وانا رجولي بقت م شايلاني شويه وعمر بقا متشنج وامو بتكورك لي ي شهد الحقي علي جيت جاريه عليهم بقيت ماسكه راسو لحد م وقف تشنج واضح ان الحاجه دي نفسيه وان اعصابو منتهيه نفسيتو كعبه شديد ب اختصار عمر مكبوت شديد وفي حاجات جواو محتاج يطلعها طاقات سلبيه😞 لا شعوريا انا كنت ماسكه ايدو عشان اشوف نبضو لين ينتظم جسمو بقا بارد وملامح وشو بدت تهدأ وتنفسو انتظم لقيت نفسي بعاين ليو واتامل فيو جواي قلت ليه ي عمر ليه حبيبي ليه بعدتني عنك ي ريت لو مشيت بدون م ترمي علي طلاق كنت عرفت اجيك 💔💔😢 عاينت ل خالتو شهد ووريتها حالتو شنو ومحتاج ل شنو وقمت عاوزه امشي ايد عمر مسكتني وهو لسه مغمض قعدت ف مكاني قلت ليو سيب ايدي ونتكلم بدون لمس فتح عيونو وقعد علي حيلو ب تعب شديد 😴😢 قال لي م عاوز اقول كلام كتير وانا متاكد انك جواك الف سوال ععوزه تعرفي اجابتم واني ليه طلقتك شهد انتي صغيره علي انك تتحملي مسوليه واحد عندو اعاقه صغيره ي شهد انك تعيشي وضع متعب ومرهق لي نفسيتك زي ده .. وصعب انك تتعاملي معاي وانا معاق وما بشوف كفايه عليكي العذاب الشفتيهو ف حياتك واكبر دلايل ع كده الجروح الفي جسمك عاينت ل خالتو شهد .خالتو شهد عامله كده😱😱😱😱😳.اي انا كان نفسي تكوني جمبي بس ابدا ما ندمان اني طلقتك لا ابدا مبسوط اني خليتك تعيشي حريتك وشوفي الانجاذات الانتي عملتيهااا في السنه دي او اقل منها انا م عاوز غير سعادتك وبس . قاطعتو عمر للدرجه دي انت شايف اني طايشه؟؟ طيب الزواج عملوهو لشنو اصلا //؟ الزواج ده عمرر بحالو لو انا صغيره كيف بقيتني حامل وكنت ح اتحمل مسؤوليه طفل يمكن هسي كان كبرر وعندو سنتين .. عمر انت اهنتني قدام اهلك وقدام اهلي وقدام نفسي دمرت ثقتي ب نفسي ب الانت عملتو ده ياخ عاوز امك امك تقعد معاك تمشي انت معاها انا زنبي شنو تطلقني؟؟ طيب زنبي شنو وانا بحب زوجي يبعدني عنو ب الطريقه دي وانت لما انا اجهضت م خليتك تدخل لي ذعلت مني اسبوعين لحد م انا نفسيتي تعبت صح ولا لا؟؟؟ انا عديمه مسوليه وانت م عمرك حبيتني ولا وثقت ف حبي ليك او اني ح اقدر اهتم بيك انا كنت مستعده اتخصص جراحه وانجزها ف شهر عشان بس ارجع ليك بصرك كنت مستعده ادي ليك ايدي عشان انت تبقي كويس لكن انت م اخترتني فوق ده كلو وبكل برود مارجعت سالت عن الحيوانه السبتها وراك دي دي ايمانياتك ي عمر مش انا بت عمك كيف عملت معاي كده ؟؟ انت شخص حافظ كتاب الله طيب ليه م تعمل بيو؟! مش ان ابغض الحلال عند الله الطلاق؟ يوم م مرضت وجاتك حمه وغيببت لمده يومين اهتميت بيك ولا لا ؟؟! انت انسان اناني انا مسميني ع امك قدرت اتخليت عني وذعلتني وبكيتني اخلفت ب كل الوعود الانت وعدتني ليها وكنت مستعده انسي كل حاجه لو رجعت بعد كم يوم وقلت لي تعالي لي 😢" هنا انا اتفقعت بكاااااا السنه الما بكيت فيها دي كلو طلعتو هسي " 😭😭😭😭😭😭😢صوتي اتبح وبقيت بتكلم ب صعوبه . قمت من جمبهم وطلعت وخليت عمر ده يخبط اخماس ف اسداس مسخت عليهو العرس ده والحياه ذاتها .... قلت ليو تاني عمرو مافي وحده حتحبك زي م انا حبيتك ولا تحترمك زي م انا بحترمك بس انت خسرتني وانا البخسرني ب رضاهو بحسب الله ما خلقو 💔😢
