه و علّم على السطر إلى وقف عنده و قفل القلم - تمام كده مش هنساها

كل ده و يونغي زي المزهرية و في صوت غراب فوق رأسه من كتر ما هو اكنه حيطه فسأله : انت بتعمل ايه؟؟

هوسوك و هو بيرجع لنفس الصفحه قدام : عندي امتحان الدكتوراه اخر الاسبوع الجاي و مخلصتش نص المنهج حتى

سخر يونغي و دخل الاوضه : حد قالك تأجل عمل اليوم إلى الغد

هوسوك : مهو في مقوله بقى جديده بتقوله لا تؤجل عمل الساعه الي الساعتين و تلبس في الحيط

يونغي بسخريه و هو بيخرج لنفسه هدوم من الدولاب : و ده مين الي اخترعه ده انت؟؟

هوسوك : لا روبن.. بس دقي اسكوت و سيبني اخلص ورايا مصايب سودا

يونغي بيخرج من الاوضه بظهره بعد ما غير هدومه و بيلف فجأه لقى جيمين في وشه مبتسم وسع اتخض و مسك في الباب : ايه يا ابني في ايه خضتي!!

جيمين رفع ايده إلى ماسكه فنجان قهوه ناحيه التاني مع نفس الابتسامه : قهوه مظبوطة علشان الصداع

يونغي عنده شوكوك و بدأ يخاف من السايكو ده فـ ابتسم بخوف فـ شاورله بصوباعه بتردد : طلعها بره طيب على الطربيزه

جيمين : اوكيه

طلع بره و هو بيتنطط بخفه و بيردد احد الحام اغاني سبيستون بتاعه عهد الأصدقاء : ليلُنا نهار.. نهارنا عمل..

يونغي مد راسه و هو بيشوف التاني من ظهره بيخرج الصاله فـ أتعجب من أمره جدا : هو في ايه؟؟

..

تاي بيستحمى و مستكنيص على الأخر، الشامبو نازل على كل وشه مش عارفه مستني ايه عبال ما يشطفه، في حين ان جين في المطبخ بيهمهم بكلمات اغنيه في دماغه و هو بيغسل المواعين الحقيرة

خلص تلييف الأطباق بالصابون السايل و بعدها فتح حنفيه المياه على الاخر فجأه في صوت سريخ طلع مش عارف جاي منين فـ اتخض و قفل المياه على طول بتعجب في امره : ايه الصوت ده؟!

بص حواليه مسمعش صوت تاني فـ رفع كنافه بعدم معرفه و راح فاتح الحنفيه التاني إلى أول ما فتحها بردو طلع صوت السريخ فـ قفلها تاني بسرعه : الله! هو في ايه ؟؟

مد ايده ببطء للحنفيه بتردد عاوز يفتحها فـ فتحها طلع صور سريخ بردو : عااااااااااااااااا اقفل المياااااااااه

قفل المياه بسرعه و بعد عن الحنفيه خالص : هي الحنفيه بتتكلم و عاوزاني اقفلها؟؟! لا اكيد لا في حاجة مش صح - نده بصوت عالي - ناممجحوونن

بعد لحظات دخل المطبخ و في ايده  تفاحه بياكلها : نعم

بصله بعقده حواجبه و بيفكر : في حاجة غريبه
سأل قبل ما يقطم : ايه هي؟؟

جين بتفكير : كل ما افتح الحنفيه يطلعلي صوت حد بيصوت!

نامجون و هو بيقطم التفاحه : لا متخفش ده صوت تاي الي بيتسلخ في الحمام

جين اتنهد : اه طمنتيني - بصله بصمت بعدها اردف - هو ده التفاح إلى انا لسه غاسله؟؟

يونغي في الاوضه مربع على السرير و جيمين وراه بيدلكله كتفه و رقبته : ايوه ايوه الحته دي

جيمين بيعمل بضمير : اهو اهو كده كويس
اتنهد يونغي براحه : ااهحح مريح استمر استمر

جيمين بيحرك ايده على كتافه : مستمر اهو

حل الصمت ما بينهم شويه بعدها اتكلم يونغي بتعجب : الا غريبه يعني، ايه الحنيه المفاجأه دي كلها!

