كنت داخله ع سنه رابعه والسنه دي ثابته كل طالب بيتقسم مع مجموعه ويقضيها ف مستشفي تحت اشراف دكتور مباشر 😆😍 مر ع طلاقي ثلاث اشهر لا كلمني عمر ولا حاولت اكلمو بس متابعه اخبارو من بعيد ايدو بدت تتحسن وحياتو ماشه طبيعي انا رجعت لعوالم الهاكرز تاني وقتي الفاضي كلو بقضيو مع سلطان 😍😍💙 مره قال لي ي شهد انتي م محتاجه للطب علي فكره انتي لو اشتغلتي معاي حتطلعي ف العلالييي قلت ليو انا م همي القروش ولا العلالي ولا شوف ف عشر دقايق انا ممكن املي حسابي ب الدولارات بس انا بحب الطب بحسو كده ف دمي م بقدر اشوف حد تعبان ولا اخفف عنو ولا اشيل عنو فهمتني الطب ده حاجه جواااك انسانيييه اكترر م هو قرايه ولا كل الناس ممكن تقرا الطب وتتاجر بيو وترفع سعرها ذي الاخصائيين الكبار الما بمش ليهم غير الكبارات انك دكتور دي نعمه كده م ساهله المهم انت مالك ب الكلام ده 😒قال لي اسي السنه دي م ح اقدر الاقيك كتير يعني ؟ قلت ليو ايوااا للاسف ح اكون مدرووووشه حد الاندراش .. مشيت معاو يوم المركز بتاع التأهيل قعدت مع الناس ف حلقه بيجو اكتر حاجه العيانين الفاقدين الامل وبيجو ناس الكانسر يتعارفو يكونو علاقات هناك قعدت مع ناس كانو كلهم عندهم كانسر ف مراحل متأخره
بيتعارفو ويسألوك سوال انت تجاوب وكده الدائره تدور 😔 وحده سالوها شعورك شنو بعد م زوجك اتخلي عنك وانتي ف مراحلك الاخيره؟؟! لسه بتحبيهو ولا بتحقدي عليو؟؟! قالت انا حبيتو عمري كلو عمري ماح اقدر احقد عليو لاني م اتربيت علي كده الحقد بياأثر علي انا اول حاجه هو حيربي ولدي ودي كفايه علي خالص المرض ده نفسي الدكاتره قالو ح اعيش سته اشهر واهاا انا عايشه تلاته سنوات والحمدلله مبسوطه وبحمدربنا علي كل نفس بتنفسو الحياه ما بس راجل ولا بس حب وزواج لا في طموحات انا حاليا مديره مجلس اداره لشركه ازيااء كبيره حققت حلمي بعد الكانسر م دخل جسمي اني انفصلت ع البحبو دي قوتني وخلتني امشي ل قدام لان وجودو معاي كان مقيدني ومحسسني ب احباط اكتر ف ربنا ما بيخلي حاجه تحصل بدون سبب اي شي بيحصل ل سبب واي احد اتخلق عشان عندو هدف معين ف الحياه دي في ناس بتقوينا وناس بتضعفنا في ناس بتحفذنا عشان نمشي ل قدام وفي الاصحاب وفي الاهل وديل السند وفي الجيران وفي ناس الشغل ووفي صحاي مدرسه وصحاب جامعه الناس دي بتدخل وتطلع من حياتك بطريقه منتظمه ومقدره ليك لو حسبتها انت من يوم اتولدت عرفت كم شخص وقابلت كم شخص واتعلمت من كم شخص دي نعمه ولا م نعمه ؟؟😊كلنا قلنا ليها نعمه والله .. ابتسم وقالت الكانسر زاتو نعمه وكفاره لينا و ل اي حاجه سيئه عملنااها .. وشكرا 💙😉
-مهما اقول ليكم انا كلامها ده فرق معاي قدر شنو ماح اقدر اوصف ليكم بجد شوفو الناس الموجوعه دي بتكون عامله كيف قال وانا عامله فيها ذعلانه لان عمر طلقني داهيه تاخدو وتاخدني علي تفكيري العقيييم . من اليوم ما في حاجه حتوقفني من اللحظه دي قررت ابقي جراحه اورام وانقذ الارواح دي علي قدر م اقدرر .. 💙😉
-اتسألت في وحده من الجلسات عن انتي منو وليه بتجي الجلسات وعندك ياتو نوع من انواع الكانسر؟!
