دخلت البيت وانا شايلاها طوالي طلعت غرفتي وفتحت الشنطه كان فيها شوكولاتات كتيره ولاب توب صغير فتحتو وحاولت افهم فيهو شنو المصيبه ان اسمي طالع ف قائمه الهاكرز الاكثر شهره في عوالم العكرز وكاتب لي اياكي ي شهد تحاولي تهكري حاجه حتروحي فيها والانتربول مراقبكم منتظركم بس تفتحو علشان يترصدكم .. فاهمه ؟! طبعا لمن راسي شيب وكانو سمعت خبر وحش وشي ملامحو اتغيرت حسيت ب جسمي كلو بيرجف لربع ساعه كامله حصلت لي حاله اغماء كده .. بعدها فقت ودخلت الحمام . ورجعت شلت اللاب توب حقي القديم ونزلت تحت دخلت المطبخ قلت للخدامه عاوزه مفكر وطلعت بره قعدت فرمطتو كلووو اي بيانات عليو دمرتها ب برنامج وهكرت اللاب توب لحد م قفلت خالص وشلتو رميتو ف الحوض وطلعتو تاني كسرتو .. لما جيت عاوزه ادخل البيت لقيت امي واقفه بتعاين لي قلت ليها واقفه هنا من متي انتي قالت لي من لما بديتي تشتغلي ع اللاب توب قلت ليها طيب ليه رجعتي قالت لي جيت اخدك تتفرجي في حاله نادره وعاوزاك تحضري العمليه اطلعي غيري ملابسك جريت جري غيرت لقيتها جات جنب صحباتي ادتني لابكوت ليالي قالت لي البسيهو لبستو ياخ حلاتي دكتوره دكتوره اخدت سيلفي مع ليالي وطلعت مع امي مشيت تتخيلو معاي الحاله طلعت نفس الحادث القبيل لاقانا قلت ليها ديل قبيل لاقينا الحادثه وطلبت الاسعاف انا لكن م اتخيلت الوضع ممكن يوصل ل كده .. فضلت مع امي لحد الساعه اتنين صباحا امي دي بجد شخصيه عظيمه بالها طويل ل درجه غريبه .. لما رجعنا البيت لقيت ليالي وصحباتها طلعو الطابق الفوق وعاملين جو وهيصه ورقيص اتخيلو والدنيا رمضان لما شافونا جروني معاهم امي قالت لي انتي مافي ليك هيصه يلا علي غرفتك دخلت وانا ساكته ب لبسي زاتو رقدت نمت ..
نذلت تريننق ف طواري بتاعه مستشفي وبقيت البيت زاتو م بمشي كتير لان دوامي 12 ساعه درشه السواد ف يوم رجعت البيت وكان في عربيات كتيره بره دخلت وطوالي ع غرفتي لما نزلت علشان اكل حاجه لقيت ناس كتيره من ضمنهم اهل عمار " الاعتدي علي " واخوهو واختو .. كانو خلاص الناس كلهم طالعين الا هم لما انا جيت امو قالت لي شهددد انتي جيتي؟ معقوله كبرتي واحلويتي ! مشالله كنت بعاين ليها ب قرررف شديد وبطني طامه منهم ومن اهلي اللي م عاملين لي اعتبار ولسه في بيناتم ود وتواصل بعد الغلط العملو ولدم معاي جات عاوزه تحضنني لذيتها مني قلت ليها انتي مصدقه نفسك صح؟؟! عمرو جا من هناك وقف قدامي قال ليهم اسفين علي الحصل شهد اعصابها تعبانه اتفضلو حسي ونتكلم وقت تاني عاينت ليو ب عدم تصديق وصدمه منوو عاينت ل اهلي ول صحبات اختي المخلوعين من الحصل ده الناس طلعو ابوي جا علي عايز يمسكني رجعت ل ورا قلت ليو كل م احاول اني اصفا من ناحيتكم بتندموني وبتكسروني ذياده انا م عاوزه اعرفكم تاني وطوالي مارقه امي مسكتني قلت ليها فكيني انتي قاعده مع ام الدمر لي حياتي فكيني انا بكرهكم عمرو قال لي شهد ي قلبي انتي بيننا وبينم شغل كتير م بنقدر نخرب علاقتنا معاهم . قلت ليو ب صرخه كده لان بجد اتوجعت بجد انت اثبتت لي ان القروش اهم مني انا اختك وعاينت لابوي ومن اني انا بتك الاتهنت وضاعو سنتين من عمري ع الفاضي بس