جيمين نفى و ابتسم بخفه : عادي يعني مفيش حاجة تذكر

دور وشه و بلع ريقه بتوتر لينكشف بسرعه بعدها ابتسم بخفه و رجع يدلك رقبته فـ اردف يونغي : عارف المثل إلى بيقولك صغير بس يحير؟؟ هو ده بينطبق عليك بالضبط

جيمين رفع راسه بفخر مصطنع و اردف : ايوه ده انا
يونغي : مقولتليش اخبار الرسم معاك ايه؟

جيمين رفع كتافه بعدم معرفه : اهو ماشي بس بعد ما خسرت المسابقه مبقاش من اهتمامي زي الاول

يونغي الحكيم ظهر : اوعى تخلي خسارتك ضعف ليك خليها قوه تستمد منها طاقتك

جيمين اومأ و ابتسم بخفه : ديه هيونغ

هوسوك خرج منه صوت عالي فجأه فـ الاثنين بصوله بفاجئه كان قاعد على سريره جنبهم فـ اتاريه بيتمطع و بعدها نعكش شعره و بصلهم بعين تحتها هالات سوداء : انتوا بتبصولي كده ليه؟؟

يونغي : عامل زي الشبح في نص الليل.. لما جيمين يخلص خليه يعملك مساج لرقبتك و كتفك هيساعدك - لف راسه بخفه ناحيه جيمين - صح جيمين؟؟

جيمين فضل مبلم لحظات بعدها ضحك بتكلف : اه اه طبعا معنديش مانع

يونغي بصله بشك لانه المفروض يعترض او يقول هو انا خدام عندكو و الكلام الفاضي بتاعه كالعادة فـ ده حلاه يفكر بشك اكتر و تقرييا كده وراه حاجة

جيمين لاحظ نظرات يونغي ليه فـ ضحك بتوتر و اردف : اعملك شاي؟؟

..

بليل..

نامجون و تاي و جونغكوك قاعدين على الكنبه بيضربو آيس كريم وبيضحكو على فيلم كوميدي، هوسوك لسه خارج من الاوضه بعد مذاكره كتير و بيهرش في شعره، شاف المشهد الي في الصاله حس بالخيانه فـ فضل يبصلهم بغل و توعد راح ناحيتهم من وراهم و دب ايده على الكنبه فـ اتسرعو و لفو بصوله : كلاب!!

مشي و راح المطبخ و هو بيدبدب في الأرض فـ بصوا ناحيته بتعجب و تاي شرق من الخضه ففضل يكح فـ نامجون و جونغكوك لحقوه كل واحد بكوبايه مياه فـ مسك الكويتين منهم في نفس الوقت و شرب منهم فضل يدلدق على روحه طبعا

بعد الكوبايتين عنه و اتنفس براحه الاثنين بصينله مستنيين إشارة انه بقى كويس فـ رفعلهم صوباعه انه كويس و مسك الايس كريم بتاعه تاني بياكل فيه و هو مسكو الايس كريم بتاعهم و رجعو يتفرجو و يضحكو تاني

هوسوك إلى دخل المطبخ بيدبدب في الأرض و غضبان فـ جين اتسرع من دخله هوسوك عليه و كان هيقع بس مسك في رخامه المطبخ بسرعه

فتح الثلاجة سحب كانزه بيبسي و فتحها شربها بسرعه من غضبه فـ جين حاول ينصحه : البيبسي بليل اـ..

هوسوك بصله بصه قاتله و رجع يشرب تاني فـ عمل بأيده اكنه قفل بؤه بسوسته و فضل ساكت

بعد لحظات و هم بيتابعو الفيلم جونغكوك موبايله رن فـ طلعه من جيبه و هو بيضرب لب بعد ما خلص الايس كريم و رد من غير ما يبص في النمره : اللوو

تف قشره اللب على الأرض و بيمسك ياكل واحده تانيه : اللووو مين

- ايوه يا ابني
بتعجب : انت مين؟؟

- انا شيون

تاي بيحاول ياخد اللب من كيس جونغكوك و هو مش راضي : ايه يا ابني انت فينك مختفي كده ليه؟؟

- انا كويس.. بقولك ايه
جونغكوك رفع حاجبه خايف من الي جاي : قول

- اصلي اتخانقت مع ابويا و سبتله البيت و عايز حته ابات فيها، ينفع اجي ابات عندك؟

جونغكوك وقعت من بؤه اللبه تخيل السيناريو إلى هيحصل لو جه عندهم و نام جنبه كمان فـ عمل نفسه مش سامع : ا ا الو.. الو ايوه يا شيون الووو

- ايوه يا ابني انت سامعني؟؟

جونغكوك قعد عدل : الو الو.. شيون انا مش سامع منك اي حاجة الصوت مش واضح

- جونغكوك جونغكوك انت سامعني؟؟ الو الو..

جونغكوك : شيون يا شيون.. في تشويش - طرقع بصوباعينه للي جنبه - تشوويشش في تشويش

تاي بسرعه كوم ورقه و حطها عند السماعه و فضل يحركها يدي زي صوت التشويش و جونغكوك كمب في التشويش : الو.. اللوو يا شييوون الصوت في تشويش

- يا جونغكوك.. جونغكووكك
جونغكوك : سامع التشويش

- الو الو

جونغكوك بعد السماعه عنه و اردف اكنه بينادي : صالح ابوك يا شيون صالحه يلا باي انا مش سامع باي

فضلت السكه فـ تاي رمي الورقه على الأرض و هو و جونغكوك ضربو كفهم في بعض بإنتصار بعدها رجعو تاني للفيلم و بيشاركو كيس اللب

نامجون باصللهم بإنزعاج : ايه العيال دي!