قلت :
" انا بصراحه ماعندي كانسر اسمي شهد طالبه طب فاضل لي سنه واتخرج .. مريت ب طلاق قريب وكنت بحس ب شويه ضييق ف جيت هنا مع صحبي واخوي سلطان .. القال لي اليشوف مصايب الناس تهون عليو مصيبتو انا م شفت هنا مصايب شفت ناس متفائله ومليانه طاقه وحيويه يمكن اكتر مننا نحنا الما عندنا كانسر قلت ليهم رايكم شنوو نعمل حاجه حلوه نغير بيها المود ونوصل بيها رساله للناس ؟🙈الفكره عجبتم وكلهم اتحمسو قلت ليهم يلا شوفو كل احد يشوف اكتر حاجه بيحبها البغني والبيرسم والبرقص واي حاجه عاوزنها انا وسلطان علينا التصوير والتميل للبرناامج ده حيتصوير ويتنشر حول العالم ب كل اللغات كل واحد فيكم بعد م يقدر موهبتو حيتكلم عن تجربتو مع السرطان ب كلمات بسيطه وربنا يوفقنا ها عجبتكم الفكره الناس دي انبسسسطت ب طريقه ماعاديه راجل كبير كده قال لي : انتي حا تبيقي دكتوره ششاطره ي شهد الله يسعدك ويفرحح قلبك الطيب ده كمان وكمان قولي امين قلت ليووو اميين يا عمو وربنا يشفيك ويديك العافيه💙
-من هنا بدينا انا وسلطان ووحده اتعرفت عليهاا راقيييه وبتقرا صيدله اسمها تقوى بقينا بننشر علي السوشيال ميديا ف حساباتنا عن الفيديوهات وعن البرنامج العاملنو ودعينا اي سوداني او اي احد ممكن يساعد ووريناو العنوان وبدورو هو كمان ينشر الكلام ده تحت
اسم :
جمعيه #القلب_الازرق 💙
بدينا نصور الفيديوها كل شخص موهبتو والكلام الحابب يقولو عن تجربتو من اول م بدينا الدعايه دي حو لينا طلبه كتيرين وبقيت انا مديره الجمعيه زي ماقالو هم نشرنا الفيديوهات بجوده عالييييه ف كل مكان عاوزا ب اي لغه تلاقييييها 💙💙🙈 حتي السفاره الفرنسيه ساعدتنا لاننا بنعمل ف هدف سامي انو الناس تساعد مرضي السرطان والهدف التاني خليكم ايجابيييين 😍 واوعوو تيأسو م تترددو ف انكم تدعمو الناس البت
حبوها والما بتعرفوها كمان .. عملنا ضججججه كبيره تقريبا اي حد بقا بعرفناا انا وسلطان وتقوي من هناك اتنشرنا ف السودان وبقينا شببه مسيطرين ع السوشيال ميديا تفتح اي حته تلاقيييينا عاد كمان الكاميرات منضفانا ومظبطانا نسوو كددددده ... 