شلت منو الالكترونيات قلت ليو ي ابوي بتبالغ ابقي كويس بعدها ارجع ل شغلك ماف ذول ماسك فيك قال لي حاضر ي دكتوره😉 .. اديت ليو الحقنه بعد م خلصت قال لي انتي عارفه ان عمار دخل السجن ب جاي وانا استلمت اهلو حياتم كلها متوقفه علي كل شغلم مسيطر عليهو انا عمار زاتو عايش ف عذاب جوا السجن انا ما ساكت "حسيت صوتو اتخنق" ولا كمان خليت حقك يروح ساي ابدا بس م قلت ليك لانك م اديتيني فرصه ولا عمرك حاولتي تقربي مننا عشان تفهمينا .قلت ليو البهمني كلو اني قدرت ادخلو السجن واهلو يوميا كنا بلعب ب ملفات شركاتم لحد م قدرت انت تتمكن منهمم وترميهم .. برضو م قصرت حاليا ارتاح مافي شي اهم من كده ☺️😁. طلعت من غرفتو ومشيت الهول عاوزه اشوف لي اكل لقيت عمرو ف وشي قال لي لازم نتكلم بقيت واقفه اعاين ليهو ب نظرات حاده قلت ليو انت عارف ان النبي قال : من كان له اختين ف احسن صحبتهما دخل الجنه ؟! عارف ولا لا ؟؟ قال لي م عارف قلت ليو الجنه دي عمرك م حتشوفها بعينك ب ذنبي وتوووشك مشيت من قدامو . ☺️
-عدت فتره والدراسه بدت يوم اتصلت علي ورد بعد السلام قالت لي ي شهد لين امها اتوفت انا بجد شهقت لمن جسمي بقا برجف وبقيت م فاهمه حاجه بقت بتقول لي شهد شهد انتي سامعاني؟ قلت ليها ايوه متي ماتت قالت لي من اسبوع .. انتي جايه متين الجامعه ليها اسبوعين من فاتحه قلت ليها ماعارفه والله حبوبه م بتتحمل سفر حاليا قالت لي خلاص اتواصلي مع العماده عشان م تضيع عليك السنه واقري منازل وتعالي الامتحانات تمام واتصلي ع لين انا ح اقفل اسي شغاله تريننق وممعوطه قلت ليها اوكيه .. جيت اتصل ع لين تلفوني م فيهو شحن مشيت الهول قلت ل امي عاوزه مفتاح العربيه حبوبه قالت لي وين ماشه؟ قلت ليها حبوبه عاوزه اتصل ل صحبتي العملنا ل امها عمليه ماتت حبوبه قامت تولووول وبعليها المره الطيبه الليله ي حليلا الليله ي اولادا وي بناتها اللللللللله ي الله ترحمها امي ادتني تلفونها قالت لي اتصلي مني هاك قلت ليها شكرا شلتو طلعت بره اتصلت اول شي م ردت تاني حاجه ردت لي فجر قالت لي منو معاي قلت ليها شهد سكتت مسافه قالت لي كيفك قلت ليها تمامم البقاء لله ربنا يرحمها وين لين قالت لي تمام اديك ليها لين ردت لي صوتها كان بجد تعبان الله لا يفقدني امي ولا يفجع احد ف اموو اول م سمعت صوتي قالت لي بصوت باكي شهد امي ماتت وااااي ي شهد الناااار مولعه جواااي انتي وين ي شهد تعالي لي 😭😭😭😭😭😭😭😢 انا بقيت ببكي واقول ليها ان شالله ح اجيييك الله يرحمها ويغفر ليها ي لين ادعي ليهاا عارفه ماح اقدر اخفف عنك لكن وانتي بتبكي ادعي ليها هي محتاجه لدعاكم بقينا نبكي سمعت صوت عبدالله بيقول ليها خلاص مو تبكي ي لين الله يهديك يااخ طلعناك عشان تهدي شويه م عارفه ليه حسيت ب حاجه زي كان طعنتي ابره كده ف قلبي لما سمعت صوتو .. وهو ليه مع لين وفجر /! فجر شالت الجوال منها قالت لي شهد هاك عبدالله عاوزك قام من جمبهم وبقا يتكلم معاي قال لي شهد لا اله الا الله قلت ليو محمد رسول الله قال لي جايه متين قلت ليو ابوي عيان م عارفه ح اجي متي قال لي شهد انتي عارفه انتي عملتي فيني شنو ب مشيتك مني دي ؟ لا بتتواصلي معاي ولا عارفك مالك قلت ليو عبدالله بغض النظر عن اي حاجه انا ظروفي كعبه وم كنت بقدر اتواصل لا معاك ولا مع غيرك .. قال لي دي شنو اللهجه الانتي بتتكلمي بيها معاي دي ؟ انا م بشحد فيك انا خايف عليك لانك صحبتي المقربه ع الاقل انا شايف كده . 😁 ع العموم ي ست شهد شكرا لانك خليتيني اسمع صوتك قلت ليهو عبدالله وسكتتا. م عرفت اقول شنو قال لي م تقولي حاجه هسي يلا خلي بالك ع نفسك .. 😢 قبل م يقفل سمعت لين بتقول ليو عبدالله م تمشي خليك معاي شويه .. احساس النارر قامت فيني اناا .. 🔥🔥 ختيت التلفون وبقيت ماشه وجايه جواي ذعل شديد من شنو م عارفه دخلت البيت قلت ل ليالي تعالي نمشي النادي قالت لي ارح والله فكره امي قالت لي معاك قروش قلت ليها لاا قامت ادتني قروش وادت ل ليالي قروش قلت ليها ادي ل راجلك الدوا والحقنه حبوبه قالت لي ي قليله الادب لما الم فيك ح اظعط ليك شعرك العاجبك ده اصبري لي 🌚. ف الشارع ليالي قالت لي مالك يلا ف شنو قلت ليها كويسه ماف شي شفت جوالي بتصل والله احساس ساي عرفت انو سلطان قلت ليو سلطان قال لي عيون السلطان وين انتي قلت ليهو ماشه النادي قال لي ح ابعت ليك عنوان تعالي هناك قلت ليو تمام .. بس معاي ليالي قال لي م انا عارف 🌝 تعالو بسرعه .. قلت ليها.تمشي معاي قالت لي للموت معاكي ي خوه يلا قلت ليها ب النسبه ل انك بقيتي تافهه وشماشيه قالت لي دي وحده جديده اتعرفنا عليها شفته ب شكل غريب😂😂 الفاظها زاتها دسيسه قلت ليها وانا بضحك كعبه قلتي لي يختي .. لما وصلنا المكان الوصفو لينا كان عباره عن مكان فيو اي حاجه اولا ملعب تنس كبيرر ف الهواء الطلق وقدام هناااااك بحررر وفي بيت صغير رهيب رهااابه شديده وهوو قاعد يعمل ف مشاووي .. سلم عليناا لابس قميص سماوي ومفتح الزراير الاخ مفتكر روحوو اجنبي ولا ف فيلم تركي ضحكت عليو ضحك قال لي حيوانه انتي صح ؟ جيت جمبو قلت ليو زرر الزراير دي يلا بطل وهمنه بقا يزرر وهو بيضحك قعدنا وختا الاكل قلت ليو ياخ الواحد محتاج يفصل من فتره للتانيه قال لي حناكل ونقوم نلعب تنس زي ايام البهجه تتزكري قلت ليو ايام بغلبك صح 😂 بقينا ناكل ونضحكك ونتونس شويه والجو بقا حلووو شديد ومقيم قمنا نلعب تنس فرغت الطاقه السلبيه الجواي كلها .. ليالي بتصور فينا فيديوو قالت لي طولت م شفتك وانتي مبسوطه كده قلت ليها دام سلطان هنا لازم اكون مبسوطه ي اختي ي عسل انتي 😊 قالت لي براحه كده الولد ده سكرايه كده ليه ؟ قلت ليها ي بت انتي كلبه ولا شنوو بطلي تفاهه 😂 قالت لي م من نوعي المفضل لكن بعلق ساي ههههااااي وواي من ضحكتها حلوه حلاااه ..
قمت سبحت واخدت لي لفه طويله ف المكان لحد م لقيت روحي ضايعه والدنيا مشت تضلم .. بدا الخوف يتملكني وقمت جاريه م اشوووف الا كلب قريب للكلاب البوليسيه جاري وراي اتفلعت جررري ودموعي ماشه رجولي دي اتجرحت وانا جاريه وصلت ل ظلط لقيت عربيتين واقفين وكلهم اولاد شباب بشربو ف سجاير قلت الليله سجمك ي،شهد وسجم امك الراجياك . الكلب جا وراي هم ركبو العربيات وقعدو جواها الكلب عضاني ف رجلي 😱😱😱😱😡 شتو ف عينو وجريت فتحت باب العربيه الولد جراني وبقا بتسافل م كنت مركزه معاو ع قدر م عاوزه الاقي تلفونو ف الاخر لقيتو فتحت الباب والالم لا يحتمل ابدا .. اتصلت ع سلطان م بيرد اتصلت ع ليالي ردت قلت ليهاا الحقوني ي ليالي خلد سلطان يتتبع التلفون ده ويجي لي تعالو بسرعه ده كلو وانا ببكي اتلفت وراي لقيت ..
#يتبع