طلعت وانا جسمي كلو بيرجف ركبت العربيه وضربت ل ورد جاتني بعد مساافه لقتني ببكيييي واخت بكيت بكاااااا رجعت االبيت عشان اشرب سمعت امو قالت ليو عمر ليه كنت بتبكي قبل ما ندخل فال ليها لاني ظلمت شهد وربنا ماحيسامحني انا كسرتها وجرحتهت وهي وثقت فيني دمرتهااا ي امي انا م استاهل اني اعيشش ورقد ف الارض بيقول يارب يارب يارب ب نبره وجععععع وكسره نفس شديده💔💔💔💔😢
ورد دي بقت تبكي معاي تشيل وتبكي وحاضناني ليها وصلتني البيت ودخلت معاي .. خلتني بكيت لمن نمت 😊
اليوم اللي بعدو م طلعت من غرفتي معاي ورد طلعت ل امي وحكت ليها الحصل امس شويه والباب خبط وجا داخل سلطان وانا لابسه بيجامه عادييه وراقده ف السرير جا مبتسم ياخ شوفتوو براها تشرح القلب 💙 قعد جنبي ف السرير قال لي هاا قلت ليو بقيت كويس؟؟ قال لي ده بيعتمد علي انك تكوني كويسه قلت ليوو الحب شنو ب النسبه ليك ؟؟؟ قال لي انو يكون في ارتباط روحي بيني وبين البحبها يعني لو حصل لي حاجه هي يحصل ليها كمان ولو انا حصل لي حاجه يحصل ليها هي كمان شهد انا بحبك بس حبي ليكي بدون قيووود مكتفي ب اني اشوفك بتحققي ف احلامك ومبسوطه وح ادعمك واقيف جمبك والله مرتاح جدا كده يعني حنك انو لازم نتزوج ده م ضروري ب النسبه لي المهم اكون قادر اشوفك وقت م انا عاوز ووقت احتاجك دايما بلاقيكي جمبي ي دكتورتي القميله💙💙😍 قلت ليهو انت عارف نفسي احضنك حاليا بس م صاح كده قام باسني علي خدي وقال لي يلا ي صحبتي قومييي عشان ورانا تحضيرات ل عرس اخوكك والفرع الحنفتحو للمركز ولا نسيتي ونحجز للحفلات والحاجات دي قلت ليو فترانه م بقدر امشو انتو قال لي انا جيت معاك وعشانك ف ماح اطلع بدونك 😒 قلت ليو طيب امشو شوفو لينا حاجه ناكلها قبل بل نطلع قال لي تمام يلا مشي جهز جبنه وبسترمه وفراخ حمرو وسلطه وختاهم بقينا ناكل انا وهو وورد 😂😂واني واقفه بتتفرج علينا الباب خبط جا داخل عمو وابوي سلمو ونادوني الصالون مشيت قام عمو قال لي لو طلبتك ل عمر تاني تقبلي ترجعي ليو قلت ليو لا ابدا قال لي اذا علاقتك ب سلطان لازم تبقي رسميه ماصاح البتعملو فيو ده عاينت لابوي ال طوالي قال لي الانتي عاوزاو انا ح اعملو ليك قلت لية علاقتي ب سلطان كلكم م حتفهموها بس مبنيه ع الحب والاحترام مع بعض انا م عاوزه لا عمر ولا غيرو وسلطان شخص بمثابه زوج واخ وصاحب وداعم لي ف حياتي ف م من حقكم تفرضو علينا حاجه نحنا م عاوزنها عن ازنكم وطلعت 😊
بليل قشرت ب فستان طويل وراقييي شديد ب اللون اخضر علي حرجلي بينم وناعم شديد مطرز ب خرز ناعم شديد 💙 عملت شعري رولتو الايلاينر وروج ب الكوبي .. غير كده م عملت حاجه ف وشي طبعا سلطان الجاكيت نفس درجع لون الفستان .وانا الطرحه برضو لون الفستان كلهم فاتو وانا وسلطان وليالي سوا دخلنا القاعه والبشريه دي كلها بقت بتعاين فينا مشيت انا وسلطان وليالي قعدنا مع امي وابوي الابس جلابيه خططططيره قعدت جنبو واخدت سيلفي معاهوو ونذلتها ع الفيس مع دادب حبيبي 😍 امي قالت لي ومامي مافي معاها صوره اخدت معاها سيلفي ونذلتها وسلطان كمان كتبت مع المميذ حقنا .. وليالي مع النبض وعمرو كتبت مع العريس المنتظر😍😍😍😍 ف الاخر الحفله رااابه ب طه سليمان وريل دي ذهجانه طبعا م ذوله حفلات بس اهل العريس مصرين كانوو ..