😂😂😂😂❤️ معسسسلين ومجبجين ♥♥♥جات تبرعات كتيرره للمركز سلطان ده حابيني حب لحد م في يوم عرفت عن طريق الصدفه ان سلطان معاو سرطان ف المخ ومخبيي عني مشيت ليو ف البيت انتظرتو طلع والدنيا شتااااا وبرد يقتل قتل قال لي خششي قلت ليو م بخش بيوت شباب عذابه البس واطلع لي هنا عاوزاك . لما طلع اديتو كف قلت ليو دي خوتك دي صحوبيتك لي؟؟/! قال لي مالك ؟ قلت ليو معاك كانسر من سنه وانا م اعرف ليه؟؟ سلطان انت مجنون قال لي واسي لما عرفتي عملتي شنو قلت ليو اعمل اللي اعملو ليه م اتعالجت قال لي ببساااااطه م عاوز اتعالج انا كده مبسووووط ومرتاح وحياتي حلوه اخد علاج ليه عشان جسمي يتعب واتألم انا كده بساعد وبلاقي المساعده الانا محتاجهاا منك ومن اي حد حوليييا 😄💙
شهدد الكيماوي حيهدددني وبيهيج المرض ذياده فاهماني انتي دكتوره وعارفه قلت ليو امي ممكن تشيلو ليك امي دكتوره تعال معاي سقتو من ايدو ومشيت ل امي المستشفي للصدمه امي كانت عارفه ب مرضو قلت ليها امي انتي مثلي الاعلي انتي اشطر دكتوره ف الدنيا شيلي ليو الورم حيتشلا لفتره ويرجع بس م تخليوو يموت سلطان قال لي شهد ابيت اسكت امي قالت لي شهد ده قرارو ودي حياتو وهو حر فيها ما بقدر اغصبو يعملاا .. قام قال لي نحنا لليوم كنا ف ضهر بعض صح قلت ليو ايوااا قال لي ح اعمل العمليه عشانك لو انتي عاوزاني اعملااا بس قدام امك بقولااا لييك انا بحبك وطالب ايدك للزواج .. ليك الحريه توافقي او لاا وليك الحريه انك تأمريني اعمل العمليه حتي لو م وافقتي ع الزواج مني وح اعملا لان طلباتك اوامر لانك من يوم م انقذتيني ورميتي نفسك ف مصيبه بدلي انا حلفت ميه يمين انك لو قلتي لي موت ح اموت فاهمه ؟💙 امي مصدومه وبتعاين لينا وبتحاول تفهم قلت ليو بس انا زي م انقذتك انت انقذتني فاكر لما انضربت ع عصبه رجلي انت عملت في الدكتور شنو ؟ قعد يضحك ي داب ركذنا ان امي قاعده قال لي طب تتزكري لما رمونا ف الدم والاتنين مع بعض قلنا انعل ابوكم ي ولاد الكاااااالب 😂😂😂 امي قالت لي بتي انا تنضرب علي عصب رجلها عاوزين يشلووووك تاني عملو ليك شنو قلت ليها حرقونا ب سيخ وكبو علي ضهرنا كلوو قلت ل سلطان وريها وراها ايديو شفتو كان حد مشششلخك ب مووس وهو ابيض سلطان ظاهرات فيو ود الحلبيه😿😹😹😹😹😹
-بقيت مع سلطان زي ضلو بخلص مستشفي وبيجي لي نمش المركز بليل نتعشا ويوديني البيت .. كان مليان حيويه والبرنامج العملناو ده كبر ليو شغلو وكبر المركز ف الدعم البجي ليو بفضلي طبعاا ..
