ام البت وابوها قدر ماحاولو معاي ادخل معاهم رفضت لان الوقت بجد كات اتاخر قلت ليها بس خلي بالك انها المره دي وقعت ف ايدي وجات سليمه بس لو لاقدر الله وطلعت براها تاني م معروف البحصل شنو اوكيه ؟! هذت لي راسها ب تمام الاب يحاول معاي طيب اشربي حاجه م ممكن تمشي كده جاب لي قذاذه كوكا كولا شلتها وطلعت لان حبوبه ح تضبحني الليله😄. وانا ف الشارع قلت الصدف دي م اعتقد تكون ساي لكن شنو الله يسترر ..ويتلطف علي . 😍
-خالي واولادو جو السودان عندو بت وولد الاتنين جامعيين البت بتقرا قاردن سيتي والولد الرباط الاتنين طايشين بس عايشين حياتم ب حريتم غير سلمت عليهم تاني م وريتم وشي شهر كامل عدا وانا ابتديت اكون علاقه مع عبدالله بقيت منجذبه للكلام معاهو بيهتم ب ادق التفاصيل مع اني م قاعده احكيها ليهو . بس لحد الان علاقتنا ع الفيس بوك .. لا هوا اتجرأ ياخد رقمي ولا انا حاولت اديو مجال ل كده 😌
-لين وفجر وورد بقو من الشخصيات الثابته ف حياتي من البدايه كنت بقعد معاهم ساي اقضي وقت بس شويه شويه بقو حاجه اساسيه ف يومي،.. اها الليله من الصباح الجامعه قايمه وقاعده ومحاضراتي كتيره شايفه ف اعلان لكل مستويات الطب ف محاضره اليوم مع دكاتره متخصصصين فرصه لا تعوض خلصت محاضرات وماشه ا الباب لين جاتني ب نمره واحد هيي المحاضره دي الا نحضرا قلت ليها لي اربعه يوم م نايمه كويس احضريها انتي م كترتو معاي ساقتني ب الغصب 😏😞 دخلنا قعدنا الناس دي مندمجه ب طريقه غريبه كميه طلبه مبالغه حتي في ناس من بره الجامعه م عارفه ليه حا لي احساس اني ح اشوف عبدالله هنا قعدت ف اقرب حته فيها تكييف وفتحت بيانات قلت ل عبدالله اليوم مشغول شكلوو؟! ردا لي ايووا والله شديد كمان ماش اسي احضر محاضرات تابعه ل وفد طبي عالمي لما اخلص اكلمك اوكيه؟ م رديت ليهو قلت بس دي فرصتي اشوفو وبقيت قاعده تلقائيا مبتسمه زي المانصيحه نسال الله السلامه ورد قالت ليهم م ملاحظين ان الدكتوره شهد دي بتتبسم براها الليله فجر قالت ليهم هي م وريتكم شكلها بفت بتحب من ورانا لكن اقسمبلاي ح نكشفك ي واطيه بقت اضحك عاوزه ارد الدكتور بدا يتكلم . محاضرتم جدا سلسه في كل التخصصات في دكتور كل قسم بيتكلم شويه اندمجا ونسيت موضوع عبدالله بس جو مجموعه ناس داخلين شفتو دخل قعد قدام كمان احيييينا قدام عيوني . لابس بنطلون اسود وتشيرت ابيض ساده 💜ولابس نظارتو الكساره دي سمعت ورد قالت ليهم انتو شايفين شاروخان الجا هسي ده فجر ب سرحان عاينو التشيرت ده زي اللبن وجع . لين طبعا زوله كيوته وما زيهم قالت ليهم عيب الولد خجل وانتو م خجلتو قبلو خلاص انتبهو .. للحظه الناس دي بقت تصفق م فهمت ف شنوو عاينت لقيت امي واقفه قدام لمن راسي وجعني امي الجابها هنا شنو 😱. الدكتور قام قال للناس طبعا ما محتاجه تعريف دكتوره حنان النصري اشهر جراحه مخ واعصاب ف البلد والخارج زاتو .. امي مبتسمه والدكاتره كلهم تحس كده في حاله فخر قربت اقول واقول للناس هييي دي امي م تسحروها 😅😉💜 حسيت اني بجد فخوره بيها . ان بعدها عننا ده خلا الدنيا كلها تكون فخوره بيها بتنقذ الاآف الارواح كل يوم .. بجد الله يحمييكي ي امي . كان م كل الناس شايفاها كويس والشاشات الكبيرع م شغاله . قمت فتحت اللاب وبقيت شغاله بهكر لحد م وصلت نظام القاعه وشغلت كل الشاشات الكل بقا شايفا وسامعها بصوره واضحه جدا .. بقت تسال ف اساله والناس تجاوب فجأه سالت سوال وهي متاكده اني بس انا العارفه اجابتو لانو جوا تخصص علم النفس ولييس الطب نفسو .. رفعت ايدي وقمت جاوبت .قالت لي ممتاذه كالعاده ي شهد وقبل م اقعد قالت ليهم في حال م احد بعرفا احب اعرفكم دي شهد صالح بتي الصغيره .. القاعه كلها بقت بتعاين لي .. ونظرات الاعجاب ف عيونم .. واحد قال من ورا عاد شبه شديد والبصمه واضحه انا عاينت ليوو ب حميره كده وقعدت م عارفه ليه امي عملت كده بس من االيوم داك بقيت مشهوره ف الجامعه .. بعد انتهت المحاضره نزلت وانا بعاين ل عبدالله الكان فاتح مسنجر رسلت ليهو
"انا اراك الان ، الابيض حقاا يليق بك 💙"