عيني تقع ع عمر هناك لابس جلابيه الله بس بس طه يغني
"ح اخلي يومك كلو هم وايام هناك متعسره . لو قلته قام شكل الفرح بقلع عروقو بكسرا ، لو ضحكت الايام معاك ضحكه شماته بفسرا ، والبسمع بقصه حياتك بقول دي قصه مؤثره . لازم اضوقك العذاب لاذم اشوف دمعك جرا 🤦🏽♀💃"
انا نفسي اتوجعت من الكلمات دي قبل عمر لقيت خلاص نفسي ح ابكي ، وعمر بيعاين لي وخالتو شهد كمان .. مشيت انا وليالي سلمنا عليها وباركنا ليهم وللعرسان عمر ومحمد جمبها عيانه مديت ل عمر ايدي قلت ليو مبروك وعارفه انو م بصافح قام طوالي سلم علي ابتسمت ليو ب خباثه دي اخر مره حتشوفني فيها وايدك ح تلمس ايدي اخر مره ي ابن عمي .. والعقبال عندك 💙☺️ ..
عمر م نطق ب ولا حرف الحفله رابه والهجيج حاصل بس م عندي نفس ارقص نتونس انا وابوي وسلطان الكان عندو خبره ف مجال اداره الاعمال وخشا ف ابوي سريع قال ليو الشغل الانتو ماشين فيو ده كويس شديد ولو احتجتو دعم انا متوفر سلطان قال ليو م بتقصر والله العرس انتهي والناس اتفرقت وعمتي وبناتها قالو حيجو علينا عشان عرس عمرو .. الفتوغرافي صورني كم صوره مع العروسه لمن عمر فهم حاجه .. خالتو شهد دي بس تستغفر وتشيل وتستغفر .. لحد م خلصنا .. وطلعنا من القاعه ع البيت .. ☺️
عرس عمر خلاص جا الليله حنه العروسه ومشينا انا والبنات وورد ولين وبنات عمتي وايثار ونهاد كلنااااا مشينا متظبطين الناس دي فهمت حاجه رقصووو رقيص العروس ذاتها اتمحنت فيهك وهيييصت معاهممم .. لما رجعنا البيت م لقيت سلطان بقيت بفتش فيهو م لقيتو عمرو وين سلطان قال لي راقد ف غرفتك م تخافي انا وعدتك انا م ح اخليو براو روقي حتي هبطت يوم حنه عمرو دي كان الهجييج زااااتة لبسو الجلاليب هو وابوي وسلطان يسو كدددددي😻😻😻😻😻 سلطان بقا مهيييييص معاهم وبس جمب عمرو وزير العريس .. ف الاخر جا جمبي بقينا نرقص سوا عاد رقاصين بس م برقص قدام الناس انا 💃💃💃💃 قال لي تعالي نتصور رفع تلفونو اخد سيلفي ونذلا ف القروب بتاع الجمعييييه بقو يعلقو علينا وع اللبس ب الذات قلت ليهم انشالله حنعمل يوم ثقافي هنا والناس تهيييييص قالو لي تمام .. وبقيت بسجل ليهم ف الحفله .قام فجأه سلطان ادا لي علبه كده صغنتوته جمب امي قال لي كل سنه وانتي طيبه قلت ليو هييي يااااخ انت اي لوف يوووو وضميتو قدام اهلي زاتم امي قالت لي كل سنه وانتي طيبه حبيبه ماما م ناسيييينك بس الحنه اخدت ذمنناااا .. مششا عمرو ب المايكروفون قال :
زي اليوم ده من 20 سنه اتولدت اختي الصغنتوته الانا بريدا شديد الدكتوره شهد حبيبتي وحبيبه الكل كل سنه وانتي طيبه كل سنه وانتي امل لكتير من الناس وكل سنه وانتي رافعه راسي كده قدام الناس وكل سنه وانتي مظبطه لي اخوك امورو الناس بقت تضحك كل سنه ي شهد وانتي بخير وعسي ربنا يديم صحتك وعافيتك وم اشوف حذن تاني ف عيونك بحبك ي اختي ..💙 تاني سكتوني عاد بقيت ببكي .ليالي وقفت : اختنا وحقتنا الزوله دي م قضينا معاها وقت طويل من دراسه ل جامعه ل زواج ل مبادرات وجمعيات ومستشفيات انا فخوره اني اختك وفخوره بيكي ذايما وابدا والله يوفقك وكل سنه وانتي القريبه لقلبي 😍💙
