اتلفتت وراي لقيت ولدين واقفين طوالي واحد مسك ايدي وطبعا رجلي واجعاني م قادره وشبه حيغمي علي طوالي استخدمت اسلوب المياعه قلت ليهم يلا ب الدور كل واحد حياخد نصيبو بدون عنف العبيطين البنقو شايل فيهم صدقو طوالي جمبي عصايه كبيره شلتها عريضه ضربتو بيها ف منطقه ممابين الساقين والتاني ضربتو ف رجلو وف نفس الحته الحاجه دي كفيله ب انها تعطلم عني ل فتره لحد م سلطان يجي وانا ماشه وقعت ف حته وين هي م عارفه لما صحيت ف المستشفي لقيت جنبي امي وابوي دي اول مره اشوفم جنبي كده وب اللهفه والخوف الحسيتو وهم قاعدين كده ابوي ب رغم تعبو وامي باين عليها الارهاااااق وعيونها وارمه شكلها كانت بتبكي لما شافوني فتحت امي قالت الحمدالله يارب شهودتي ي قلب امك وبقت تبكي ابوي قال ليها ي حنان بسم الله م تبكي هدي كويسه امي قالت ليو انا عارفه لو بتي كويسه ولا لاا قال ليها حتبقي كويسه م ح اخلي شي م كويس يحصل ليها انتي بس روقي واهدي وعاينو ل بعض كده اول مره كمان الاحظ ل العلاقه العمييقه بيناتم والحب البينم الحسيتو ليالي جات داخله وقلبتها مناحه انا م عرفت اهتم ب اختي وانا اسفه تشيل وتسلم لي وتبكي قلت ليها اي عشان تقعدي تخلطي وتخليني ي ندله 😂الهبله بزل تضحك اقعدي ابكي زياده امي قالت ليها حتصدعي بيها البت دي لسه مرهقه اطلعو لي بره ابوي قال ليها الدكتوره حنان كبست يلا ي ليالي ارح و غمز لي بقيت بضحك امي قالت لي هنا ماف حد حيقدر يبيت معاك انا مداومه اليوم عمليات اي حاجه حصلت معاك اضربي لي فاهمه تضربي لي قبل اي احد قلت ليها اوكيه اصلا شكلي ح انوم م تخافي قالت لي كيف يعني م اخاف انا العضه ال ف رجلك دي حاساهاا جواه قلبي انا امك انتي من دمي ومن لحمي ده لما تبقي ام حتحسي ب البقولو ليك ده قلت ليها فاهماو بس بستعبط بقينا بنضحك انا بتكلم معاها وعيوني بتغمض وتفتح براها لحد م نمت وخليتهاا .بعد كم يوم جاني سلطان البيت واهلي اتعرفو عليو عمرو قال ليو انا الما فاهمامو هم كانو معاك ليه قلت ليو انت بتسال ليه اخوي وبيفسح فيني وانا سفت اختي م دخلك قام فار وطلع حبوبه قالت لي ي بت عدلي اسلوبك ده احسن ليك قلت ليها اصلو م بعدلو معاو لحد م هو يتعدل سلطان قال لي لسانك ده بقطعو ليكي اتكلمي كويس خبطتو ف راسوو قعد يضحك قال ليوم مره كان في دكتور وعصبي شديد تكتر معاو بيوديك غرفه الكهربا وطبعا شهد كانت يوميا ف الكهربا دي من كتر م بترد ليو لحد م فيوم اكتشفنا انو مربط مع وحده هناك وصورناووم فيدو كده ظظظابط وبحكم اننا ممكن نشغل انترنت نذلنا الفيديو جانا فايرر ف انا قبضتوو وشهد ضربتو ب الكهرررربا ف م تستغربي نحنا كثانئي م بنخاف ولا بنخلي حقنا ل زول بس جابو الاكل اتعشينا وقام مشي طوالي ضربو ليو ناس الشغل . ابوي قال لي الولد ده من يات مكان وكده بقا يستفسر قلت ليو ده اكتر زول كان بيقيف معاي ومخلي بالو مني لما اخد كهربا بيأكلني ويشربني ولو استفرغتا بيغسل لي وبدون م تتخلعو كان بحميني عديل لاني م كنت بكون ف وعي لما يدو لي حقن هلوسه وانا بعمل ليو نفس الشي لاننا اخوان واصحاب م اكتر من كده .. ابوي ده بس بقا ساكت ودموعو دي نذلت للحظه حسيت ب كسرتو قدامي امي وليالي بقو يبكو مشيت قعدت ف رجولو قلت ليو ابوي خلاص حصل خير وانا اتعلمت من الدرس الاخدتو ده وكل واحد بتعلم نتيجه فعايلو والحاجات العملا ولسه بتكلم كده ضماني وبقا لسه بيبكي وامي وليالي فتحوهو بيت بكا ااتجرسو جرس ..💙 من هنا علاقتي بيهم بدت تتحسن ..