طبعا من الطبيعي انو يتلفت بس م عرف جهه .. صحباتو شغلوها لي ي بت ي مشهوره وم شنو .. طلعت من القاعه قلت ليهم المغرب خلاص حيأذن وانت ح جعانه ونعسانه لين قالت لي تعالي نمشي سوا .. وقفت فجأه قلت ليها حابه اشوف امي اول .. بس مشيت لقيتها طلعت . لين وانا مشينا مطعم قعدنا طلبنا اكلنا وبقينا ناكل ب هدوء وهي متواعده مع خطيبها يوسف جا وقعد معانا بس باين عليو من نظراتو انو بتاع بنات وضايع حسيت ان قعدتنا دي م ل خير ابدا .. قمت قلت ليهو معليش بس ممكن تقوم تمشي لين اتهجمت قالت لي بسم الله ي شهد قال ليها م مشكله ي ستي اخدو راحتكم نتلاقي وقت تاني لما لقيتها ذعلت قلت ليها م تذعلي بس انا م بحب اتعامل مع اي شخصيه بتقرب ل صحباتي علشان م اخش ف حتات م لطيفه .. خليكم انا بمشي ..م عارضت وانا م انتظرتها طويل طلعت من المطعم مشيت البيت قبل م اوصل دقيت ل حبوبه قلت ليها جهزي لي اكل جعانه لما دخلت الساعه كانت تسعه .. ف الاكل ف الطربيذه جري ع غرفتي اتدوشتا وغيرت وجيت قعدت اكل جات مره خالي قعدت تتونس معاي قالت لي مالك م بتتشافي قلت ليها والله ي خالتو مشغوله والجامعه حالتي صعبه وهسي دايره انوم واقوم اقرا قالت لي اي حال الطب امك زاتها كده م بتتشاف. قلت ليها يب يب .. اختصرتهاا وقمت لميت العده وطويل ع غرفتي ورقدت نمت
لما صحيت بليل كده عشان اقرا طلعت الهول عطشانه شفت زول راقد ف الكنبه لما قربت اتضح ان دي امي مشيت شربت وشلت لي بيبسي وعملت قهوه ف سيرمس وشلتها وديتها غرفتي بس قلبي اكلني قلت كيف انا قاسيه كده امي تعبانه وطوال النهار واقفه تشتغل م لاقيه مكان تنوم فيهو الساعه اتنين ونص كانت قمت مشيت صحيتهاا اتخلعت لما شافتني قلت ليها تعالي نومي ف غرفتي .. جات معاي وانا شلت حاجاتها دخلتها مشيت غرفه حبوبه جبت ليها غيار وجيت شالتو ومشت اتدوشت وانا فتحت اللابتوب وقعدت عاوزه اقرا . بس لقيت رسايل من عبدالله قال لي شهد انا ععوز اشوفك فيس تو فيس وياريت ب اقرب فرصه . قلت ليو اوكيه .. رد لي بكره مناسب ؟! قلت ليو تمام نتلاقي في جلابينو قال لي ظابط نتغدا سوا .. 😍. امي جات راجعه قالت لي وهي مبتسمه ف زول عاقل وبقرا طب يشرب بارد وبعدو كوفي؟! قلت ليها م هو انا م ح انوم تاني وبحب القهوه ونفسي ف بارد انتي بس نومي وماتركزي مع الحاجات دي ده روتيني من زمان طوالي سكتت وبقت بتعاين لي بنظره انكسار كده قالت لي بما اننا الليله هنا ف انا حابه اعرف سبب زعلك مني شنو؟! قلت ليها ي امي م وقتو قالت لي لا وقتو ونص جابت كرسي وقعدت جمبي وبقت عيوني ف عيونها والحاجه دي غلط مني اني اعاين لامي ف وشها بس كاني سنين م شفتها غريبه عني، دنقرت راسي قلت ليها لما انا اتصلت عليك من الاصلاحيه وقلت ليك تعالي لي اول مره قلتي لي انا م فاضيه اتصلي لابوك اتصلت لابوي قفل ف وشي قال لي بتضيعي ف ذمني لما قلت ليك بيعذبوني م صدقتيني قالت لي انتي منتعتي الذياره قلت ليها انا يوميا كان بضربو لي دماغي ب الكهربا بدو لي حقن هلوسه " ب اسمها قلتو ليها" مخليني دايما مخي م كويس ليه ؟ عشان يقولو علي مجنونه وعملت كده قاصده بيضربوني اتربطت ف عمود والولد نفسة كان بيرقص وبيضرب فيني جسمي كلو علامات لو م مصدقاني لسه ووريتها ف ضهري وايديا حتي رقبتي فيها عضلات بطني وتحت ف الفخذين وتحت ف رجولي امي دي لمن ملامحها اتغيرت . وقفت علي حيلها وفجاه اغمي عليها بقيت بقول لنفسي ي ريت م قلت ليها كده .. حاولت انعشها واقومها كبيت فيها مويه بارده وصحصحتها بقت بتبكي بطريقه غريبه وضاماني عليها شديد وبتحلف انها م حتخليهم اديتها حقنه مهدئه وخليتها تنووم .. خفت عليها شديد بقيت بس قاعده جمبها براقب حرارتها ونبضها كل شويه 😭 لحد م اصبح الصباح هي كده لدرجه راسها برتعش وهي نايمه .. قمت مشيت شربت لي قهوه لقيت تلفون امي بضرب كان ده عمرو رديت قال الو ي امي صباح الخير قلت ليهو امي نايمه قال لي شهد قلت ليو خير ف حاجه ؟! قال لي كيفك انتي رديت ليو تمام عاوز امك اصحيها ليك قال لي ليه بتتكلمي كده قفلت الخط ف وشو بلا عباطه من الصباح 😒.
يتبع