-بعد مرور سنه كامله ع طلاقي والتغيرات الحلوه الحاصله لي واني بقيت انضج بكتير من قبل ظهرت فيني روح الطبيبه المحبه ل قرايتها وعملها المخلصه اللي م بتتخلي عن طبيب م عندو قروش او عن اي حد لجأ ليها خلصت السنه الرابعه وفاضل لي سنه وحده ان شالله .. مواصله ف شغل السوشيال ميديا حسابي بقا مقفل ال 5k التويتر كمان كميات من الناس اي عيان ب مرض محتاج عمليه او محتاج دعم بيلجأ لي وانا ع حسب مرضو واحتياجو بوريو يمش وين ويعمل شنو ف يوم قناه فرنسيه عملت معاي لقاء مباشر وانا طالعه من المركز انا وسلطان وسالوني تستفيدي شنو ؟ قلت ليهم مستفيده دعوات من الناس دي ربنا حيديني علي قدر نيتي .. البساعد محتاج الله بساعدو وبوقف ليو اولاد الحلال البساعدوهو .. من فرج عن مؤمن كربه فرج الله بها عنه كربه من كرب يوم القيامه 🙌😻 هدفنا الناس تبقا ايجابيه تبقي نضيييفه تساعد بعض مرضي السرطان ديل م بكونو تعبانين براهم وراهم اسر هالكه روحها علشان توفر حق الدوااء حق الكيماوي حق الاكل والشراب من هنا بدعو اي طبيب جراح مختص انو يساعد الناس دي ب اي حاجه يقدر عليهاا 😺وشكرررا ،
سلطان قال ليهاا : زي م قالت الدكتوره المرض نفسو محتاج روح ايجابيه عشان تتخطاو كل ما كان عندك امل بتعيش مع المرض فتره اطول كل م يئست فتره نجاتك زيرو .. وكمان تقدرو تتفضلو وتشوفو المرضي البجو المركز هنا يدعموو بعض ويفقدو بعض يساعدو بعضم ب البقدرو عليو فعلا الكاميرا والمزيعه دخلو معانا وشافو الاجواء ووريناهم نوع الجلسات البتتعمل تحت اشراف دكاتره مختصين 😺
يمكن نص الشعب السوداني شاف المقابله دي لان سلطان شالها زي م هي وحط ليها ترجمه ب السوداني ونزلها وتسابات وقروبات الفيس بتاعتنا والتويتر ويوتيووووب ♥😉 كنا ثنائيي جذاب ذي م بقولو وم عارفين الحاصل سلطان كان قوي والمرض م اتمكن منو .. الحمدلله ..
-عندي اجازه كان اسبوعين ابوي يوم بليل قال لينا واحنا بنتعشي انو عرس ريل اتحدد بعد يومين وكلنا لازم ننزل وهو حجز عمرو قال ليو انا اتفقت مع اهل روان وحنمش ناس عقد واسوقها معاي قلت ليو ليه كلبه هي؟؟ ليه م تعمل ليها عرس زيها زي البنات قال لي هي م عاو زه
قلت ليوو تعوز كيف م عاوزه عمرو م تبقي اناني وحقار البت دي تعرسها ب الاصول ولا م تعرسها فاهم .. ابوي وليالي هاجو فيهو كلهم جايطين الا امي الحسيتها م كويسه قلت ليها امي مالك قالت لي مرهقققه شديد الليله ف طفلين ماتو ف عمليات وحاسه اني محتاجه افصل ابوي قال لينا انتو جهزو نفسكم وانت وري اهل البت انها تعمل مناسبتها واننا ح نعمل العرس بعد بت عمك ب اسبوع تجهز حالهاا وتعزم ناسهاا وخليهل تتواصل مع اخواتك هم يتفقو ع اي شي عمرو قال لي اتحملي يلا قلت ليو ي ود هي انت م عارف انا منو ليالي وابوي بقو يضحكوو ابوي قال ليوو النصيحه اختك بقت عالميه وعاين ل امي قال ليها ي حنونتي قالت ليوو عيونااا وهي مبتسمه قال ليها تجي نطلع ب اليخت الليله ونقضي سهره حلوه ف البحر زحيت الاكل القدامي وبقيت ادق واغني واخواني يصفقو ويشيلووو معالي والهاي هاي انا عيني بارده ي السمحه قبلي جاي انا عيني بارده 💃💃💃💃💃💃💃💃
