قعدت ف غرفتي رقدت جنب امي قلت لحد م تصحي لقيت نفسي نمت م صحيت الا العصر اول م فتحت لقيتها هي وحبوبه قاعدات حبوبه قالت لي امك عيانه وانتي نايمه النايمه ليها شنو طوالي دموعي نذلت عشره عشره كاني منتظره الهبشه امي قالت ليها خلينا برانا حبوبه حمرت لي غايتوو وبقت تكعوج لي ف خشمها امي قالت لي انا كويسه ذدت ف البكا قالت لي مالك بتبكي م قدرت ارد ليها اخدتني ف حضنها دي اول مره ابكي فيها من سنتين اتفشيت سممح امي شويه بعدت عني قالت لي كده احسن قلت ليها انتي م ذعلانه صح قالت لي انتي الذعلانه وبتكرهينا م احنا قلت ليها انتو انانيين وم بتفكرو فيني ليك ب اولادك الاتنين بس وقمت مرقت من جمبها شلت مفتاحي وطلعت .. ب العربيه والعبايه ف ايدي قعدت جنب البحر وذعلانه ضربت لي لين لقت صوتي م تمام قامت جات لي جنها ركشات تقول مشغلاهم هي ف الخط ف اي لحظه تطلع تلاقي ركشه لما دخلت لي العربيه ولقتني ببكي قالت لي احكي لي حترتاحي ماتخافي محل ثقه .. بقيت بحكي ليها الحاصل لي كلو وانا ببكي فالت لي طيب انتي ليه بتبكي اسي ؟! قلت ليها انا م بكيت من سنتين وم عارفه ليه اتوجعت لما امي ذعلت وبكت واغمي عليها من الذعل بسببي انا ذعلانه من نفسي اكتر قالت لي تعالي نزلنا تحت قعدت وقعدت جمبها شنكلت ايديها ف ايدي قالت لي انتي عارفه انتي شخصيه قويه والضعف ده م بشبهك اي اسره بتحصل فيها مشاكل وحاجات زي دي يمكن بسبب سوء تصرف منهم يعني ي شهد امك دي لو عرفت انهم بعزبوك فكرك كانت حتسكت وانتي شفتي اسي رده فعلها؟! بقيت بحسب فيها ب راسي قلت ليها لا . قالت لي طيب انتي براك شفتي وابتسمت وبقت تضحك لما قالت للناس كلها دي بتي شهد صالح وبقت بتحاكي في امي .. ضحكتني ياه . وقفت ع حيلها وعامله ايدها نظام مايكروفون " ليديز اند جنتل من الان وبعد طول انتظار معانا الموهوبه وذكيه الذكيات جميله الجميلات دكتوره الجيل شهدد صااالح " بقيت بضحك عليها وع طريقتها البتتكلم بيها وشكلها ةهي بتحاكي فيني وانا بقول OMG دي انا م قادره اصدق وووواووو اميزنق " دقيقتين وضربت ورد (فجر ف الامارات لاهلها) ورد قالت لي رايكم شنو ندفن رجولنا ف الطين قلت ليهم ارح .. دفننا رجولنا وبقينا نحاول نوقف ونحنا متسندين علي بعض ونكورك ونضحك ورد قالت يلا بغني ليكم بقت بتغني ف اغنيه : بريدك يا حبيبي بريدك واكتر من ما بتريدني بريدك .. بريدك ي صباح عمري وما برضى البدور ذعلك انا وما برضي البفرق اتنين 💙 جا في بالي القلب الازرق عبدالله .. وانو كان مفروض نتلاقي اليوم وعندنا موعد بس انا نسيت وم مشيت ..ورد ياخ بجد صوتك حلو اعتبري نفسك من اليوم الفنانه بتاعتي قالت لي بي حقو ي دكتوره من اسي مشينا اكلنا اييسكريم وبعدها رجعنا كل وحده علي بيتها 😊