خليك عارف اي شغل بينك وبينم ح ادمرو ليكم وهم نفسهم م ح اخليهم وانا من االيوم م بقربكم .. طلعت طوالي من البيت وبقيت جاريه من شارع ل شارع م عارفه انا ماشه وين لحد م وصلت المستشفي. بقيت شغاله اربعه وعشرين ساعه بنوم ف الطواري وباكل وبشرب هناك لحد يوم الوقفه جات لي ليالي وصفوه صحبتها م عارفه لقتني كيف كنت كارهه الحياه دي شديد جرتني معاها بره ب الغصب قعدتني وهي ماسكه ف ايدي قالت لي شهد الله يرضي عليك ارجعي معاي البيت صفوه قالت لي ابوك جات ليو جلطه كان حيموت ي شهد الله يهديك تعالي معانا بينادي ب اسمك ليل ونهار قلت ليهم عندكم مرتو دكتوره تعالجو وتعالج الف غيرو بس وانحنا قاعدين جو بتين كان في فتره من الفترات من اعز صحباتي بس اتخلو عني اول م دخلت الاصلاحيه وحده ب استهتار شهد انتي طلعتي متين من الصلاحيه ي حرام شكلك اسوا من قبل دي اخره المشي البطال بعد م عملتي عملتك رميتيها ف ولد الناس ي بت الحرام هنا انا فقدت السيطره ع نفسي وقمت ضربتها لحد م انفها نذف م اشوف الا سلطان جاي يجري من هناك شالني من فوقها وقال لي ليالي الحقيني بسرعه وم تتلفتي وراك نهاي طلعني عربيتو واتحرك وليالي وصفوه ورانا انا من الغضب م كنت شايفه قدامي نهاي وقف عربيتو في حته كده بعيده اول م نزلت بقيت واقفه وهو نزل واتكلم مع ليالي جا قال لي ي شهد يلا طلعي الجواك كلو السكوت ماحيفيدك قلت ليو كيف قال لي تعالي فتح الباب جاب كميه كبابي وصحانه كتيره وختاها قدامي قال لي لما تتفشي نحنا بره وقفل علي الباب .. بقيت اكورك ليهو سلطان افتح لي كنت شايفه كاميرا المراقبه عرفت انو م حيطلعني شلت الصحن وبديت اكسرر واحد ورا واحد وبكورك بكرهكم بكرهكم كلكم .. ببكي وبصرخ لحد م انهررت تمامااا .. بره ليالي عملت ليهم مناحه قال ليها شوفي لو م عملت كده ماح تتكلم وسكوتها ده خطر عليها هي اول انتي عاوزاها تحقد عليكم اكتر وتكرهكم اكتر قالت ليو لا قال ليها يلا روقي وخليني انا بعرف اتصرف .. صفوه قالت ليو دقيقه انت منو اصلا قال ليها انا سلطان كنت معاها ف الاصلاحيه وعارف اللي هي مرت بيهو كلو 😃.. بعد قعدت وقعدت رقدت ف الارض تاني م حسيت ب اي حاجه . لما صحيت كان بعد كم ساعه كده لقيت سلطان جمبي قال لي قومي ح انتقم ليك منهم اسي فتح اللاب توب حقو وليالي وصفوه بس يعاينوو خرب ليهم ملفات كتيره واتلفها ل شركات ابو عمار ونسبه لانو الدنيا عيد بيكون في اجازه قال لي كده مرتاحه ولا ابوظو ع الاخر ب ضحكه كده قلت ليو الباقي انا بتمو براي ليالي قامت قالت لي قومي معاي يلااا سلطان قال ليها دقيقه طلعت معاهو قال لي عايني م مضطره ترجعي بيتكم داك انا هنا ووضعي اكتر من ممتاز والقروش العندك تعيشك ملكه لاخر عمرك م تعصري علي نفسك طالما م حتكوني مرتاحه قلت ليو عاوزه اشتغل معاك ف مركز اعاده التاهيل النفسي قال لي انتي م بتستاذني المكان مكانك فاهمه ي شهد قلت ليو ايوه قام حضناا بعض وبقيت ببكي قال لي ماعاش من يهينك وانا عايش ي شهد اوعي تبكي جات ليالي من هناك جرتني منو قالت ليو جرب تاني قرب ليها وانا اموتك ب ايدي واطي واحد ركبنا ومشيت معاها البيت الكلام ده كلو وبكره العيد🌚
#يتبع
