المريض طلع عبدالله بس الصدمه هو الجابو هنا شنوو؟؟! قدر م قلبتها م جا فبالي سبب يخليني اشوفو هنا وانا شخصيه بخاف من الصدف .. الفريد قال لي مالك قلت ليو بدل معاي المريض قال لي طوالي هو معاو مره كبيره وحالتها اصعب من عبدالله . الكارثه دي اتعرضت ف التلفزيونات واهلي شافوها وعرفو ان المستشفي بتاعنا الانا فية هو النزل ساعد الناس ف قامو بقو بتصلو علي وانا مشغوله لو شافتني المونتر بتاعتي حتفضلني ع طول رديت ليهم ب رساله بتصل ليكم بعدين 😒😔 المريضه بتاعتي اتوفت بس فريد قدر ينقذ عبدالله اللي بس في كسرر ف ايدو والتوااء بسيط ف رجلو وضيق التنفس بسبب الاتررربه والدخاخين .. جيت ل فريد جمب عبدالله ال اول م شافني عمل كده😱😳 شهد ؟؟ قلت ليو ااايوه حمدالله علي سلامتك ي دكتر قال لي تسلمي انتي الجابك شنو هنا قلت ليو نفس السؤال بالنسبه ليك قال لي جيت اتخصص هنا وانتي ؟؟ قلت لية متدربه هنا حاليااا ف قسم الطوارئ قال لي والله بختك انتي محظوظه قلت ليو طبعا مش امي حنان النصري فريد عاين لي حنان النصري امك قلت ليو ايوه قال لي م ناويه تعرفيني عليها قلت ليو حاضر من عيوني وجيت طالعه قام مسك ايدي قال لي شهد خليكي معاي قمت جريت ايدي قلت ليوو م تلمسني اتكلم ب خشمك وم بخليني معاك ☺️ابيييت .. وطلعت منوو .. سبحان الله بعد الحصل ده كلوو لقيت ان مافي اي مشاعر جواي ليهو مرهقه كانت او انبهار ب شكلو م اكتر . بس قلت ي شهد بيفضل مريض وف غربه م تبقي قلبك اسود وحاقده دي حاجه ومضت وكده .. اها لما خلصت مشيت ليو تاني لقيتو راقد براوو اتونست معاو شويه قال لي انتي عارفه بقيتي حلوه بعد اتزوجتي قلت ليهو انا حلوه من م اتولدت ي بيبي 😂 انت م عارف اني اتطلقت قال لي عارف بس اتوقعتك رجعتي ليو بعد فتره مش عامل حادث كان قلت ليو ايوه بس م رجعنا المهم حياتي الخاصه م ليك بيها قال لي بطلي قطامه شايفك عامله شغل نضييييف ف السوشيال ميديا قلت ليو الحمدلله البساعد الناس الله بيساعدو 💙 قال لي صاح والله .. انا هسسي مزنوق مع التخصص ده وحالتي صعبه قلت ليو انت الوداك السوبر ماركت دي شنو قال لي ساكن جمبها عاوز لي حاجه اكلها الجوع ياخ قعدنا نضحك😂😂😂😂😂 قال لي طول م انتي هنا اي حاجه تحتاجي ليها انا صاحبك واخوك م تخجلي ولا يردك الا لسانك فاهمه انتي ف غربه وانا م ح اخليك براك قلت ليو ي شيخنا انت شوف نفسك اول قعد يضححك 😂😂😂 قمت جاني تنبيه ان في حاله طواري يلا عينك م تشوف الا الناس جاريه والدم ده ف كل حته لحد الصباح بتجي علينا ايام م بنطلع من المستشفي نهائييييااا لما جيت اتصلت ع اهلي فيديو كان بليل شديد وح اموت وانوم 😴😴 امي بتسال فيني وانا شبه نايمه بس جاني الفريد يجري قمت قلت لي امي الفريد صحبي عاوز يتعرف عليكي الاخ معجب وكده ب اعمالك وبطولاتك سلمت عليو واهلي كلهم كانو فيديو كول انا نمت داب م خلص قاك صحاني قال لي الشفت بتاعتك م خلصت قومي البطله جايه وراي لو قبضتك حتترفدي يلا رشاني ب تلج بارد واداني قهوه ده كلو واهلي بيعاينو قلت ليهم ادعو لي ي ماما وبابا بالله وعمرو حبيبي قال لي م وريتك عمرو حبيبي حيبقي اب قمت اصرخ woooooooow congraaads bbi احلي خبر وربيييي قال لي والله ي شهد مشتاقين ليكي قلت ليو وربي انا كمان بوس لي رووووان العسل وبارك ليها قال لي حاضر ليالي قالت لي انا ذعلانه منك ذعل البحر ما يغسلو ي شهد انتي اخت انتي قلت ليهااا شنووو مالك💔 قامت عاينت ل امي وابوي وقالت لي ولا شي وقامت مشت قلت ليهم مالا 😏 امي قالت لي متحسسه منك م بتسالي عنها ولا بتردي عليها قلت ليهم حتصل ليها بكره براهاا يلا ح اقفل حسي امي قالت لي اعملي حسابك ي شهد خلي عندك دفتر او اشتري ليكي نوت الكترونيه سجلي فيها الملاحظات البقولوها الدكاتره ف الحالان الخطيره وقبل اي عمليه اقري عن العمليه والمضاعفات البتحصل للمريض بعدها فاهماني قلت ليها حاضر والفريد جنبي قلت ليهو فهمت قال لي وط؟؟ امي بتتكلم عربي وهو م فاهم بعد قفلت منها وريت الفريد القالتو لي امي وانطلقنا علي شغلنا 😴💔 اايوم التاني اتصلت علي ليالي كانت بتتغدا مع صحبتها ورقمي غريب قلت ليها ليالي افتحي فيديو انجزي قالت لي اهااا بعد فتحتهااا بتتبايخ لي وتتعابط قلت ليها ليالي ف شنو قالت لي انتي اختي ع شنو كل م احتاجك م القاك ياخ بلاقي الغربا وم بلقاك اتي قلت ليها ف شنو م لقيتيني قالت جاده بتساليني السوال ده ي شهد؟؟ ابسط حاجه انتي وقفتي جمب سلطان وانا لا لما عملت عمليه بقيتي معاهو هوا وانا معاي امي ع قولتك طيب انا عاوزاك انتي جمبي ليه م تكوني معاي سلطان اقرب ليك مني فاهماها بس انا اختك حتي لو احتجت اتكلم تلفونك مقفول خوتك خوه ذفت ذيك ي شهد خلي الطب ينفعك وخلي سلطان الخره ينفعك من الليله لا تعتبريني اختك ولا نتصلي علي تاني وانا بكرهكم انتو الاتنين 💔🌚
كلام ليالي ده دخل جووووا قلبي مشيت بره الجنينه قعدت وفتحت النت كميه خياليه من صوصا من ليالي لقيتها حاولت اني اقراهم كلهم وفعلا كانت بتمر ب فتره سيئه وزواجها اتحدد واللي خطبها م جا يوم الزواج طبعا اتخيلت شعورا الوقت داك وقدرت افهم هي ليه اتكلمت معاي ب الاسلوب ده ..💔 حسيت ب اني ندله بجد طيب لكن اعمل شنو انا اتقطع ي ربي 😢
لقيت رساله من رقم غريب مكتوب فيها
الساعه 3:00 صباحا
شهد ايدي رجعت اتشلت بقيت مقعد مره تانيه انا بفقد الامل مره تانيه بعدك عني تاعبلي قلبي وعقلي شهد ارجعي لي 💙 انا بدونك ماح اكون عمر ح اكون جسد عايش بدون هدف ولا روح حلوه💔
بحبك ي شهد
" بقيت ببكي انا ليه بيحصل لي كده كاان يوم اجاذه طلعت ع الاستوديو العايشه فيو شلت اللاب توب وبقيت بهكر لحد م وصلت ل الشركه الشغال فيها عمر وفتحت الكاميرات لحد م شفتو قاعد ف مكتبو وسرحان وزي م قال بجد ايدو م شغاله نهاي .. رسلت ليو رساله وانا كلي لهفه ل انو اشوف رده فعلو . وقلبي بيدق بسرررعه شديده 💙 دمبق دمبق دمبق دممممبق ..
رسلت ليهو :
عمر اسفه لاني م رديت فداك ايدي الاتنين ان شاء الله حتتحسن م تخاف ح اعالجك انا بنفسي ابعت لي التقرير ناو ..منتظراك 😊
-بعاين ليو وهو مقهي مسافه ف الرساله الجات ليو وقال ب صوت خافت شهد حبيبتي . ي الله شكرا يارب الحمدلله انها كويسه 😊💙
رسلت ليو : ايوه شهد حبيبتك انجذ انا منتظراك وراي مرضي غيرك😝
ردا لي : هكرتي الكاميرات ي مجنونه خليني اشوفك لو ينفع ..
رديت : افتح اللاب بتاعك فتحو وشافني قلت ليو هاي ي ابن عمي كييفك .. حصلت ليو خيبه امل كده قال لي كويس انتي كيف قلت لي انا متالقه كالعاده بعت لي التقارير قلت ليوو بسيطه ي عمر م تخاف بسيطه ايدك محتاجه علاج فيزيائي انا ح ابعت ليك عنوان دكتوره شاطره تابع معاها طيب قال لي لا م ح امش ل دكتوره مره انا قلت ليو عمر بطل رجعيه قال لي ي اما تعالجيني انتي ي اما ما عاوز اتعالج من الاساس الكلام ده م اكررو تاني 🌚🤚 قلت ليو وانا م بعرف اعالجك فيذيائي لكن .. قال لي طيب ..
شفتو بياخه اكتر من كده قلت ليو تصدق وتامن بالله قول لا اله الا الله قال لا اله الا الله قلت لي انت اسخف بني ادم انا عرفتو يعني من الاول م كنت عاوزني جمبك وحاليا انت محتاج عباج طيب انا ماح اكون جمب ولا عاوزه كده ف لما ربنا يسالك يوم القيامه ليه م اتعالجت قول ليو عزرك الخايب ده 😼 افتكرتك اقوي من كده ي عمر افتكرتك اتغيرت بس طلعت ضعييف ذي عادتك 🙀 قفلت ف وشو .. بقيت مراقباو وهو مبتسم وهو بيعاين للكاميرا قال وهو عاارف اني بعاين ليو . انا ضعيف بي حبك ضعيف ب لهفتي عليكي بعدك هو العامل فيني كده افضلي اقسي علي لحد م تسمعي خبر موتي بحبك ي شهد 😻💙