..

يونغي ماشي في الشارع حاطط ايده في جيوبه بيستمتمع بالهواء الطلق و وراه مسحول جيمين شايل أكياس كتير و سنه و هيبوس الارض من كتر ما هو قريب منها و منحني بشكل رهيب

وقف في نص الطريق رمي الشنط على الأرض إلى فيها طلبات زايده على الطلبات بتاعه البيت و حط ايده في وسطه بياخد نفسه : خلاض كفايه مش قادر

يونغي وقف و لفله ابتسم بخفه : تعبت ليه؟ ده لسه بدري شيل شيل يلا بلاش لكاعه

لف علشان يكمل مشي فـ جيمين نفخ و دبدب في الأرض فضل يتذمر شال الأكياس تاني في ايده و فضل يجر نفسه وهو بيشتم تاي في سره لانه شيله هم تاي و هو بايع القضيه اصلا

فجأه لقى نفسه بيتسحب للجنب و الأكياس وقعت من ايده لقى ظهره على حيطه عمارة من العماير و يونغي في وشه بيبصله بنظره رعبته فـ اردف بتردد : ا ايه؟

يونغي حط ايده في جيبه : انت هتشتغلني يلا! انا عارف انك بتعمل كل ده علشان عاوز حاجة قول هي ايه على طول و خلص مش فاضي انا للعب العيال ده

جيمين ضحك بتوتر واضح : لعب عيال ايه بس ه هكون عاوز ايه يعني! مش عاوز حاجة عادي!!

يونغي ضيقله عينه و زعقله : بارك جيمين!
جيمين عمل نفسه من بنها : نـ نعم؟؟

ضيقله عينه اكتر : عاوز ايه انطق بسرعه من غير لف ولا دوران انا مبحبوش و انت عارف كده كويس

جيمين رفع ايده بإستسلام : طيب طيب هعترف انا فعلا كنت عاوز حاجة - نزل ايده و اتنها بقله حيله - و انا عارف انك إلى هتعرف تظبطنا في الحوار ده

يونغي بتعجب : حوار ايه؟؟

.
.

اليوم التاني / في الجامعه

و المحاضره بتخلص فجأه نفس المحاضر نده على تاي قبل ما يخرج هو و جيمين و مينجي من المدرج فـ تاي وقف قصاده و وقف وراه من بعيد شويه مينجي و جيمين يسمعوا إلى بيتقال

المحاضر اردف بتنهد : انا اسف، دي غلطتي، حصل غلطه في حساب الدرجات و اا الحقيقه انت مش ساقط ولا حاجة في الامتحان تقدر تدخل امتحان نص السنه عادي من غير مشاكل - ربت على كتف المصدوم - شد حيلك في المذاكره

مشي من جنب تاي خرج بره و تاي لف بملامح مصدومه فـ مينجي اردف : دي جت من عند ربنا

جيمين بفخر رجع شعره لورا : علشان تعرف بس
تاي من صدمه : اعرف ايه و انيل ايه! انا واثق ان كنت كاتب كلمات اغنيه جستن ورقه * بيبر * الجديده في الامتحان

جيمين ربت على كتفه مرتين : المهم انك نجحت و خلاص عاوز ايه تاني بقى

تاي بصدمه : انا مش مصدق

مينجي بص لـ جيمين : عملتها ازاي دي يا ابن اللعيبه رشيته ولا هددته ولا ايه بالضبط؟؟

جيمين ضحك بخفه و اردف : ولا دي ولا دي - اف دراعته حوالين كتف تاي و كتف مينجي و سند عليهم - دي حاجة خاصه كده تنفع وقت اللزوم بس ارجوكو خفوا عليا شويه لحسن ظهري ورم خلاص

دخلت تايانا المدرج فجأه بإندفاع و كانت بتجري وقفت قصادهم : شوفتو إلى حصل؟؟

الثلاثة في نبره واحده : ايه؟؟

تايانا اتكلمت بسرعه : ابن اخت عميد الكليه اتخطف و مش لاقينله أثر و في إشاعات بتقول انه اتقتل و باعو اعضائوا من عصابة مكسيكية كبيرة و خطيرة و بيقولوا ان العصابة بس مطلوقه في وسطنا و متخفيه محدش عارف هم مين أعضائها الأساسيين ممكن يكون زميلك إلى جنبك عضو فيها و انت متعرفش

الثلاثة بصدمه : ايه؟؟؟