قلت ل ابوي قبل م تطلعو سلطان لازم يجي معانا ابوي قال لي علي فكره هو كلمني واتقدم ليك رسمي قلت ليو ربنا يقدم اللي فيهو الخيررر .. يلا اتوكلو .. طلعوو امي وابوي عمرو قال لينا تعالو نبرمج احنا كمان ل مره ف حياتنا ليالي قالت ليو عمرو ي اخوي الله يهديك اسنانك دي محتاجه تقويم خليني اعملو ليك قال ليها موافق عشان اسلوبك الحلوه ده ي حلوه قعدت اقرررقر واضحك قلت ليوو انا ممكن اعمل ليك عمليه زايده بدون بنج ي معفن .. صحي حتسكن وين قال لي الجناح البنيناو فوق ده م لاقاك ما مراا عليك ي عبله ععايشه وين انتي قلت ليهم ارح نمش بكره السوق طيب .. نجيب العفش ونشتري حاجاتنا للعرس ووواي عمرو العواليق حيعرس النبي حنتك ب محمد الريان قال لي العاوزنو بجيبو ليكم وينو سلطان ده اديني رقمو قلت ليو النبي فيك ي عمرو لما نمش هناك خلي بالك منو سلطان ده لانو ماعاوزاو يحس انو براو حسسو انو من العايله وكده قال لي ي بت هو اصلا صحبي وبنمش النادي سوا بس هو شويه انطوائي ..🤦♂
-بدينا shopping للعرس انا ظبطت نفسي عاد فساتين ولبس عجيب اشتريت ل عمرو بدله ب الكركداوي فظيعه .. وكم لبسه تانيه عشان لما يسافرو .. العروس طالبه حاجات اشتريتم ليها براهم .. وحفصه صحبت ليالي ماشه معانا اتظبطت هي الاخري .. 😗😗😗
الليله وبكره مسافرين حتي اهلي جو راجعين وامي نفسيتها تمام من جات داخله استلمناها ليك ومتحننه وحلاه الدنيا عليها قمر قلت لابوي كنتو وين قال لي كلامات كبيره علي سنك 😹😹😹قلت ليهم كان م اجهضت اسي كنت ولدي يمشي اخس علي الدنيااا بس عمرو قال لي ي بت انا بكسر ليك اسنانك دي ارح ليالي قالت لي وين قلت ليها ماشه مع سلطان ابوي نطا قال لي وين قلت ليو السوق وما تسالوني ليه .. مشيت لقيتو منتظرني بره ركبت معاو ومشينا قال لي دي الفيذا بتاعتي م عاوز لبس معولق بالله قلت ليو م عاجبك زوقي طوالي تنزلني .. قال لي عاجبني اي شي خشمي عندي😜.. تقوي ضربت لي قالت لي عازماكم غدا قلت ليها خلاص بنجيي طوالي 😊😍
اشتريت ليو لبس كتير اشتريت ليو علاا الله بتاعه الاولاد ديك اتنين واشتريت ليو جلابيتين وطقمتهم مع جزمه واشتريت تاني جاكيتات بدل كم وحده حلوين كده عشان اطقم معااو وقمصانم كمان اشتريت بناطلين مختلفه وطقمتهم وكم ببيونه وقرافه جيهتو جيهه كان عرسو بكره يعرس عادي .. 😉 .. فضلت الحلاقه واللحيه لحيتو شويه كثيفه عيونو كحييله وتحس ع وشو غموض كده وتقيييل هو كثار بطريقه غريبه .. ♥😉 قال لي ماعاوز احلق مش كده حلاتي قلت ليو حلاتك شديد يلا نمشي .. تاني وقفت قلت ليو الساعه والعطر اشتريت ساعتين وعطرين واحد ليهو واحد لي قام مشا اشترا لي عقد حلو ب الفضي قال لي عجبني واتخيلت انو حيكون حلو عليكي قلت ليوو شكريات .. كان لابس تشيرت ابيض حلو حلااه قلت ليو عاوزه التشيرت ده انا قاك طوالي قلعو قلت ليو م هنا لكن قال لي وين طيب ارح قلت ليو ي قليل الادب ي منحرف هاك البس ده طيب اديتو من الكيس وطوالي ركبنا العربيه😂😂😂مشينا ل تقوي القاعده تتونس مع شافع قلنا ليها ده منو قالت ولد جيرانم شافع حلاااتو ونسسنا ونسسه تقيله قامت تقوي قالت لي حتجو متين م عندي غيركم اقعد اقنقن براي سلطان قال ليها اقنقن دي اول مره اسمعها قالت ليهو دي معناها اقعد براي😂😂 م سوداني م حتفهمااا 😒
#يتبع 💙