لازم ترجعيو ب نفس الطريقه فاهماني قلت ليها كيف طيب؟!! قالت لي شهد هو بحبك ابسط حاجه حتعمليها ليو حيتقبلا الزول الشفتو انا ده م بتعوض اقسمبالله زول مصلي وبتاع ربنا حرام عليك بطلي افتراك ده قلت ليها م تجرحيني ب الكلام طيب عشان م اختلف معاك 🤦🏽♀ ابتسمت وليالي بتتفرج يلا شوفي جيبي لية هديه غيري اسلوب تعاملك معاو اعملي ليو اكله بيحبها قلت ليها م بعرف اطبخ قالت لي النت ده بيعمل فشنو قلت ليها م حنك انجزي وبعداك قالت لي ابوك وامك لما يتزاعلو امك بتعمل شنو قلت ليها اهلي عمرهم م اتناقشو واتزاعلو قدامنا ولا بيخلونا نحس ان في شي حاصل .. قالت لي م لاقيه ليك حل غير ان الكلمه الطيبه وخصوصا انتو لسه زواجكم ما مر عليو كتيرر حنكيو كانك بتجكسيو من اول وجديد فاهماني وغمزت لي🧝🏽♀ قلت ليها فهمتك 😊
لما رجعت البيت م كان في غيرت لبسي وشلت كتبي قعدت اقرا ختيت كبسه ف النار ووطيت عليها لما نجضت ختيتها بره ممن النار ومشيت رجعت اقرا لحد الساعه 12 عمر م جا بقيت بتصل علية ما بيرد .. جا داخل البيت الساعه 3 صباحا قال السلام عليكم قلت ليو وعليكم السلام قلت ليو تتعشي؟ قال لي لالا م جعان تصبحي بخير ودخل الغرفه رقد طوالي .. اجي ي بنات امي كلووو زي ده .. اسبوع من الكلام ده وانا اصابني اكتئاب وارهاق ف كل جسسمي ب الضغط النفسي الحاصل لي ده عمر دايما بيصحي بعدي وبيجي قبلي بس يوم صحي الصباح لقاني لسه ف البيت م طلعت قام صحاني شهد ي شهدد شهدد قووومي حتتاخرري ولا اتاخرتي اصلا شهد عاينت ليو مسافه قلت ليو ماماشه م قادره قال لي ليه قلت ليو ساي بس 😒 خلاني وطلع اخد دش ومشا طلع لما جا اخر اليوم لقاني لسه ف مكاني قدر م حاول معاي م اتجاوبت معاو اتصل ع امي قال ليها تعالي شهد دي ماعارفها مالهاا ..امي جات لما لقتني راقده كده ضربت ل دكتوره لنا تتزكروها لنا صحبه امي جات قالت ليهم دي حاله اكتئاب شديده يمكن بسبب الاجهاض اصلا بيعمل كده لاغلب البنات البجهضو ديل وعاينت ل عمر قالت ليو العلاقه بينكم كيف ؟سكت م قال ليها حاجه قالت ل امي سوقيها معاك واهتمي بيها بتك مكتئبه حتكتئب ذياده لو م رجعتيها من الطريق ده😔😢 قام عمر قال ليها انا حهتم بيها امي قالت ليو عمر انت مشغول والفيك كفايه عليك انا حهتم بيها قال ليها خالتو نحنا محتاجين لبعضنا ف الله يخليكي م تاخديها من هنا 😭 قالت ليو حاضر بس ح اجي اطمن عليكم يوميي تمام قال ليها طيب تنوري طبعا البيت بيتك .. قالت ليو وفي مره حتجي الصباح حتطبخ وتملي التلاجه حتجي كل اسبوع تطبخ وتحطوهم ف الفريزر اوكيه؟ قال ليها تمام حاضر قالت ليو اعملو ل روحكم عصاير تمام قال ليها حاضر 😔 لنا كانت بره وهم براهم قالت ليو عمر ارفع راسك انا زي امك قول لي مالكم قال ليها من يوم الاجهاض م عارف كان في حاجه حصلت وبقينا ف فجوه بيناتنا بس حنتجاوزا انتي ما تشيلي هم حخليها ف عيوني قالت ليو واثقه من كده يلا تصبحو علي خيرر وطلعت .. 😔😴
-عمر مششا صلي الفجر وبقا يدعي ويدعيييي وانا سامعه همهمه بس م عارفاو بيقول فشنو جا قال لي شهد قومي اتدوشي م رديت عليو قام شالني وداني الحمام حممني 🙊🙊 وجا شايلني تاني لبسني بجامتي وقعد سرح لي شعري استمر الحال علي كده كم يوم قمت يوم فتحت الدرج لقيت الهديه الانا جبتها ليو قمت شلتها وهو راقد ف السرير طلعت عليهو واديتها ليهو قال دي لي انا ؟؟ هذيت راسي بنفس الهدوء الانا فيهو فتحها كانت ساعه جلد بنيه وخاتم فضه راقي مع انو م بلبس خواتم .. قال لي لبسيني الخاتم يلا قمت لبستو ليهو قال لي حلو زيك شكرا حبيبتي قمت لبستو الساعه رقدني علي صدرو وحاوطني ب ايديو قال لي شهدي حبيبتي مالك فيكي شنو قولي لي احكي لي ذعلانه مني ؟؟ ف حاجه مؤلماك ؟ انا مش حبييك مش اتفقنا اي حاجه حنحلها سوا ؟! قمت زحيت نزلت ف السرير قلت ليو انت البعدت مني وذعلان مني م بتنومي جمبي ولا بتصبح علي ولا بتسال علي انت ذعلان لاني اجهضت نفسك تقول لي موتي ولدي لانك م بتسمعي كلامي 😭😭بس هو ولدي كمان م ولدك براك انا الشايلاو ف بطني "بتكلم وابكي " عمر بقا قاعد بيسمع فيني متفاجيئ مني . قام قال لي رايك شنو نفتح صفحه جديده مارديت عليو شالني رقدني علي ايدو قلت ليو اقرا لي عاوزه اسمعك بقا بقرا لي وان دموعي نازله .. نوبه الاكتئاب دي بدت ترووح ب اهتمام عمر وقربو لي ف يوم ساقني طلعنا بره من الصباح اتفسحنا واتغدينا لما رجعنااا نمت علي طول .. علاقتنا بدت تتحسن بعدها انا نذلت جامعه يوم اتصلت علي خالتو شهد وقالت لي ان عرس ريل قرب قلت ليها لسه م عندي اجازه بس عمر لو لقا طريقه بجي قالت لي حاولي انشالله يومين قلت ليها ح احاول انشالله💙
-لحد هنا كويسين عمر يوم عازم اصحابو وانا كنت بايته ف المستشفي م نسيت بس هو ما وراني من بدري لما رجعت البيت كان فاضل ع جيتم ساعه بقيت بلحق هنا وهنا وهو عارف اني محتاجاو يساعدني م جا بدري ودايره حاجات من السوبر ماركت اضطريت اني امش اجيبها براي جبتها
وجيت خلصت مع الوقت لما جا كمان بيضحك ونفسو فاتحه خليتوو ودخلت اتدوشت ولبست وفكيت شعري كويتو سراميك بسرعه الرجال براهم والنسوان براهم 😔 النسوان حلاتم لابسين تياب وزي العجب اتونسوو ظريفات وحده قاريه بيطري وحده قاريه هندسه معمار وخلتهاا ع قولتها م عندها نفس 😹😹 قالت لي انتي والله بختك راجلك هادي وبيحبك ومخليك علي راحتك الدور والباقي ع البلاوي العندنا ديل هناك الضغوطات كبيره علينا قلت ليها عمر ده م تشوفوهو كده اي نعم هو هادي بس مزاجو صعب مره وحده مافي زول كامل ميه ميه كان باين علي نعسانه وحده قالت لي انتي باين عليك مرهقه قلت ليها المستشفي وكده قالت لي والله بختك ياااخ 😉😉😉😍😍 قلت ليها بختي شنو انا متمرررمطه بجد لكن كده حلووو برضو قعدو يتونسو ويضحكو حتي المطبخ دخلو معاي الحاجات وحده ادت لي توب هديه وحده جايبه لي ريحه سودانيه شكرتهم شديد وهم طالعين عمر قال لي تعالي سلمي شلت لي طرحه وجيت من بعيد قلت السلام عليكم ف واحد حسيت نظراتو تافه تافه مدا ايدو قلت ليو وعليكم السلام مابصافح قال لي هو انتي م محجيه م بتصافحي كيف قلت ليوو جات كده ووقفت عندك انت نورتنا كتير انت والمدام .لما دخلنا عمر اتنفش فيني كيف تتكلمي مع الضيوووف كده قلت ليو انا كعبه وما محترمه مرتاح كده قام يخبط اسداس ف ارباع وانتي م محترماني طوال اليوم بره والحاله كلمتك من امس غاظني غيييييظ طوالي دخلت الغرفه التانيه وطاخ قفلت الباب علي من جوا ☺️ اليوم اللي بعدو عمر سافر السودان ولا قال لي اتصلت علي كم وسبعين مره م رد ف الاخر بقا بفصل قمت رسلت ليو
ـ
" #أحبك "
...
لا أقولها لك لتعرف ، ولا لكي أُذكِّرك بهذا ، أقولها مِن فَرط حرارتها ، أُلقيها كي لاتحرَق صدري ، مُحال حَبسُها ، وصعب جدًا تأجيلها!
قام رجع لي قفلت تلفوني مغسه ليهو بس 😉 بس كنت قاصده كل كلمه كتبتها ليهو 😢 اشتغلت ف الطواري دوام كامل 24 ساعه برجع البيت انوم كم ساعه وارجع تاني اهلي م قاعده امش ليهم يوم طلعت مستشفي الاورام
والسرطانات مشيت عاوزه دكتور هناك ف وانا داخله شفت عمر هناك الكلام ده بعد سفرو ب اسبوع بس الجابو هنا شنو جا متين؟؟؟! كان معاهو صحبو .. اتدسيت لما فاتو .. طلعت وراهم مششا نذل جمب االبيت وصحبو فات .. انا طلعت وراو ع اساس م عارفاو اول م فتحت الباب لقيتو مشيت حضنتو سلمت علية قلت ليو جيت متي ؟ قال لي ي داب من المطار .. عرفت طوالي ان في انه ف الموضووع سكتت طوالي خليتو اول م دخل الحمام وشلت شنطتو الورق صورتو بس وختيتو ومشيت بره بقيت بقرا فيو اتخيلو الصدمه كانت شنووو 🌚
#يتبع