-مرت سنه علي وجودي في لندن اتغيرت شديد بقيت بشتغل مع امي ف المستشفي ك متدربه وبقرا ف الجامعه هنا نقلت ورقي كلوو لندن عشان اقرا هنا ونذلت ومدروشه درشه السواد 😭الحياه حلوه شديد بنتجمع ف العشا والغدا غالبا عمروو نقل شغلو دبي وبقا نادرا ما يجي اما صحباتي علاقتي ب ورد بقت فوق الكويسه انتيمتي البحبها يوميا بنتكلم لين كمان اما فجر ف قطعتو معاي ليه م بعرف وما بيهمني كتير .. اهاا يوم جات لي مكالمه كنت ف الجامعه رديت ومافي صوت بقول الو الوو ماف زول بيرد قمت قفلت لان عندي مشرحه وشغاله وجاريه .بعد كم يوم نفس الحركه حصلت الرقم بيتصل وماف رد .. يوم كنت نبطشيه ومساهره وبجد نعسانه ونفسي انوم لحظه بس التلفون ضرب رديت الشخص قال لي شهد قلت نعم وانا كلي يقين ان ده عبدالله قال لي اشتقت لي صوتك قلت ليو علشان كده م كنت بترد قال لي انتي لي قررتي تقعدي هناك؟! قلت ليو محتاجه وجود اهلي حوليني قال لي طيب م نفسك تجي قلت ليو ما بايدي بقرا هنا والجامعه م مديه ليه فرصه سكت مسافه قلت ليو مالك فيك حاجه قال لي لين بتحبني علي قدر صدمتي علي قدر م حسيت ب نفسي هبله قلت ليو طيب وين المشكله قال لي عادي عندك يعني قلت ليو شنو اللي عادي قال لي دقيقه داخله لي مكالمه وعندي حاجه مهمه عاوز اقولا ليك قفلت الخط وبقيت بفكر والله م لقيت نفسي الا وانا ببكي اول مره احب حاجه ويكون نفسي فيها وم القاهااا اصابني نوع من الاحباط كده
رجع لي كتيير بس انا م رديت ولا كنت قادره اسمع صوتو لان بجد ح اتعب اكتر ياريتوو م قال لي ول اول مره بعد جيت لندن حسيت نفسي بجد اشتقت ل عبدالله ل كلامو معاي ل ونستو معاي ل اتصالاتو لي فنص الليل بس عشان بيسمع بحه صوتي اشتقت ليو وهو ذعلان وهو فرحان ل شوفتو ول اني اراقبوو وهو بيعمل ف حاجه .. فتحت الفيس وكتبت :
بأنتظارك لكن، لست على الباب ؟! 💙
بتصفح ع الوتسب شفت لين حاطه صوره ليها هي وعبدالله وفجر وكاتبه مع اغلي اتنين ف عمري 😴💚 من شده م ذعلت قفلت التلفون وطلعت نمت ..
اسبوع عدا وانا عاصره علي نفسي ليمونه لحد م حصلت الخايفه منها حبوبه راجعه السودان وابوي قال بالمره نمشي كلنا اجازه لان عمرو عاوز يخطب قالو تمام والناس دي ابتهجت الا انا لان م حابه امشي قمت بليل مشيت ل امي قعدت جمبها ف السرير قلت ليها امي انا م عاوزه امشي عاينت لي مسافه قالت لي ليه ممكن السبب قلت ليها بحب احد امي دي لمن ابتسمت وفرحت قلت ليها بس صحبتي بتحبو طوالي حطت ايدها ع خدها قلت ليها بس يلا م عاوزه امشي بي دلع كده قالت لي لاا مافي تمشي معانا وتتجاوزي الموضوع هو لو ليكي عمرو ماحيكون لي غيرك انا ابوك زمان كان خاطب وحده معانا وانا بحبو بس كنت بدعي ان ربنا يرجعو لي بس ب الرغم من كده م كنت بحسدم ولا بكرهها للاا ابدا بالعكس نيتي صافيه ولو كان اتقدم لي غيرو ح اوافق ببساطه لان الحياه ابسط من كده وسياستها معروفه الل ليك ليك وال ماليك م ليك بس كده قلت ليها ي ماما بغض النظر عن اي حاجه بس انا م انسانه متسامحه ولا بحب حد ياخد حاجه بتاعتي ف اتخيلي معاي بس قالت لي شهد الله كم قلت ليها ماعارفه ياخ وقمت طلعت من جمبها رقدت نمت ..
-في الطياره كل حد براو افخم مكان فيرست كلاس .. بس كلنا قصاد بعض انا طوالي رقدت نمت لاني زهجانه واخده منووم .. لحد م وصلنا ابوي شالني شيل حتي صحيت .😂😂😂☺️..
جاتني ورد المطار وشوفو السلام والاحضان ياخ الاصحاب نعمه والله ليالي تاني مره تجي السودان ومتضجره من الموضوع ..ورد بس تضحك عليها قلت ل ورد صحي ارح طوالي نمشي ل لين اصلا لابسين عباياتنا وجاهزين ركبنل مع ورد انا وليالي وصلنا بيت لين وصلنا اختها من شافتني اتفقعت بكا حضنتني وهاك ي الصريخخ اخدنا لينا قعده لين مافي قالو ف الاخر استاذننا وطالعين ابوها اصر اننا نتغدا بس قلنا ليو مره تانيه نحنا جمب الباب جات عربيه وقفت .. 😁
#يتبع