وعاد ادوني الهدايا وانا من الفرحه طايره .. قام عمرو نادي ل سلطان هنا عمو وابوي بقو يعاينو لبعض عمو ب اي طريقه دايرني ارجع ل عمر بس م اعتقد 😊 وقف سلطان قال ليو يلا غني : سلطان قال : البيني وبين شهد اكبر من صداقه واخوه بينا رابط قوي شديد
الحاجه الربطتنا من الاول قويه ف انتي فاهمه وانتو فاهمين لان انا م بعرف افسر اكتر انتي #القلب_الازرق 💙 حقنا كلنا ..
قام غني لي اغنيه : غنو لحبيبي وقدموله التهاني ب صوتو الرهيب ده 💙 ف اللحظات دي قادره اتخيل احساس عمر البقا قاعد وبيعاين قلت ل نفسي كفايه عليو كده .. لما الحنه انتهت .. رجعنا البيت وطوالي مشيت اتوضيت وصليت عارفين كل م اقرا قران بحس ب عمر جوا مني صوتو م بيغيب من بالي اتضايقت من نفسي شديد بقيت بقرا قران وكل م اقرا ببكي ذياده طلعت بره لقيت ابوي وعمو قاعدين يتونسو ومعاهم عمتو وخالتو انتصار قام ابوي قال لي كل سنه وانتي طيبه هديتك محفوظه قلت ليو ابوي انا بعد اخلص عاوزه اتخصص بس م ف لندن قال لي وين قلت ليو اميركا .. بليذ قال لي نتفاهم ف الموضوع ده امي قالت لي حتتخصصي شنو قلت ليها ان شالله جراحه اورام .. امي بقت مبسوطه قالت لي تعالي بوسي ماما بوستها وقعدت ع رجول ابوي بقو يتونسو ونضحك كده بس عمر جا داخل تلقائيا هم اتكهربو قعد معانا قال عاوز قهوه .. عمر ده طول حياتة الانا كنت فيها م بيحب القهوه شرباا وهو ساكت قام ابوي سالو ي عمر الماستر كيييف قال ليو المناقشه خلاص بعد كم يوم ابوهو قال ليو جاهز ؟ قال ليو اكيد ي ابوي 😉❤ م تشيل هم قلت ليو ربنا يوفقك ان شالله حتاخدو ب امتياز كمان عاين لي مسافه قال لي ان شالله مشكوره .. م عبرتو تاني قلت ل ابوي حنسافر طوالي صح قال لي ايووا عشان جامعتك قلت ليوو اي احسسن لينا لان عندي مشاغل كتيره عاينت ل عمر قمت كبيت قهوه شلتها ودخلت .. شفتو شايل تلفونو وبيكتب ف حاجه الناريه قامت فيني مشيت شلت اللاب توب حق سلطان وهكرت تلفون عمر لقيتو بيكتب مزكرات ف النوت بتاعتو ع الجوال .. وحاليا بيكتب ف حاجه قلت لحد م ارجع لندن اقعد ب مزاج ..فعلا خليتو جات لي رساله ف جوالي من عمر
شهد سامحتيني ؟!
رديت ليو
سامحتك ، ي ابن عمي💙
قال لي مشكوره ي بنت عمي . .
رسلت ليو : ممكن تقرا لي ؟!
اتصل علي وبدون م يقول شي بدا يقرا لي الله علي الشعور ده قرا لي سوره الملك انا كنت حفظتها من كتر م هو بيقراها لي قبل م انوم هو بيقرا وانا ب هنا راقده ببكي لما خلص قفلت الخط 😢😢😭 ..
#يتبع