-اسبوع وامي سافرت مؤتمر طبي وخالي واولادو سافرو السعوديه انضغطت شديد ف الجامعه لدرجه ايام انا م بقدر اشوف لا تلفوني لا نت ولا اي حاجه لقيت روحي تلقائيا اختفيت من عالم الهكرز . بس عندي قروش لا بتتحسب ولا بتتعد .. وف يوم لين تعبت في الجامعه اخدناها ع نفس المستشفي اللي فيها عبدالله عملو ليها فحوصاتها طلع دمها ضعيف شديد وفي ملاريا كمان 💔الدكتور قال تبيت لحد بكره لانها محتاجه دربات .. عبدالله م حصل شافني قمت مشيت ليهو ف مكتبو خبطت الباب ودخلت قال لي اتفضلي قلت ليهو انا الدرويشه السمرااء جيت اسلم عليك اولا واعتزر عن اختفائي ثانيا الابتسامه شقت وجهو سلم علي وماعارف يقول شنو عارفين احساس زول يقول ليك انا اصلا حلاتي ولما يشوفك يلاقي توقعاتو كانت ف مكانها دي احلي حاجه قال لي بديت افقد الامل انك حتفتحي نت قريب كده ماحلو منك قلت ليو انت قريت طب وعارف الاوضاع بتكون كيف حاليا انا جبت صحبتي عيانه هنا عاوزاك تتابع حالتها لو ممكن .. لحد م امشي واجي عندي مشرحه .. اها انا بتكلم وهو مركز مع كل كلمه انا بقولا جميييل جمال من قريب ياا الله 😱💙 والعجب النظاره لما لقيت نفسي مبتسمه بدونن سبب .قام قال لي صحبتك دي احلي حاجه حصلت انها مريضه اليوم ابتسمت . قلت ليووو يلا انا امشي لاني اتاخرت ب همس كده قال لي طيب ممكن ممكن يعني تدي لي رقمك ؟؟! قلت ليو هوا ممكن بس زي م الصدفه جابتني هنا حتلاقيني صدفه تاني لان جوالي خربان يلا باي .. وطلعت وانا بقول OMG OMG OMG هولي كراب .. مشيت ل لين لقيتها نامت طلعنا انا وورد ورد ع محاضراتها وانا ع المشرحه .. 😭🌚
م بقدر اخيط ابدا طبعا ودي كانت اكبر مشكله ف بدايه مشوار الطب معاي .. ذهجت ذهج شديد وصلت البيت غيرت ملابسي لبست بنطلون جينز وبلاوز قطنيه هاديه لونها زاتو بصلي نااااعم وسبورت كحلي .. لقيت لين نايمه بس معاها امها واختها قلت ليهم انا حنوم معاها وورد اسي بتجي ف يلا امششو بلييذ،ي خالتو بعد تعب تعيب ومجهودات مني حتي خالتو دي رضت تمشي. جبت معاي شوربه وكوفي كبيت ل لين شويه شوربه وصحيتها علشان تاكل عارفه الملاريا دي كرييهه ب شكل ..حبوبه ادت لي قريب فروت قالت لي
اكليها ليها اكلت حبه من الشوربه وشويه من القريب فروت ورجعت نامت تاني بقيت صاحيه وقاعده جمبها جايبه معاي الااب توب شغلتو وبقيت اقرا سمعت خبطه ف الباب قمت فتحتو لقيت دي دكتوره ومعاها ممرضه جو داخلات شافتها كده وغيرت ليها الدرب جا عبدالله داخل احييينا "صفقت ب الفرحه قلبي لما شخصك طل وحضر "💜 سال الدكتوره ممن حالتها وهي،طلعت وانا فضلت واقفه قال لي م اتوقعتك بعد المشرحه تجي هنا قلت ليو لازم اجي اصلا ماف موضوع الواحد يتعود ع المستشفيات 😂. بدري بدري قعد يضحك قعد معاي شويه بس تاني جاتو مكالمه قال للمتصل انا الليله م مداوم ليلي انتي امشي وانا ببيت مع ابوي امشي بيتك طوالي راجلك م يجي يبرمجك بينا تمام؟! وقفل ..قال لي انا ح امشي وتصبحو بخير قلت ليو تمام .سلام . رجعت اقرا جات لي رساله من مجهول ف الميل مكتوب لي دايرك ف شغل وحنطلع منو انتي مليونيره وانا ملياردير . ده طبعا اسلوب سلطان 😒رديت : اوكيه ي سلطان ي حيوان قال لي م تتكلمي معاي ذعلان منك ذعل شديد قلت ليو انت ف السودان؟ قال لي اي . اقدر اشوفك اسي اديتو عنوان المستشفي جاني بعد نص ساعه .. وبعدها .. ؟!😱😳
يتبع
